Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետն այցելեց Գեղամասար խոշորացված համայնք 14.07.2018
Գեղամասար խոշորացված համայնքում մարզպետ Իշխան Սաղաթելյանը խորհրդակցություն անցկացրեց համայնքի ղեկավարի, աշխատակազմի, ավագանու անդամների և բնակավայրերի վարչական ղեկավարների հետ: Օրակարգում քննարկվող հարցերը կապված էին սեփական եկամուտների հավաքագրման, աշխատանքային կատարողական կարգապահության բարձրացման, կենսական նշանակության այլ հիմնախնդիրների կարգավորման հետ: Մարզպետը դժգոհություն հայտնեց համայնքում կատարված աշխատանքների արդյունքներից ու ներկա անբավավար վիճակից: «Այն տեմպերը, որ մենք ակնկալում ենք համայնքի խոշորացման արդյունքում, առայժմ չենք տեսնում: Մենք անելու ենք հնարավորը, որ դուք ստանաք ամենալայն աջակցություն համայնքի զարգացման բոլոր ուղղություններում: Սակայն այդ աջակցությունը չի կարող բավարար լինել, քանի դեռ այստեղ գործ ունենք անկազմակերպ աշխատանքի հետ:Մեզ հետաքրքրում են համայնքի կազմում ընդգրկված 18 բնակավայրերի առօրյա հոգսերը և դրանց լուծման ճանապարհները...
Գեղարքունիքի մարզպետն անցկացրեց աշխատանքային խորհրդակցություն 12.07.2018
Հուլիսի 12-ին Գեղարքունիքի մարզպետ Իշխան Սաղաթելյանն անցկացրեց աշխատանքային խորհրդակցություն, որին մասնակցեցին մարզպետի տեղակալները, մարզպետի աշխատակազմի ներկայացուցիչները, մարզպետարանի աշխատակազմի վարչությունների պետերը և առանձնացված ստորաբաժանումների ղեկավարները: Խորհրդակցության ընթացքում քննարկվեց 28.06 և 02.07.2018 թվականին Գեղարքունիքի մարզպետի մոտ կայացած խորհրդակցությունների արձանագրություններով տրված հանձնարարականների կատարման ընթացքը: Ստորաբաժանումների ղեկավարներն ըստ ոլորտների մարզպետ Իշխան Սաղաթելյանին ներկայացրին այն աշխատանքները, որոնք իրականացվել են Գեղարքունիքի մարզպետարանի աշխատակազմի կարգապահական ներքին կանոնների պահանջների պահմանման, քաղաքացիների դիմումներին ժամանակին և հիմնավորված պատասխաներ տալու, համայնքներում սեփական եկամուտների հավաքագրմանը գործընթացը վերահսկելու , համայնքների կողմից սուբվենցիայի ծրագրեր ներկայացնելու...
Գեղարքունիքի մարզպետը կատարեց քաղաքացիների ընդունելություն 10.07.2018
Հուլիսի 10-ին Գեղարքունիքի մարզպետ Իշխան Սաղաթելյանը կատարեց քաղաքացիների ընդունելություն: Դիմատուների խնդիրները գրեթե նույն բովանդակությունն ունեին՝ աղքատության ընտանեկան նպաստների համակարգում ընդգրկվելը, աշխատանքի վերականգնումը, նոր աշխատանքի տեղավորումը, պետական պատվերի շրջանակներում բուժման կազմակերպումը, հողատարածքների ձեռքբերումն ու դրանց մշակման համար անհրաժեշտ պայմանների ապահովումը, ենթակառուցվածքների և կոմունալ պայմանների բարելավումը և անձնական բնույթի այլ հարցեր: Իշխան Սաղաթելյանը դիմումատուների զգալի մասի պահանջները տեղում բավարարեց: Լրացուցիչ ուսումնասիրություն պահանջող դիմումներին պատասխան կտրվի օրենքով սահմանված ժամկետում:
ՀՀ առողջապահության նախարար Արսեն Թորոսյանը հուլիսի 7-ին աշխատանքային այցով եղավ Գեղարքունիքի մարզում: Նրան ուղեկցում էր Գեղարքունիքի մարզպետ Իշխան Սաղաթելյանը: Այցի առաջին կանգառը ՀՀ ԱՆ ենթակայությամբ գործող Սևանի հոգեբուժական հիվանդանոցն էր: Նախարարը և մարզպետը շրջայց կատարեցին հիվանդանոցի ողջ տարածքով, եղան հիվանդասենյակներում, ծանոթացան կենցաղային և բուժական պայմաններին, զրույց ունեցան բուժանձնակազմի հետ: Սևանի ԲԿ նորակառույց մասնաշենքում նախարարը և մարզպետը դիտարկեցին պետական աջակցությամբ իրականացվող շինարարական աշխատանքների ընթացքը: Ինչպես ներկայացրեց շինարարության պատասխանատուն՝ շինարարական աշխատանքները կավարտվեն այս տարվա սեպտեմբերին, որից հետո արդի չափորոշիչներին համապատասխան ԲԿ-ն քաղաքացիներին կսկսի մատուցել բարձրորակ բուժսպասարկում: Այստեղ նախարար Արսեն Թորոսյանը և մարզպետ Իշխան Սաղաթելյանը համատեղ քննարկեցին բուժհաստատության վերազինման, մասնագետների համալրման հետ կապված խնդիրները...
Գեղարքունիքի մարզպետն այցելեց Գավառ քաղաքի նախադպրոցական, կրթամշակութային և մարզական հիմնարկներ 06.07.2018
Հուլիսի 6-ին Գեղարքունիքի մարզպետ Իշխան Սաղաթելյանը Գավառի քաղաքապետ Գուրգեն Մարտիրոսյանի ուղեկցությամբ աշխատանքային այց կատարեց Գավառ քաղաքի նախադպրոցական, կրթամշակութային եւ մարզական հիմնարկներ: Այցի առաջին կանգառը Գավառ քաղաքի Հացառատ թաղամասի նախկին թիվ 6 մանկապարտեզն էր, որն անգործության է մատնվել 2011 թվականից, իսկ շենքը գտնվում է անբարեկարգ վիճակում: Մարզպետը տեղում վստահեցրեց մանկապարտեզի վերագործարկման խնդիրն առաջ քաշած հացառատցիներին, որ Գավառի քաղաքապետի հետ պայմանավորվածություն է ձեռք բերվել՝ առաջիկա ամիսների ընթացքում շենքի մի մասում հիմնանորոգման աշխատանքներ կատարելու և մանկապարտեզը վերաբացելու ուղղությամբ: «Որոշակի ներդրում կկատարի Գավառի քաղաքապետարանը, որոշակի գումար կփորձենք գտնել կառավարության միջոցներից կամ այլ աղբյուրներից և կանենք հնարավորը, որպեսզի առաջիկա 6-7 ամիսների ընթացքում վերաբացվի մանկապարտեզի մի հատվածը, բարեկարգվի շենքի բակը»-բնակիչներին հավաստիացեց մարզպետը...
Գեղարքունիքի մարզպետ Իշխան Սաղաթելյանի ուղերձը ՀՀ Սահմանադրության օրվա առթիվ 04.07.2018
Հարգելի հայրենակիցներ Սահմանադրությունը մեր երիտասարդ պետության հիմնաքարն է, այն կարևորագույն միջոցը, որն անխախտ ու ամուր է պահում Հայաստանի Հանրապետությունը ներքին ու արտաքին քաղաքական ցնցումներից, անկանխատեսելի վտանգներից ու սպառնալիքներից: Այն հստակ սահմանում է օրենքի գերակայությունը, պետական ինստիտուտների գործառույթները, քաղաքացիների հիմնարար ազատությունները, իրավունքներն ու պարտականությունները, ժողովրդավարական արժեքների պահպանման ու զարգացման ուղղությունները: Անցած 23 տարիների ընթացքում ՀՀ Սահմանադրությունը կատարել է իր պատմական առաքելությունը, դերն ու նշանակությունը և այսուհետ էլ կշարունակի հաստատուն պահել մեր պետականության հիմքերն ու հզորացման հեռանկարները: Արդեն երկրորդ տարին է, ինչ ՀՀ Սահմանադրության բարեփոխումները նոր հնարավորություններ են ստեղծել մեր երկրի զարգացման ու հետագա հզորացման համար: Շնորհավորում եմ բոլորիս Հայաստանի Հանրապետության Սահմանադրության օրվա առթիվ, մաղթում խաղաղ ժամանակներ, համազգային նոր հաղթանակներ: Լավագույն ցանկություններով՝ Գեղարքունիքի մարզպետ Իշխան Սաղաթելյան
