Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Նշվեց Արեգունի գյուղի հիմնադրման 30-րդ տարեդարձը 10.12.2018
Գեղարքունիքի մարզի Գեղամասար համայնքի Արեգունի բնակավայրը հանդիսավորությամբ նշեց իր հիմնադրման 30-րդ տարեդարձը, որին մասնակցեցին գյուղի բնակիչներ, Գեղամասար համայնքի բնակավայրերի վարչական ղեկավարներ, Գեղարքունիքի մարզպետարանի ներկայացուցիչներ: 2018 թվականի դեկտեմբերի դրությամբ Արեգունիում բնակվում է 383 բնակիչ՝ 120 տնտեսությամբ: Տարեկան այստեղ գրանցվում է 3-5 բնակիչ:Արեգունին կազմավորվել է Ադրբեջանի տարբեր բնակավայրերից բռնագաղթի ենթարկված հայ ընտանիքներից, 1988 թվականի դեկտեմբերին: Գեղամասար համայնքի ղեկավար Հակոբ Ավետյանը շնորհավորեց Արեգունու բնակչությանը՝ մաղթելով հազարամյակների տեւական ու խաղաղ ընթացք, նորանոր հաջողություններ: Գեղարքունիքի մարզպետարանի տեղական ինքնակառավարման եւ հանրապետական գործադիր մարմինների հարցերով վարչության պետ Վանիկ Հարությունյանն ընթերցեց Գեղարքունիքի...
Գեղարքունիքում հարգեցին Սպիտակի երկրաշարժի զոհերի հիշատակը 07.12.2018
Գեղարքունիքի մարզպետ Գնել Սանոսյանը, Գավառի քաղաքապետ Գուրգեն Մարտիրոսյանը, Գեղարքունիքի մարզպետարանի, Գավառի քաղաքապետարանի, կրթամշակութային հաստատությունների աշխատակիցները եւ անհատ քաղաքացիներ Գավառի Սուրբ Աստվածածին եկեղեցու բակում ծաղկեպսակներ եւ ծաղիկներ խոնարհեցին 1988 թվականի Սպիտակի երկրաշարժի զոհերի հուշաքարին: Ծաղկեդրումից հետո հարգանքի տուրք մատուցող քաղաքացիները Գավառի Սուրբ Աստվածածին եկեղեցում մասնակցեցին հոգեհանգստյան կարգին, որը մատուցվեց ձեռամբ Գեղարքունյաց թեմի հոգեւոր հովիվ Տեր Գնել քահանա Մարտիրոսյանի: «Երեսուն տարի առաջ այս օրը Հայաստանի հյուսիսային հատվածում կատարվեց աննկարագրելի բնական աղետը՝ մեզնից խլելով տասնյակ հազարավոր թանկագին կյանքեր, հողին հավասարեցնելով ու ավերակույտերի վերածելով մեր բազմաթիվ բնակավայրերը: Մենք այսօր բարձրացնում ենք աղոթք առ Աստված, մեր աղոթքի ձայնը միացնում Հայաստանյաց ու Սփյուռքի ...
Գեղամասարցի փոքրիկները կհաճախեն մանկապարտեզ 06.12.2018
Գեղամասար համայնքում նոյեմբերի 20-ից մեկնարկել եւ ընթանում են մանկապարտեզի շենքի հիմնանորոգման աշխատանքները: Ինչպես տեղեկացրեց Գեղամասար համայնքի ղեկավար Հակոբ Ավետյանը, Գեղամասարում մանկապարտեզ առհասարակ չի գործել, իսկ մանկապարտեզի շենքը գտնվել է լքված ու կիսավեր վիճակում, այն դեպքում, երբ 2018 թվականի նոյեմբեր ամսվա տվյալներով Գեղամասարում կան 3-5 տարեկան 62 երեխա: Մանկապարտեզի շենքի հիմնանորոգման ծրագրի արժեքը կազմել է 12 միլիոն 412 հազար դրամ, որից 7 միլիոն 252 հազար դրամը ներդրել է «Վորլդ Վիժն Հայաստան» կազմակերպությունը, 5 միլիոն 160 հազար դրամ՝ Գեղամասարի համայնքապետարանը: «Շենքի տանիքը լրիվ քայքայված է, իսկ ներսում կատարյալ անբարեկարգ վիճակ է: «Վորլդ Վիժն Հայաստան»կազմակերպությունը ներդրումը կատարել է շինանյութի տեսքով, իսկ շինարարական աշխատանքները կատարվում են համայնքապետարանի միջոցներով:Այս պահին ընթանում են տանիքի հիմնանորոգման աշխատանքները, փոխվել են շենքի դրսի եւ ներսի դռները, պատուհանները: Տանիքի հիմնանորոգումից հետո սկսելու ենք ներքին հարդարման աշխատանքները ...
Ուսումնավարժություն՝ «Աղետներին դիմակայության օր» խորագրի շրջանակներում 06.12.2018
ՀՀ Գեղարքունիքի մարզպետի համապատասխան որոշմամբ դեկտեմբերի 6-ին Գավառ քաղաքում անցկացվեց ցուցադրական հատուկ տակտիկական ուսումնավարժություն՝ «Տարհանման կազմակերպումը ՀՀ Գեղարքունիքի մարզպետարանից՝ ուժեղ երկրաշարժի դեպքում և հրշեջ փրկարարական տեխնիկայի և գույքի ցուցադրություն» թեմաներով: Ոսումնավարժությունն իրականացվեց «Աղետներին դիմակայության օր» խորագրի շրջանակներում, այն նվիրված էր 1988 թվականի Սպիտակի երկրաշարժի 30-րդ տարելիցին: Հատուկ տակտիկական ուսումնավարժությունը կազմակերպվեց և անցկացվեց ՀՀ Գեղարքունիքի մարզպետարանի և ՀՀ ԱԻՆ Գեղարքունիքի մարզային փրկարարական վարչության համատեղ ուժերով: Ըստ ուսումնավարժության պլանի՝ պայմանական եղանակով կազմակերպվեց տարհանում, երկրաշարժից տուժածների առաջին բուժօգնություն և տեղափոխություն մոտակա բժշկական կենտրոն: Պայմանական բուժօգնության աշխատանքներում ներգրավված էր նաև Գավառի ԲԿ-ն: Ըստ ուսումնավարժության պլանի երկրորդ մասի՝ Գավառի հրապարակում...
Տեղեկացում 06.12.2018
Տեղեկացում՝ Կարճաղբյուր համայնքի ավագանու նիստի անցկացման վերաբերյալ
Գեղհովիտում տեղական բյուջեի միջոցներով եւ ՀՀ կառավարության կողմից տրամադրված սուբվենցիայով կապիտալ նորոգման է ենթարկվել երկու թաղամասերը սնուցող ոռոգման համակարգի գլխամասային կառույցը, որը փլվել էր այս տարվա գարնանային հեղեղումներից՝ ոռոգման շրջանում անելանելի վիճակ ստեղծելով ավելի քան 500 տնտեսությունների համար: Վնասված գլխամասային կառույցի կապիտալ նորոգման նախագծային արժեքը կազմել է 17 միլիոն 138 հազար դրամ, սակայն շինարարական մրցույթը շահվել է 10 միլիոն 562 հազար դրամով: Գեղհովիտի համայնքապետարանը հատկացրել է 8 միլիոն դրամ: 2 միլիոն 562 հազար դրամ էլ կազմել է ՀՀ կառավարության տրամադրած սուբվենցիան: Շինարարական աշխատանքները մեկնարկել են հոկտեմբեր ամսից եւ ավարտվել դեկտեմբերի 3-ի դրությամբ: ՀՀ կառավարության կողմից տրամադրված սուբվենցիոն ծրագրի շրջանակներում Վերին Գետաշեն գյուղում ...
