Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ծաղկունքում կավարտվի հանդիսությունների սրահի հիմնման ծրագիրը 17.07.2020
Գեղարքունիքի մարզի Ծաղկունք համայնքում ՀՀ կառավարության կողմից իրականացվող սուբվենցիոն ծրագրերի շրջանակներում այս տարվա ընթացքում կավարտվի հանդիսությունների սրահի հիմնման ծրագիրը, որը սկսվել էր 2018 թվականից: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տվյալներով՝ Ծաղկունքի հանդիսությունների սրահի հիմնման ծրագրի ավարտական փուլի նախնական ընդհանուր արժեքը կազմում է 9 միլիոն 500 հազար դրամ, որից 3 միլիոն դրամը հատկացնում է ՀՀ կառավարությունը, 3 միլիոն 178 հազար դրամը՝ համայնքի բարերարը, 3 միլիոն 332 հազար դրամը՝ Ծաղկունքի համայնքապետարանը: Համայնքի ղեկավար Պետիկ Աղաջանյանի հավաստմամբ՝ շինարարական մրցույթում մասնակցության հայտերի բացակայության պատճառով այն հայտարարվել է երկրորդ անգամ: «Ծրագրի առաջին փուլով, դարձյալ սուբվենցիոն ծրագրի շրջանակներում, մանկապարտեզի շենքի ազատ մասնաշենքերից մեկում, որը վերածվում է հանդիսությունների սրահի, կատարվել են հիմքերի ամրացման, դռների եւ լուսամուտների տեղադրման, արտաքին հարդարման եւ այլ կարգի աշխատանքներ: ...
Սևանա լճի՝ Կարճաղբյուրի հատվածից բաց թողնվեց 322 հազար հատ մանրաձուկ 17.07.2020
Հուլիսի 17-ին «Սեւանի իշխան» ՓԲԸ Կարճաղբյուրի ձկնաբուծական գործարանից Սեւանա լիճ թափվող Կարճաղբյուր եւ Մասրիկ գետեր բաց թողնվող «Սեւանի իշխանի » Գեղարքունի տեսակի 322 հազար հատ մանրաձուկ՝ 1,5-ից 3 գրամ միջին քաշով։ Մանրաձուկը բաց թողնվեց ՀՀ շրջակա միջավայրի նախարարության համապատասխան հանձնաժովի, ՀՀ շրջակա միջավայրի նախարարի տեղակալ Վարդան Մելիքյանի, Գեղարքունիքի մարզպետարանի գյուղատնտեսության եւ բնապահպանության վարչության պետ Համբարձում Համբարձումյանի, ՀՀ ԳԱԱ հիդրոէկոլոգիայի եւ ձկնաբուծության ինստիտուտի, հասարակական կազմակերպությունների մասնակցությամբ։ Միջոցառումից առաջ գործարանում ՀՀ շրջակա միջավայրի նախարարի տեղակալ Վարդան Մելիքյանի ղեկավարությամբ քննարկում կազմակերպվեց Սեւանա լճում արդյունագործական ձկնորսության նոր կարգի ներդրման առանցքային հարցերի շուրջ ։«Նոր կարգի ներդրմամբ մենք պետք է նվազագույնի հասցնենք ապօրինի ձկնորսության դեպքերը Սեւանա լճում, օրինականության դաշտ բերենք արդյունագործական ձկնորսությունը Սեւանա լճում։ Չեմ ասում, թե ՀՀ կառավարության կողմից ...
Ծովինարում ավարտվում է լուսավորության ցանցի կառուցման ծրագիրը 16.07.2020
Գեղարքունիքի մարզի Ծովինար համայնքում ավարտին է մոտենում լուսավորության ցանցի կառուցումը, որն իրականացվում է ՀՀ կառավարության կողմից իրականացվող սուբվենցիոն ծրագրերի շրջանակներում: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տվյալներով՝ ծրագրի նախնական ընդհանուր արժեքը կազմել է շուրջ 18 միլիոն դրամ, որի 65 տոկոսը հատկացնում է ՀՀ կառավարությունը, 35 տոկոսը՝ Ծովինարի համայնքապետարանը: Ծովինար համայնքի ղեկավար Մհեր մարտոյանի հավաստմամբ՝ շինարարական աշխատանքների կազմակերպման մրցույթի արդյունքների ամփոփումից հետո ծրագրի իրականացման պայմանագրային արժեքը կազմել է 8 միլիոն դրամ, որի 65 տոկոսը կամ 5 միլիոն 200 հազար դրամը հատկացրել է ՀՀ կառավարությունը, 35 տոկոսը կամ 2 միլիոն 800 հազար դրամը՝ Ծովինարի համայնքապետարանը: «Լուսավորության ցանցը կառուցվում է շուրջ 3 կիլոմետր երկարությամբ, հիմնականում այն փողոցներում, որտեղ այս տարվա ընթացքում սուբվենցիոն մեկ այլ ծրագրով իրականացվելու են ասֆալտապատման աշխատանքներ: Լուսավորության ցանցի կառուցման աշխատանքներն արդեն մոտենում են ավարտին»,-ներկայացրեց համայնքի ղեկավարը:
Գեղարքունիքի մարզը վերջին հրաժեշտն է տալիս իր հերոս զավակներին 16.07.2020
Գեղարքունիքի մարզի Ճամբարակ եւ Լուսակունք համայնքներում մարդիկ ցավով ու հպարտությամբ վերջին հրաժեշտն են տալիս հայ-ադրբեջանական սահմանին ծավալված ռազմական գործողությունների ընթացքում հայրենիքի սահմանները պաշտպանելիս զոհված զինծառայողներ, մայոր Գարուշ Համբարձումյանին եւ կրտսեր սերժանտ Սմբատ Գաբրիելյանին: Լուսակունք համայնքի ղեկավար Խաչիկ Խաչատրյանի տեղեկացմամբ, հուլիսի 16-ի երեկոյան Գարուշ Համբարձումյանին վերջին հրաժեշտն են տվել Լուսակունքի մշակույթի տանը: Հերոսի աճյունի առջեւ խոնարհվել են տարածաշրջանի բազմաթիվ բնակիչներ, հարազատներ ու ընկերներ, զինվորականներ, պետական պաշտոնյաներ: Հրաժեշտի արարողությանը մասնակցել են Գեղարքունիքի մարզպետ Գնել Սանոսյանը, ՀՀ ԶՈՒ բանակային երկրորդ կորպուսի հրամկազմը, ՀՀ ՊՆ բարձրաստիճան պաշտոնյաներ, համայնքների ղեկավարներ, հոգեւոր դասի ներկայացուցիչներ: Կատարվել է օրհնության կարգ Գեղարքունյաց թեմի առաջնորդական տեղապահ Տեր Պարթեւ վարդապետ Բարսեղյանի գլխավորությամբ: Հերոսի ծնողներին է հանձնվել ՀՀ նախագահի կողմից Գարուշ Համբարձումյանին շնորհված...
Կբարեկարգվի Գանձակ համայնքի կենտրոնական հրապարակը 16.07.2020
Գեղարքունիքի մարզի Գանձակ համայնքում ՀՀ կառավարության կողմից իրականացվող սուբվենցիոն ծրագրերի շրջանակներում կբարեկարգվի կենտրոնական հրապարակը: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տվյալներով՝ ծրագրի նախնական ընդհանուր արժեքը կազմել է շուրջ 15 միլիոն դրամ, որի 45 տոկոսը հատկացնում է ՀՀ կառավարությունը, 55 տոկոսը՝ Գանձակի համայնքապետարանը: Գանձակ համայնքի ղեկավար Արմեն Պողոսյանի հավաստմամբ՝ շինարարական աշխատանքների մրցույթը կայացել է, ամփոփվել են արդյունքները, որից հետո շինարարարության իրականացման պայմանագրային արժեքը կազմել է 14 միլիոն 500 հազար դրամ:Ըստ այդմ՝ ծրագրի իրականացման համար ՀՀ կառավարությունը հատկացնում է 6 միլիոն 525 հազար դրամ, Գանձակի համայնքապետարանը՝ 7 միլիոն 975 հազար դրամ: «Շինարարական աշխատանքները կմեկնարկեն մի քանի օրից:Հրապարակում անցկացվելու է լուսավորության համակարգ, կառուցապատվելու է հրապարակին կից գետի հունը, տեղադրվելու են նստարաններ, սալիկապատվելու են անցուղիները, կանաչապտվելու եւ ծառապատվելու է տարածքը: Շատ շուտ
Ծակքար համայնքում կիրականացվի սուբվենցիոն երեք ծրագիր 15.07.2020
Գեղարքունիքի մարզի Ծակքար համայնքում ՀՀ կառավարության կողմից իրականացվող սուբվենցիոն ծրագրերի շրջանակներում կկառուցվի բնական քարե կամուրջ տանող ճանապարհը, լուսավորության ցանց թիվ 3 եւ 10 փողոցներում, կասֆալտապատվի 6-րդ փողոցը: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տվյալներով՝ Ծակքարի բնական քարե կամուրջ-հուշարձան տանող ճանապարհի կառուցման ծրագրի նախնական ընդհանուր արժեքը կազմել է շուրջ 18 միլիոն 200 հազար դրամ, որի 60 տոկոսը կամ 10 միլիոն 920 հազար դրամը հատկացնում է ՀՀ կառավարությունը, 40 տոկոսը կամ 7 միլիոն 280 հազար դրամը՝ Ծակքարի համայնքապետարանը: Ծակքարի 6-րդ փողոցի ասֆալտապատման ծրագրի նախնական ընդհանուր արժեքը կազմում է շուրջ 88 միլիոն դրամ, որի 60 տոկոսը կամ 52 միլիոն 800 հազար դրամը հատկացնում է ՀՀ կառավարությունը, 35 միլիոն 200 հազար դրամը՝ Ծակքարի համայնքապետարանը: Ծակքարի 3-րդ եւ 10-րդ փողոցների լուսավորության ցանցի կառուցման ծրագրի նախնական ընդհանուր արժեքը կազմում է 14 միլիոն 200 հազար դրամ, որի 65 տոկոսը ...
