Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Կարեն Սարգսյանն աշխատանքային այցով եղավ Ծովինար գյուղի դպրոցներում 01.02.2022
Փետրվարի 1-ին Գեղարքունիքի մարզպետ Կարեն Սարգսյանն աշխատանքային այցով եղավ Ծովինարի Ա. Խաչատրյանի անվան միջնակարգ և տարրական դպրոցներում: Մարզպետին ուղեկցում էին մարզպետի օգնական Ջանիկ Բազեյանը և մարզպետարանի կրթության, մշակույթի և սպորտի վարչության պետ Կարեն Զազյանը: Մարզպետը շրջայց կատարեց դպրոցների դասասենյակներում, ծանոթացավ դասընթացների կազմակերպմանը: Կարեն Սարգսյանը իր գոհունակությունը հայտնեց դասարաններում սենյակային նորմալ ջերմաստիճան ապահովելու համար, հետաքրքրվեց աշակերտների հաճախումներով, բացակայությունների պատճառներով եւ հորդորեց՝ խստագույնս պահպանել հակահամաճարակային կանոնները: Շրջայցի ընթացքում մարզպետը ծանոթացավ ճաշարաններում տարրական դասարանների աշակերտների համար սննդի կազմակերպման ընթացքին, հանձնարարեց դրանք իրականացնել բացառապես պահանջվող չափորոշիչներին համապատասխան:
Գեղարքունիքի մարզում տեղի ունեցան Հայոց բանակի կազմավորման 30-րդ տարեդարձին նվիրված միջոցառումներ 28.01.2022
Հայոց բանակի կազմավորման 30-րդ տարեդարձի կապակցությամբ Գեղարքունիքի մարզպետի տեղակալ Ռուբիկ Նավոյանը, մարզպետարանի ստորաբաժանումների ղեկավարները, Հայ Առաքելական եկեղեցու Գեղարքունյաց թեմի հոգեւոր դասի ներկայացուցիչները ծաղիկներ խոնարհեցին Արցախյան ազատամարտում զոհված հայորդիների հիշատակը հավերժացնող հուշարձանին, ապա Գավառի Սուրբ Աստվածածին եկեղեցում մոմավառությամբ հարգեցին Հայոց բանակի հերոսացած զինվորների հիշատակը։ Հնչեց Հանրապետական մաղթանք Հայրավանքի վանահայր Տեր Բաբկեն վարդապետ Սալբիյանի նախագահությամբ եւ Գեղարքունյաց թեմի Գավառի տարածաշրջանի հոգեւոր հովիվ Տեր Նշան քահանա Սարգսյանի աղոթակցությամբ։
2022 թվականի փետրվարի 28-ին և մարտի 1-ին ՀՀ Կոտայքի մարզի Չարենցավան քաղաքում անցկացվելու է «ՀՀ Վարչապետի գավաթ» սիրողական սեղանի թենիսի մրցաշարի եզրափակիչ փուլը: «ՀՀ Վարչապետի գավաթ» սիրողական սեղանի թենիսի մրցաշարն անցկացվելու է երկու տարիքային խմբերով՝ 1-ին տարիքային խումբ՝ 18-ից 35 տարեկան (1987-2004 թթ. ծնված) կանայք, 18-ից 40 տարեկան (1982-2004 թթ. ծնված) տղամարդիկ, 2-րդ տարիքային խումբ՝ 36 (1986 թ. ծնված) և բարձր տարիքի կանայք, 41 (1981 թ. ծնված) և բարձր տարիքի տղամարդիկ: Մրցաշարն անցկացվելու է 3 փուլով՝ համայնքային, մարզային և հանրապետական (եզրափակիչ): ՀՀ Գեղարքունիքի մարզում համայնքային փուլը կազմակերպում և անցկացնում են Գավառի, Վարդենիսի, Մարտունու, Սևանի, Ճամբարակի...
Համաձայն ՀՀ Գեղարքունիքի մարզպետի 2019 թվականի ապրիլի 8-ի թիվ 302-Ա որոշմամբ սահմանված կարգի` 2022 թվականի հունվարի 26-ին մարզպետ Կարեն Սարգսյանը Մարտունու համայնքապետարանում կատարեց քաղաքացիների ընդունելություն, որին մասնակցեցին քաղաքացիներ Մարտունուց և նրա կազմում ընդգրկված բնակավայրերից: Քաղաքացիները մարզպետին դիմեցին հիմնականում իրենց մտահոգող սոցիալական մի շարք խնդիրների կարգավորմանն աջակցելու նպատակով: Կարեն Սարգսյանը դիմումատուներին տեղում տվեց բավարար պատասխան, ոմանց խոստանալով օգնել մարզպետարանի լիազորության և հնարավորության սահմաններում: Մարտունու համայնքապետարանում Գեղարքունիքի մարզպետ Կարեն Սարգսյանը և Մարտունի խոշորացված համայնքի ղեկավար Հովհաննես Հովեյանը քննարկեցին աշխատանքային բնույթի մի շարք այլ հարցեր:
Հանդիպման սկզբում կողմերը նախ ողջունել են միմյանց, ապա քննարկել երկկողմ հարաբերությունների զարգացման և տարբեր ոլորտներում համագործակցության ընդլայնման հնարավորությունները, երկուստեք ընդգծել, որ երկու երկրների միջև փոխգործակցությունը զարգացնելու մեծ ներուժ կա: «Շնորհակալ եմ ջերմ ընդունելության համար: Շատ ուրախ եմ, որ իմ զբաղեցրած պաշտոնում առաջին արտասահմանյան այցը տեղի ունեցավ հենց ՌԴ՝ Օմսկի նահանգ: Հայ-ռուսական հարաբերությունները դարեր ի վեր զարգացել են բարեկամության և փոխվստահության մթնոլորտում: Այժմ կցանկանայի, որ բարեկամանան նաև մեր մարզերը, մենք էլ մեր հերթին աջակցենք դրանց զարգացմանը...
Նոր սահմանափակումների վերաբերյալ 21.01.2022
Հունվարի 22-ից հանրային սննդի օբյեկտների, հյուրանոցային տնտեսության օբյեկտների և մարզասրահի հաճախորդները, գրադարանների և թանգարանների այցելուները, թատերահամերգային, կինոյի և այլ մշակութային գործունեություն իրականացնող կազմակերպությունների հանդիսատեսները մուտք են գործում միայն, եթե ներկայացնում են. կամ ՊՇՌ հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ, կամ Առողջապահության համաշխարհային կազմակերպության կողմից նախաորակավորված COVID-19 հարուցչի հակածնի հայտնաբերման արագ ախտորոշիչ թեստի 24 ժամյա վաղեմության բացասական արդյունքը հավաստող տեղեկանք՝ արտածված ԱՐՄԵԴ համակարգից, կամ պատվաստման սերտիֆիկատ, բջջային հավելվածի արագ արձագանքման ծածկագրի (QR կոդ) միջոցով կամ բջջային հավելվածից արտածված թղթային տարբերակով։...
