Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետը կատարեց քաղաքացիների հերթական ընդունելություն 05.06.2019
Հունիսի 5-ին Գեղարքունիքի մարզպետ Գնել Սանոսյանը մարզպետարանում կատարեց քաղաքացիների ընդունելություն, որին մասնակցեցին մարզի տարբեր տարածաշրջանների 46 քաղաքացիներ:Աշխատանքի տեղավորման խնդրով մարզպետին դիմեցին 9 քաղաքացի, բնակարանի կամ օժանդակ շինության բարեկարգման խնդրով՝ 3, պետական պատվերի շրջանակներում բուժման մեկնելու, առողջարանային ուղեգիր ձեռք բերելու, ընտանեկան նպաստի համակարգում ընդգրկվելու խնդիրներով՝ 7, հողի վարձակալության, սեփականության իրավունքի ձեռքբերման նպատակով՝ 4, քաղաքաշինական հարցերով՝ 2, գյուղատնտեսական, մշակութային և սպորտային ոլորտներում ծրագրարային առաջարկներով՝ 3, միջհամայնքային նշանակության ճանապարհների բարեկարգման, ոռոգման համակարգում ծագած խնդիրների կարգավորման վերաբերյալ՝ 3 , անձնական բնույթի խնդիրներով՝ 2, դրամական աջակցություն ստանալու...
Երեխաների պաշտպանության միջազգային օրը մարզում նշվեց բազմաբովանդակ միջոցառումներով 03.06.2019
Գեղարքունիքի մարզկենտրոն Գավառ քաղաքում, մարզի մյուս քաղաքային և գյուղական բնակավայրերում տեղի ունեցան միջոցառումներ՝ նվիրված Երեխաների պաշտպանության միջազգային օրվան: Սևան քաղաքում օրվան նվիրված միջոցառումներն ընթացան նարակառույց մարզադաշտում: Միջոցառմանը ներկա էին Գեղարքունիքի մարզպետ Գնել Սանոսյանը, Սևան համայնքի ղեկավար Սարգիս Մուրադյանը, ՀՀ Սպորտի և երիտասարդության հարցերի նախարարի տեղակալ Գևորգ Լոռեցյանը, այլ պաշտոնյաներ և հրավիրվածներ: Միջոցառումներն ուղեկցվում էին մարզամշակութային բազմաբովանդակ ծրագրով՝ համայնքում գործող պարային համույթների, մարզադպրոցի տարբեր խմբերի սաների ցուցադրական ելույթներով, միջազգային և հանրապետական հարթակներում աչքի ընկած մարզիկների պարգևատրման և մեծարման արարողություններով: Միջոցառուները եզրափակվեցին մարզական հետաքրքիր իրադարձությամբ.
Կոտայքի մարզպետարանում տեղի է ունեցել «Կոտայքի և Գեղարքունիքի մարզերի կոշտ թափոնների կառավարման» վարկային ծրագրի վերաբերյալ հերթական քննարկումը Կոտայքի մարզպետի տեղակալ Առնակ Ավետիսյանի, Գեղարքունիքի մարզպետ Գնել Սանոսյանի, Տարածքային կառավարման և զարգացման նախարարության տարածքային ենթակառուցվածքների զարգացման վարչության պետ Նարինե Ավետյանի, Կոտայքի և Գեղարքունիքի մարզերի քաղաքային համայնքների ղեկավարների մասնակցությամբ: ՏԿԶՆ տարածքային ենթակառուցվածքների զարգացման վարչության պետ Նարինե Ավետյանը նախ ևս մեկ անգամ ներկայացրել է վարկային ծրագիրը: Ֆինանսների նախարարության ու Վերակառուցման եւ զարգացման եվրոպական բանկի միջեւ կնքված համաձայնագրով նախատեսվում է Կոտայքի մարզի Հրազդան քաղաքի վարչական տարածքում Եվրոպական Միության չափանիշներին համապատասխան սանիտարական աղբավայր կառուցել (ներառյալ ենթակառուցվածքները, շինություններն ու կառույցները) և ներդնել աղբահանության արդյունավետ համակարգ:
Գեղարքունիքի մարզի խորհրդի նիստում քննարկվեցին սոցիալ-տնտեսական և կրթական բնույթի հարցեր 31.05.2019
Մայիսի 31-ին կայացավ Գեղարքունիքի մարզի խորհրդի նիստը, որը վարեց Գեղարքունիքի մարզպետ, Գեղարքունիքի մարզի խորհրդի նախագահ Գնել Սանոսյանը: Նիստի աշխատանքներին մասնակցեցին նաեւ հանրակրթական դպրոցների տնօրենները եւ զինղեկները, Գեղարքունիքի մարզպետարանի ստորաբաժանումների ղեկավարները, Գեղարքունիքի մարզային զինկոմիսարիատի ներկայացուցիչները, այլ պաշտոնյաներ: Մինչ օրակարգային հարցերին անցնելը՝ Գեղարքունիքի մարզպետ Գնել Սանոսյանը լավագույն աշխատանքի համար ՀՀ Պաշտպանության նախարարի կողմից տրված շնորհակալագիրը հանձնեց Գեղարքունիքի մարզպետարանի զորահավաքային նախապատրաստության բաժնի վարիչ Տիգրան Հակոբյանին, ով եւ պարգեւը ստանալուց հետո հանդես եկավ օրակարգային առաջին հարցի զեկուցմամբ: Այն վերաբերում էր ՀՀ ՊՆ կողմից իրականացվող «Պատիվ ունեմ» եւ «Ես եմ» ծրագրերի իրազեկման հետ կապված խնդիրներին: Նա նշեց, որ...
Գեղարքունիքի մարզպետ Գնել Սանոսյանի ուղերձը Երեխաների պաշտպանության միջազգային օրվա առթիվ 31.05.2019
Սիրելի հայրենակիցներ: Յուրաքանչյուր ծնողի համար չկա ավելի վեհ նպատակ, քան իր երեխաների համար անհոգ ու երջանիկ կյանք ապահովելն է: Իսկ դրան հասնելու համար Նոր Հայաստանի յուրաքանչյուր ընտանիքում ու խնամքի հաստատություններում մեր երեխաները մեր պետության հովանու եւ բոլորիս բարեխնամ ձեռքերի ներքո պետք է իրենց զգան ավելի պաշտպանված, ավելի անհոգ եւ խնամված, ուշադրության արժանացած, քաղաքացուն արժանի կրթություն ու դաստիարակություն ստացած: Նրանց լուսավոր ապագան ապահովելու համար ամեն մեկս պետք է ձգտենք յուրովի՝ սեր ու նվիրում դնելով մեր երեխաների ապրած ամեն մի օրվա ու ժամի, ամիսների ու տարիների մեջ, միշտ լինելով նրանց պաշտպանողն ու քաջալերողը: Մեր երեխաներին ցանկանում եմ խաղաղ ու ապահով հայրենիք, ստեղծարար ու ներդաշնակ ընտանիք, անհոգ ու երջանիկ մանկություն: Լավագույն ցանկություններով՝ Գեղարքունիքի մարզպետ Գնել Սանոսյան
Գեղարքունիքի մարզպետը խրախուսեց «Իմ քայլը հանուն Գեղարքունիքի» գործարար համաժողովի աջակիցներին 30.05.2019
Մայիսի 30-ին Գեղարքունիքի մարզպետ Գնել Սանոսյանը Գեղարքունիքի մարզպետի շնորհակալագրով պարգեւատրեց 2019 թվականի մայիսի 11-ին կայացած «Իմ քայլը հանուն Գեղարքունիքի» գործարար համաժողովի աջակիցներին եւ օժանդակողներին: Գնել Սանոսյանը շնորհակալագրերը հանձնելուց առաջ անդրադարձավ համաժողովի կազմակերպման աշխատանքներում աչքի ընկած անձանց ու կազմակերպությունների արդյունավետ, փոխհամագործակցված աշխատանքին, ինչի շնորհիվ այն բարձր գնահատականի է արժանացել հանրապետության ղեկավարության ու մի շարք գերատեսչությունների կողմից: «Այս դահլիճում է հավաքվել այն կորիզը, որն օգնեց ու աջակցեց մեզ՝ գործարար համաժողովը հավուր պատշաճի կազմակերպելու եւ անցկացնելու հարցում: Համաժողովն իր բովանդակային առումով ու բարձր մակարդակով տպավորել է ՀՀ վարչապետին ու մի շարք գերատեսչությունների ղեկավարների...
