Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Օմսկի պատվիրակությունն այցելեց Գագարին բնակավայրի նորակառույց նոր սերնդի ջերմոցային տնտեսություն 29.08.2022
Կարեն Սարգսյան / Karen Sargsyan ՌԴ Օմսկի նահանգի գործըներների հետ աշխատանքային այցով եղանք նաև Սեւան համայնքի Գագարին բնակավայրի նորակառույց նոր սերնդի ջերմոցային տնտեսությունում: Ջերմոցային տնտեությունը հիմնվում է ՀՀ կառավարության կողմից իրականացվող «Փոքր ու միջին ջերմատնային տնտեսությունների ներդրման պետական աջակցության» ծրագրի շրջանակներում, որտեղ պետական աջակցությունը վարկի սուբսիդավորման տեսքով կազմում է 800 միլիոն դրամ։ Ինչպես նշեց Օմսկի նահանգապետ Ալեքսանդր Բուրկովը` ողջունելի է, որ ՀՀ կառավարությունը նման չափերով աջակցում և սուբսիդավորում է նոր հիմնվող տնտեսություններին, ինչպես նաև Օմսկի գյուղատնտեսության և պարենի նախարար Նիկոլայ Վալենտինովիչի ուշադրությունը հրավիրեց օրինակ վերցնելու տեղի գործընկերներից` արտադրության ցիկլի կազմակերպման, խնդիրների լուծման և առաջադիմության առումով: Տնտեսությունը կառուցվում է 4 հեկտարի վրա, 9 միլիոն ԱՄՆ դոլարի ներդրմամբ:...
Կարեն Սարգսյան / Karen Sargsyan Ռուսաստանի Դաշնության Օմսկի նահանգապետ Ալեքսանդր Բուրկովի գլխավորած պատվիրակությանը ուղեկցել եմ Գեղարքունիքի մարզի Մարտունի համայնքի Աստղաձոր գյուղի հյուսիսային հատվածում` Սեւանա լիճը գոտեւորող անտառի հարեւանությամբ կառուցված արեւային ֆոտովոլտային կայաններ: Արեւային կայաններից մեկի դրվածքային հզորությունը կազմում է 5050 կիլովատտ ժամ, որի կառուցման համար ներդրվել է 3 միլիոն 420 հազար ԱՄՆ դոլար։ Կայանը զբաղեցնում է 8 հեկտար հողատարածք: Նույն տարածքում է գտնվում նաեւ երկրորդ կայանը, որը զբաղեցնում է 7,5 հեկտար հողատարածք, հզորությունը կազմում է 5600 կիլովատտ ժամ: Այս կայանի կառուցման համար ներդրվել է 3 միլիոն 400 հազար ԱՄՆ դոլար։․․․
Համատեղ ջանքերի և աշխատանքի շնորհիվ ՀՀ Գեղարքունիքի մարզի և Օմսկի նահանգի միջև ստորագրվել է համագործակցության ճանապարհային քարտեզ, որը հնարավորություն կտա երկու մարզերի համագործակցությունը ծավալել ամենատարբեր ուղղություններով՝ տնտեսության, կրթության, մշակույթի, առողջապահության, բնապահպանության, զբոսաշրջության եւ կենսական նշանակության այլ ոլորտներում։ Գեղարքունիքի մազպետ Կարեն Սարգսյանը ողջունել է պատվիրակության այցը մարզ` նշել, որ Ռուսաստանի Դաշնությունը Հայաստանի ռազմավարական դաշնակիցն է, և շատ կարևոր է ունենալ ամուր գործընկերային կապեր երկու մարզերի տարբեր գերատեսչությունների և տարբեր ներկայացուցչությունների հետ։ Մարզպետն իր խոսքում ընդգծել է Օմսկի նահանգի հետ համագործակցության պատրաստակամությունը՝ հայ-ռուսական հարաբերությունների շարունակական զարգացման և ամրապնդման ուղղությամբ, ապա ներկայացրել է մարզը
Օմսկի պատվիրակության անդամները շրջայց կատարեցին "Սևանի իշխան" ձկնաբուծարանում 26.08.2022
Գեղարքունիքի մարզպետ Կարեն Սարգսյանը և Ռուսաստանի Դաշնության Օմսկի նահանգապետ Ալեքսանդր Բուրկովը այցելեցին Գեղարքունիքի մարզի > ՓԲԸ, որը Սևանի ծիածանափայլ իշխանի բուծման և վերամշակման ձեռնարկություն է: Ընկերության նպատակներից է Սևանա լճում իշխանի պաշարների վերականգնումը և լճի հիմնախնդիրների լուծումը: Ընկերության գործադիր տնօրեն Դավիթ Շանոյանի ուղեկցությամբ շրջեցին արտադրամասում, ծանոթացան գործունեության ամբողջ ցիկլին ու քննարկեցին Օմսկի նահանգի հետ համագործակցության հնարավոր եզրերը:
Օմսկի պատվիրակության անդամներն այցելեցին Հայրավանքի վանական համալիր 26.08.2022
Ռուսաստանի Դաշնության Օմսկի նահանգապետ Ալեքսանդր Բուրկովի գլխավորած պատվիրակությունը մարզպետ Կարեն Սարգսյանի ուղեկցությամբ մշակութային այց կատարեց Հայրավանք, որը հայկական ճարտարապետության եզակի օրինակներից է: Եկեղեցում նրանց հյուրընկալեցին Գեղարքունյաց թեմի առաջնորդական տեղապահ Հոգեշնորհ Տ. Պարթև վրդ. Բարսեղյանը և Հայրավանքի վանահայր Հոգեշնորհ Տ. Բաբգեն վրդ. Սալբիյանը: Հայր Սուրբը ողջունեց հյուրերին` ներկայացնելով վանական համալիրի պատմությունը, որից հետո հրավիրեց մոմավառության և աղոթքի:
Կառավարության կողմից հաստատված աշնանացան ցորենի արտադրության խթանման 2022 թվականի աջակցության ծրագրի վերաբերյալ հանրային իրազեկման աշխատանքներ իրականացնելու նպատակով Գեղարքունիքի մարզպետ Կարեն Սարգսյանի հանձնարարությամբ մարզպետարանի գյուղատնտեսության և բնապահպանության վարչության մասնագետները օգոստոսի 25-ին այցելել են Ճամբարակ համայնք, որտեղ հանդիպում են ունեցել տեղի ֆերմերային տնտեսությունների ղեկավարների, բնակավայրերի վարչական ղեկավարների, հողօգտագործողների և շահառուների հետ։ Ծրագիրը իրականացվում է 1 հա աշնանացան ցորենի մշակության ծախսերի, մասնավորապես սերմի, պարարտանյութի և դիզելային վառելիքի ձեռքբերման ծախսերի մասնակի փոխհատուցման միջոցով, որի շրջանակում հավաստագրված սերմերով ցանք կատարելու դեպքում 1 հա-ի համար կտրամադրվի 120000 դրամ, իսկ չհավաստագրված սերմերով ցանքի դեպքում՝ 70000 դրամ։․․․
