Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետը շնորհավորեց մարզի վոլեյբոլի հավաքականի թիմին 11.07.2017
Հուլիսի 11-ին Գեղարքունիքի մարզպետ Կարեն Բոթոյանն ընդունեց Գեղարքունիքի մարզային մարզադպրոցի վոլեյբոլի հավաքականի թիմին՝ ՀՀ Անկախության 26-րդ տարեդարձի առթիվ դպրոցականների հանրապետական 26-րդ մարզական խաղերի մրցումներում վոլեյբոլ մարզաձևում երրորդ մրցանակային տեղ գրավելու առիթով: Կարեն Բոթոյանը շնորհավորեց թիմի մարզիկներին և մարզիչներին` ձեռք բերած հաղթանակի համար, մաղթելով նրանց նորանոր հաղթանակներ տարբեր մրցաշարերում: Զրույցի ընթացքում մարզի ղեկավարը հորդորեց թիմի անդամներին` ակտիվ մասնակցություն ցուցաբերել բոլոր նմանատիպ մրցաշարերում և խոստացավ իր լիազորությունների շրջանակներում աջակցել թիմին, եթե դրա անհրաժեշտությունը զգացվի: Գեղարքունիքի մարզի վոլեյբոլի հավաքականի թիմին, հաղթանակի առիթով հանձնված գավաթը և դիպլոմը, թիմի մարզիչների ...
Գեղարքունիքի մարզպետն աշխատանքային այցով եղավ Մարտունի քաղաքում 11.07.2017
Այսօր՝ հուլիսի 11-ին, Գեղարքունիքի մարզպետ Կարեն Բոթոյանն աշխատանքային շրջայցով Մարտունի համայնքում էր։ Մարզպետը, Մարտունու համայնքի ղեկավար Արմեն Ավետիսյանի ուղեկցությամբ, նախ այցելեց համայնքի միջոցներով բացված հանրային լողափ, տեղում ծանոթացավ հուլիսի 22-ին այստեղ կայանալիք վարդավառի արարողությանը նվիրված տոնակատարության նախապատրաստական և կազմակերպչական աշխատանքներին։ Կարեն Բոթոյանը նշեց, որ միջոցառումը պետք է անցկացվի բարձր մակարդակով և նոր ձևաչափով, այն դարձնելով ամենամյա։ Մարզպետը հավելեց նաև, որ նման կարգի միջոցառումը կարող է դառնալ ազգային մշակույթի մասսայականացման համար լուրջ հարթակ, որի արդյունքում տարածաշրջանը ավելի գրավիչ կդառնա զբոսաշրջիկների համար: Այնուհետ Մարտունու քաղաքապետարանում, տարածաշրջանի համայնքների ղեկավարների մասնակցությամբ...
Մարզի դպրոցականները հանգստանում են ,,Հասմիկ,, ճամբարում 07.07.2017
Համաձայն ՀՀ կառավարության ,,Դպրոցականների ամառային հանգստի կազմակերպման,, նպատակով կայացրած համապատասխան որոշման, այս տարի ևս Հանքավանի ,,Հասմիկ,, ճամբարում կազմակերպվում է զոհված, հաշմանդամ դարձած զինծառայողների, ծնողազուրկ և սակավ ապահովված բազմազավակ ընտանիքների` 7-13 տարեկան երեխաների ամառային հանգիստը: Ճամբարն իրականացվում է 3 հերթափոխով, 20-ական օրով: Դպրոցականները ցուցակներում ընդգրկվում են համայնքապետարանների կողմից Գեղարքունիքի մարզպետարանի աշխատակազմի առողջապահության և սոցիալական ապահովության վարչություն ներկայացրած տեղեկանքների հիման վրա: Առաջին հերթափոխում, հունիսի 19-ից հուլիսի 7-ն ընկած ժամանակահատվածում, Գեղարքունիքի մարզից հանգստի մեկնեց նախատեսված չափորոշիչները բավարարող` 96 երեխա: Վաղը՝ հուլիսի 8-ից մինչեւ հուլիսի 27-ը մարզից Ճամբար...
Մարզպետ Կարեն Բոթոյանն աշխատանքային այց կատարեց Սևանի տարածաշրջան 06.07.2017
Հուլիսի 6 ին Գեղարքունիքի մարզպետ Կարեն Բոթոյանն աշխատանքային այց կատարեց Սևանի տարածաշրջան։ Մարզպետի առաջին կանգառը Սևան քաղաքի Նորիկ Դագարյանի անվան մարզադպրոցն էր, որտեղ ընթանում էր ծանրամարտի մարզային առաջնությունը։ Առաջնությանը մասնակցում էին Գավառ, Սևան, Մարտունի քաղաքների, ինչպես նաև Հայրավանք ու Վերին Գետաշեն համայնքների մարզադպրոցների սաները։ Դիմելով մարզիկներին՝ մարզպետը նշեց, որ մարզի զարգացմանը զուգահեռ պետք է ավելի մեծ ուշադրություն դարձնել մշակույթին և սպորտին, հավելելով, որ պետությունն այս ոլորտների զարգացման համար ունի համապատասխան ծրագրեր։ Մարզպետը հույս հայտնեց, որ տարբեր մարզաձևերում Գեղարքունիքը ներկայացնող մարզիկները հանրապետական ու միջազգային տարբեր մրցաշարերում կշարունակեն մրցանակներ նվաճելու ավանդույթները:
Ամփոփվեցին ծանրամարտի մարզային առաջնության արդյունքները 06.07.2017
Գեղարքունիքի մարզպետի համապատասխան կարգադրությամբ՝ հուլիսի 6-ին Սևան քաղաքի Ն.Դագարյանի անվան մարզադպրոցում տեղի ունեցած պատանիների ծանրամարտի մարզային առաջնությունում հաղթող է ճանաչվել Սեւանի մարզադպրոցի թիմը, որը թիմային հաշվարկով նվաճել է 7 ոսկե մեդալ: Մրցանակային երկրորդ տեղը գրավել է Մարտունու ծանրամարտի թիմը՝ նվաճելով 5 ոսկե մեդալ: Երրորդ տեղը գրավել է Գավառի մարզադպրոցի թիմը՝ երկու առաջին կարգի մրցանակի արժանանալով:Հաղթողներին հանձնվել են մեդալներ եւ Գեղարքունիքի մարզպետի կողմից շնորհվել հավաստագրեր: Մարզիչները մարզպետի կողմից ստացել են նաեւ հուշանվերներ: Առաջնությունում հաղթող ծանրամարտիկներից ձեւավորվել է Գեղարքունիքի մարզի ծանրամարտի հավաքականը, որը առաջիկայում մասնակցելու է ծանրամարտի հանրապետական առաջնությանը:
ՀՀ Գեղարքունիքի մարզպետ Կարեն Բոթոյանի շնորհավորանքի խոսքը ՀՀ Սահմանադրության օրվա առթիվ 05.07.2017
Հարգելի հայրենակիցներ: Հայաստանի Հանրապետության Սահմանադրությունը, որը 1995 թվականին ընդունվեց համաժողովրդական հանրաքվեի արդյունքում, հիմնովին ծառայեց իր նպատակին՝ նպաստելով ժողովրդավարական, իրավական ու ինքնիշխան Հայաստանի կերտմանը, զարգացմանն ու պաշտպանունակության ամրապնդմանը, մեր երկիրը զերծ պահելով ներքին ու արտաքին սպառնալիքներից: Շնորհավորում եմ ձեզ Հայաստանի Հանրապետության Սահմանադրության օրվա առթիվ, ցանկանում խաղաղ ու ստեղծագործ աշխատանքով շնչող հայրենիք, անսպառ երջանկություն, քաջ առողջություն ու նորանոր հաջողություներ, ամենայն սեր ու բարիք, համահայկական նպատակների իրագործում: Ջերմ բարեմաղթանքներով՝ Գեղարքունիքի մարզպետ Կարեն Բոթոյան
