Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ներկայացվեց մարզում թունաքիմիկատներով թունավորումների վերաբերյալ 2019-2021թթ վիճակագրությունը 19.07.2022
ՀՀ Գեղարքունիքի մարզպետարանում, մարզի առողջապահության և սոցիալական ապահովության վարչության աշխատակիցների, Հիվանդությունների վերահսկման և կանխարգելման ազգային կենտրոնի «Գեղարքունիք» մասնաճյուղի մասնագետների, մարզի hամայնքապետարանների ներկայացուցիչների և բժշկական օգնություն և սպասարկում իրականացնող կազմակերպությունների ղեկավարների մասնակցությամբ տեղի ունեցավ քննարկում, ազգաբնակչության շրջանում թունաքիմիկատներով թունավորման դեպքերի, դրանց կանխարգելման միջոցառումների վերաբերյալ: Քննարկմանը ներկա էր նաև Գեղարքունիքի մարզպետի տեղակալ Ռուբիկ Նավոյանը։ ՀՎԿԱԿ «Գեղարքունիք» մասնաճյուղի կողմից ներկայացվեց 2019-2021թթ մարզում քիմիական թունավորումների վիճակագրությունը, ինչից պարզ է դառնում․․․
Վթարային ջրանջատում Սևան քաղաքում հուլիսի 19-ին 19.07.2022
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված, ս.թ. հուլիսի 19-ին ժամը 08։00-20։00 կդադարեցվի Գեղարքունիքի մարզի Սևան քաղաքի՝ Էներգետիկների, Խաղաղության, Գրիբոյեդովի, Գործարանային, Կոմիտասի, Բաբաջանյան, Սարգիս Սևանցու փողոցների, Նալբանդյան 40ա-65, Սայաթ-Նովայի 17-27, Շինարարների 3, 5, Նաիրյան 168-187 համարների, Մաշտոցի անվան թիվ 1 և Զուրաբյանի անվան թիվ 2 հիմնական դպրոցների, «Գալիք» մանկապարտեզի, Արդշին և ՎՏԲ բանկերի մասնաճյուղերի, Զինվորական քննչական գլխավոր վարչության կայազորի և ԱԱԾ վարչական շենքերի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: «Վեոլիա Ջուր» ՓԲԸ
Գեղարքունիքի մարզում մեկնարկել է «Անասնապահության զարգացում Հայաստանում՝ հյուսիս-հարավ - 2» ծրագիրը 19.07.2022
Հուլիսի 19-ին Գեղարքունիքի մարզպետ Կարեն Սարգսյանն ընդունեց «Ռազմավարական Զարգացման Գործակալություն» ՀԿ-ի «Անասնապահության զարգացում Հայաստանում՝ հյուսիս-հարավ-2» ծրագրի ղեկավար Վահե Հովհաննիսյանին, նույն ծրագրի շուկայի զարգացման բաղադրիչի ղեկավար Լիլիթ Պետրոսյանին և հանրային հաղորդակցության և գենդերի մասնագետ Աննա Պողոսյանին։ Հանդիպման նպատակն էր՝ Գեղարքունիքի մարզպետին ներկայացնել «Անասնապահության զարգացում Հայաստանում՝ հյուսիս-հարավ» ծրագրի շրջանակներում մարզի համայնքներում և բնակավայրերում կատարված աշխատանքները և քննարկել առաջիկա անելիքները։ Ըստ Վահե Հովհաննիսյանի՝ ծրագրի շահառու են հանդիսանում Գեղարքունիքի մարզի Ճամբարակ, Վարդենիս, Շողակաթ համայնքները և նրանց կազմում ընդգրկված 14 բնակավայրերը։...
ՀՀ կառավարության ծրագրերը` հզոր հայրենիքի երաշխիք 18.07.2022
Գեղարքունիքի մարզի Շողակաթ խոշորացված համայնքի Շողակաթ գյուղում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում երկաթբետոնյա սալարկմամբ հիմնանորոգվում է 7-րդ փողոցը։ Ծրագրի իրականացման պայմանագրային արժեքը կազմում է 21 միլիոն 450 հազար դրամ, որի 60 տոկոսը հատկացնում է ՀՀ կառավարությունը, 40 տոկոսը՝ Շողակաթի համայնքապետարանը։ Հիմնանորոգվող փողոցի երկարությունը շուրջ 300 գծամետր է, մակերեսը՝ 1200 քառակուսի մետր։ Շինարարական աշխատանքները մեկնարկել են հուլիսի առաջին օրերից եւ կավարտվեն առաջիկա երկու ամիսների ընթացքում։ Ծրագրի իրականացման արդյունքում Շողակաթի 7-րդ փողոցում բնակվող ընտանիքները կունենան միանգամայն բարեկարգ ու հիմնանորոգված ճանապարհ։
Հայաստանի Հանրապետության կրթության, գիտության, մշակույթի և սպորտի նախարարի հրամանով փոփոխություն է կատարվել «Հայաստանի Հանրապետության վարչապետի գավաթ» լողի սիրողական մրցաշարի կանոնակարգում: Մասնավորապես, փոխվել են մրցաշարի անցկացման օրն ու պարգևատրման կարգը: «ՀՀ վարչապետի գավաթ» լողի սիրողական մրցաշարը տեղի կունենա 2022 թվականի օգոստոսի 23-ին: Այն կանցկացվի Սևանա լճում՝ ՀՀ Գեղարքունիքի մարզի Շողակաթ (նախկին Շորժա) համայնքին հարակից լողափնյա տարածքում: Մրցաշարի հաղթողների պարգևատրման կարգում տեղի ունեցած փոփոխության համաձայն էլ դրամական մրցանակներ են նախատեսված 1-10-րդ տեղերը զբաղեցրած մասնակիցների համար: Դրամական մրցանակներ երկու տարիքային խմբերի 1-ից 10-րդ տեղեր գրաված մասնակիցներին՝․․․
Մարզում կիրականացվի «Հոգեկան առողջություն բոլորի համար» ծրագիրը 18.07.2022
Առողջապահության համաշխարհային կազմակերպության (ԱՀԿ), Եվրոպական հանձնաժողովի հետ համագործակցությամբ մեկնարկել է Հայաստանում հոգեկան առողջության ոլորտում առկա բացերին ուղղված գործողությունների «Հոգեկան առողջություն բոլորի համար» խորագրով ծրագիրը, որը կիրականացվի նաև Գեղարքունիքի մարզում։ Ծրագիրը նպատակ ունի նպաստելու հակամարտությունից տուժած բնակչության համար հոգեկան առողջությանն ու հոգեսոցիալական աջակցությանն ուղղված ծառայությունների հասանելիությանը՝ վերապատրաստելով առողջության առաջնային պահպանման օղակի բուժաշխատողներին։ Այդ նպատակով հուլիսի 18-ին Գեղարքունիքի մարզպետարանում տեղի ունեցավ հանդիպում՝ մարզի 8 բժշկական կենտրոնների և առավել մեծաթիվ բնակչություն սպասարկող առողջության առաջնային պահպանման կենտրոնների տնօրենների մասնակցությամբ։․․․
