Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
,,Շտիգեն,, կազմակերպության հիմնադիր տնօրենը հանդիպում ունեցավ Գեղարքունիքի մարզպետի հետ 22.03.2018
Ամենացրտաշունչ պայմաններում անգամ Գեղարքունիքի մարզում հնարավոր է արևային էներգիա ստանալ, քանզի մարզն ամենաարևայինն է: Օգտագործելով այդ ռեսուրսը՝,,Շտիգեն,, կազմակերպությունն արդեն 7 տարի է, ինչ մարզում իրականացնում է ,,Արևային համայնք,, ծրագիրը: Ծրագրի շրջանակներում մարզի համայնքներում տեղադրվում են արևային ջրատաքացուցիչներ և արևային էներգիայի համակարգեր: Ըստ մասնագետների հաշվարկների՝ մարզի տնտեսությունների կողմից տարեցտարի ավելանում է արևային ջրատաքացուցիչների տեղադրման պահանջարկը:,,Շտիգեն,, կազմակերպության հիմնադիր տնօրեն Հայկ Շեկյանի հավաստմամբ տեղադրվող սարքավորման գինը 440 հազար դրամ է՝ շուկայական արժեքից համեմատաբար էժան: Կազմակերպության տնօրենը իրականացվելիք աշխատանքների վերաբերյալ մարտի 21-ին...
Քարվաճառում կանգնեցվել է հիշատակի խաչքար 19.03.2018
ԵԿՄ վարչության Գավառի տարածքային բաժանմունքի նախաձեռնությամբ մարտի 18-ին Քարվաճառում տեղի է ունեցել Քարվաճառի մարտերում իրենց կյանքը նվիրաբերած քաջորդիների հիշատակն հավերժացնող խաչքարի բացման արարողություն: Նորաբաց խաչքարը օրհնվել է Գեղարքունյաց դասի և Արցախի N զորամասերի գնդերեցների կողմից, խոնարհվել են ծաղիկներ, տեղի է ունեցել հիշատակի ցերեկույթ: Տեղադրված խաչքարը հավերժացնելու է Գավառի տարածաշրջանից Քարվաճառի մարտերում քաջաբար զոհված կամավորներ՝ Սերյոժա Հրանտի Ավետիսյանի, Գագիկ Վահրամի Գալստյանի, Վարդան Վասիլի Գասպարյանի, Արսեն...
Քննարկվեցին մարզում էլեկտրոնային առողջապահության համակարգի ներդրման հետ կապված հարցեր 19.03.2018
Մարտի 19-ին Գեղարքունիքի մարզպետարանում հրավիրված հանդիպման ընթացքում քննարկվեցին մարզում էլեկտրոնային առողջապահության համակարգի եւ դեղորայքի տրամադրման դեղատոմսային կարգի ներդրման հետ կապված խնդիրներ: Հանդիպմանը մասնակցում էին մարզի առողջապահական բոլոր հաստատությունների տնօրենները եւ օպերատորները: Հանդիպումը վարում էր Գեղարքունիքի մարզպետարանի աշխատակազմի առողջապահության եւ սոցիալական ապահովության վարչության պետ Անուշ Պողոսյանը: Առողջապահական գերակա ծրագրերից մեկի՝ էլեկտրոնային առողջապահության համակարգի ներդրման ծրագիրը մանրամասնորեն ներկայացրին ՀՀ առողջապահության նախարարարության...
Կառավարությունում քննարկվել են «Սևան» ազգային պարկի բարեփոխումներին վերաբերող հարցեր 15.03.2018
Վարչապետ Կարեն Կարապետյանի գլխավորությամբ կառավարությունում տեղի է ունեցել խորհրդակցություն, որի ընթացքում քննարկվել են «Սևան» ազգային պարկի բարեփոխումներին և զարգացման ռազմավարությանը վերաբերող հարցեր: Զեկուցվել է, որ բարեփոխումների ծրագրով 14 մլրդ դրամ գնահատվող 29 միջոցառում է նախատեսվում: Մասնավորապես, միջոցառումներն ուղղված են լինելու «Սևան» ազգային պարկի հենքի վրա կենսոլորտային պահպանավայրի ստեղծմանը, ազգային պարկի կառավարման պլանի մշակմանը, ջրածածկ և ջրածածկման ենթակա անտառտնկարկների մաքրմանը, ջրի տակ մնացած շենք-շինությունների ապամոնտաժմանը, պատմության և մշակույթի անշարժ հուշարձանների պահպանման գոտիները հատուկ նշաններով առանձնացնելուն...
Գեղարքունիքի մարզպետն ընդունեց Մոլդովայի խորհրդարանի փոխնախագահին 13.03.2018
Մարտի 13-ին ՀՀ ԱԺ փոխնախագահ Էդուարդ Շարմազանովի ուղեկցությամբ Գեղարքունիքի մարզ այցելեցին Մոլդովայի Հանրապետության խորհրդարանի փոխնախագահ Վլադիմիր Վիտյուկինը և ԱՊՀ միջխորհրդարանական վեհաժողովի ագրարային քաղաքականության, բնական պաշարների եւ էկոլոգիական հարցերով մշտական հանձնաժողովի նախագահ Վիոլետա Իվանովը: Սևանի քաղաքապետարանում նրանց հյուրընկալեց Գեղարքունիքի մարզպետ Կարեն Բոթոյանը, հանդիպմանը մասնակցում էր նաև Սևանի քաղաքապետ Սարգիս Մուրադյանը : Հանդիպման մեկնարկին Կարեն Բոթոյանը նախ շնորհակալություն հայտնեց բարձրաստիճան հյուրերին ...
ՀՀ Գեղարքունիքի մարզպետ Կարեն Բոթոյանի շնորհավորանքի խոսքը Կանանց տոնի կապակցությամբ 07.03.2018
Հարգարժան մայրեր, կանայք, քույրեր ու դուստրեր: Դուք ամենօրյա քնքշությամբ ու հմայքով եք լցնում մեր շրջապատը: Ձեզանով է շեն ու կանգուն մեր հայրենիքը: Ձեր դաստիարակություն շնորհիվ է նաև, որ մենք այսօր ունենք հայրենիքի սահմաններն ամուր պահող զինվորներ: Դուք ամենայն նվիրումով հոգսերի բեռ եք կրում ոչ միայն ընտանիքում, այլ նաեւ հանրային կյանքի ամենատարբեր ոլորտներում՝ ի շահ մեր հայրենիքի զորացման, համազգային նպատակների իրականացման, խաղաղ ու լուսավոր ապագայի: Շնորհավորում եմ ձեզ գարնանային այս գեղեցիկ տոնի առթիվ, մաղթում ծաղկառատ ու արեւոտ գարուններ, ընտանեկան ջերմություն, ամենայն սեր ու բարիք: Լավագույն ցանկություններով՝ Գեղարքունիքի մարզպետ Կարեն Բոթոյան
