Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
«Էկո ֆիշ ֆեստ» փառատոնը մեկնարկում է համամարզային շաբաթօրյակով 14.09.2019
Այսօր, սեպտեմբեր 14-ին Սեւանի թերակզում տեղի է ունենալու «Էկո ֆիշ ֆեստ» (“Eco Fish Fest”) անունը կրող փառատոնը: Սակայն մինչև փառատոնի մեկնարկը, Գեղարքունիքի մարզում անցկացվում է համամարզային շաբաթօրյակ, որի ընթացքում իրականացվում են համայնքային և համատեղ ուժերով նաև Սեւանա լճի հարակից տարածքների սանիտարական մաքրման աշխատանքներ: Գեղարքունիքի մարզպետի որոշմամբ ստեղծված շաբաթօրյակի մարզային մշտական հանձնաժողովը, մարզպետ Գնել Սանոսյանի և մարզպետի տեղակալ Նարեկ Գրիգորյանի ղեկավարությամբ, մարզպետարանի պատասխանատու աշխատակիցների վերահսկողությամբ և անմիջական պատասխանատվությամբ մարզի ողջ տարածքում իրականացվում են սանիտարական մաքրման աշխատանքներ: Շաբաթօրյակին ընդգրկված են հանրապետական գործադիր մարմինների տարածքային ծառայությունների, մարզային և համայնքային ենթակայության բոլոր հիմնարկ-ձեռնարկությունների...
Սևանի թերակղզում անցկացվեց ձկան՝ «Էկո ֆիշ ֆեստ» փառատոնը 14.09.2019
Սեպտեմբեր 14-ին Սեւանի թերակզում տեղի ունեցավ ձկան՝ «Էկո ֆիշ ֆեստ» (“Eco Fish Fest”) անունը կրող փառատոն, որն իր տեսակով առաջին անգամ էր անցկացվում Գեղարքունիքի մարզում: Նախաձեռնությունը իրագործել էին ՀՀ Գեղարքունիքի մարզպետարանը և «Ռեստորանների Հայկական Ասոցիացիան»՝ ՄԱԿ-ի Զարգացման Ծրագրի աջակցությամբ: Փառատոնին մասնակցում էին ՀՀ վարչապետ Նիկոլ Փաշինյանը, տիկնոջ՝ Աննա Հակոբյանի հետ, ՀՀ ԱԺ պատգամավորներ, կառավարության անդամներ, մարզպետներ, տարածքային կառավարման և տեղական ինքնակառավարման մարմինների ղեկավարներ, խոհարարներ, հյուրեր, զբոսաշրջիկներ տարբեր երկրներից, կոլեկտիվներ, անհատ քաղաքացիներ: «Էկո ֆիշ ֆեստ» փառատոնի առիթով ներկաներին ողջունեցին ՀՀ վարչապետ Նիկոլ Փաշինյանը, Գեղարքունիքի մարզպետ Գնել Սանոսյանը, «Ռեստորանների Հայկական Ասոցիացիայի» գործադիր տնօրեն Վահե Գեւորգյանը, Սևանի քաղաքապետ Սարգիս Մուրադյանը :
Հրավիրում ենք մասնակցելու ձկան փառատոնին 13.09.2019
Հարգելի գործընկեր: Սեպտեմբերի 14-ին՝ ժամը 10:00-21:00-ն, Գեղարքունիքի մարզում, Սեւանա լճի գեղատեսիլ ափին (Սեւանի թերակզում) տեղի կունենա «Էկո ֆիշ ֆեստ» (“Eco Fish Fest”) անունը կրող փառատոնը: Նույն օրը, մինչ փառատոնի բացումը, առաջին անգամ Գեղարքունիքի մարզում կկազմակերպվի իր մասշտաբներով դեռ չգերազանցված համասեւանյան շաբաթօրյակ, որի ընթացքում համատեղ ուժերով կիրականացվեն Սեւանա լճի հարակից տարածքների սանիտարական մաքրման աշխատանքներ: Այնուհետև Սեւանի թերակզու տարածքում ներկաները կմասնակցեն ձկնեղենով պատրաստվող կերակրատեսակների տես ու համտեսին, կծանոթանան ավանդական եւ նորարարական ճաշատեսակներին, դրանց պատրաստման առանձնահատկություններին: Հասարակական եւ պրոֆեսիոնալ համտեսով նաեւ կորոշվի ամենատպավորիչ ուտեստը եւ հմուտ խոհարարին: Միջոցառման ողջ ընթացքում մասնակիցները կունկնդրեն ազգային ռոք, ֆոլք երաժշտություն: Տոնական միջոցառումը կեզրափակվի հրավառությամբ:
Մադինայում երկու սուբվենցիոն ծրագիր է իրականացվում 13.09.2019
Գեղարքունիքի մարզի Մադինա գյուղում արդեն մեկ ամիս է, ինչ շինարարական աշխատանքներ են ընթանում ոռոգման ջրատարի ներքին եւ գիշերային լուսավորության ցանցերի կառուցման ուղղությամբ: Ինչպես տեղեկացրեցին Գեղարքունիքի մարզպետարանի քաղաքաշինության վարչությունից, շինարարությունն իրականացվում է ՀՀ կառավարության կողմից հաստատված սուբվենցիոն երկու ծրագրերի շրջանակներում: Սուբվենցիոն առաջին ծրագրով կառուցվում է գյուղի 5 թաղամասերով անցնող ոռոգման ջրատարի ներքին ցանցը երկաթյա կիսախողովակներով եւ 940 մետր երկարությամբ: Շինարարությունը սկսվել է օգոստոսի կեսերից եւ կավարտվի այս տարվա հոկտեմբերի սկզբին: Ծրագրի ընդհանուր արժեքը կազմել է 22 միլիոն 238 հազար դրամ, իսկ շինարարական մրցույթը շահվել է 12 միլիոն 990 հազար դրամով : Գումարի 70 տոկոսը հատկացրել է ՀՀ կառավարությունը, 30 տոկոսը՝ Մադինայի համայնքապետարանը...
Կայացավ Գեղարքունիքի մարզի խորհրդի հերթական նիստը 11.09.2019
Սեպտեմբերի 11-ին Գեղարքունիքի մարզպետարանի նիստերի դահլիճում տեղի ունեցավ Գեղարքունիքի մարզի խորհրդի հերթական նիստը, որը վարեց Գեղարքունիքի մարզպետ, Գեղարքունիքի մարզի խորհրդի նախագահ Գնել Սանոսյանը: Նիստին մասնակցում էին մարզի խորհրդի անդամներ, ուժային կառույցների ղեկավարներ: Մինչ օրակարգային հարցերին անցնելը՝ Գեղարքունիքի մարզպետը շնորհակալություն հայտնեց այն համայնքների ղեկավարներն, որոնց հետևողական աշխատանքի շնորհիվ գրանցվել են սեփական եկամուտների հավաքագրման բարձր ցուցանիշներ: «Չնայած այս ամենին, մարզի միջին կատարողականը ցածր է մնում որոշ համայնքների ղեկավարների անգործության արդյունքում: Ուստի հորդորում եմ բոլորին՝ տեղերում աշխատանքները կազմակերպել օրենքով սահմանված կարգով, առանց թերացումների և սեղմ ժամկետում շտկել բոլոր այն բացթողումները, որոնք խոչընդոտում են աշխատանքների արդյունավետության բարձրացմանը:
«էպոսասացության» փառատոնի հանրապետական փուլին մարզից կմասնակցեն չորս դպրոցականներ 10.09.2019
Արդեն 7-րդ տարին է, որ Հայաստանում կազմակերպվում և անցկացվում է «էպոսասացության» փառատոնը, որը նվիրվում է «Սասնա ծռեր» էպոսին: Այդ փառատոնին ամեն տարի Գեղարքունիքի մարզն ակտիվ մասնակցություն է ցուցաբերում և հանրապետական փուլում գրավում մրցանակային տեղեր: Սեպտեմբերի 9-ին Գեղարքունիքի մարզի երկրագիտական թանգարանում անցկացվել է «Էպոսասացության» փառատոնի մարզային փուլը, որին մասնակցել են փառատոնի տարածքային փուլում հաղթող ճանաչված 13 շնորհալի աշակերտներ: Մասնակիցները ներկայացրել են Գավառի թիվ 1, Մարտունու թիվ 1, Մարտունու թիվ 2 հիմնական դպրոցները, Նորատուսի թիվ 1, Գավառի թիվ 2, Գանձակի թիվ 2 և Գագարինի միջնակարգ դպրոցները: Ժյուրիի կազմում ընդգրկվել են Գավառի թիվ 8 միջնակարգ դպրոցի հայոց լեզվի և գրականության ...
