Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Տեղեկացում 22.04.2020
Գեղարքունիքի մարզում հաստատվել է կորոնավիրուսային հիվանդության 8 նոր դեպք, ընդհանուր 47 հաստատված դեպք։
Հերթական օգնությունը բաշխվել է Գեղարքունիքի մարզի խոշորացված համայնքների 491 տնտեսությունների 21.04.2020
Կորոնավիրուսի կանխարգելման ծրագրի շրջանակներում Գեղարքունիքի մարզում շարունակվում են ֆիզիկական և իրավաբանական անձանց կողմից կատարված նվիրատվությունների, ինչպես նաև դրանց բաշխման ուղղությամբ իրականացվող միջոցառումները: Գեղարքունիքի մարզի Ճամբարակ, Վարդենիս, Գեղամասար եւ Շողակաթ համայնքների մի շարք բնակավայրերում, ՄԱԿ-ի Հայաստանյան գրասենյակի կողմից եւ ՀՀ Արտակարգ իրավիճակների նախարարության օժանդակությամբ բաշխվում է մարդասիրական հերթական օգնությունը: Ինչպես տեղեկացրեցին ՀՀ ԱԻՆ Գեղարքունիքի մարզի փրկարարական վարչությունից, վերը նշված համայնքների 22 բնակավայրերում սոցիալապես անապահով 491 ընտանիքի տրամադրվել են սննդով եւ առաջին անհրաժեշտության պարագաներով լի արկղեր: «Ճամբարակ համայնքում օգնություն տրամադրվել է Ճամբարակ քաղաքում, Վահան ու Թթուջուր բնակավայրերում, Շողակաթ համայնքում՝ Արտանիշ, Ջիլ Ծափաթաղ, Գեղամասար համայնքում՝ Գեղամասար, Ավազան, Արեգունի, Դարանակ, Կախակն, Կութ, Նորաբակ, Սոթք, Շատվան, Արփունք, Փամբակ բնակավայրերում: Վարդենիս համայնքում օգնությունը ...
Գեղարքունիքի մարզի Ճամբարակ եւ Շողակաթ խոշորացված համայնքների առանձին բնակավայրերում, շուրջ 360 անապահով ընտանիքի օգնության կարգով կաղամբ է բաշխվել: Ավելի քան 15 տոննա կաղամբը Գեղարքունիքի մարզպետ Գնել Սանոսյանի անմիջական նախաձեռնությամբ եւ մարզպետարանի միջոցներով գնվել է Զոլաքար համայնքի տնտեսություններից, տեղափոխվել եւ տեղում բաշխվել է: Ճամբարակ համայնքի ղեկավարի տեղակալ Ռոբերտ Օհանյանի հավաստմամբ՝ շուրջ 10 տոննա կաղամբ բաշխվել է Ճամբարակ քաղաքում, Գետիկ, Մարտունի, Թթուջուր, Վահան բնակավայրերում: Օգնությունը բաշխվել է շուրջ 300 ընտանիքի: Շողակաթ համայնքի ղեկավար Սուլիկո Շուշանյանի հավաստմամբ՝ օգնությունը, 5 տոննա կաղամբի չափով, բաշխվել է Արտանիշ, Ջիլ, Ծափաթաղ գյուղերի 60 ընտանիքի: Կաղամբի տեղափոխման ծախսերը հոգացել է Զոլաքարի համայնքապետարանը: «Դժվար է ասել, թե որքան կպահպանվի արտակարգ դրությունը, ինչը խանգարում է մեր տնտեսություններին՝ իրենց բերքը ժամանակին իրացնելու, ուստի մեր տնտեսությունների համար սա չափազանց օգտակար ու կարեւոր քայլ էր»,-նշել է Զոլաքար համայնքի ղեկավարը...
Տեղեկացում 21.04.2020
Գեղարքունիքի մարզի հարգելի՛ բնակիչներ․ Հաշվի առնելով, որ վերջին օրերին Գեղարքունիքի մարզի Վարդենիս համայնքում գրանցել է կորոնավիրուս հիվանդության բռնկման նոր օջախ՝ այս պահի դրությամբ ունենք 39–ի հաստատված դեպք՝ ՀՀ պարետ Տիգրան Ավինյանի 21 ապրիլի, 2020 N 48 որոշման համաձայն http://gegharkunik.mtad.am/files/legislation/45406.pdf Գեղարքունիքի մարզի Վարդենիս համայնքի մուտքի եւ ելքի հատուկ ռեժիմ է սահմանվում եւ կիրառվելու են սահմանափակումներ։ Որոշման համաձայն , համայնքի վարչական սահման մուտք գործելու եւ վարչական սահմանից ելք կատարելու համար սահմավել է հատուկ ռեժիմ՝ արգելելով անձանց եւ տրանսպորտային միջոցների մուտքն ու ելքը՝ բացառությամբ առաջին անհրաժեշտության ապրանքների, պարագաների, սննդամթերքի, դեղորայքի ու վառելիքի մատակարարման։ Սահմանափակումները ուժի մեջ են մտնում ապրիլի 22-ը՝ ժամը 08:00-ից մինչեւ, 2020 թվականի ապրիլի 28-ը` 23:59-ը։ Հավելենք նաեւ, մարզում նոր կորոնավիրուս հիվանդության առաջին դեպքը գրանցվել էր ապրիլի 17–ին «Վարդենիսի պոլիկլինիկա» ՊՓԲԸ–ի աշխատակցի մոտ և բուժհաստատությունը այդ օրվանից չի գործում ։ Այսօրվանից սահմանափակվում է նաեւ «Վարդենիսի հիվանդանոց»
Տեղեկատվություն 20.04.2020
11.04.-17.04.2020թ. ժամանակահատվածում ՀՀ Գեղարքունիքի մարզում ֆիզիկական և իրավաբանական անձանց կողմից կատարված նվիրատվությունների, ինչպես նաև դրանց բաշխման վերաբերյալ փաստացի տեղեկատվությունը
Գավառի թիվ 2 միջնակարգ դպրոցի նորակառույց շենքի շինարարական աշխատանքների զգալի մասն ավարտված է 20.04.2020
Գավառ քաղաքի թիվ 2 միջնակարգ դպրոցի նորակառույց շենքի շինարարությունն ավարտված է մոտ 80 տոկոսով: Ինչպես տեղեկացրեց շինարարական աշխատանքներն իրականացնող «Ագաթ-777» ՍՊԸ աշխղեկ Կոլյա Մարտիրոսյանը, դպրոցի շինարարությունը մեկնարկել է 2017 թվականի դեկտեմբերից եւ շահագործման պատրաստ կլինի 2020 թվականի ուսումնական տարվա սկզբից: Դպրոցը կառուցվում է նախկին վթարային շենքի տեղում, որը քանդվել է հիմքից: Շինարարության ընդհանուր արժեքը կազմում է 1 միլիարդ 380 միլիոն դրամ, որը հատկացվել է պետական միջոցներից: «Շինարարական աշխատանքներն ընթանում են ծրագրվածին համապատասխան, առանց խանգարող հանգամանքների: Հինգ մասնաշենքերից չորսի կառուցումն ավարտված է, մնացել է երկրորդ մասնաշենքի ծածկի տեղադրումը: Այժմ ընթանում են շինմոնտաժային, ներքին հարդարման, արտաքին բարեկարգման եւ այլ կարգի աշխատանքներ: Շինարարության մեջ օգտագործել ենք մինչեւ 580 տոննա երկաթյա ամրաններ: Ամբողջությամբ ապահովված է որակյալ շինարարություն: Չունենք թե աշխատուժի, թե մասնագետների, թե շինանյութերի պակաս:
