Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետն ընդունեց ԱՄՆ «Փարոս» հիմնադրամի ներկայացուցիչներին 18.09.2020
Սեպտեմբերի 17-ին Գեղարքունիքի մարզպետ Գնել Սանոսյանն ընդունեց ԱՄՆ «Փարոս» հիմնադրամի ներկայացուցիչներ Սեւան Ամիրյանցին, Արմեն Սիմոնյանին, Սոս Սուքիասյանին, Գեղամ Մինասյանին: Հանդիպման ընթացքում կողմերը քննարկեցին Դրախտիկի միջնակարգ դպրոցի մի մասնաշենքի հիմնանորոգման խնդիրը: ԱՄՆ «Փարոս» հիմնադրամի ներկայացուցիչները նշեցին, որ իրենք ցանկություն ունեն՝ բարերարների միջոցներով որոշակի ներդրումներ կատարելու Դրախտիկի դպրոցի հիմանորոգման համար, սակայն դրանից առաջ պետք է հստակեցնեն շինարարության նախագծանախահաշվային արժեքը: Գնել Սանոսյանը, ողջունելով հիմնադրամի ներկայացուցիչների նախաձեռնությունը, նշեց, որ առաջիկայում մարզպետարանի կողմից կներկայացվի Դրախտիկի դպրոցի մեկ մասնաշենքի հիմնանորոգման աշխատանքների գնահատումը, որից հետո կողմերը կարող են մտածել համապատասխան ֆինանսական միջոցներ գտնելու մասին: «Դրախտիկի դպրոցից բացի, մարզի շատ համայնքների դպրոցներ կան, որոնք հիմնանորոգման խիստ կարիք ունեն: Ուրախ ենք, որ ձեր ընտրությունը կանգ է առել Դրախտիկի դպրոցի վրա։ Մենք պատրաստակամ ենք՝ մեր բաժին աջակցությունը ցուցաբերելու եւ պահանջվող ներդրումը կատարելու»,-հավաստեց մարզպետը:
Գեղարքունիքում մեկնարկում է «Գետերի ափամերձ տարածքների պաշտպանության ծրագիր»-ը 17.09.2020
Գեղարքունիքի մարզում սեպտեմբերի երրորդ տասնօրյակից ՀՀ կառավարության կողմից իրականացվող համավարակի դեմ պայքարի միջոցառումների շրջանակներում մեկնարկում է «Գետերի ափամերձ տարածքների պաշտպանության ծրագիր»-ը, որն իր մեջ ներառում է գետերի ափամերձ տարածքներում ուռենու կտրոնների, առանձին ծառատեսակների տնկիների տնկման եւ աղբահավաքման ու աղբահեռացման աշխատանքներ: Ծրագրի մեկնարկից առաջ, սեպտեմբերի 16-ին, Գեղարքունիքի մարզպետ Գնել Սանոսյանն ընդունեց ծրագիրն իրկանացնող Գերմանիայի միջազգային համագործակցության ընկերության (ԳՄՀԸ) կողմից իրականացվող ECOserve բնապահպանական ծրագրի և «Էյ Թի ՓԻ» կազմակերպության ներկայացուցիչներին, ինչպես նաեւ Հայաստանի Ամերիկյան Համալսարանի Յակոբեան բնապահպանական կենտրոնի փորձագետներին: Ինչպես ներկայացրեցին վերոնշյալ կազմակերպությունների ներկայացուցիչները...
Սեպտեմբերի 16-ին Գեղարքունիքի մարզպետարանում համագործակցության հուշագիր ստորագրեցին Գեղարքունիքի մարզպետ Գնել Սանոսյանը եւ «Երեւանում Մոսկվայի տուն» կրթամշակութային կենտրոնի տնօրեն Վահրամ Կարապետյանը: Ինչպես ներկայացված է հուշագրի տեքստում, այն նպաստելու է հայ-ռուսական պատմամշակութային արժեքների պահպանությանն ու հանրահռչակմանը, կրթական ծրագրերի իրականացմանը:Հուշագրի ստորագրումից հետո Գեղարքունիքի մարզպետ Գնել Սանոսյանը նշեց, որ համագործակցությունը երկու կողմերի համար էլ սպասված էր ու կարեւոր: «Գեղարքունիքի մարզը բազմաթիվ ոլորտներում շատ ամուր կապված է Ռուսաստանի Դաշնության հետ: Այնտեղ են ապրում եւ աշխատում մեր մարզի տասնյակ հազարավոր բնակիչներ, ովքեր գործուներություն են ծավալում պետական կառույցներում, շինարարության, արդյունաբերության ու գյուղատնտեսության մեջ, կրթամշակութային ու առողջապահական հիմնարկներում...
Գեղարքունիքի մարզպետը Չկալովկայում դիտարկեց ճանապարհաշինական աշխատանքների ընթացքը 14.09.2020
Սեպտեմբերի 14-ին Գեղարքունիքի մարզպետ Գնել Սանոսյանն աշխատանքային այց կատարեց Չկալովկա համայնք՝ դիտարկելու ՀՀ կառավարության կողմից իրականացվող սուբվենցիոն ծրագրի ընթացքը, որի շրջանակներում հիմնանորոգվում է գյուղի կենտրոնական ճանապարհը եւ հրապարակը: Ծրագրի պայմանագրային արժեքը կազմում է շուրջ 97 միլիոն դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Չկալովկայի համայնքապետարանը: Ծրագրով նախատեսվում է ասֆալտապատել թիվ 1,2,4 փողոցները եւ հրապարակը: Հիմնանորոգումն իրականացվում է շուրջ 1 կիլոմետր 700 մետր երկարությամբ եւ 12 հազար քառակուսի մետր մակերեսով: Շինարարական աշխատանքները մեկնարկել են մի քանի օր առաջ եւ ավարտի կհասցվեն այս տարվա ընթացքում: Արդեն կիսով չափ ավարտել են ասֆալտբետոնյա հին շերտի ֆրեզման աշխատանքները եւ հանված հումքով հարթեցվել ու բարեկարգվել են գյուղի գերեզմանոց տանող ճանապարհը եւ երկրորդական փողոցների ճանապարհահատվածներ....
Գեղարքունիքի մարզպետը այցելեց և շնորհավորեց առաջին դասարանցիներին 14.09.2020
Սեպտեմբերի 14-ին, նոր ուսումնական տարվա մեկնարկի առիթով Գեղարքունիքի մարզպետ Գնել Սանոսյանը շնորհավորեց Գեղարքունիքի մարզի հանրակրթական դպրոցներ հաճախող բոլոր առաջին դասարանցիներին, հղելով նրանց իր բարեմաղթանքի խոսքերը։ Օրվա առթիվ մարզպետն այցելեց նաև Չկալովկայի միջնակարգ դպրոց: Գնել Սանոսյանը ծանոթացավ այս ամռան ընթացքում դպրոցական շենքի առաջին հարկում իրականացված հիմնանորոգման աշխատանքներին: Ինչպես ներկայացրեց Չկալովկայի միջնակարգ դպրոցի տնօրեն Նաիրա Միրաքյանը, Գեղարքունիքի մարզպետարանի եւ Չկալովկայի համայնքապետարանի տրամադրած միջոցների հաշվին հիմնանորոգվել է առաջին հարկի միջանցքը, փոխվել են դասասենյակների դռները, կառուցվել է սանհանգույց: ՄԱԿ-ի ,,Սնունդ,, ծրագրի շրջանակներում եւ գյուղապետարանի աջակցությամբ հիմնանորոգվել է նաեւ ճաշարանը: Դպրոցի հաջողությունների շարքում տնօրենը կարեւորեց աշակերտների թվի ավելացումը այս ուսումնական տարում: Նախորդ ուսումնական տարում դպրոցը տվել է 6 շրջանավարտ՝ այս տարի ընդունելով ինն առաջին դասարանցիների...
Սեպտեմբերի 10-ին Գեղարքունիքի մարզպետ Գնել Սանոսյանը Շողակաթ համայնքում այցելեց Դրախտիկ, Շողակաթ, Արտանիշ եւ Ջիլ գյուղերի շինհրապարակներ, որտեղ ՀՀ կառավարության կողմից իրականացվող սուբվենցիոն ծրագրերի շրջանակներում ընցաթքի մեջ կամ ավարտական փուլում են գտնվում շինարարական աշխատանքները: Համայնքում իրականացվող սուբվենցիոն վեց ծրագրերից այս պահի դրությամբ ավարտական փուլում է գտնվում Դրախտիկ, Աղբերք եւ Ջիլ գյուղերի խմելու ջրատարի արտաքին ու ներքին ցանցերի կառուցման ծրագիրը՝ 5500 գծամետր երկարությամբ: Ծրագրի պայմանագրային արժեքը կազմել է 40 միլիոն դրամ, որի 70 տոկոսը հատկացրել է ՀՀ կառավարությունը, 30 տոկոսը՝ Շողակաթի համայնքապետարանը: Այս ծրագրի իրականացման արդյունքում երեք բնակավայրերում էլ հիմնովին կարգավորվել է ջրամատակարարման խնդիրը, որն առկա է եղել տասնամյակների ընթացքում: Օգոստոս ամսից սուբվենցիոն ծրագրերի շրջանակներում մեկնարկել եւ ընթանում են Շողակաթի արեւային ֆոտովոլտային կայանի, Շողակաթի պուրակ-զբոսայգու, Աղբերքի համայնքային կենտրոնի, Դրախտիկ, Շողակաթ, Աղբերք, Արտանիշ, Ջիլ...
