Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հոկտեմբերի 14-ին Գեղարքունիքի մարզպետ Կարեն Սարգսյանն անցկացրեց խորհրդակցություն, որի ընթացքում քննարկվեցին Սևանա լճում արդյունագործական ձկնորսության արգելքի վերաբերյալ ՀՀ կառավարության 2021 թվականի սեպտեմբերի 2-ի որոշման կատարման հարցերը: Խորհրդակցությանը մասնակցում էին Գեղարքունիքի մարզպետի տեղակալ Ռուբիկ Նավոյանը, Շրջակա միջավայրի նախարարության, «Սևան Ազգային պարկի», բնապահպանական տեսչության, ոստիկանության Գեղարքունիքի մարզային վարչության ղեկավարներ և ներկայացուցիչներ, ինչպես նաև Ծովագյուղ և Նորատուս համայնքների ղեկավարները: Հանդիպման մասնակիցները ներկայացրեցին իրենց առաջարկությունները՝ կապված ձկնորսության արգելման ժամանակացույցի և իրականացվող միջոցառումների վերաբերյալ: «Յուրաքանչյուրս մեր լիազորությունների շրջանակներում պարտավոր ենք իրականացնել ՀՀ կառավարության որոշումից բխող պահանջները և սեղմ ժամկետներում ներկայացնել գործողությունների հստակ ծրագիր և ժամանակացույց»,- նշեց մարզպետը:
Տեղի ունեցավ Ախպրաձորի հիմնանորոգված դպրոցի շենքի բացման արարողությունը 13.10.2021
Հոկտեմբերի 12-ին Գեղարքունիքի մարզի Ախպրաձոր համայնքում տեղի ունեցավ միջնակարգ դպրոցի հիմնանորոգված շենքի բացման հանդիսավոր արարողությունը, որին մասնակցեցին Գեղարքունիքի մարզպետի տեղակալ Ռուբիկ Նավոյանը, մարզպետարանի կրթության, մշակույթի և սպորտի վարչության պետ Կարեն Զազյանը, շենքի հիմնանորոգման նախաձեռնող եւ հովանավոր հանդիսացող «Հայ կրթական միություն» եւ «Թաքնված ճանապարհ նախաձեռնություն» կազմակերպությունների ղեկավարներն ու ներկայացուցիչները: Դպրոցի տնօրեն Գինեվարդ Ղուկասյանի ներկայացմամբ՝ հիմնանորոգման աշխատանքներն իրականացվել են «ԱՄՆ Հայ կրթական հիմնարկություն» կազմակերպության եւ բարերար Գաբրիելյան ընտանիքի ֆինանսական միջոցների հաշվին։ Իսկ նախաձեռնությունը պատկանում է «Թաքնված ճանապարհ նախաձեռնություն» հասարակական կազմակերպությանը եւ նրա ղեկավար Նանոր Պալապանյանին, որոնք հովանավորների համար բացահայտել են Ախպրաձոր համայնքի հիմնախնդիրներն ու գրավչությունները։ «Կապիտալ նորոգման է ենթարկվել ողջ շենքը՝ նկուղային հարկից սկսած եւ ձեղնահարկով վերջացրած՝ շենքի ներքին ու արտաքին հարդարմամբ։ Նկուղային հարկը հիմնանորոգվել ու հարմարեցվել է ապաստարանի՝ հաշվի առնելով նաեւ Ախպրաձորի սահմանամերձ ու թիրախային վիճակը։ Կառուցվել է ջեռուցման նոր համակարգ, ինչի արդյունքում արդեն փայտե վառարաններով ջեռուցելու կարգից անցնում ենք էլեկտրաէներգիայով ջեռուցելու կարգին։
Գեղարքունիքի մարզպետ Կարեն Սարգսյանն ընդունեց Կարմիր խաչի միջազգային կոմիտեի ներկայացուցիչներին 13.10.2021
Հոկտեմբերի 13-ին Գեղարքունիքի մարզպետ Կարեն Սարգսյանն ընդունեց Կարմիր խաչի միջազգային կոմիտեի (ԿԽՄԿ) Իջևանի ենթապատվիրակության ղեկավար Էլիան Շահվայնին, տարածքային ներկայացուցիչ Ավետիք Փաշայանին և Կարմիր խաչի միջազգային կոմիտեի պատվիրակության պաշտպանության գործառույթների համակարգող Ինսկե Վանդորմաելին: Հանդիպման սկզբում Էլիան Շահվայնը թիմի անունից շնորհավորեց Կարեն Սարգսյանին՝ Գեղարքունիքի մարզպետի պաշտոնում նշանակվելու առթիվ և շնորհակալություն հայտնեց՝ նման ձևաչափի հանդիպում կազմակերպելու համար: Հանդիպման նպատակն էր Գեղարքունիքի նորանշանակ մարզպետին ներկայացնել ԿԽՄԿ-ի կողմից մարզում իրականացված աշխատանքները, մասնավորապես 2020 թվականի պատերազմյան և հետպատերազմյան ժամանակահատվածում, խոսել ընթացքի մեջ գտնվող ծրագրերի և առաջիկա անելիքների մասին... ...
Անցկացվեց ցուցադրական հատուկ տակտիկական ուսումնավարժանք 12.10.2021
Գեղարքունիքի մարզում գործող ծառայությունների և կազմակերպությունների փոխգործակցության կատարելագործման նպատակով Գեղարքունիքի մարզպետի համապատասխան որոշմամբ 2021 թվականի հոկտեմբերի 12-ին Գավառ քաղաքում ՀՀ ԱԻՆ ՓԾ մարզային փրկարարական վարչությունում ձևավորված ղեկավարման շտաբի կողմից կազմակերպվեց և անցկացվեց արտապլանային ցուցադրական հատուկ տակտիկական ուսումնավարժություն՝ «Հրդեհաշիջման և փրկարարական աշխատանքների կազմակերպումը խոշոր ավտովթարի դեպքում» թեմայով: Ուսումնավարժությանը ներգրավված էին ՀՀ ԱԻՆ ՓԾ Գեղարքունիքի մարզային փրկարարական վարչությունը, ՀՀ ոստիկանության Գավառի բաժինը, Գավառի բժշկական կենտրոնի աղետների բժշկության, Գավառի ԳԳՄ վթարավերականգնողական խմբերը և Գավառի պետական բժշկական քոլեջի 2-րդ կուրսի ուսանողները: Ուսումնավարժության անցկացման նպատակով կազմվել է...
Վարդենիկում բացվել եւ օրհնվել է Արցախյան 44-օրյա պատերազմի զոհերի հիշատակը հավերժացնող հուշարձանը 12.10.2021
Հոկտեմբերի 10-ին Գեղարքունիքի մարզի Վարդենիկ համայնքում բացվել եւ օրհնվել է Արցախյան 44-օրյա պատերազմում հայրենիքի պաշտպանության համար իրենց կյանքը զոհաբերած վարդենիկցի հերոսներ Տիգրան Արշակյանի, Հակոբ Գևորգյանի, Հարութ Ավետիսյանի, Արսեն Աբրոյանի, Վահան Օհանյանի,Արմեն Մինասյանի, Սերգեյ Մխոյանի, Արտաշ Այվազյանի,Մանվել Մանուկյանի և Մարտին Մարտիրոսյանի հիշատակին կառուցված հուշարձանը։ Հուշարձանի բացման արարողությանը մասնակցել են Գեղարքունիքի մարզպետի տեղակալ Ռուբիկ Նավոյանը, Վարդենիկ համայնքի ղեկավար Հովիկ Հովեյանը, ՀՀ ԶՈՒ բանակային երկրորդ կորպուսի եւ Հայ Առաքելական եկեղեցու Գեղարքունյաց թեմի ներկայացուցիչներ, զոհված հերոսների ծնողները եւ հարազատները, Վարդենիկի կրթական հաստատությունների մանկավարժներ, դպրոցականներ, Վարդենիկ համայնքի բնակիչներ։ Հուշարձանի օրհնության կարգ են կատարել Հայ Առաքելական եկեղեցու Գեղարքունյաց թեմի հոգեւոր հովիվներ Տեր Գեւորգ քահանա Բարսեղյանը եւ Տեր Տարոն քահանա Հունանյանը։..
Ճամբարակում հիմնանորոգվում են բազմաբնակարան երկու շենքերի տանիքներ 11.10.2021
Գեղարքունիքի մարզի Ճամբարակ համայնքում ՀՀ կառավարության կողմից իրականացվող սուբվենցիոն ծրագրերի շրջանակներում հիմնանորոգվում են բազմաբնակարան երկու շենքերի տանիքներ։ Ինչպես տեղեկացրեց Ճամբարակ համայնքի ղեկավարի տեղակալ Ռոբերտ Օհանյանը, թիվ 103 բազմաբնակարան շենքի տանիքի հիմնանորոգման շինարարական աշխատանքների պայմանագրային արժեքը կազմել է 18 միլիոն 468 հազար դրամ, որի 45 տոկոսը հատկացրել է ՀՀ կառավարությունը, 55 տոկոսը՝ Ճամբարակի համայնքապետարանը։ Շինարարական աշխատանքները հոկտեմբերի 7-ի դրությամբ ավարտված են մոտ 90 տոկոսով։ Ճամբարակ համայնքի Տիգրան Մեծ-7 բազմաբնակարան շենքի տանիքի հիմնարորոգման շինարարական աշխատանքների պայմանագրային արժեքը կազմել է 15 միլիոն 449 հազար դրամ, որի 45 տոկոսը հատկացրել է ՀՀ կառավարությունը, 55 տոկոսը՝ Ճամբարակի համայնքապետարանը։ Շինարարական աշխատանքները մեկնարկել են 2020 թվականի օգոստոսից եւ հոկտեմբերի 7-ի դրությամբ ավարտված են կիսով չափ։...
