Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ կառավարության ծրագրերը` հզոր հայրենիքի երաշխիք 18.07.2022
Գեղարքունիքի մարզի Շողակաթ խոշորացված համայնքի Շողակաթ գյուղում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում երկաթբետոնյա սալարկմամբ հիմնանորոգվում է 7-րդ փողոցը։ Ծրագրի իրականացման պայմանագրային արժեքը կազմում է 21 միլիոն 450 հազար դրամ, որի 60 տոկոսը հատկացնում է ՀՀ կառավարությունը, 40 տոկոսը՝ Շողակաթի համայնքապետարանը։ Հիմնանորոգվող փողոցի երկարությունը շուրջ 300 գծամետր է, մակերեսը՝ 1200 քառակուսի մետր։ Շինարարական աշխատանքները մեկնարկել են հուլիսի առաջին օրերից եւ կավարտվեն առաջիկա երկու ամիսների ընթացքում։ Ծրագրի իրականացման արդյունքում Շողակաթի 7-րդ փողոցում բնակվող ընտանիքները կունենան միանգամայն բարեկարգ ու հիմնանորոգված ճանապարհ։
Հայաստանի Հանրապետության կրթության, գիտության, մշակույթի և սպորտի նախարարի հրամանով փոփոխություն է կատարվել «Հայաստանի Հանրապետության վարչապետի գավաթ» լողի սիրողական մրցաշարի կանոնակարգում: Մասնավորապես, փոխվել են մրցաշարի անցկացման օրն ու պարգևատրման կարգը: «ՀՀ վարչապետի գավաթ» լողի սիրողական մրցաշարը տեղի կունենա 2022 թվականի օգոստոսի 23-ին: Այն կանցկացվի Սևանա լճում՝ ՀՀ Գեղարքունիքի մարզի Շողակաթ (նախկին Շորժա) համայնքին հարակից լողափնյա տարածքում: Մրցաշարի հաղթողների պարգևատրման կարգում տեղի ունեցած փոփոխության համաձայն էլ դրամական մրցանակներ են նախատեսված 1-10-րդ տեղերը զբաղեցրած մասնակիցների համար: Դրամական մրցանակներ երկու տարիքային խմբերի 1-ից 10-րդ տեղեր գրաված մասնակիցներին՝․․․
Մարզում կիրականացվի «Հոգեկան առողջություն բոլորի համար» ծրագիրը 18.07.2022
Առողջապահության համաշխարհային կազմակերպության (ԱՀԿ), Եվրոպական հանձնաժողովի հետ համագործակցությամբ մեկնարկել է Հայաստանում հոգեկան առողջության ոլորտում առկա բացերին ուղղված գործողությունների «Հոգեկան առողջություն բոլորի համար» խորագրով ծրագիրը, որը կիրականացվի նաև Գեղարքունիքի մարզում։ Ծրագիրը նպատակ ունի նպաստելու հակամարտությունից տուժած բնակչության համար հոգեկան առողջությանն ու հոգեսոցիալական աջակցությանն ուղղված ծառայությունների հասանելիությանը՝ վերապատրաստելով առողջության առաջնային պահպանման օղակի բուժաշխատողներին։ Այդ նպատակով հուլիսի 18-ին Գեղարքունիքի մարզպետարանում տեղի ունեցավ հանդիպում՝ մարզի 8 բժշկական կենտրոնների և առավել մեծաթիվ բնակչություն սպասարկող առողջության առաջնային պահպանման կենտրոնների տնօրենների մասնակցությամբ։․․․
ՀՀ կառավարության ծրագրերը` հզոր հայրենիքի երաշխիք 15.07.2022
Գեղարքունիքի մարզի Շողակաթ խոշորացված համայնքի վարչական կազմում ընդգրկված բոլոր բնակավայրերում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում կառուցվում է լուսավորության ցանց։ Ծրագրի պայմանագրային արժեքը կազմում է 25 միլիոն 8 հազար դրամ, որի 70 տոկոսը հատկացնում է ՀՀ կառավարությունը, 30 տոկոսը՝ Շողակաթի համայնքապետարանը։ Ծրագրով նախատեսվում է Շողակաթ, Դրախտիկ, Արտանիշ, Ծափաթաղ, Աղբերք, Ջիլ գյուղերում լուսավորության ցանց կառուցել շուրջ 6 կիլոմետր ընդհանուր երկարությամբ։ Տեղադրվում է ԼԵԴ համակարգով աշխատող 200 լուսատու։․․․
Գեղարքունիքի մարզի խորհրդի հերթական նիստում քննարկվեցին առաջնահերթ ու կարեւոր նշանակության հարցեր 15.07.2022
Հուլիսի 15-ին կայացավ Գեղարքունիքի մարզի խորհրդի հերթական նիստը, որը վարեց Գեղարքունիքի մարզպետ, Գեղարքունիքի մարզի խորհրդի նախագահ Կարեն Սարգսյանը։ Նիստի աշխատանքներին մասնակցում էին մարզխորհրդի անդամները, բնակավայրերի, մարզի ուժային կառույցների ղեկավարներ։ Մարզի համայնքների բյուջեների սեփական եկամուտների հավաքագրման առաջին կիսամյակի արդյունքների մասին զեկուցեց Գեղարքունիքի մարզպետարանի ֆինանսական եւ սոցիալ-տնտեսական զարգացման վարչության պետ Յուրա Մուշեղյանը։ Նա տեղեկացրեց, որ 2022 թվականի 1-ին կիսամյակի արդյունքներով մարզի կատարողական ցուցանիշների հավաքագրման մակարդակը կազմում է ընդամենը 70,6 տոկոս, կամ պլանավորված 1 միլիարդ 313 միլիոն 784 հազար դրամի դիմաց փաստացի հավաքագրվել է 927միլիոն 966,3 հազար դրամ: Նախորդ տարվա նույն ժամանակաշրջանի հետ համեմատած արձանագրվել է 2 տոկոսի նվազեցում,․․․
ՀՀ կառավարության 2022 թվականի հուլիսի 14-ի նիստում որոշվեց 1 623 025,0 դրամ հատկացնել Մ-10, Սևան-Մարտունի-Գետափ միջպետական նշանակության ավտոճանապարհի կմ66+000-կմ80+000 հատվածի և 1 536 606,6 դրամ՝ Հ-39, /Մ-10/ - Գավառ - /Մ-10/ հանրապետական նշանակության ավտոճանապարհի կմ4+300-կմ7+700 հատվածի հիմնանորոգման համար։
