Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Օգոստոսի 23-ին Գեղարքունիքի մարզպետ Կարեն Սարգսյանն ընդունեց ՀՀ Առողջապահական և աշխատանքի տեսչական մարմնի ղեկավար Սլավիկ Սարգսյանին։ Մարզպետ Կարեն Սարգսյանը ներկայացրեց Գեղարքունիքի մարզի առողջապահական և կրթական համակարգում վերջին տարիներին իրականացված բարեփոխումները, հաջողություններն ու ձեռքբերումները, առաջիկայում իրականացվելիք զարգացման ծրագրերը՝ շեշտելով, որ 2021 թվականից սկսած՝ մարզի բոլոր առողջապահական հաստատություններն աշխատում են եկամուտով, և որ արվում է հնարավորը՝ դրանք լիովին ինքնաբավ դարձնելու, ժամանակակից որակյալ բուժծառայությունները բնակչությանը մոտեցնելու առումով։ Տեսչական մարմնի ղեկավար Սլավիկ Սարգսյանը նշեց, որ իրենց կողմից Գեղարքունիքի մարզ կատարած այցը գործընկերության խորացման ու իրազեկվածության մակարդակի բարձրացման շրջանակներում է․․․
Գեղարքունիքի մարզպետ Կարեն Սարգսյանը Գավառ համայնքի ղեկավար Գուրգեն Մարտիրոսյանի հետ մշտադիտարկում անցկացրեց Հայրավանք բնակավայրի գերեզմանոց տանող ճանապարհի ասֆալտապատման շինհրապարակում։ Շինարարական աշխատանքները կատարվում են ՀՀ կառավարության կողմից 2024 թվականին իրականացվող սուբվենցիոն ծրագրերի շրջանակներում։ Հայրավանքի գերեզմանոց տանող ճանապարհի ասֆալտապատման ծրագրի պայմանագրային արժեքը կազմում է 31 միլիոն 247 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Գավառի համայնքապետարանը։ Ծրագրով նախատեսվում է Հայրավանքի գերեզմանոց տանող ճանապարհն ասֆալտապատել 475 գծամետր երկարությամբ՝ 2325քառակուսի մետր մակերեսով։ Շինարարական աշխատանքները մեկնարկել են 2024 թվականի օգոստոսի սկզբից և այս պահի դրությամբ արդեն գտնվում են ավարտական փուլում։
Գեղարքունիքի մարզպետը դիտարկում անցկացրեց Բերդկունք բնակավայրի մանկապարտեզի շինհրապարակում 22.08.2024
Գեղարքունիքի մարզպետ Կարեն Սարգսյանը Գավառ համայնքի ղեկավար Գուրգեն Մարտիրոսյանի հետ մշտադիտարկում անցկացրեց Բերդկունք բնակավայրի մանկապարտեզի նորակառույց շենքի շինհրապարակում։ Նրանց ուղեկցում էին Գեղարքունիքի մարզպետի տեղակալ Ջանիկ Բազեյանը, Գավառ համայնքի ղեկավարի առաջին տեղակալ Գրիգոր Դաշտոյանը, Գավառ համայնքի ղեկավարի տեղակալ Գրիգոր Բոշյանը, Գեղարքունիքի մարզպետի և Գավառի համայնքապետարանի աշխատակազմերի քաղաքաշինության ոլորտի պատասխանատուներ։ Կարեն Սարգսյանը զրուցեց շինարարների հետ, ծանոթացավ աշխատանքների ընթացքին, արեց դիտողություններ ու առաջարկություններ, միաժամանակ իր գոհունակությունը հայտնեց կատարված աշխատանքների որակից։ Բերդկունքի մանկապարտեզի շենքի կառուցման ծրագրի պայմանագրային արժեքը կազմում է 450 միլիոն դրամ, որի 75 տոկոսը հատկացնում է ՀՀ կառավարությունը, 25 տոկոսը՝ Գավառի համայնքապետարանը։ Նորակառույց շենքը կլինի երկհարկանի՝ նկուղային հարկով, շուրջ 1100 քմ մակերեսով։ Այն կգործի 90 սանի համար՝․․․
Կայացավ դպրոցների տնօրենների օգոստոսյան խորհրդակցությունը 22.08.2024
Օգոստոսի 22-ին Գավառ քաղաքի Լ․ Քալանթարի անվան պետական դրամատիկական թատրոնի շենքում հանրակրթական դպրոցների, նախադպրոցական և արտադպրոցական ուսումնական հաստատությունների ղեկավարների մասնակցությամբ անցկացվեց օգոստոսյան խորհրդակցություն, որը վարեց ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը: Խորհրդաժողովին մասնակցեցին նաև Գեղարքունիքի մարզպետի տեղակալ Ջանիկ Բազեյանը,ԿԶՆԱԿ-ի տնօրենի ժամանակավոր պաշտոնակատար Արտաշես Թորոսյանը, ԿԳՄՍՆ հանրակրթության վարչության, ԿՏԱԿ-ի, ԿԶՆԱԿ-ի, ՀՄԿ-ի, մարզպետարանի կրթության, մշակույթի և սպորտի վարչության ներկայացուցիչներ։ Խորհրդաժողովի մեկնարկից առաջ նախարարի տեղակալ Արաքսիա Սվաջյանը, Գեղարքունիքի մարզպետի տեղակալ Ջանիկ Բազեյանը, մյուս մասնակիցները շրջեցին թատրոնի դահլիճի նախասրահում բացված կրթական էքսպոյի տաղավարներով, ծանոթացան նախարարության կողմից տարբեր անվանակարգերում հայտարարված մրցույթներում հաղթած դպրոցների կողմից ներկայացված աշխատանքներին:․․․
Գեղարքունիքի մարզում իրականացվում են դասագրքերի բաշխման աշխատանքները 21.08.2024
Գեղարքունիքի մարզպետի աշխատակազմի կողմից 2024 թվականի օգոստոսի 18-ից մեկնարկել է մարզի հանրակրթական պետական ուսումնական հաստատությունների՝ 2024-2025 ուսումնական տարվա դասագրքերի բաշխման գործընթացը։ Մարզի համար նախատեսված 110 անուն 187 008 կտոր դասագրքերից 40 անուն 69 418 կտորը նախատեսված է 1-4-րդ դասարանների համար, որոնց տպագրությունը իրականացվել է ՀՀ պետական բյուջեի միջոցներով, իսկ մնացած 70 անուն 117 590 կտոր դասագրքերը, որոնք նախատեսված են 5-12-րդ դասարանների համար, տպագրվել է "Դասագրքերի տեղեկատվական հաղորդակցման տեխնոլոգիաների շրջանառու հիմնադրամի" միջոցներով: Մինչև նոր ուսումնական տարվա սկիզբը՝ մարզի հանրակրթական պետական ուսումնական հաստատությունների աշակերտներն ապահովված կլինեն անհրաժեշտ բոլոր դասագրքերով:
Գեղարքունիքի մարզպետ Կարեն Սարգսյանը մշտադիտարկում անցկացրեց Ծովազարդի շինհրապարակներում 21.08.2024
Գեղարքունիքի մարզպետ Կարեն Սարգսյանը Գավառ համայնքի ղեկավար Գուրգեն Մարտիրոսյանի հետ մշտադիտարկում անցկացրեց Ծովազարդ բնակավայրի Րաֆֆու և Գարեգին Նժդեհ փողոցներում, որոնք հիմնանորոգման ընթացքի մեջ են ՀՀ կառավարության կողմից 2024 թվականին իրականացվող սուբվենցիոն ծրագրերի շրջանակներում։ Նրանց ուղեկցում էին Գեղարքունիքի մարզպետի տեղակալ Ջանիկ Բազեյանը, Գավառ համայնքի ղեկավարի առաջին տեղակալ Գրիգոր Դաշտոյանը, Գավառ համայնքի ղեկավարի տեղակալ Գրիգոր Բոշյանը, Գեղարքունիքի մարզպետի և Գավառի համայնքապետարանի աշխատակազմերի քաղաքաշինության ոլորտի պատասխանատուներ։ Կարեն Սարգսյանը զրուցեց շինարարների հետ, ծանոթացավ աշխատանքների ընթացքին, իր գոհունակությունը հայտնեց կատարված աշխատանքների որակի և պայմանագրով սահմանված ժամկետների շուրջ, ապա համայնքի ղեկավարի և բնակավայրի վարչական ղեկավարի մասնակցությամբ քննարկեց առաջիկայում Ծովազարդում նախատեսված ճանապարհաշինական հերթական ծրագրի իրականացման հետ կապված հարցեր։․․․
