Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Շնորհավորում եմ տեղական ինքնակառավարման մարմիններին և ՏԻՄ աշխատակիցներին տեղական ինքնակառավարման համակարգի ստեղծման 27-ամյակի առթիվ: Առավելագույնս մոտ կանգնած լինելով համայնքի բնակչին` ՏԻՄ-երը յուրատեսակ ուժ են ոչ միայն համայնքային խնդիրների վերհանման, այլև դրանց լուծմանը հասնելու ճանապարհին: ՀՀ Սահմանադրությունն ու նրանից բխող օրենսդրական դաշտը լայն իրավական հնարավորություն են ընձեռում համայնքային խնդիրների լուծման համար, իսկ տեղական ինքնակառավարման մարմիններն այդ խնդիրների անմիջական հասցեատերն ու պատասխանատուն են` իրենց գործունեությամբ մասնակցելով պետության վարկանիշի ձևավորմանը։ Յուրաքանչյուր համայնք միասնական պետության կարևորագույն օղակն է,․․․
Քաղաքացիների հերթական ընդունելություն 08.11.2023
Նոյեմբերի 8-ին Գեղարքունիքի մարզպետի տեղակալ Ռուբիկ Նավոյանը Գեղարքունիքի մարզպետի աշխատակազմի վարչական շենքում կատարեց քաղաքացիների ընդունելություն։ Ընդունելության ներկայացած 31 քաղաքացիներից 16-ը դիմեցին սոցիակալան աջակցություն ստանալու, 5-ը՝ աշխատանքային, 4-ը՝ անձնական, 2-ը՝ բուժման, 4-ը՝ սեփականության իրավունքի վերականգնման, վառելափայտ կամ շինանյութ ձեռք բերելու խնդրանքով։ Դիմողներից 3 հոգի Լեռնային Ղարաբաղից բռնի տեղահանված անձինք էին, ովքեր աշխատանքի տեղավորվելու կամ անասնապահությամբ զբաղվելու ցանկություն հայտնեցին։ Բոլոր դիմումները վերցվեցին հաշվառման, որոնց պատասխանը կտրվի օրենքով սահմանված կարգով եւ ժամկետներում։
Նոյեմբերի 4-ին տեղի ունեցավ Մարտունու բժշկական կենտրոնի նոր մասնաշենքի բացման հանդիսավոր արարողությունը, որին ներկա էր ՀՀ Վարչապետ Նիկոլ Փաշինյանը։ Վարչապետը շնորհավորեց ներկաներին բժշկական կենտրոնի բացման առիթով և նշեց. «Սա շատ կարևոր օր է մեզ համար ոչ միայն այն պատճառով, որ նորակառույց և լիարժեք հագեցած բժշկական կենտրոն ենք բացում Մարտունիում, այլև սրանով, ըստ էության, Հայաստանում առնվազն 50 բժշկական հաստատությունների շինարարության ավարտական, եզրափակիչ փուլի մեկնարկ ենք տալիս: Այս ծրագիրն ունի հստակ քաղաքական և առողջապահական նպատակ: Այդ նպատակն է՝ բժշկական ծառայությունները հնարավորինս մոտ տանել մարդուն, հնարավորինս մոտ տանել բուժառուին, որպեսզի դրանից օգտվելը լրացուցիչ բարդություններ չստեղծի:․․․
Գավառի ավագ դպրոցի բասկետբոլի թիմը գրավել է երրորդ տեղը 03.11.2023
2023 թվականի հոկտեմբերի 18-ին` Գավառի Գրիշա Վահանի Ափրոյանի անվան մարզադպրոցում, ՀՀ մարզերի և Երևան քաղաքի հանրակրթական դպրոցների 7-12-րդ դասարանների աշակերտների միջև սպարտակիադայի ծրագրով անցկացվել է բասկետբոլի մրցաշար, որին մարզը ներկայացրել է Գավառի ավագ դպրոցի տղաների թիմը: Թիմի կազմում հանդես են եկել 10 մարզիկներ, մարզիչ՝ Վահան Սարգսյան: Միջմարզային մրցումներում մարզն ընդգրկվել է 2-րդ ենթախմբում, որտեղ հանդես են եկել նաև Կոտայքի և Տավուշի մարզերի ուժեղագույն թիմերը: Մրցումներն անցկացվել են բասկետբոլի միջազգային ֆեդերացիայի կանոնակարգի համաձայն` 4 խաղափուլով` յուրաքանչյուր խաղափուլը 8 րոպե տևողությամբ: Տղաների մրցապայքարում Գավառի ավագ դպրոցի թիմը գրավել է առաջին տեղը և իրավունք ստացել մասնակցելու մրցումների եզրափակիչ փուլին:․․․
Գեղարքունիքի մարզի արտադրող և արտահանող ընկերությունները կօգտվեն արտահանման ապահովագրությունից 03.11.2023
Նոյեմբերի 3-ին Գեղարքունիքի մարզպետի աշխատակազմում Հայաստանի արտահանման ապահովագրական գործակալության, Հայաստանի առևտրաարդյունաբերական պալատի, Հայաստանի ռազմավարական զարգացման կենտրոնի և Հայաստանում ռուսական արտահանման կենտրոնի ղեկավարները, առանց ռիսկերի ծրագրի շրջանակներում, հանդիպում ունեցան Գեղարքունիքի մարզի խոշոր և մրցունակ արտադրողների և արտահանողների հետ։ Հանդիպումը վարեց Գեղարքունիքի մարզպետի տեղակալ Ռուբիկ Նավոյանը։ Հանդիպման նպատակն էր մարզի արտադրողներին և արտահանողներին իրազեկել, թե ինչպես կարելի է օգտվել պետության աջակցությամբ իրականացվող արտահանման ապահովագրության ծրագրից։ Բանախոսները ներկայացրին ապահովագրության երեք գործիքները , որոնք կարող են նպաստել արտահանման ապահովագրության գործընթացի ավելի ապահով և հուսալի իրականացմանը։․․․
Հոկտեմբեր ամսին Գեղարքունիքի մարզում ծնվել է 207 երեխա 02.11.2023
2023 թվականի հոկտեմբեր ամսին Գեղարքունիքի մարզում ծնվել է 207 երեխա, որից 121-ը տղա, 86-ը՝ աղջիկ: 207 երեխաներից 31-ը ծնվել են Գավառի բժշկական կենտրոնում, 28-ը՝ Սևանի բժշկական կենտրոնում, 120-ը՝ Մարտունու ծննդատանը, 22-ը՝ Վարդենիսի բժշկական կենտրոնում և 6-ը՝ Ճամբարակի առողջության կենտրոնում։
