Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մայիսի 11-13-ը Սյունիքի մարզկենտրոն Կապան համայնքում անցկացվել է «Տարածաշրջանների միջև առևտրատնտեսական համագործակցության զարգացումը Եվրասիական տնտեսական միությունում» թեմայով տարածաշրջանային աշխատանքային քննարկումը, որին մասնակցել են ԵԱՏՄ երկրներից ժամանած պատվիրակություններ։ Աշխատանքային քննարկումների ժամանակ ներկայացվել է ԵԱՏՄ միջմարզային զարգացման հնարավորությունները։ Ելույթով հանդես է եկել ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը։ Տարածաշրջանային աշխատանքային ննարկմանը մասնակցել են նաև Գեղարքունիքի մարզպետի տեղակալ Ռուբիկ Նավոյանը և մարզպետարանի զարգացման ծրագրերի, զբոսաշրջության և վերլուծության բաժնի պետ Վարդուհի Մնացականյանը։ Գեղարքունիքի մարզպետի տեղակալը ներկայացրել է Գեղարքունիքի մարզի ներուժը, ներդրումների հնարավորությունները, ԵԱՏՄ երկրների հետ համագործակցության հնարավորությունները։ Աշխատանքային քննարկման երկրորդ հատվածում քննարկվել է «Կանաչ տնտեսության» և մարզերի զարգացման հնարավորությունները։
ՀՀ Կառավարության 2022 թվականի մայիսի 13-ի հերթական նիստում որոշվեց 548,4 միլիոն դրամ հատկացնել Գեղարքունիքի մարզի Մ11 Մարտունի-Աստղաձոր միջպետական նշանակության 5,9 կիլոմետր ճանապարհահատվածի հիմնանորոգման աշխատանքների իրականացման համար։ Նշված ճանապարհահատվածի հիմնանորոգման աշխատանքները մեկնարկել էին 2021 թվականին, որի ընթացքում հիմնանորոգվել է 5,9 կիլոմետր ճանապարհահատվածի 1 կիլոմետրը, ծախսելով 195,5 միլիոն դրամ։ ՀՀ Կառավարության 2022 թվականի մայիսի 13-ի նիստի նույն որոշմամբ 3 միլիոն 215 հազար դրամ էլ նախատեսվել է հատկացնել Գեղարքունիքի մարզի տարբեր նշանակության ճանապարհների հիմնանորոգման ծրագրերի նախագծային փաստաթղթերի փորձաքննությունն իրականացնելու համար։
Գեղարքունիքի մարզում մեկնարկեց «Կանանց տնտեսական զորացում Հարավային Կովկասում» ծրագրի 2րդ փուլը 13.05.2022
Մայիսի 13-ին Գեղարքունիքի մարզպետարանում կայացած հանդիպման ընթացքում հայտարարվեց «Կանանց տնտեսական զորացում Հարավային Կովկասում» ծրագրի գործունեության մեկնարկի 2-րդ փուլի մասին, որին ներկա էին պետական կառավարման և տեղական ինքնակառավարման մարմինների և տեղական գործընկեր կազմակերպությունների, տեղական ՀԿ-ների, ինչպես նաև շահառու կանանց ներկայացուցիչներ: Ծրագիրն իրականացվում է ՄԱԿ-ի զարգացման ծրագրի «Կանանց տնտեսական զորացում Հարավային Կովկասում» ծրագրի հայկական բաղադրիչի շրջանակներում։ ՄԱԶԾ ծրագրի հայկական բաղադրիչն իրականացվում է Վրաստանի ՄԱԿ-Կանայք կառույցի հետ գործընկերությամբ՝ զարգացման և համագործակցության շվեյցարական գործակալության և ավստրիական զարգացման գործակալության աջակցությամբ։ Ծրագրի գլխավոր գործընկերը ՀՀ տարածքային կառավարման և ենթակառուցվածքների նախարարությունն է, իսկ առանձին գործողությունների մասով ծրագրին աջակցում է նաև ՀՀ աշխատանքի և սոցիալական հարցերի նախարարությունը։․․․
Շողակաթի միջնակարգ դպրոցում շահագործվեց արևային էլեկտրակայան 12.05.2022
Հայաստանում Լիտվայի Հանրապետության դեսպանատան աջակցությամբ և Լիտվայի կառավարության ֆինանսավորմամբ, Լիտվայի Հանրապետության շրջակա միջավայրի նախարարությանը կից բնապահպանական նախագծերի կառավարման գործակալության կլիմայի փոփոխության ծրագրի շրջանակներում, 2022 թվականի փետրվար ամսին մեկնարկեց Գեղարքունիքի մարզի Շողակաթ համայնքի միջնակարգ դպրոցի արևային կայանի տեղադրման գործընթացը, որն ավարտին հասցվեց օրերս։ Ծրագիրը նպատակ ունի լիտվական զարգացման համագործակցության ծրագրի «Շրջակա միջավայրի աղտոտվածության և կլիմայի փոփոխության հիմնախնդիրների լուծում հայկական դպրոցների համար» արևային էլեկտրակայան կառուցելու և տեղական գործընկերների ու հաստատությունների հետ արևային էներգիայի ոլորտում լիտվական փորձը փոխանակել գործընկերներին։ Շողակաթում տեղադրված և միջազգային չափորոշիչներին համապատասխան արևային կայանի համար ծախսվել է 32 հազար եվրո, որի 10 տոկոսը ներդրել է Շողակաթ համայնքը, 90 տոկոսը՝ Լիտվայի կառավարությունը։...
ՀՀ Գեղարքունիքի մարզպետ Կարեն Սարգսյանի շնորհավորանքի խոսքը Բուժքույրերի միջազգային օրվա առթիվ 12.05.2022
Հարգելի բուժքույրեր, ձեզ նվիրված այս տոնը լավագույն առիթ է՝ մեկ անգամ եւս գնահատելու եւ արժեւորելու այն հանրօգուտ, կարեւոր ու նվիրական աշխատանքը, որ դուք իրականացնում եք անտրտունջ, պարտքի ու պատասխանատվության գիտակցումով, մասնագիտական հմտությամբ՝ մարդկանց պարգեւելով կյանք ու առողջություն։ Դուք անուրանալի անձնազոհություն դրսեւորեցիք թե՛ համավարակի դեմ պայքարի, թե՛ Արցախյան 44-օրյա պատերազմի ողջ ընթացքում՝ աշխատելով գերբեռնված, գրեթե շուրջօրյա գրաֆիկով, ինչի շնորհիվ մեզ հաջողվեց հաղթահարել ատեղծված ծանր իրավիճակը, փրկել մարդկային բազմաթիվ կյանքեր՝ երջանկացնելով նրանց ընտանիքներին։ Դուք արժանիորեն, տարիների վաստակով շահել եք հանրության սերն երախտագիտությունը։ Ձեր հոգատարությունն անմոռանալի է եւ անգնահատելի։ Մասնագիտական տոնի առթիվ շնորհավորում եմ ձեզ, մաղթում քաջառողջություն, անձնական ու ընտանեկան երջանկություն, աշխատանքային նորանոր հաջողություններ։ Լավագույն ցանկություններով՝ ՀՀ Գեղարքունիքի մարզպետ Կարեն Սարգսյան
Գավառում անցկացվեց շախմատի 2022 թվականի մարզային առաջնությունը 10.05.2022
2022 թվականի մայիսի 8-ին Գավառի ստեղծագործական կենտրոնում տեղի ունեցավ Գեղարքունիքի մարզի շախմատի 2022 թվականի առաջնությունը: Այն նպատակ ուներ՝ նպաստելու համայնքներում շախմատ մարզաձևի մասսայական զարգացմանը, ի հայտ բերելու շնորհալի մարզիկներին և հանրապետական մրցումներին մարզի լավագույն շախմատիստների մասնակցության ապահովմանը: Մարզային առաջնությունն անցկացվեց մեկ փուլով, որին մասնակցեցին Գեղարքունիքի մարզում գործող Հայաստանի շախմատի ակադեմիայի Գավառի, Մարտունու, Վարդենիկի, Վարդենիսի, Ճամբարակի, Սևանի և Սարուխանի մասնաճյուղերում կազմակերպված մրցումներում երեք մրցանակային տեղեր գրաված շախմատիստները: Այն անցկացվեց շվեյցարական մրցակարգով՝ ՖԻԴԵ-ի կանոնակարգի համաձայն: Առաջնությունն անհատական էր: Մեկ խաղափուլում յուրաքանչյուր խաղացողի տրված էր 25 րոպե ժամանակ` յուրաքանչյուր քայլի համար 5 վայրկյան հավելումով:
