Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետարանի ֆուտզալի թիմը ենթախմբում տոնեց իր առաջին հաղթանակը 24.04.2019
Ապրիլի 23-ին Գեղարքունիքի մարզպետարանի ֆուտզալի թիմը ,,Քյավառ,,հեռուստաընկերության թիմի հետ ունեցած խաղում 11:9 հաշվով հաղթանակ գրանցեց: Ֆուտբոլային խաղին մասնակցեց նաև Գեղարքունիքի մարզպետ Գնել Սանոսյանը: Այժմ ենթախմբում առաջին տեղը զբաղեցնում է Սեւանի քաղաքապետարանի թիմը, որը երկրորդ տուրում պարտության է մատնել ՀՀ ազգային անվտանգության ծառայության Գեղարքունիքի մարզային ստորաբաժանման թիմին եւ իր հաշվին գրանցել 6 միավոր: Գեղարքունիքի մարզպետարանի թիմն այս հաղթանակից հետո հավաքել է 3 միավոր ու զբաղեցնում է երկրորդ հորիզոնականը: Ապրիլի 29-ին Գեղարքունիքի մարզպետարանի թիմը կմրցի ՀՀ ԱԱԾ Գեղարքունիքի մարզային ստորաբաժանման, Սեւանի քաղաքապետարանի թիմը՝ ,,Քյավառ,, հեռուստաընկերության թիմի հետ:
Վարչապետը խորհրդակցություն է անցկացրել մարզպետների հետ 23.04.2019
Վարչապետ Նիկոլ Փաշինյանի մոտ տեղի է ունեցել խորհրդակցություն, որին մասնակցել են փոխվարչապետ Տիգրան Ավինյանը, Տարածքային կառավարման և զարգացման նախարար Սուրեն Պապիկյանը և մարզպետները: Խորհրդակցության ընթացքում քննարկվել են գարնան գյուղատնտեսական նախապատաստական աշխատանքների ընթացքին, առկա խնդիրներին և դրանց լուծման հնարավորություններին վերաբերող հարցեր: Անդրադարձ է կատարվել մարզերում տարբեր ոլորտներում այս տարի նախատեսվող ծրագրերին: Մարզպետները զեկուցել են ենթակառուցվածքների զարգացման, կառավարության և համայնքների համագործակցությամբ իրականացվող տարբեր սուբվենցիոն ծրագրերի ընթացքի մասին: Քննարկվել են նաև մարզպետարանների գործունեության արդյունավետության բարձրացմանն առնչվող այլ հարցեր: Վարչապետ Փաշինյանը մարզպետներին տվել է հանձնարարականներ՝ վերը նշված ուղղություններով ծրագրերն արդյունավետ կյանքի կոչելու նպատակով: Աղբյուրը՝ ՀՀ վարչապետի պաշտոնական կայք:
Հանդիպում Հայաստանի Հանրապետության կառավարական պատվիրակության հետ 23.04.2019
Արցախի Հանրապետության Նախագահ Բակո Սահակյանն ապրիլի 20-ին ընդունել է Հայաստանի Հանրապետության կառավարական պատվիրակությանը, որի կազմում էին պաշտպանության նախարար Դավիթ Տոնոյանը, տարածքային կառավարման եւ զարգացման նախարար Սուրեն Պապիկյանը, Երեւանի քաղաքապետ Հայկ Մարությանը, ՀՀ մարզպետները, պաշտոնատար այլ անձինք: Քննարկվել է երկու հայկական հանրապետությունների, վարչական միավորումների միջեւ համագործակցությանն առնչվող հարցերի լայն շրջանակ: Երկուստեք կարեւորվել է Հայաստան-Արցախ կապերի հետագա ընդլայնումն ու խորացումը եւ այս ուղղությամբ նոր ռազմավարական ծրագրերի մշակումն ու իրականացումը: Հանդիպմանը մասնակցում էին պետնախարար Գրիգորի Մարտիրոսյանը, բարձրաստիճան այլ պաշտոնյաներ: Աղբյուրը՝ Արցախի Հանրապետության Նախագահի պաշտոնական կայք:
Աշխատանքային այց 23.04.2019
Հայկական երկու հանրապետությունների պաշտպանության ոլորտում առկա համագործակցության ծրագրի շրջանակում ապրիլի 19-ին Արցախ են ժամանել ՀՀ պաշտպանության նախարար Դավիթ Տոնոյանը, տարածքային կառավարման և զարգացման նախարար Սուրեն Պապիկյանը, Երևանի քաղաքապետը, ՀՀ մարզպետները, պաշտպանության նախարարության և ԶՈՒ ԳՇ ներկայացուցիչներ: Այցի ընթացքում հայկական երկու հանրապետությունների միջև քաղաքացիական համակարգի պատրաստության և պաշտպանության ոլորտում փորձի փոխանակման ու փոխգործողությունների արդյունավետության բարձրացման շրջանակում ապրիլի 20-ին բանակի շտաբում տեղի են ունեցել հավաք-պարապմունքներ: Այնուհետև կազմակերպվել է այց բանակի խորացված հրամանատարական կետ, որտեղ ԱՀ ՊՆ, գեներալ-մայոր Կարեն Աբրահամյանը ներկայացրել է հակառակորդի հավանական գործողությունների բնույթն ու դրանց համարժեք արձագանքելու առավել արդյունավետ տարբերակները: Այցի ընթացքում հայկական երկու...
ՀԱՅՏԱՐԱՐՈՒԹՅՈՒՆ «ԳԱՍՏՐՈ ԲԱԿ» ՆԱԽԱԳԾԻ ՀԱՄԱՖԻՆԱՆՍԱՎՈՐՄԱՆ ՄՐՑՈՒՅԹԻ ՎԵՐԱԲԵՐՅԱԼ 22.04.2019
Տեղեկացնում ենք, որ ՄԱԶԾ «Ինտեգրված գյուղական զբոսաշրջության զարգացում» ծրագիրը (ՄԱԶԾ ԻԳԶԶ) հայտարարում է գյուղական համայնքներում «Գաստրո բակ» նախագծի իրականացման մրցույթ՝ համաֆինանսավորման սկզբունքով, որը տրամադրվելու է գինեգործական սարքավորումների, նախագծային և նախահաշվային աշխատանքների, շինանյութի և գույքի, մասնագիտական խորհրդատվության ձեռք բերման նպատակով: «Գաստրո բակ» նախագծի նպատակն է նպաստել գյուղական համայնքներում զբոսաշրջության ծառայությունների դիվերսիֆիկացմանը, զարգացմանը և խթանմանը: Այն ստեղծում է բազային զբոսաշրջային ծառայություններ՝ հիմնվելով գյուղական սեփական տնային տնտեսությունների վրա: «Գաստրո բակ» նախագիծը ներառում է հետևյալ համալիր ծառայությունները՝ ավանդական սննդի տրամադրում, տնական գինեգործություն և արհեստագործություն:«Ինտեգրված գյուղական զբոսաշրջության զարգացում» ծրագիրը ֆինանսավորվում է Ռուսաստանի Դաշնության կողմից և իրականացվում ՄԱԿ-ի զարգացման ծրագրի կողմից՝ ՀՀ տարածքային կառավարման և զարգացման նախարարության հետ համատեղ...
Գեղարքունիքի մարզում ընթանում է ֆուտզալի մարզային առաջնությունը 22.04.2019
Գեղարքունիքի մարզպետի 2019 թվականի համապատասխան որոշմամբ Գեղարքունիքի մարզում մեկնարկեց ֆուտզալի մարզային առաջնությունը, որի նպատակն է` նպաստել մարզի համայնքներում մարզաձևի մասսայականացմանը, խթանել երիտասարդների շրջանում առողջ ապրելակերպի արմատավորմանը, ֆիզիկական պատրաստաստվածությանը: Ֆուտզալի խաղերը մարզում մեկնարկեցին ապրիլի 10-ին, Գավառ քաղաքի մանկապատանեկան մարզադպրոցում: Առաջնությանը հայտագրվել է 12 թիմ, որոնք վիճակահանությամբ բաժանվել են երեք ենթախմբի՝ յուրաքանչյուր թիմում ընդգրկվելով 4 թիմ: Հայտագրվել են ՀՀ Գեղարքունիքի մարզպետարանի, Գեղարքունիքի մարզի 5 քաղաքային համայնքների, ՀՀ ոստիկանության մարզային վարչության, մարզային փրկարար ծառայության, մարզային քննչական վարչության, բանակային կորպուսի, ազգային անվտանգության մարզային ծառայության թիմերը: Ֆուտզալի առաջնությունն անցկացվում է մեկ փուլով և երկու խաղակեսով: Յուրաքանչյուր խաղակեսի տևողությունը 20 րոպե է ,10 րոպե ընդմիջումով: Խաղերը ենթախմբերի միջև ընթանում են շրջանաձև եղանակով: Ենթախմբում առաջին տեղը գրաված թիմեր
