Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետի աշխատակազմի վարչական շենքում կատարվեց քաղաքացիների հերթական ընդունելությունը 09.04.2025
Ապրիլի 9-ին Գեղարքունքի մարզպետի տեղակալ Ջանիկ Բազեյանը մարզպետի աշխատակազմի վարչական շենքում կատարեց քաղաքացիների հերթական ընդունելությունը, որին մասնակցեցին Գեղարքունիքի մարզպետի աշխատակազմի գլխավոր քարտուղար Սիմոն Մանուկյանը, մարզպետի խորհրդական Սևակ Խլղաթյանը, մարզպետի աշխատակազմի առողջապահության և սոցիալական հարցերի վարչության պետ Լուսինե Վարդանյանը։ Քաղաքացիները դիմում ներկայացրին աշխատանքի տեղավորման, բնակարանի տանիքի վերանորոգման, պետական պատվերի շրջանակներում բուժումը կազմակերպելու և կոմունալ պայմանների ձեռքբերման հարցում աջակցություն ստանալու, պետական աջակցությամբ իրականացվող բնակարանաշինական ծրագրերից օգտվելու, բուժման, դեղորայքի ձեռքբերման, ինչպես նաև սոցիալ-տնտեսական տարբեր խնդիրների կարգավորման նպատակով Գեղարքունիքի մարզպետի աշխատակազմի կողմից դրամական աջակցություն ստանալու համար։ Որոշ քաղաքացիներ տեղում ստացան իրենց բարձրացված հարցերի պատասխանները, իսկ մնացած դիմումներին պատասխան կտրվի լրացուցիչ ուսումնասիրություն կատարելուց հետո՝ օրենքով սահմանված կարգով և ժամկետում։
Գեղարքունիքի մարզպետ Կարեն Սարգսյանի հանձնարարությամբ Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության վարչության մասնագետների կողմից մեկնարկած իրազեկման հերթական աշխատանքներն ապրիլի 9-ին ժամը 11։00-ին իրականացվեցին Գեղարքունիքի մարզի Սևան համայնքում։ Թեման՝ ՀՀ կառավարության կողմից մշակված գյուղատնտեսության ոլորտի 2025 թվականի պետական օժանդակության ծրագրերի իրազեկում էր։ Հանդիպմանը մասնակցում էին Սևանի համայնքապետարանի պատասխանատու աշխատողներ, գյուղատնտեսության ոլորտի մասնագետներ, Սևանի բնակավայրերի վարչական ղեկավարներ, գյուղացիական տնտեսությունների ներկայացուցիչներ։ Հանդիպման ընթացքում մարզպետի աշխատակազմի ներկայացուցիչները խոսեցին ՀՀ կառավարության աջակցությամբ 2025 թվականին իրականացվող գյուղատնտեսության աջակցության ծրագրի բովանդակության, դրանից օգտվելու հնարավորությունների, ծրագրի արդյունավետության մասին, պատասխանեցին ներկաների կողմից ոլորտին առնչվող հարցերին։․․․
ՀՀ կառավարության կողմից մշակված գյուղատնտեսության ոլորտի 2025 թվականի պետական օժանդակության ծրագրերի իրազեկման նպատակով Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության վարչության մասնագետները ապրիլի 9-ին ժամը 14։00-ին հանդիպում ունեցան Գեղարքունիքի մարզի Գավառ համայնքում։ Հանդիպմանը մասնակցում էին Գավառի համայնքապետարանի գյուղատնտեսության ոլորտի մասնագետներ, պատասխանատու աշխատողներ, Գավառի բնակավայրերի վարչական ղեկավարներ, գյուղացիական տնտեսությունների ներկայացուցիչներ։ Հանդիպման ընթացքում մարզպետի աշխատակազմի ներկայացուցիչները մանրամասնորեն խոսեցին ՀՀ կառավարության կողմից 2025 թվականին իրականացվող գյուղատնտեսության աջակցության ծրագրի բովանդակության, դրանից օգտվելու հնարավորությունների, ծրագրի արդյունավետության մասին, պատասխանեցին ներկաների կողմից ոլորտին առնչվող հարցերին։․․․
Գեղարքունիքի մարզպետ Կարեն Սարգսյանի հանձնարարությամբ ապրիլի 8-ին Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության վարչության մասնագետները եղան Ճամբարակ համայնքում, որտեղ իրականացրին ՀՀ կառավարության կողմից մշակված գյուղատնտեսության ոլորտի 2025 թվականի պետական օժանդակության ծրագրեր իրազեկման աշխատանքներ։ Հանդիպմանը մասնակցում էին Ճամբարակի համայնքապետարանի պատասխանատու աշխատողներ, գյուղատնտեսության ոլորտի մասնագետներ, Ճամբարակի բնակավայրերի վարչական ղեկավարներ, գյուղացիական տնտեսությունների ներկայացուցիչներ։ ․․․
Հիմք ընդունելով «Հայաստանի Հանրապետության 2026 թվականի բյուջետային գործընթացը սկսելու մասին» Հայաստանի Հանրապետության Վարչապետի 2025 թվականի հունվարի 16-ի N 36-Ա որոշումից բխող հանձնարարականը, 2025 թվականի ապրիլի 8-ին Գեղարքունիքի մարզպետի աշխատակազմի վարչական շենքում անցկացվեց հանրային քննարկում՝ Գեղարքունիքի մարզպետի աշխատակազմի ապարատի պահպանման 2026 թվականի բյուջետային հայտի և 2026-2028թթ միջնաժամկետ ծախսային ծրագրերի /ՄԺԾԾ/ նախագծի վերաբերյալ, ներառյալ 2025 թվականին հաստատված ՀՀ պետական բյուջեի նկատմամբ համամասնությունը, ինչպես նաև հայտերի հիմքում դրված ծախսային հաշվարկ-հիմնավորումները: Քննարկումն անցկացրեց Գեղարքունիքի մարզպետին փոխարինող, Գեղարքունիքի մարզպետի տեղակալ Վահան Զարոյանը։ Քննարկմանը մասնակցեցին Գեղարքունիքի մարզպետի տեղակալ Ջանիկ Բազեյանը, մարզպետի աշխատակազմի գլխավոր քարտուղար Սիմոն Մանուկյանը, մարզպետի խորհրդականներ Ալբերտ Աղեկյանը և Սևակ Խլղաթյանը, մարզպետի աշխատակազմի ստորաբաժանումների ղեկավարներ և աշխատակիցներ։․․․
ՏԵՂԵԿԱՑՈՒՄ 07.04.2025
Տեղեկացվում է, որ աշխատանքային անհրաժեշտությունից ելնելով 2025 թվականի ապրիլի 8-ին ժամը 11:00-ին Գեղարքունիքի մարզպետի աշխատակազմի վարչական շենքում նախատեսված ՀՀ Գեղարքունիքի մարզպետի աշխատակազմի կառավարման ապարատի պահպանման 2026 թվականի բյուջետային հայտի և 2026-2028թթ միջնաժամկետ ծախսային ծրագրերի /ՄԺԾԾ/ նախագծի քննարկումը կկայանա նույն օրը ժամը 15։00-ին։ Ցանկացողները կարող են մասնակցել։ Ծրագրի վերաբերյալ մանրամասները՝ http://gegharkunik.mtad.am/sss/ ՀՀ Գեղարքունիքի մարզպետի աշխատակազմ
