Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Գեղարքունիքի մարզպետ Գնել Սանոսյանի շնորհավորական ուղերձը՝ Հաղթանակի ու Խաղաղության օրվա առթիվ 09.05.2021
Սիրելի՛ հայրենակիցներ, ջերմորեն շնորհավորում եմ մայիսի 9-ի՝ մեզ համար կրկնակի խորհուրդ ունեցող այս հրաշալի օրվա՝ Հաղթանակի ու Խաղաղության օրվա առթիվ։ Մայիսի 9-ը յուրաքանչյուր հայի համար լոկ ամսաթիվ չէ, այն լուսավոր ապագայի կերտման խորհրդանիշ է։ Իսկապես, Հայրենական Մեծ պատերազմում և Արցախյան պատերազմում մեր նախնիների տարած հաղթանակները խորհրդանշական են մեր երկրի համար։ Այդ հաղթանակներն են,որ ուժ ու իմաստնություն են փոխանցել, ոգևորել ու առաջ մղել հայ ժողովրդին, սովորեցրել բռունցքվել ու համախմբվել՝ պաշտպանելով հողն հայրենի։ Մեր խոնարհումը բոլոր հերոսների հիշատակի առջև, ովքեր ընկել են հանուն հայրենիքի պաշտպանության: Մեր հերոսների սխրանքների շնորհիվ ձեռք բերված հաղթանակները թող զորավիգ լինեն մեզ՝ մեր խաղաղ ու հուսալի վաղվա օրը կերտելու գործում։ Հայը հաղթող տեսակ է, և ես վստահ եմ, որ դեռ բազում հաղթանակներ է տոնելու:
Գեղարքունիքի մարզում կառուցվում է երկու մոդուլային դպրոց 07.05.2021
2020 թվականին ՀՀ կառավարության տրամադրած միջոցների հաշվին Գեղարքունիքի մարզի Լեռնահովիտ և Շատջրեք համայնքներում մեկնարկել են փոքրաքանակ երեխաներով համալրված հանրակրթական դպրոցների մոդուլային շենքերի կառուցման աշխատանքները: Շինարարական աշխատանքների շարունակականությունն ապահովելու նպատակով ՀՀ Կառավարության 2021 թվականի մայիսի 6-ի նիստի որոշման նախագծով նախատեսվում է ևս 100 ական միլիոն դրամ հատկացնել մարզի երկու դպրոցներին: Դպրոցներն ընտրվել են հաշվի առնելով, որ տվյալ դպրոցը հանդիսանում է բնակավայրի միակ կրթական օբյեկտը, ունի մինչև 100 աշակերտ, ունի սեյսմակայունության խնդիր և շենքի հիմնանորոգումը կամ վերականգնումը տնտեսապես արդյունավետ չէ, դպրոցի տեղակայման վայրում կա մոդուլային շենքի տեղակապման համար համապատասխանող հողատարածք։ ՀՀ կառավարության նիստին ներկա էր նաև ՀՀ Գեղարքունիքի մարզպետ Գնել Սանոսյանը:
Մայիսի 7-ին Գավառ քաղաքի Արծվաքար թաղամասում գործող թիվ 7 միջնակարգ դպրոցում տեղի ունեցավ Արցախյան վերջին պատերազմում զոհված հերոս զինծառայողներ Անդրանիկ Գրիգորյանին, Արմեն Աղեկյանին եւ Արամ Պողոսյանին նվիրված գրական-երաժշտական հուշ - ցերեկույթ։ Միջոցառմանը մասնակցում էր Գեղարքունիքի մարզպետ Գնել Սանոսյանը, Գեղարքունիքի մարզպետարանի եւ Գավառի քաղաքապետարանի աշխատակիցներ, Գավառ քաղաքի կրթամշակութային հաստատությունների ներկայացուցիչներ, ուսուցիչներ, աշակերտներ, անհատ քաղաքացիներ, զոհված զինծառայողների ծնողները եւ հարազատները։ Գրական-երաժշտական կատարումներով հանդես եկան Գավառի թիվ 7 միջնակարգ դպրոցի աշակերտները։ Նրանք միաժամանակ ներկայացրին դպրոցի հերոսացած սաների կենսագրությունները, մարտական սխրանքները, արիության դրվագները։ «Արցախյան վերջին պատերազմում մեր դպրոցը տվեց երեք թանկագին կորուստ։ Առաջինը զոհվեց Հայոց բանակի սպա Անդրանիկ Կարենի Գրիգորյանը։ Նրան բախտ վիճակվեց ապրել ընդամենը 26 գարուն, բայց իր սխրանքով ու անձնազոհությամբ նա հավերժացավ մեր սրտերում։...
Աստղաձոր համայնքում կկառուցվի մոդուլային մանկապարտեզ 07.05.2021
ՀՀ Կառավարության 2021 թվականի մայիսի 6-ի նիստի որոշման նախագծով նախատեսվում է 1 միլիարդ 396 միլիոն դրամ հատկացնել հանրապետության մարզերի թվով 9 համայնքներում «Մոդուլային» տիպի 144 տեղ հզորությամբ մսուր-մանկապարտեզի կառուցման համար: Գեղարքունիքի մարզում նման մսուր - մանկապարտեզ նախատեսվում է կառուցել Աստղաձոր համայնքում, որի համար կհատկացվի 100 միլիոն դրամ՝ կառուցման նպատակով անհրաժեշտ նախագծանախահաշվային փաստաթղթերի ձեռքբերման և շինարարական աշխատանքների մեկնարկման համար:
Քաղաքացիների ընդունելություն Գեղարքունիքի մարզպետարանում 05.05.2021
Համաձայն ՀՀ Գեղարքունիքի մարզպետի 2019 թվականի ապրիլի 8-ի թիվ 302-Ա որոշմամբ սահմանված կարգի` մայիսի 5-ին Գեղարքունիքի մարզպետարանում մարզպետի տեղակալ Նարեկ Մանուկյանը և մարզպետարանի գլխավոր քարտուղար Սևակ Խլղաթյանը կատարեցին քաղաքացիների ընդունելություն: Նախապես գրանցված 23 քաղաքացիների զգալի մասը դիմեցին սոցիալ-տնտեսական խնդիրների կարգավորման նպատակով: Նշված քաղաքացիների կողմից մարզպետարան ներկայացրած դիմումները ուսումնասիրելուց հետո դիմումատուներին, ըստ անհրաժեշտության, կտրամադրվի համապատասխան ֆինանսական աջակցություն: Դիմումների որոշ մասը վերաբերում էին աշխատանքի տեղավորմանն աջակցելու, մի մասն էլ` աշխատանք գտնելու հարցում կողմնորոշելու: Կենցաղային, անձնական, քաղաքաշինական, շենք շինությունների և ենթակառուցվածքների բարելավմանն աջակցելու և մի շարք թեմաներով մարզպետարանի ղեկավարների միջամտությունն ակնկալող քաղաքացիները ստացան համապատասխան պարզաբանումներ և տեղեկատվություն՝ խնդիրների լուծման հարցերում:
Պատվաստումից հետո մարզպետի հետ ունեցած զրույցում նա նշեց, որ իրեն շատ լավ է զգում և անհանգստացնող որևէ խնդիր ի հայտ չի եկել: Նույն բուժհիմնարկում միաժամանակ պատվաստվեցին Գեղարքունիքի մարզպետարանի մի խումբ աշխատակիցներ: «Գեղարքունիքի մարզի բուժհիմնարկներում պատվաստումների գործընթացը շարունակական բնույթ է կրում և ուրախությամբ կարող եմ ասել, որ օր օրի ակտիվություն է գրանցվում պատվաստվողների շրջանում: Այսօր մենք ժամանակ գտանք և այդ գործընթացի մաս կազմեցինք: Ուզում եմ հիշեցնել, որ, համավարակի տարածման հետ զուգահեռ բոլորս երազում էինք, որ բուժաշխատողները, համապատասխան մասնագետները, գիտնականները կհայտնաբերեն դրա հակավիրուսը և մենք այդ չարիքից կփորձենք ձերբազատվել: Կարծում եմ հիմա վերջապես կարող ենք արձանագրել, որ կան համապատասխան դեղամիջոցներ և Հայաստանում նաև կա պատվաստվելու լայն հնարավորություն: Այնպես որ մեր ազգաբնակչությանը ինքս իմ օրինակով խորհուրդ կտամ պատվաստվել և խուսափել լրացուցիչ բարդություններից»,- ասաց Գնել Սանոսյանը: Հավելենք նաև, որ վերջին օրերի ընթացքում պատվաստման գործընթացը..
