Նորություններ
Տեղեկացում 08.06.2020
30.05-05.06.2020թ. ժամանակահատվածում ՀՀ Գեղարքունիքի մարզում ֆիզիկական և իրավաբանական անձանց կողմից կատարված նվիրատվությունների, ինչպես նաև դրանց բաշխման վերաբերյալ փաստացի տեղեկատվություն...
ՀՀ տարածքային կառավարման և ենթակառուցվածքների նախարար Սուրեն Պապիկյանը հունիսի 6-ին Գեղարքունիքի մարզում դիտարկեց նույն նախարարության պատվիրատվությամբ և ՀՀ պետական բյուջեի միջոցների հաշվին իրականացվող շինարարական աշխատանքների ընթացքը: Նախարարին ուղեկցում էր Գեղարքունիքի մարզպետ Գնել Սանոսյանը: Սուրեն Պապիկյանը եղավ Արծվանիստ համայնքում, որտեղ օրերս մեկնարկել են համայնքի 3.3 կիլոմետր ավտոճանապարհի հիմնանորոգման աշխատանքները: Դրանք սկսվում են Մ11 միջպետական նշանակության ավտոճանապարհից, հասնում մինչև համայնքի կենտրոն, ապա շարունակվում մինչև Վանևան վանական համալիր: Ծրագրի ընդհանուր արժեքը կազմում է 405 միլիոն դրամ, որի շրջանակներում նախատեսվում են հողային աշխատանքներ, մայթերի և եզրաքարերի կառուցում, ջրահեռացման խողովակների տեղադրում, ճանապարհային ծածկի հիմնանորոգման, արհեստական կառուցվածքների, երթևեկության անվտանգության տարրերի վերականգնման և նշագծման աշխատանքներ:
Ձորագյուղում կկառուցվի ոռոգման ջրատար 05.06.2020
Գեղարքունիքի մարզի Ձորագյուղ համայնքում այս տարվա ընթացքում ՀՀ կառավարության կողմից իրականացվող սուբվենցիոն ծրագրերի շրջանակներում կկառուցվի ոռոգման ջրատար՝ շուրջ 700 գծամետր երկարությամբ: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնից փոխանցեցին, որ ծրագրի իրականացման ընդհանուր արժեքը կազմում է 17 միլիոն 976 հազար դրամ, որի 70 տոկոսը կամ 12 միլիոն 583 հազար դրամը հատկացնում է ՀՀ կառավարությունը, 5 միլիոն 392 հազար դրամը՝ Ձորագյուղի համայնքապետարանը: Ձորագյուղ համայնքի ղեկավար Լեւիկ Գրիգորյանի հավաստմամբ՝ շինարարական մրցույթը հայտարարված է, հաղթող կազմակերպությունը հայտնի է, իսկ այժմ նախապատրաստական աշխատանքներ են տարվում՝ շինարարական աշխատանքները սկսելու համար: «Հիմնանորոգվում է համայնքի «Բախչի առու» կոչվող ոռոգման ջրատարը երկաթյա կիսախողովակներով: Այն ձգվում է մոտ 1500 մետր երկարությամբ, որի մոտ 800 մետրանոց հատվածը նորոգվել է մի քանի տարի առաջ, «Մարտունի» ջրօգտագործողների ընկերության միջոցներով, երկաթբետոնյա կիսախողավակներով: Այս ծրագրով...
Սուբվենցիոն ծրագրի շրջանակներում Գեղհովիտում կասֆալտապատվի երեք փողոց 04.06.2020
Գեղարքունիքի մարզի Գեղհովիտ համայնքում այս տարվա ընթացքում ՀՀ կառավարության կողմից իրականացվող սուբվենցիոն ծրագրի շրջանակներում կասֆալտապատվի երեք փողոց: Ինչպես տեղեկացրեցին Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնից, ծրագրի ընդհանուր արժեքը կազմել է 96 միլիոն 697 հազար դրամ, որի 60 տոկոսը կամ 58 միլիոն 18 հազար դրամը հատկացնում է ՀՀ կառավարությունը, 38 միլիոն 678 հազար դրամը՝ Գեղհովիտի համայնքապետարանը: Գեղհովիտ համայնքի ղեկավարի տեղեկացմամբ՝ ասֆալտապատվելու են 2-րդ, 7-րդ եւ 8-րդ փողոցները: 2-րդ փողոցն ասֆալտապատվելու է 450, 7-րդ փողոցը՝ 700 եւ 8-րդ փողոցը՝ 530 գծամետր երկարությամբ: Ասֆալտապատման ընդհանուր մակերեսը կկազմի շուրջ 7600 քառակուսի մետր: Շինարարական մրցույթը կհայտարարվի առաջիկայում:
Գեղարքունիքի մարզում շարունակվում են անասնահամաճարակի դեմ պայքարի միջոցառումները 04.06.2020
Գեղարքունիքի մարզում անասնահամաճարակների դեմ պայքարի միջոցառումները մոտենում են ավարտական փուլին: Ինչպես տեղեկացրեց ՀՀ Էկոնոմիկայի նախարարության «Գյուղատնտեսական ծառայությունների կենտրոն» ՊՈԱԿ Գեղարքունիքի մարզի գլխավոր համաճարակաբան Սարգիս Ավագյանը, հունիսի 4-ի դրությամբ Գեղարքունիքի մարզի անասնապահական տնտեսություններում դաբաղ հիվանդության դեմ պատվաստվել է 87 հազար 254, սիբիրախտի դեմ՝ 66 հազար 362, խշխշան պալարի դեմ՝ 77 հազար 117, հանգուցավոր մաշկաբորբի դեմ՝ 13 հազար 755 գլուխ խոշոր եղջերավոր անասուն: 42 հազար114 գլուխ խոշորից էլ բրուցելյոզի ախտորոշման համար կատարվել է արյան նմուշառում: Հանգուցավոր մաշկաբորբի դեմ պայքարի միջոցառումներն իրականացվել են թիրախային համայնքներում: Սիբիրախտ հիվանդության դեմ պատվաստվել է 21 հազար 299 գլուխ ոչխար՝ դարձյալ թիրախային համայնքներում, խոզերի ժանտախտի դեմ՝ 23 հազար 410 գլուխ խոզ, ձիերի սիբիրախտի դեմ՝ 1128 գլուխ ձի: ...
Կասֆալտապատվի Գավառ քաղաքի Հացառատ թաղամասի Բուռնազյան փողոցը 03.06.2020
Միջգերատեսչական հանձնաժողովի հերթական նիստում հավանության է արժանացվել Գավառ համայնքից ներկայացված սուբվենցիոն 6 ծրագրային հայտ, որոնցից մեկն էլ «Գավառ համայնքի Բուռնազյան փողոցի կապիտալ վերանորոգման աշխատանքների» իրականացմանն ուղղված ծրագիրն է: Այս ծրագրի համար, ինչպես փոխանցեցին Գեղարքունիքի մարզպետարանի զարգացման ծրագրերի, զբոսաշրջության և վերլուծության բաժնից, նախնական հաշվարկներով նախատեսված է ծախսել 307 միլիոն դրամ, որի 60 տոկոսը հատկացնում է ՀՀ կառավարությունը, 40 տոկոսը՝ Գավառի համայնքապետարանը: Գավառի քաղաքապետ Գուրգեն Մարտիրոսյանի տեղեկացմամբ՝ փողոցի ընդհանուր երկարությունը կազմում է 1100 մետր, որից այս ծրագրի շրջանակներում կհիմնանորոգվի 800 գծամետրը՝ այնքան, որքան որ բավարարում է համայնքապետարանի այս տարվա բյուջետային հատկացումը՝ սուբվենցիոն ծրագրին մասնակցելու համար: «Փողոցը հիմնանորոգման չի ենթարկվել տասնամյակներ շարունակ, չափից դուրս անբարեկարգ է եւ տրանսպորտային երթեւեկության համար դժվարանցանելի: Բուռնազյան փողոցի վրա է գտնվում թաղամասի մանկապարտեզը, ավտոդպրոցը եւ թիվ 2 նորակառույց միջնակարգ դպրոցը, որն իր դռները կբացի այս ուսումնական տարվա սկզբից: Կենսական կարեւոր նշանակության խնդիր է լուծվում Հացառատ թաղամասի բնակչության համար: Շինարարական մրցույթը կհայտարարվի առաջիկայում»,-ներկայացրեց համայնքի ղեկավարը: