Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ծովասարում կասֆալտապատվի երկու փողոց 25.06.2020
Գեղարքունիքի մարզի Ծովասար համայնքում այս տարի ՀՀ կառավարության կողմից իրականացվող սուբվենցիոն ծրագրերի շրջանակներում կասֆալտապատվի երկու փողոց՝ 1000 գծամետր ընդհանուր երկարությամբ: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տեղեկացմամբ՝ ծրագրի ընդհանուր արժեքը կազմում է 70 միլիոն դրամ, որի 60 տոկոսը կամ 42 միլիոն դրամը հատկացնում է ՀՀ կառավարությունը, 40 տոկոսը կամ 28 միլիոն դրամը՝ Ծովասարի համայնքապետարանը: Ծովասար համայնքի ղեկավարի հավաստմամբ՝ ասֆալտապատվելու են 3-րդ եւ 4-րդ փողոցները: Շինարարական աշխատանքների մրցույթը կհայտարարվի առաջիկայում: «3-րդ եւ 4-րդ փողոցների ընդհանուր երկարությունը կազմում է 1650 գծամետր, որից 650 –ը հիմնանորոգվել էր նախորդ տարվա ընթացքում, դարձյալ սուբվենցիոն ծրագրով: Այս ծրագրով արդեն լիովին կամբողջանա ճանապարհի հիմնանորոգման ծրագիրը: Այս պահին մեր համայնքում սուբվենցիոն մեկ այլ ծրագրով ընթանում է մանկապարտեզի շինարարությունը, որը մեկնարկել է նախորդ տարվանից: Ծրագրի պայմանագրային արժեքը կազմում է 202 միլիոն դրամ: Արդեն կատարվել է շինարարական աշխատանքների մոտ 30 տոկոսը»,-ներկայացրեց համայնքի ղեկավարը:
Գեղարքունիքի մարզի հերթական սպանդանոցը բացվեց Գավառ քաղաքում 25.06.2020
Հունիսի 25-ին Գավառ քաղաքում տեղի ունեցավ «Բայազետ Ագրո» ՍՊԸ նորակառույց սպանդանոցի բացման արարողությունը, որին մասնակցեցին ՀՀ սննդի անվտանգության տեսչական մարմնի ղեկավար Գեորգի Ավետիսյանը, տեղակալ Արթուր Շատվորյանը, ՀՀ սննդի անվտանգության տեսչական մարմնի Գեղարքունիքի մարզային կենտրոնի պետ Արշակ Էլիզբարյանը, Գավառի քաղաքապետ Գուրգեն Մարտիրոսյանը, Գեղարքունիքի մարզպետարանի գյուղատնտեսության եւ բնապահպանության վարչության պետ Համբարձում Համբարձումյանը: «Բայազետ Ագրո» ՍՊԸ տնօրեն Մկրտիչ Մակարյանը ՀՀ սննդի անվտանգության տեսչական մարմնի ղեկավարին ու նրան ուղեկցող պաշտոնատար անձանց ներկայացրեց սպանդանոցի տեխնիկական զինվածությունը, աշխատանքային պայմաններն ու հզորությունը, գործունեության հնարավորություններն ու հեռանկարները: «Սպանդանոցը հիմնականում պատրաստ է շահագործման: Այն կգործի օրական 40 խոշոր եւ 80 մանր եղջերավորների մորթի համար: Կբացվի 10 մշտական աշխատատեղ: Մենք ունենք թե՛ անասուններ տեղափոխող, թե սառնարանային մեքենաներ: Գնագոյացումը լինելու է տրամաբանված, մեր կազմակերպությունը գերշահույթ չի հետապնդելու:
Գեղարքունիքի մարզպետը Գավառ քաղաքի փողոցներում դիմակներ բաժանեց քաղաքացիներին 24.06.2020
Հունիսի 23-ին Գեղարքունիքի մարզպետ Գնել Սանոսյանը շրջեց Գավառ քաղաքի փողոցներում, հանդիպեց և զրուցեց քաղաքացիների հետ՝ սահմափակումների ռեժիմով պայմանավորված քաղաքացիների տրամադրությունների մասին: Անդրադառնալով նրանց մտահոգություններին և թե որքանով են պահպանում հակահամաճարակային կանոնները, որոնք սահմանված են պարետի կողմից: Զրույցի ընթացքում մարզպետ Գնել Սանոսյանը քաղաքացիներին բաժանեց դիմակներ, հորդորելով ոչ մի պարագայում չթուլացնել զգոնությունը, դրսեւորել սոցիալական բարձր պատասխանատվություն, հետեւել հակահամաճարակային կանոններին, կրել դիմակ, խուսափել մարդկային կուտակումներից եւ շփումների ժամանակ պահպանել ֆիզիկական հեռավորություն։Մարզպետին ուղեկցում էր Գեղարքունիքի մարզպետի տեղակալ Նարեկ Գրիգորյանը:
Վերին Գետաշենում այս տարի կասֆալտապատվի յոթ փողոց 24.06.2020
Գեղարքունիքի մարզի Վերին Գետաշեն համայնքում այս տարի ՀՀ կառավարության կողմից իրականացվող սուբվենցիոն ծրագրերի շրջանակներում կասֆալտապատվի յոթ փողոց՝ 3700 գծամետր ընդհանուր երկարությամբ: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տեղեկացմամբ՝ ծրագրի ընդհանուր արժեքը կազմում է 136 միլիոն դրամ, որի 60 տոկոսը կամ 81 միլիոն 600 հազար դրամը հատկացնում է ՀՀ կառավարությունը, 40 տոկոսը կամ 54 միլիոն 400 հազար դրամը՝ Վերին Գետաշենի համայնքապետարանը: Վերին Գետաշեն համայնքի ղեկավարի հավաստմամբ՝ ասֆալտապատվելու են համայնքի Ա թաղամասի 1-ին, Բ թաղամասի 3,5, 6, 9, 11,13 փողոցները: «Համայնքի կողմից որպես ներդրող մասնակցում է բարերար Արտավազդ Սիմոնյանը՝ 13 միլիոն դրամ ներդրումով:
Ձորագյուղում կհիմնանորոգվի մշակույթի տունը եւ երկու փողոց 24.06.2020
Գեղարքունիքի մարզի Ձորագյուղ համայնքում ՀՀ կառավարության կողմից իրականացվող սուբվենցիոն ծրագրերի շրջանակներում կհիմնանորովի մշակույթի տունը եւ երկու փողոցի առանձին հատվածներ՝ շուրջ 700 գծամետր ընդհանուր երկարությամբ: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տվյալներով՝ Ձորագյուղի մշակույթի տան հիմնանորոգման ծրագրի նախնական ընդհանուր արժեքը կազմում է 49 միլիոն 790 հազար դրամ, որի 45 տոկոսը կամ 22 միլիոն 405 հազար դրամը հատկացնում է ՀՀ կառավարությունը, 55 տոկոսը կամ 27 միլիոն 385 հազար դրամը՝ Ձորագյուղի համայնքապետարանը: Սուբվենցիոն մեկ այլ ծրագրով ասֆալտապատման աշխատանքներ կիրականացվեն Ձորագյուղի 11 եւ 12-րդ փողոցների առանձին հատվածներում: Փողոցների ասֆալտապատման ծրագրի նախնական ընդհանուր արժեքը կազմում է 55 միլիոն 910 հազար դրամ, որի 60 տոկոսը կամ 33 միլիոն 546 հազար դրամը հատկացնում է ՀՀ կառավարությունը, 40 տոկոսը կամ 22 միլիոն 364 հազար դրամը՝ Ձորագյուղի համայնքապետարանը:
Սեպտեմբերի 1-ից կգործի Գեղարքունիքի տարածքային մանկավարժահոգեբանական աջակցության կենտրոնը 24.06.2020
Ընթացիկ տարվա սեպտեմբերի 1-ից Գավառի hատուկ դպրոցը կվերակազմավորվի Գեղարքունիքի տարածքային մանկավարժահոգեբանական աջակցության կենտրոնի (ՏՄԱԿ)։ Կենտրոնը մանկավարժահոգեբանական աջակցություն կցուցաբերի մարզի ուսումնական հաստատություններում սովորողների կրթության կազմակերպմանը և կրթության առանձնահատուկ պայմանների կարիք ունեցող երեխաների ներառմանը։ Այսօր ՀՀ ԿԳՄՍ նախարարի տեղակալ Ժաննա Անդրեասյանը Գեղարքունիքի մարզպետ Գնել Սանոսյանին ներկայացրեց կենտորոնի կազմավորմանը զուգընթաց քայլերը։ Մարզպետը և նախարարի տեղակալը քննարկեցին Գավառի հատուկ դպրոցի աշխատակիցներին աշխատանքով ապահովելու, դպրոցի աշակերտներին հանրակրթական դպրոցներում տեղավորելու, նրանց սոցիալական կարիքները հոգալու, ստեղծվող ՏՄԱԿ-ը մասնագետներով համալրելու, դպրոցի շենքը և ուսումնանյութական բազան հետագայում արդյունավետ օգտագործելու հետ կապված հարցեր։ ՀՀ ԿԳՄՍ նախարարի տեղակալ Ժաննա Անդրեասյանը և նախարարության հանրակրթության վարչության գլխավոր մասնագետ Անահիտ Մուրադյանը եղան նաև Գավառի հատուկ դպրոցում, ծանոթացան շենքային պայմաններին, հատուկ դպրոցի աշակերտներին հանրակրթական դպրոցներում տեղավորելու գործընթացին և հատուկ դպրոցի լուծարումից հետո դպրոցի աշխատակիցներին աշխատանքով ապահովելու հնարավորություններին։
