Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարդու իրավունքների Պաշտպանը Գեղարքունիքի մարզում էր 20.06.2018
Հունիսի 20-ին Գեղարքունիքի մարզպետ Իշխան Սաղաթելյանն ընդունեց ՀՀ Մարդու իրավունքների պաշտպան Արման Թաթոյանին: Արման Թաթոյանը շնորհավորեց մարզպետին՝ պաշտոնը ստանձնելու կապակցությամբ և ներկայացրեց այն խնդիրները, որոնք Գեղարքունիքի մարզի բնակիչների կողմից բարձրացվել են ՄԻՊ գրասենյակում: Դրանք առնչվում են սոցիալական աջակցության, կրթական, առողջապահական և ՏԻՄ ոլորտներին: Մարզի ղեկավարը և Մարդու իրավունքների պաշտպանը մանրամասնորեն քննարկեցին ՄԻՊ գրասենյակի կողմից ներկայացված տեղեկանքում ներառված ոլորտային խնդիրները և պայմանավորվեցին բարձրացված յուրաքանչյուր հարցի շուրջ կազմակերպել լրացուցիչ քննարկում և հնարավորությունների սահմանում լուծում տալ քաղաքացիների պահանջներին: Կողմերը պայմանավորվեցին՝ աշխատանքներն իրականացնել համագործակցված և համատեղ՝ անհետևանք չթողնելով քաղաքացիների կողմից բարձրացված յուրաքանչյուր հարց:
Գեղարքունիքի մարզպետարան - Վորլդ Վիժն Հայաստան համագործակցությունը կխորանա 20.06.2018
Գեղարքունիքի մարզպետ Իշխան Սաղաթելյանն այսօր ընդունեց Վորլդ Վիժն Հայաստան Գեղարքունիքի մարզի զարգացման ծրագրի ղեկավար Վարազդատ Սարգսյանին: Վերջինս մարզի ղեկավարին ներկայացրեց այն ոլորտները, որտեղ կազմակերպությունը իրականացնում է բազմաբնույթ ծրագրեր: Դրանցից Գեղարքունիքի մարզպետն առավել կարևորեց սոցիալ-տնտեսական ոլորտը: Այնուհետև կողմերը քննարկեցին Դրախտիկի միջնակարգ դպրոցի հիմնանորոգման ծրագրի շուրջ ստեղծված խնդիրը:Մարզպետ Իշխան Սաղաթելյանը նշեց, որ այս շաբաթ ինքն անձամբ կայցելի Դրախտիկ, տեղում կծանոթանա իրավիճակին և կհստակեցնի այն միջոցները, որոնք կուղղվեն խնդրի կարգավորմանը: ,,Պատրաստ եմ լիարժեք համագործակցության ...
Գեղարքունիքի մարզպետն ընդունեց ՄԱԿ-ի զարգացման ծրագրերի պատասխանատուներին 20.06.2018
Հունիսի 20-ին Գեղարքունիքի մարզպետ Իշխան Սաղաթելյանն ընդունեց ՄԱԿ-ի Հայաստանյան գրասենյակի ,,Կլիմայի փոփոխության ծրագրերի,, համակարգող Դիանա Հարությունյանին և ,,Կլիմա իստ,, պիլոտային ծրագրի ղեկավար Արամ Տեր-Զաքարյանին: Դիանա Հարությունյանը մարզպետին ներկայացրեց իրենց կողմից Գեղարքունիքի մարզի որոշ համայնքներում նախորդ տարիներին իրականացված կամ ընթացքի մեջ գտնվող բնապահպանական, գյուղատնտեսական և էներգախնայողության ծրագրերը, որտեղ անչափ կարևորվում է համագործակցությունը պետական և տեղական ինքնակառավարման մարմինների հետ: Մարզպետ Իշխան Սաղաթելյանը վստահեցրեց, որ Գեղարքունիքի մարզպետարանը և մարզի համայնքապետարանները պատրաստ են աջակցել մարզում իրականացվող ցանկած սոցիալ-տնտեսական ծրագրի իրականացմանը, համատեղ քննարկել և լուծում տալ ծագած բոլոր խնդիրներին...
Գեղարքունիքի մարզպետի տեղակալները հրաժարականի դիմում ներկայացրին 18.06.2018
Հունիսի 18-ին Գեղարքունիքի մարզպետարանում հրավիրված աշխատանքային խորհրդակցության ժամանակ մարզպետ Իշխան Սաղաթելյանը աշխատակազմին տեղեկացրեց Գեղարքունիքի մարզպետի տեղակալներ Անդրանիկ Հակոբյանի և Կարեն Հակոբյանի հրաժարականների մասին: ,, Քաղաքական վերադասավորումների արդյունքում Գեղարքունիքի մարզպետի տեղակալներ Անդրանիկ Հակոբյանը և Կարեն Հակոբյանը ներկայացրել են հրաժարականի դիմումներ: Ես ուզում եմ շնորհակալություն հայտնել պարոնայք Հակոբյաններին՝ նրանց երկարամյա և նվիրված աշխատանքի համար և մաղթել հետագա հաջողություններ ,, -իր խոսքում նշեց Իշխան Սաղաթելյանը: Գեղարքունիքի մարզպետարանի աշխատակազմի ղեկավար Սևակ Խլղաթյանը մարզպետարանի ողջ աշխատակազմի անունից շնորհակալություն հայտնեց մարզպետի տեղակալներին, հույս հայտնելով, որ իրենց միջև ընկերությունն ու բարեկամությունը կկրի շարունակական բնույթ...
Աշխատանքային խորհրդակցություն՝ քարտուղարության և քաղաքաշինության վարչության աշխատակիցների հետ 18.06.2018
Հունիսի 18-ին Գեղարքունիքի մարզպետ Իշխան Սաղաթելյանն աշխատանքային խորհրդակցություն անցկացրեց մարզպետարանի աշխատակազմի քարտուղարության և քաղաքաշինության վարչության աշխատակիցների հետ: Քարտուղարության պետ Վերգինե Ղուկասյանը ներկայացրեց ստորաբաժանման գործառույթները, փաստաթղթաշրջանառության, նամակների և քաղաքացիների ընդունելության, վարչատնտեսական և մի շարք այլ կարևոր ուղղություններում տարվող աշխատանքը և ծագած խնդիրները: Մանրամասնորեն ծանոթանալով ստորաբաժանման հիմնական անելիքներին՝ մարզպետն առաջարկեց ուշադրության կենտրոնում պահել քաղաքացիների կողմից բարձրացված յուրաքանչյուր հարց, ստացված ամեն մի գրություն կամ նամակ՝ ոչինչ չթողնելով անհետևանք: ,,Ձեր ոլորտը չափազանց ծանրաբեռնված է, բավականին աշխատատար: Այդուհանդերձ, պետք է արվի ...
Ճանապարհների բարեկարգում Գեղարքունիքի մարզում 16.06.2018
Մ4 Երեւան-Սեւան ավտոճանապարհի Գեղարքունիքի մարզի հիմնանորոգման ենթարկվող հատվածի ֆրեզված հին ասֆալտբետոնյա ծածկույթից առաջացած խառնուրդով հարթեցվում են Գեղարքունիքի մարզի մի շարք համայնքների գլխավոր կամ երկրորդական նշանակության ճանապարհներ, իրականացվում փոսային նորոգումներ: 12 համայնքներին հատկացվող ֆրեզված ասֆալտբետոնյա ծածկույթից առաջացած նյութի ծավալը կազմելու է մոտ 2600 խորանարդ մետր, ինչի արդյունքում բարեկարգվելու են շուրջ 25 հազար քառակուսի մետր մակերես զբաղեցնող ճանապարհներ: Հունիսի 15-ի դրությամբ արդեն համայնքներ է տեղափոխվել 2300 խորանարդ մետր ասֆալտբետոնյա խառնուրդ: Ֆրեզված ասֆալտբետոնյա խառնուրդը համայնքներին հատկացվում է անվճար՝ համաձայն Գեղարքունիքի մարզպետ Իշխան Սաղաթելյանի եւ կապի, տրանսպորտի եւ տեղեկատվական տեխնոլոգիաների նախարար Աշոտ Հակոբյանի միջեւ ձեռք բերված պայմանավորվածության...
