Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Նոյեմբերի 28-ին Գեղարքունիքի մարզի Լևոն Քալանթարի անվան դրամատիկական թատրոնի դահլիճում անցկացվեց «Հակոբյան» երգի ու պարի ստուդիայի համերգային երեկոն, որին ներկա էր Գեղարքունիքի մարզպետի տեղակալ Ռուբիկ Նավոյանը, ԿՄՍ վարչության պետ Կարեն Զազյանը, մարզպետի աշխատակազմի, մարզի համայնքապետարանների, կրթամշակութային հաստատությունների ներկայացուցիչներ, դպրոցականներ, հյուրեր, անհատ քաղաքացիներ։ Ծրագրի ընթացքում ժողովրդական և ազգային պարերով ներկաներին ողջունեցին «Հակոբյան» պարի ստուդիայի սաները։ Երաժշտական կատարումներով հանդես եկան սիրված երգիչներ Անդրանիկ Մանուկյանը, Գարիկ Կիրակոսյանը, Արմեն Մովսիսյանը, Վազգեն Մշեցին, Սիփան Հովհաննիսյանը։ «Հակոբյան» երգ ու պարի ստուդիան ձևավորվել է 2008 թվականին՝ Գեղարքունիքի մարզի Մարտունի համայնքի Վերին Գետաշեն բնակավայրում։ Ստուդիայի գեղարվեստական ղեկավարն է եղել պարուսույց Ռաֆիկ Հակոբյանը:...
Նոյեմբերի 29-ին Գեղարքունիքի մարզպետ Կարեն Սարգսյանը Ճամբարակի համայնքապետարանում կատարեց քաղաքացիների ընդունելություն։ Ընդունելությանը մասնակցեցին Գեղարքունիքի մարզպետի օգնական Ջանիկ Բազեյանը, մարզպետի աշխատակազմի ստորաբաժանումների ղեկավարներ, Ճամբարակ համայնքի ղեկավարի առաջին տեղակալ Ռոբերտ Օհանյանը։ Ընդունելության ներկայացած 24 քաղաքացիներից 14-ը Գեղարքունիքի մարզպետին դիմեցին դրամական օգնության, 4-ը` աշխատանքի տեղավորման, 4-ը` բուժման, 1-ը` փլված պատշգամբի նորոգման, 1-ը` վթարային բնակարանի վերականգնման խնդրանքով։ Ֆինանսական օգնության հարցով դիմածների խնդրանքը բավարարվեց տեղում, իսկ մնացած դիմումները վերցվեցին հաշվառման, որոնց պատասխանները կտրվեն օրենքով սահմանված կարգով եւ ժամկետներում։..
Մեկնարկել է առարկայական օլիմպիադայի ներդպրոցական փուլը 28.11.2023
Նոյեմբերի 27-ից Հայաստանի Հանրապետության հանրակրթական դպրոցներում մեկնարկել է 2023-2024 ուսումնական տարվա առարկայական օլիմպիադայի ներդպրոցական փուլը, որին Գեղարքունիքի մարզի հանրակրթական դպրոցներից բնագիտական առարկաների գծով մասնակցության հայտ են ներկայացրել 4957 աշակերտ։ Բնագիտական առարկաների գծով առարկայական օլիմպիադայի ներդպրոցական փուլն անցկացվում է առցանց եղանակով, իսկ մինչեւ 2023 թվականի դեկտեմբերի 15-ը կանցկացվի նաեւ հումանիտար առարկաների գծով հանրապետական օլիմպիադայի ներդպրոցական փուլը, որից հետո, սկսած դեկտեմբերի 16-ից, արդեն կանցկացվի տարածքային փուլը։ Բնագիտական առարկաների գծով հանրապետական օլիմպիադայի տարածքային փուլի անցկացում չի նախատեսվում, քանի որ ներդպրոցական փուլի արդյունքներով արդեն կընտրվեն մարզային փուլի մասնակիցները։ Իսկ առարկայական օլիմպիադայի մարզային փուլը կանցկացվի 2024 թվականի հունվարի 17-ից՝ ինչպես բնագիտական, այնպես էլ հումանիտար առարկաների գծով, որոնց արդյունքներով էլ կընտրվեն հանրապետական փուլի մասնակիցները։
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 28.11.2023
Նոյեմբերի 27-ին Գեղարքունիքի մարզպետ Կարեն Սարգսյանը մարզպետի աշխատակազմի ստորաբաժանումների ղեկավարների հետ անցկացրեց աշխատանքային հերթական խորհրդակցությունը։ Մարզպետը նախ անդրադարձավ վերջին օրերին գրանցված քամիների պատճառած վնասներին և հանձնարարեց դրանց վերաբերյալ համայնքներից հավաքագրել ամբողջական տեղեկատվություն։ Այնուհետև քննարկվեցին Լեռնային Ղարաբաղից բռնի տեղահանված և Գեղարքունիքի մարզում ապաստանած մեր հայրենակիցների կեցավայրերի, նրանց կարիքներն ու առաջնահերթ խնդիրները կարգավորելուն վերաբերող հարցեր։ Զեկուցվեց, որ այս պահի դրությամբ մարզի բուժհիմնարկներում աշխատանքի են տեղավորվել Լեռնային Ղարաբաղից մարզում վերաբնակություն հաստատած երեք բժիշկ և երկու բուժքույր, ևս 2 բուժքույր հաշվառվել են աշխատանքի տեղավորման նպատակով։ Հաշվառվել են նաև մարզի տարածքում վերաբնակեցված միայնակ տարեցները, մինչև 2 անձից կազմված ընտանիքները, խնամքի կարիք ունեցող անձինք․․․
Գեղարքունիքի մարզպետ Կարեն Սարգսյանի նախաձեռնությամբ և աջակցությամբ վերանորոգվում և կահավորվում են անցյալ ուսումնական տարում ոսկե մեդալակիր շրջանավարտներ տված մարզային ենթակայության հանրակրթական դպրոցների մեկական դասասենյակները։ 2021-2022 ուսումնական տարում նման հաջողություն արձանագրեց Ծովագյուղի Մուրացանի անվան միջնակարգ դպրոցը։ Մարզպետի աջակցությամբ դպրոցին տրամադրվեց երկու էլեկտրոնային գրատախտակ, բարձրացվեց դպրոցի ուսուցչական և վարչական անձնակազմերերի աշխատավարձերը։ 2022-2023 ուսումնական տարում Գեղարքունիքի մարզը տվել է 7 ոսկե մեդալակիր, որոնցից երկուսը ներկայացնում են ․․․
Կայացավ Գեղարքունիքի մարզի երաժշտական և արվեստի դպրոցների մարզային փառատոնը 22.11.2023
Նոյեմբերի 21-ին Գավառի Հայրապետ Խաչատրյանի անվան արվեստի դպրոցում տեղի ունեցավ ՀՀ Գեղարքունիքի մարզպետի աշխատակազմի ԿՄՍ վարչության կողմից 2023 թվականին կազմակերպվող և իրականացվող հերթական միջոցառումը՝ Գեղարքունիքի արվեստի և երաժշտական դպրոցների մարզային փառատոնը: Այն իրականացվեց ՀՀ մարզերում մշակութային միջոցառումների ծրագրիր շրջանակներում՝ ՀՀ պետական բյուջեից տրամադրած միջոցների հաշվին։ Փառատոնը նպատակ ուներ բացահայտել և խրախուսել տաղանդավոր և շնորհալի երաժիշտ-կատարողներին, ամրապնդել մարզի արվեստի և երաժշտական դպրոցների միջև կապը՝ նաև փորձի փոխանակման միջոցով։ Փառատոնին մասնակցում էին Գեղարքունիքի մարզի արվեստի և երաժշտական դպրոցներից երկուական շնորհալի աշակերտներ, որոնք հանդես եկան «Դաշնամուր» և «Վոկալ» անվանակարգերում:․․․
