Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Խաչաղբյուրցի Մովսիսյանների ընտանիքում ծնվել է 7-րդ երեխան 25.10.2023
Հոկտեմբերի 25-ին Գեղարքունիքի մարզի Վարդենիսի բժշկական կենտրոնում լույս աշխարհ է եկել Վարդենիս համայնքի Խաչաղբյուր գյուղի բնակիչներ Ահարոն Մովսիսյանի և Գյուլուզար Հովհաննիսյանի ընտանիքի 7-րդ երեխան՝ Կարենը։ Նորածինը միանգամայն առողջ է, կշռում է 2850 գրամ և ունի 50 սմ հասակ։ Կարենը ընտանիքի 7-րդ երեխան է, ամուսիններն ունեն 4 աղջիկ և արդեն 3 տղա։
«Հայկական Կինոդարը» Գեղարքունիքի մարզում 24.10.2023
Հայ կինոյի 100-ամյա հոբելյանական ծրագրի շրջանակում ՀՀ ԿԳՄՍ նախարարության պետական ֆինանսական աջակցությամբ Հայաստանի ազգային կինոկենտրոնը իրականացնում է «Հայկական Կինոդար» մարզային ծրագիրը, որի նպատակն է հայկական կինոժառանգության և ժամանակակից ֆիլմերի հանրայնացումը Հայաստանի բոլոր մարզերում: Գեղարքունիքի մարզում՝ Հոկտեմբերի 29, ժամը 15:00 և 18:00՝ Գավառի Լ․ Քալանթարի անվան պետական դրամատիկական թատրոնի դահլիճ Մանկական ծրագիր- «Երկու անհայտով հավասարում», «Գիքոր», «Գտնված երազը»։ Մեծահասակների ծրագիր- 18։00՝ «Երկունք» ։ Հոկտեմբերի 30, ժամը 15:00՝ Մարտունու մշակույթի պալատ «Մենք ենք, մեր սարերը», «Հայաստանի պատմության թանգարան»։ Հոկտեմբերի 31, ժամը 15:00 և 18:00՝ Սևանի Ս․ Զաքարյանի անվան մշակույթի պալատ Մանկական ծրագիր-15:00՝ «Կիկոս», «Տերն ու ծառան», «Ձախորդ Փանոսը»։ Մեծահասակների ծրագիր-18։00՝ «Այստեղ, այս խաչմերուկում», «Տժվժիկ»։ Մուտքն ազատ է!
ՏԵՂԵԿԱՑՈՒՄ 24.10.2023
ՀՀ Գեղարքունիքի մարզպետի աշխատակազմի կողմից հայտարարվում է Սևանի թերակղզու եկեղեցիների տարածքից դեպի արևելք գտնվող 40033՝49,28՛՛C 4500՛53.20՛՛B (X=8501255.9311 Y=4492204.3858) կորդինատով բարձունքում (ամենաբարձր կետում) դիտահարթակի կառուցման և ՀՀ դրոշի տեղադրման էսքիզային տարբերակի մրցույթ: Վերոնշյալ դիտահարթակի և ՀՀ դրոշի տեղադրման առկայությունը էլ ավելի կնպաստի զբոսաշրջիկների թվի ավելացմանը, ելնելով այն հանգամանքից, որ եկեղեցիներ այցելելուց հետո նրանք ցանկություն են ունենում բարձունքից դիտել Սևանա լճի համայնապատկերը: Էսքիզային տարբերակները կարող եք մինչև ս/թ նոյեմբերի 10-ը ներկայացնել ՀՀ Գեղարքունիքի մարզպետի աշխատակազմ՝ առձեռն (ք․ Գավառ, Կենտրոնական հրապարակ 7) կամ մարզպետի աշխատակազմի պաշտոնական էլեկտրոնային փոստին՝ gegharkunik@mta.gov.am: Հարցերի դեպքում զանգահարել՝ 077-960-907 Կ. Զազյանին կամ 098-333-968 Հ.Հարությունյանին։ ՀՀ Գեղարքունիքի մարզպետի աշխատակազմ
Հոկտեմբերի 24-ին Գեղարքունիքի մարզպետ Կարեն Սարգսյանն ընդունեց «Իմ կյանքը համայնքում» աշակերտների փոխանակման ծրագրի մասնակիցներին՝ Արարատի եւ Կոտայքի մարզերի դպրոցականներին ու ծրագրի մասնակից համարվող Գեղարքունիք գյուղի միջնակարգ դպրոցի տնօրեն Նելլի Հակոբյանին։ «ԿԶՆԱԿ» հիմնադրամի միջոցով իրականացվող ծրագրի առանցքում հայրենաճանաչությունն է՝ տեղանքի, մշակույթի, պատմության, ավանդույթների ուսումնասիրությունը։ Ծրագիրը նպաստում է երեխաների միջեւ ծանոթությանն ու անձնական շփումներին, հայրենիքի ճանաչողությանը: Տարբեր մարզերում մշակութային կյանքի, ընտանիքներում ընդունված ավանդույթների հետ ծանոթացման արդյունքում ընդլայնվում են դպրոցականների աշխարհաճանաչողությունն ու արժեհամակարգը։ Հյուրընկալող դպրոցներում իրականացվում են նախագծային ծրագրեր,...
Գեղարքունիքի մարզում լույս աշխարհ է եկել Լեռնային Ղարաբաղից չորրորդ երեխան 23.10.2023
ՀՀ Գեղարքունիքի մարզի Վարդենիսի բժշկական կենտրոնում հոկտեմբերի 23-ին լույս աշխարհ է եկել Լեռնային Ղարաբաղից չորրորդ երեխան՝ 3,5 կգ քաշով, 52սմ հասակով։ Աղջիկ երեխային անվանակոչել են Նռանե։ Նռանեն ծնվել է Լեռնային Ղարաբաղի Մարտակերտի շրջանի Մաղավուզ գյուղից բռնի տեղահանված ու Գեղարքունիքի մարզի Վարդենիս քաղաքում ապաստանած Արմեն և Սյուզաննա Մնացականյանների ընտանիքում։ Փոքրիկը այս ամուսնական զույգի երկրորդ զավակն է։
Գեղարքունիքի մարզպետն անցկացրեց աշխատանքային հերթական խորհրդակցությունը 23.10.2023
Հոկտեմբերի 23-ին Գեղարքունիքի մարզպետ Կարեն Սարգսյանը մարզպետի աշխատակազմի կառուցվածքային ստորաբաժանումների ղեկավարների մասնակցությամբ անցկացրեց աշխատանքային հերթական խորհրդակցությունը։ Մինչ արձանագրային հանձնարարականների կատարման վերաբերյալ ստորաժանումների ղեկավարների կողմից ներկայացվող զեկույցները՝ մարզպետը ներկաների հետ քննարկեց Լեռնային Ղարաբաղից բռնի տեղահանված և Գեղարքունիքի մարզում ապաստանած մեր հայրենակիցների տեղակայման վայրերի հետ կապված խնդիրները և հանձնարարեց՝ մարզպետի աշխատակազմում ստեղծել աշխատանքային խումբ, որը համայնքապետարանների հետ համագործակցված աշխատանք կիրականացնի՝ հյուրանոցային համալիրներում բնակվող տեղահանվածների շրջանում բացատրական աշխատանքներ իրականացնելու, որպեսզի նրանք քայլեր ձեռնարկեն հյուրանոցների բեռնաթափման և մասնավոր բնակարաններ վարձակալելու ուղղությամբ։․․․
