Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Իրականացվում է "Ազդարարի՛ր Հայաստան" ծրագիրը 03.02.2025
Ազդարարման համապետական արշավի շրջանակներում ՝ Արդարադատության նախարարության նախաձեռնությամբ և ԱՄՆ ՄԶԳ ֆինանսական աջակցությամբ իրականացվող "Հայաստան Բարեվարքություն" ծրագրի շրջանակներում "Իրավաբանների հայկական ասոցիացիա" ՀԿ-ի կողմից և Արդարադատության նախարարության մասնակցությամբ իրականացվում է "Ազդարարի՛ր Հայաստան" ծրագիրը։ Ծրագրի շրջանակներում իրականացվում է հանրային իրազեկում, համակարգի վերաբերյալ հասարակության տարբեր խմբերի ընկալումների փոփոխման ուղղված միջոցառումներ, ազդարարման միասնական հարթակից օգտվելու թվային գիտելիքների բարձրացում։ Ծրագրի շրջանակներում մշակվել են՝․․․
Գեղարքունիքի մարզի պատվիրակությունը մասնակցեց Համահայկական ձմեռային խաղերի բացման արարողությանը 02.02.2025
Ջերմուկում փետրվարի 1-ին կայացած Համահայկական ձմեռային երկրորդ խաղերի բացման հանդիսավոր արարողությունը մասնակցել է նաև ՀՀ Գեղարքունիքի մարզի պատվիրակությունը` Գեղարքունիքի մարզպետ Կարեն Սարգսյանի ղեկավարությամբ։ Գեղարքունիքի մարզի 41 պատվիրակներից 17-ը մարզիկներ են, որոնք խաղերի ընթացքում իրենց ուժերը կփորձեն շախմատ և սպորտային պարեր մարզաձևերից։ Խաղերին ավելի քան 1340 պատվիրակ է մասնակցում աշխարհի 18 պետությունների 88 քաղաքներից։ Համահայկական ձմեռային երկրորդ խաղերը կանցկացվեն հոկեյ, դահուկավազք, լեռնադահուկային սպորտ, սնոուբորդ, շախմատ, ձնամարտ և սպորտային պարեր մարզաձևերից:
Անցկացվեց զորակոչային հանձնաժողովի հերթական նիստը 31.01.2025
Հունվարի 31-ին Գեղարքունիքի մարզպետ, Գեղարքունիքի մարզի զորակոչային հանձնաժողովի նախագահ Կարեն Սարգսյանն անցկացրեց մարզային զորակոչային հանձնաժողովի հերթական, ամփոփիչ և այս զորակոչի վերջին նիստը, որին մասնակցում էին զորակոչային հանձնաժողովի բոլոր անդամները։ Քննարկվեցին ձմեռային զորակոչի ավարտական փուլերին վերաբերող հարցեր, որոնցից հետո ՀՀ ՊՆ ՀԶԿ Գեղարքունիքի մարզի զինվորական կոմիսար, գնդապետ Արմեն Մնացականյանը զեկուցեց հանրակրթական ուսումնական հաստատությունների ավարտական դասարաններում սովորողների տարկետումներին վերաբերող հարցեր, որոնց ուղղությամբ հանձնաժողովը տվեց համապատասխան եզրակացություններ։ Հանձնաժողովը քննարկեց նաև զորակոչի աշխատանքներին ներգրավված կազմակերպությունների փոխգործակցությանն ուղղված հարցեր, որոնց վերաբերյալ մարզպետը տվեց համապատասխան հանձնարարականներ։ Նիստի ավարտին զինվորական կոմիսարը զեկուցեց, որ ձմեռային զորակոչի նախնական առաջադրանքը Գեղարքունիքի մարզում՝ գերակատարվել է։ Նիստի ընթացքում քննարկվեցին նաև պաշտպանական ոլորտին առնչվող այլ հարցեր։
Տոնական միջոցառումը շարունակվեց Գեղարքունիքի Լ․ Քալանթարի անվան դրամատիկական թատրոնում 29.01.2025
ՀՀ բանակի կազմավորման 33-րդ տարեդարձին նվիրված տոնական միջոցառումների շրջանակներում հունվարի 28-ին Գեղարքունիքի Լևոն Քալանթարի անվան պետական դրամատիկական թատրոնում տեղի ունեցավ գրական-երաժշտական ցերեկույթ, որին հրավիրված էին Գեղարքունիքի մարզի կայազորի զինծառայողները։ Ցերեկույթի ընթացքում հանդես եկան Գավառ համայնքի տարբեր կրթամշակութային հաստատությունների շնորհալի կատարողներ և պարային խմբեր։ Ցերեկույթի ավարտին Գավառի Լևոն Քալանթարի անվան դրամատիկական թատրոնի դերասանների ուժերով բեմադրվեց Վալենտին Կրասնագորովի «Հիշի՛ր բժիշկ, հիշի՛ր» ներկայացումը։
Գեղարքունիքի մարզպետ Կարեն Սարգսյանի շնորհավորական ուղերձը ՀՀ Բանակի կազմավորման 33-ամյակի առթիվ 28.01.2025
<<Սիրելի՛ Գեղարքունիքցիներ, ՀՀ բանակի հրամանատարներ և սպաներ, զինծառայողներ և կամավորականներ, ռազմական գործի ներկայացուցիչներ, Շնորհավորում եմ բոլորիս մեր պատմության ամենակարևոր տոներից մեկի՝ բանակի կազմավորման 33-ամյակի կապակցությամբ։ ՀՀ բանակը կայացման մեծ ճանապարհ է անցել և այսօր հպարտությամբ կարող ենք արձանագրել, որ այն մեր անկախ պետականության պաշտպանության և անվտանգության թիվ մեկ երաշխավորն է, մեր նորագույն պատմության ամենափառահեղ ձեռքբերումներից մեկը, որի յուրաքանչյուր զինվոր պատվով է կատարում իր հայրենանվեր պարտքը։ Մենք բոլորս ոչ միայն ըստ արժանվույն պետք է գնահատենք հայ զինվորի կարևորագույն դերն ու նշանակությունը, այլև, յուրաքանչյուրս մեր գործունեության ասպարեզում, ըստ ամենայնի սատարենք և ամուր, շոշափելի ու հուսալի թիկունք լինենք նրա համար: Խոնարհումս հանուն հայրենիքի ընկած յուրաքանչյուր զինվորի պայծառ հիշատակին և նրանց ծնողներին՝ դաստիարակությամբ ազգային արժեքները բարձր պահելու համար։․․․
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 27.01.2025
Հունվարի 27-ին Գեղարքունիքի մարզպետ Կարեն Սարգսյանը մարզպետի աշխատակազմի ստորաբաժանումների ղեկավարների հետ անցկացրեց հերթական աշխատանքային խորհրդակցությունը։ Խորհրդակցության ժամանակ քննարկվեցին 2025 թվականի ձմեռային զորակոչի, դպրոցների լաբորատորիաների վերանորոգման և կահավորման, տեղական բյուջեներում նախորդ տարիներից կուտակված ապառքների գանձման, «Վարդենիսի բանավան թաղամասի նորակառույց մանակապարտեզ» համայնքային ոչ առևտրային կազմակերպության ձևավորման, Գագարինի մարզադահլիճում արձանագրված շինարարական թերությունների վերացման, ապօրինի հանքօգտագործման կանխման հետ կապված հարցեր։ Խոսվեց նաև 2025 թվականին մարզում պետական միջոցներով նախատեսված ճանապարհաշինական ծրագրերի իրականացման, Ջիլի միջնակարգ դպրոցի նորակառույց շենքի և Ճամբարակի թիվ 3 մանկապարտեզի համար լիցենզիայի տրամադրման, նախորդ տարիներից 2025 թվական տեղափոխված սուբվենցիոն ծրագրերի արդյունքների, նորակառույց մանկապարտեզների համար անհրաժեշտ գույքի ձեռքբերման,․․․
