Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետարանում հրավիրված հանդիպման ժամանակ հրապարակվեց Սեւանա լճում արդյունագործական ձկնորսության արգելքի հետ կապված միջոցառումների խստացման համատեղ ծրագիրը՝ ձվադրության շրջանում սիգ ձկնատեսակի բնական վերարտադրություն ապահովելու նպատակով: Հանդիպմանը մասնակցում էին ՀՀ Շրջակա միջավայրի նախարարի տեղակալ Վարդան Մելիքյանը, , ՀՀ Ոստիկանության պետի խորհրդական Աղասի Կիրակոսյանը, ՀՀ բնապահպանական տեսչական մարմնի ղեկավար Վիգեն Ավետիսյանը, « Սեւան» Ազգային պարկ»-ի տնօրեն Վարդան Վարդանյանը, ՀՀ ՊԵԿ ներկայացուցիչը, ափամերձ համայնքների ղեկավարներ, ձկնորսներ: Հանդիպումը վարեց Գեղարքունիքի մարզպետ Գնել Սանոսյանը: ՀՀ Շրջակա միջավայրի նախարարի տեղակալը ներկայացրեց ՀՀ Շրջակա միջավայրի նախարարության, ՀՀ Ոստիկանության, ՀՀ բնապահպանական տեսչական մարմնի, ՀՀ Պետական եկամուտների կոմիտեի եւ Գեղարքունիքի մարզպետարանի կողմից վավերացված համատեղ միջոցառումների ծրագիրը ՝ կապված Սեւանա լճում ձկնորսության արգելքի միջոցառումների խստացման հետ: «Այս արգելքի խստացումը սահմանվել է, որպեսզի չվտանգվի սիգ ձկնատեսակի ձվադրության
Գեղարքունիքի մարզպետ Գնել Սանոսյանը մասնակցեց Գավառի մանկատանը կազմակերպված տոնական միջացառմանը 26.12.2019
Դեկտեմբերի 26-ին, Ամանորի եւ Սուրբ Ծննդյան տոներին ընդառաջ, Գավառի մանկատան թատերական, երգի և պարի խմբակների շնորհալի սաները իրենց կողմից ներկայացրած տոնական զվարճալի կատարումներով բարձր տրամադրություն պարգևեցին կրտսեր և ավագ հանդիսատեսին: Նրանց հետ տոնական տրամադրությունը կիսեց նաև Գեղարքունիքի մարզպետ Գնել Սանոսյանը: Միջոցառման մասնակիցները դիտեցին փոքրիկ բեմականացում` նրանց սիրած մուլտֆիլմերի և հեքիաթների հերոսների կերպարներով: Հանդիսատեսին տոնական տրամադրություն և դահլիճին ամանորյա շունչ հաղորդեցին մանկատան սաների կողմից ներկայացրած զվարթ երգերն ու պարային կատարումները: Գավառի մանկատան տնօրեն Նիկոլայ Նալբանդյանը շնորհավորեց և շնորհակալություն հայտնեց շնորհալի սաներին, մանկատան ողջ աշխատակազմին` կարևորելով նրանց միջև ձևավորված համերաշխությունն ու միասնականությունը: Նա նշեց, որ ընթացիկ տարում մանկատուն են ընդունվել 20 և կենսաբանական ընտանիք վերադարձել 13 երեխա: Տնօրենը միաժամանակ շնորհակալություն հայտնեց ՀՀ կառավարությանը՝ մանկատան չափահաս սաներին բնակարաններով ապահովելու համար: Նիկոլայ Նալբանդյանը խոսեց նաև 2019 թվականի ընթացքում մանկատանը
Խաչաղբյուրի միջնակարգ դպրոցի ռազմագիտության դասասենյակն այսուհետ կրելու է Անդրանիկ Գաբոյանի անունը 25.12.2019
Գեղարքունիքի մարզի Խաչաղբյուր գյուղի Կարինե Գեւորգյանի անվան միջնակարգ դպրոցի ռազմագիտության դասասենյակը, համաձայն դպրոցի մանկավարժական խորհրդի նիստի որոշման, այսուհետ հավերժացնելու է Հայոց բանակի զինծառայող, Արցախի ազատագրական մարտերի մասնակից, խաչաղբյուրցի Անդրանիկ Գաբոյանի անունը: Ռազմագիտության դասասենյակի անվանակոչման հանդիավոր արարողությանը մասնակցեցին Գեղարքունիքի մարզպետի տեղակալ Նարեկ Գրիգորյանը, Խաչաղբյուրի գյուղապետ Սերգո Գալստյանը, ՀՀ ԶՈւ բանակային երկրորդ կորպուսի, ՀՀ ՊՆ Գեղարքունիքի մարզային զինկոմիսարիատի ներկայացուցիչներ, համայնքապետարանի աշխատակիցներ, դպրոցի մանկավարժներ, աշակերտներ: Դասասենյակի բացման ժապավենը կտրելու պատիվը տրվեց զոհված զինծառայողի մայր Քնարիկ Գաբոյանին եւ Գեղարքունիքի մարզպետի տեղակալ Նարեկ Գրիգորյանին: Անդրանիկ Գաբոյանի անցած մարտական ուղու եւ սխրանքների մասին ներկայացրեց դպրոցի տնօրեն Արմեն Խոջաբեկյանը: « Անդրանիկն այս դպրոցի աշակերտն էր, ով նաեւ դարձավ բոլորիս պարծանքը: Նա Հայոց բանակ զորակոչվեց 1993 թվականին, ծառայեց Հատուկ գնդում, որի կազմում մասնակցեց Արցախի ազատագրական մարտերին՝ աչքի ընկնելով տարբեր ռազմաճակատներում:
Գեղարքունիքի մարզում շարունակվում է ձմեռային զորակոչը 25.12.2019
Դեկտեմբերի 25-ին Գեղարքունիքի մարզի Գավառ, Սեւան, Մարտունի եւ Ճամբարակ քաղաքներից Հայոց բանակ մեկնեցին նորակոչիկների հերթական խմբերը: Ինչպես տեղեկացրեց Գեղարքունիքի մարզպետարանի զորահավաքային նախապատրաստության բաժնի վարիչ Տիգրան Հակոբյանը, զորակոչն ընթացել է հանդիսավոր պայմաններում, տոնական բարձր տրամադրությամբ: Նորակոչիկներին հաջողություններ են մաղթել ու բանակ ճանապարհել Գեղարքունիքի մարզպետարանի պատասխանատու պաշտոնյաներ, համայնքների ղեկավարներ, Գեղարքունիքի մարզային զինկամիսարիատի, մարզի ուժային կառույցների ներկայացուցիչներ, նորակոչիկների ծնողներն ու հարազատները: «Բանակ մեկնելն արդեն տոն է ամեն մի հայ ընտանիքում: Զորակոչի նախօրեին ընտանիքներում արվում են բազմամարդ խնջույքներ, նորակոչիկները շնորհավորանքներ են ստանում հեռու-մոտիկ բարեկամներից, ընկերներից, համաքաղաքացիներից: Նույն բարձր տրամադրությամբ էլ նորակոչիկները հաջորդ օրը բանակ են մեկնում՝ խոստանալով հայրենիքին ծառայել ազնվորեն ու պարտաճանաչորեն: Ձմեռային զորակոչը Գեղարքունիքում կշարունակվի մինչեւ 2020 թվականի հունվարի 31-ը: Կարծում եմ, որ մարզն այս անգամ եւս կկատարի իր առջեւ դրված պլանային առաջադրանքը»,-ներկայացրեց Տիգրան Հակոբյանը:
ՀՀ Գեղարքունիքի մարզպետ Գնել Սանոսյանն ունի ամենաբարձր գնահատականը 21.12.2019
«GALLUP International Association»-ի իրականացված հարցումների համաձայն` մարզպետների շրջանում, Հայաստանում քաղաքացիներն ամենաբարձր գնահատականը տվել են ՀՀ Գեղարքունիքի մարզպետ Գնել Սանոսյանի կատարած աշխատանքին: Այս մասին դեկտեմբերի 20-ին հրավիրված մամուլի ասուլիսի ընթացքում հայտնեց «GALLUP International Association»-ի Հայաստանում լիիրավ անդամ Էմ «Փի ՋԻ» ՍՊԸ տնօրեն Արամ Նավասարդյանը: Ընկերությունը հարցման 1517 քաղաքացիներին խնդրել է գնահատել իր մարզպետի, Երևանի դեպքում՝ քաղաքապետի աշխատանքը 1-ից 5 բալային սանդղակով, որտեղ 1-ը` նվազագույն, 5-ը առավելագույն գնահատականն է: Ամենաբարձր միջինացված գնահատականները ստացել է ՀՀ Գեղարքունիքի մարզպետ Գնել Սանոսյանը` ստանալով 4 միավոր։ Հարցումներն արվել են նոյեմբերի 9-ից դեկտեմբերի 1-ն ընկած ժամանակահատվածում:
Տարեվերջյան աշխատանքային հանդիպում` մարզի բուժհիմնարկների տնօրենների մասնակցությամբ 20.12.2019
Դեկտեմբերի 20-ին Գեղարքունիքի մարզպետ Գնել Սանոսյանը տարեվերջյան հանդիպում ունեցավ Գեղարքունիքի մարզի բուժհիմնարկների տնօրենների հետ: Հավաքի նպատակն էր` ամփոփել նախորդ տարվա ընթացքում իրականացված աշխատանքների արդյունքները, վեր հանել բացթողումները և սեղմ ժամկետում շտկել դրանք: Մարզպետի խոսքով` 2019 թվականին մարզի մի շարք բուժհիմնարկներում առաջընթաց է գրանցվել տարբեր ուղղություններում, բարելավվել է բնակչությանը մատուցվող բուժսպասարկման որակը, շատ բուժհիմնարկներում, շնորհիվ կատարված շինարարական աշխատանքների, ստեղծվել են աշխատանքային բարվոք պայմաններ, մի շարք բուժհիմնարկներ համալրվել են ժամանակակից բժշկական սարքավորումներով, որոշ մասի համար էլ բարելավմանն ուղղված քայլերը դեռևս ընթացքի մեջ է: Գնել Սանոսյանը հանդիպման մասնակիցների ուշադրությունը հրավիրեց երկու կարևոր խնդիների վրա, որոնք անհրաժեշտ է պահպանել այս և առաջիկա տոնական օրերի ընթացքում: «Ես հորդորում եմ, որ ձեր համայնքներում լուրջ ուշադրություն դարձնեք մանկապարտեզներում սենյակային բավարար ջերմաստիճան ապահովելու խնդիրներին: Հսկեք, որպեսզի մանկապարտեզի սաների առօրյան կազմակերպվի նորմալ ջերմային պայմաններում:
