Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարտի 14-ին Գեղարքունիքի մարզպետարանում անցկացված հերթական հանդիպման ընթացքում քննարկվեցին առաջիկայում կայանալիք « Իմ քայլը հանուն Գեղարքունիքի մարզի» գործարար համաժողովի նախապատրաստական և կազմակերպչական աշխատանքների ընթացքին վերաբերող հարցեր: Քննարկմանը մասնակցում էին Գեղարքունիքի մարզից անհատ ձեռներեցներ, գործարարներ, հասարակական կազմակերպությունների և ԶԼՄ-ներկայացուցիչներ, ակտիվիստներ, սոցիալական ձեռնարկատիրության պատասխանատուներ: Քննարկումն անցկացրեց Գեղարքունիքի մարզպետ, «Իմ քայլը հանուն Գեղարքունիքի մարզի» գործարար համաժողովի անցկացման մարզային հանձնաժողովի նախագահ Գնել Սանոսյանը: Հանդիպման մասնակիցները առանձին-առանձին տեղեկատվություն ներկայացրեցին ...
Գեղարքունիքի մարզպետն ընդունեց ՄԱԿ-ի ՊՀԾ «Դպրոցական սնունդ» ծրագրի պատասխանատուներին 14.03.2019
Մարտի 14-ին Գեղարքունիքի մարզպետ Գնել Սանոսյանն ընդունեց ՄԱԿ- ի Պարենի Համաշխարհային Ծրագրի՝ «Դպրոցական սնունդ» ծրագրի ղեկավար՝ Օկսանա Զոտովային և նույն ծրագրի՝ «Դպրոցական սնունդ» ծրագրի Գեղարքունիքի մարզի համակարգող Կարեն Հակոբյանին: Ծրագրի պատսխանատուները Գնել Սանոսյանին ներկայացրին իրենց առաջիկա անելիքները, որոնք վերաբերում էին մարզում «Դպրոցական սնունդ» ծրագրում ընդգրկված՝ մարզային և նախարարության ենթակայությամբ գործող դպրոցների ճաշարանների արդիականացմանը: ՄԱԿ- ի Պարենի Համաշխարհային Ծրագրի՝ պատասխանատուների տեղեկացմամբ, ծրագրի շրջանակներում, այս տարվա ապրիլի 1-7-ն ընկած ժամանակահատվածում նախատեսվել է մարզում գործող 117 դպրոցներում իրականացնել դպրոցական ճաշարանների մոնիթորինգ, որպեսզի հստակեցնեն, թե ինչ պայմաններ, ինչպիսի հագեցվածություն և դպրոցականներին սնունդ տրամադրելու հնարավորություններ ունեն: «Ճաշարաններում, սննդի և պահեստի հատվածներում ...
Գեղարքունիքի մարզպետարանում քննարկվեց մարզի հուշարձանների պահպանության խնդիրը 14.03.2019
Մարտի 14-ին Գեղարքունիքի մարզպետ Գնել Սանոսյանն ընդունեց «Պատմաշակութային արգելոց-թանգարանների և պատմական միջավայրի պահպանության ծառայություն » ՊՈԱԿ տնօրեն Արա Թարվերդյանին, տնօրենի տեղակալ Կարեն Փահլեվանյանին և ՊՈԱԿ-ի Գեղարքունիքի մարզային կառույցի ղեկավար Գոռ Գասպարյանին: Արա Թարվերդյանը մտահոգություն հայտնեց մարզի մի շարք համայնքներում տիրող անտարբեր վերաբերմունքի մասին, որն առնչվում է հուշարձանների պահպանության, դրանց հանրահռչակման եւ մի շարք այլ խնդիրների: «Մենք խնդիր ունենք մարզի համայնքների ղեկավարների հետ, ովքեր բավարար չափով իրազեկված չեն իրենց համայնքի վարչական տարածքում գտնվող հուշարձանների պահպանության օրենսդրության մասին: Բնակիչները խաչքարերի վրա մոմ են վառում, հաճախ նաև դրանք տեղահանում և տուն են տանում: Լուրջ խնդիր ունենք նաև համայնքների ղեկավարների կողմից պատմական հուշարձանների մերձակա տարածքներում շինթույլտվություն տրամադրելու վերաբերյալ, հաշվի չառնելով, որ այդ տարածքը համայնքային սեփականություն չի հանդիսանում...
Մարտի 14-ին Գեղարքունիքի մարզպետ Գնել Սանոսյանն աշխատանքային այց կատարեց Գավառ քաղաքի Հացառատ թաղամասի չգործող մանկապարտեզ և նորակառույց դպրոցի շինհրապարակ: Ինչպես տեղում ներկայացրին թաղամասի բնակիչները, մանկապարտեզն իր գործունեությունը դադարեցրել է 2008 թվականից, որից հետո շենքն անբավարար պահպանության հետևանքով տարիների ընթացքում դարձել է օգտագործման համար ոչ պիտանի: «Ժամանակին մեր թաղամասի մանկապարտեզն ունեցել է 4 խումբ՝ 120 սաներով: Թաղամասն աճող է, մանկապարտեզի վերագործարկումը՝ պահանջված: Հիմնանորոգման աշխատանքներ իրականացնելու դեպքում շենքը լիարժեքորեն կարող է ծառայել իր նպատակներին»,-ներկայացրին թաղամասի բնակիչները: Գեղարքունիքի մարզպետարանի քաղաքաշինության վարչության պետ Արմեն Զոհրաբյանի ներկայացմամբ՝ խնդիրը կառավարության առջև բարձրացվել է դեռևս անցած տարվա ընթացքում, որի լուծման համար կառավարության կողմից իրականացվող հրատապ ծրագրերի շրջանակներում ...
Անցկացվեց «Կորյուն» ռազմամարզական խաղի մարզային փուլը 12.03.2019
Գավառի թիվ 8 միջնակարգ դպրոցում տեղի ունեցավ «Կորյուն» ռազմամարզական խաղերի մարզային փուլը, որին մասնակցեցին տարածքային փուլում հաղթած Ճամբարակի ավագ, Ծովազարդի, Զոլաքարի թիվ 1 եւ Խաչաղբյուրի միջնակարգ դպրոցների թիմերը՝ թվով 40 աշակերտներ՝ իրենց զինղեկների հետ միասին: Ինչպես տեղեկացրեց Գեղարքունիքի մարզպետարանի ԿՄՍ վարչության մշակույթի եւ սպորտի բաժնի վարիչ Գեղամ Չարվադարյանը, ծրագիրը բաղկացած էր չորս խաղերից. կարգապահ եւ ներդաշնակ, արագ եւ դիպուկ, բանիմաց եւ հնարամիտ, ամենագիտակ եւ խելացի: Մրցումներն անցկացվեցին ըստ կանոնակարգի: Բոլոր չորս թիմերն էլ լավ տպավորություն թողեցին, սակայն արդյունքների ամփոփումից հետո 60 միավորով հաղթող ճանաչվեց Ճամբարակի ավագ դպրոցի հավաքական թիմը՝ զինղեկ Նիկալ Ճաղարյանի ղեկավարությամբ: 56 միավորով երկրորդ տեղում էր Զոլաքարի թիվ 1 միջնակարգ դպրոցի թիմը, երրորդ տեղում՝ 39 միավորով Ծովազարդի միջնակարգ դպրոցի թիմը: Ճամբարակի ավագ դպրոցի թիմը Գեղարքունիքի մարզը կներկայացնի «Կորյուն» ռազմամարզական խաղերի հանրապետական փուլում:
Գեղարքունիքի մարզպետն ընդունեց մարզից ընտրված պատգամավորներին 11.03.2019
Մարտի 11-ին Գեղարքունիքի մարզպետ Գնել Սանոսյանն ընդունեց Գեղարքունիքի մարզից ընտրված ՀՀ ԱԺ պատգամավորներ՝ Հայկ Սարգսյանին՝ «Իմ քայլը» խմբակցություն, Վարազդատ Կարապետյանին՝ «Իմ քայլը» խմբակցություն, Թագուհի Թովմասյանին՝ «Իմ քայլը» խմբակցություն, Սողոմոն Սողոմոնյանին՝ ԲՀԿ խմբակցություն, Հրանտ Մադաթյանին՝ ԲՀԿ խմբակցություն, Ռուբիկ Ստեփանյանին՝ «Լուսավոր Հայաստան» խմբակցություն: Հանդիպման ընթացքում կողմերը զրուցեցին Գեղարքունիքի մարզում իրականացվող ծրագրերի և դրանց ընթացքի մասին: Քննարկվեցին նաև մարզին հուզող մի շարք կարևորագույն խնդիրներ, որոնց լուծման համար կպահանջվի նաև ...
