Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Վարչապետ Նիկոլ Փաշինյանն աշխատանքային այց կատարեց Գեղարքունիքի մարզ 17.08.2020
Օգոստոսի 17-ին ՀՀ Վարչապետ Նիկոլ Փաշինյանն աշխատանքային այցով եղավ Գեղարքունիքի մարզում։ Վարչապետին ուղեկցում էին Տարածքային կառավարման եւ ենթակառուցվածքների նախարար Սուրեն Պապիկյանը եւ Գեղարքունիքի մարզպետ Գնել Սանոսյանը: Այցի առաջին կանգառը Լճաշեն համայնքի «Մանչուկ» մանկապարտեզում էր, որտեղ այս պահին շինարարական աշխատանքներ են ընթանում ՀՀ կառավարության կողմից իրականացվող սուբվենցիոն ծրագրերի շրջանակներում: Լճաշեն համայնքի ղեկավարի ներկայացմամբ, մանկապարտեզի հիմնանորոգման պայմանագրային արժեքը կազմում է 18 միլիոն դրամ, որի 65 տոկոսը հատկացրել է ՀՀ կառավարությունը, 35 տոկոսը՝ Լճաշենի համայնքապետարանը: 120 տեղանոց կառույցի շինարարական աշխատանքները կավարտվեն այս տարվա հոկտեմբերին։ Ապա Վարչապետը եղավ Գանձակ համայնքի Բաղրամյան փողոցում, որտեղ ընթանում են ասֆալտապատման եւ կենտրոնական հրապարակի հիմնանորոգման աշխատանքները։ Բաղրամյան փողոցը հիմնանորոգվում է պետական միջոցներով։ Ճանապարհաշինական աշխատանքները մեկնարկել են նախորդ տարվա վերջերից եւ կավարտվեն այս տարվա սեպտեմբերին..
ՀՀ Գեղարքունիքի մարզպետը գերազանցության ատեստատներ հանձնեց մարզի 3 ոսկե մեդալակիր շրջանավարտներին 14.08.2020
ՀՀ Գեղարքունիքի մարզպետ Գնել Սանոսյանը օգոստոսի 14֊ին Գեղարքունիքի մարզպետարանում գերազանցության ատեստատներ հանձնեց Գեղարքունիքի, Կարճաղբյուրի եւ Սարուխանի թիվ 1 միջնակարգ դպրոցների շրջանավարտներ՝ Լուսինե Գրիգորյանին, Ռաֆիկ Ղազարյանին եւ Արեգա Հովհաննիսյանին: Գերազանցության ատեստատների հանձնման արարողությանը մասնակցեցին մեդալակիրների ծնողները, ուսուցիչներն ու դպրոցների տնօրենները: Եվ քանի որ Ռաֆիկ Ղազարյանն այս պահին արդեն գտնվում է զինվորական ծառայության մեջ, գերազանցության ատեստատը մարզպետը շնորհեց նրա ծնողներին՝ Մանվել Ղազարյանին եւ Լյուդմիլա Ուլիխանյանին: «Նախ ուզում եմ ջերմորեն շնորհավորել մեր մեդալակիրներին, նրանց ուսուցիչներին ու ծնողներին, ,քանի որ այս հաջողությունն արդյունք է ձեր համատեղ ու քրտնաջան աշխատանքի: Ձեզ խրախուսելով հանդերձ՝ ցանկանում եմ միաժամանակ ոգեւորել մեր աշակերտներին, որպեսզի նրանք էլ ձգտեն անցնել ձեր ճանապարհով: Համոզված եմ, որ գերազանց սովորելու ձգտումն
Գեղարքունիքում ավարտվել է ճանապարհաշինական սուբվենցիոն երկու ծրագիր, ընթացքում է եւս վեցը 12.08.2020
Գեղարքունիքի մարզում այս տարվա ընթացքում նախատեսվում է իրականացնել ճանապարհաշինական 35 ծրագիր, որոնք հաստատվել են ՀՀ կառավարության կողմից: Ինչպես տեղեկացրեց Գեղարքունիքի մարզպետարանի քաղաքաշինության վարչության տրանսպորտի եւ ճանապարհաշինության բաժնի պետ Գեւորգ Խաչատրյանը, օգոստոսի 11-ի դրությամբ հաստատված 35 ծրագրերից երկուսն արդեն ավարտված է, իսկ ընթացքի մեջ են գտնվում Վերին Գետաշենի, Վարդենիկի, Կարճաղբյուրի, Երանոսի, Ձորագյուղի, Լիճքի ճանապարհաշինական ծրագրերը: «ՀՀ կառավարության կողմից հաստատված 35 ծրագրերի ընդհանուր արժեքը կազմել է 2 միլիարդ 765 միլիոն դրամ: Օգոստոսի 11-ի դրությամբ շինարարների հետ կնքված պայմանագրերի արժեքը կազմել է 2 միլիարդ 206 միլիոն դրամ: Ճանապարհաշինական աշխատանքներն արդեն ավարտվել են Արծվանիստ գյուղում եւ Սեւան քաղաքի Նալբանդյան փողոցում:Սուբվենցիոն ծրագրերի շրջանակներում կասֆալտապատվի 35,5 կիլոմետր երկարության ներհամայնքային ճանապարհներ: Առաջիկա օրերի ընթացքում ճանապարհաշինական աշխատանքները կմեկնարկեն նաեւ Գավառ, Մարտունի, Ծակքար, Կարմիրգյուղ, Լանջաղբյուր...
Գեղարքունիքի մարզպետն այցելեց Կարճաղբյուր, Ակունք եւ Վարդենիս համայնքների շինհրապարակներ 12.08.2020
Օգոստոսի 12-ին Գեղարքունիքի մարզպետ Գնել Սանոսյանն այցելեց Կարճաղբյուր, Ակունք եւ Վարդենիս համայնքների շինհրապարակներ՝ դիտարկելու սուբվենցիոն կամ այլ ծրագրերով իրականացվող շինարարությունների ընթացքը: Կարճաղբյուր համայնքում Գնել Սանոսյանը եղավ թիվ 3-րդ եւ 15-րդ փողոցներում, որտեղ արդեն ավարտին են մոտենում ճանապարհաշինական աշխատանքները: Ինչպես ներկայացրեց Կարճաղբյուր համայնքի ղեկավար Տարոն Քոչարյանը, ծրագրի ընդհանուր արժեքը կազմում է 48 միլիոն դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Կարճաղբյուրի համայնքապետարանը: Ըստ համայնքի ղեկավարի՝ այս աշխատանքների իրականացմամբ ամբողջանում է գյուղի կենտրոնական ճանապարհի հիմնանորոգման ծրագիրը, որը կատարվել է նախորդ տարիների ընթացքում, մի քանի փուլերով: 870 գծամետր ասֆալտապատում է արվել կենտրոնական փողոցում: Եվս 180 գծամետր երկարությամբ ասֆալտապատվել է գյուղի գերեզմանոց տանող ճանապարհը: Շինաշխատանքներն ավարտված են մոտ 90 տոկոսով: Մարզպետը շինարարության ոչ բավարար որակի շուրջ արեց համապատասխան դիտողություններ՝ հրահանգելով շտկել նկատված թերությունները եւ կարգավորել շինարարության ընթացքում ի հայտ եկած խնդիրները:
Օգոստոսի առաջին օրերից Սեւան-Մարտունի-Գետափ ավտոճանապարհի Երանոս-Հայրավանք հատվածի 25,5 կիլոմետրանոց ճանապարհահատվածում մեկնարկել են միջին նորոգման աշխատանքները: Ինչպես տեղեկացրեց Գեղարքունիքի մարզպետարանի քաղաքաշինության վարչության տրանսպորտի եւ ճանապարհաշինության բաժնի պետ Գեւորգ Խաչատրյանը, ծրագրի նախագծանախահաշվային արժեքը կազմել է 1 միլիարդ 510 միլիոն դրամ, պայմանագրային արժեքը՝ 944 միլիոն 990 հազար դրամ: Շինարարական աշխատանքներն իրականացնում է «ԱԱԲ Պրոյեկտ» կազմակերպությունը: Ծրագրի շրջանակներում նախատեսվում է իրականացնել գոյություն ունեցող ասֆալտբետոնյա ծածկի ֆրեզում, փոսային նորոգում, հարթեցնող շերտի եւ միաշերտ ասֆալտբետոնյա ծածկի տեղադրում:Շինարարական աշխատանքները կավարտվեն այս տարվա ընթացքում: : «Ասֆալտբետոնյա վերին շերտի տեղադրումը կկազմի 226 հազար 757 քառակուսի մետր: Եվս 1611 քառակուսի մետր մակերես կասֆալտապատվի մուտքերում եւ իջատեղերում:Միջին նորոգման ենթարկվող ճանապարհահատվածի ողջ երկարությամբ կտեղադրվեն ճանապարհային երթեւեկության նշաններ, կկատարվի գծանշում․․․․
Գեղարքունիքի մարզի Ձորագյուղ համայնքում ՀՀ կառավարության կողմից իրականացվող սուբվենցիոն ծրագրերի շրջանակներում այժմ ընթանում են ճանապարհաշինական աշխատանքներ, որտեղ իր ներդրումն է ունեցել նաեւ համայնքի նախկին բնակիչ, ուկրաինաբնակ գործարար Կամո Ռուբիկի Աբրահամյանը: Ինչպես տեղեկացրեց Ձորագյուղ համայնքի ղեկավար Լեւիկ Գրիգորյանը, ճանապարհաշինական աշխատանքները Ձորագյուղի թիվ 11 եւ 12 փողոցներում մեկնարկել են հուլիսի վերջերից եւ կավարտվեն այս տարվա ընթացքում: Ճանապարհաշինական ծրագրի պայմանագրային արժեքը կազմում է 52 միլիոն 564 հազար դրամ, որի 60 տոկոսը կամ 31 միլիոն 538 հազար դրամը հատկացրել է ՀՀ կառավարությունը, 21 միլիոն 25 հազար դրամը՝ Ձորագյուղի համայնքապետարանը: Ձորագյուղի համայնքապետարանի կողմից կատարվող ներդրման մեջ իր մասնակցությունն է ունեցել բարերար Կամո Աբրահամյանը՝ 3 միլիոն դրամի չափով: «Համայնքի բարերարի մասնակցությունը սուբվենցիոն ծրագրին հնարավորություն է տալիս՝ ասֆալտապատելու Ծակքարի խաչմերուկից մինչեւ Մասրուց անապատ կամ Սուրբ Կարապետ եկեղեցի տանող ճանապարհը՝ շուրջ 200 գծամետր երկարությամբ:Այդ նույն հատվածում բարերարի միջոցներչով կառուցվելու է նաեւ գիշերային լուսավորության ցանց:Բարերարի կատարած ներդրումը ոչ միայն նյութական, այլ նաեւ հոգեբանական ու բարոյական մեծ նշանակություն ունի, եւ ուզում ենք համոզված լինել, որ Ձորագյուղի մյուս գործարարները եւս, որոնց թիվն արտերկրում բավականին մեծ է, իրենց մասնակցությունը կբերեն հարազատ ծննդավայրի շենացմանն ու զարգացմանը՝ հետեւելով Կամո Աբրահամյանի հայրենանվեր ձեռնարկին»,-նշեց համայնքի ղեկավարը:
