Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Կարեն Սարգսյանը մասնակցեց Խաղողօրհնեքի տոնին նվիրված պատարագին 13.08.2023
Օգոստոսի 13-ին Հայաստանյայց Առաքելական Սուրբ Եկեղեցին նշեց Սուրբ Աստվածածնի Վերափոխման տոնը։ Գեղարքունիքի մարզպետ Կարեն Սարգսյանը, մարզպետի աշխատակազմի ներկայացուցիչները Գեղարքունյաց թեմի առաջնորդանիստ Գավառի Սուրբ Աստվածածին եկեղեցում մասնակցեցին տոնի առթիվ մատուցված պատարագին և Խաղողօրհնեքի կարգին։ Պատարագը մատուցվեց Գեղարքունյաց թեմի առաջնորդական տեղապահ Պարթև վարդապետ Բարսեղյանի ձեռամբ և Գեղարքունյաց թեմի հոգևոր դասի աջակցությամբ։ Պատարագի ավարտից հետո Սուրբ Աստվածածին եկեղեցու բակում, Գեղարքունյաց թեմի առաջնորդական տեղապահ Պարթև վարդապետ Բարսեղյանի հանդիսապետությամբ կատարվեց նաև Խաղողօրհնեքի կարգ, որից հետո օրհնված խաղողի ողկույզները բաժանվեց հավատավոր ժողովրդին: Աստվածածնի վերափոխման տոնը, կամ ժողովրդին առավել հայտնի Խաղողօրհնեքի տոնը, Հայ առաքելական եկեղեցու հինգ տաղավար տոներից չորրորդն է և Տիրամորը նվիրված տոներից ամենահինը:...
Գավառն «Առաջին ստուդիա» է լսում 12.08.2023
Ֆեստիվառի համերգի երկրորդ հատվածում «Առաջին ստուդիայի» սիրված երգերը կատարեցին Սոնա Ռուբենյանը, Էրիկ Կարապետյանը և Բրունետը: Երեկոն եզրափակվեց Արամ MP3-ի հիթերով:
Գավառի կենտրոնական հրապարակում մեկնարկել է Ֆեստիվառի մեծ համերգը 12.08.2023
Գավառցիներին և քաղաքի հյուրերին ողջունեցին Kami Friends-ը, Արսեն Գրիգորյանը և Արամ MP3-ն: Համերգը, ինչպես և «Առաջին ստուդիա» երաժշտական նախագիծը, վարում է Գրիշա Աղախանյանը:
Էլ ինչ Ֆեստիվառ Գավառ առանց համեղ փախլավայի 12.08.2023
Փախլավան Գավառի խորհրդանիշներից է. տոնավաճառի մի շարք տաղավարներում կարող եք համտեսել այս ավանդական քաղցրավենիքը:
Գավառում տեղական արտադրանքի տոնավաճառն արդեն մարդաշատ է 12.08.2023
Այստեղ գործում է նաև տեղեկատվական տաղավար, որտեղ կարող եք գտնել Գեղարքունիքի մարզի զբոսաշրջային հասցեները և ծանոթանալ «ՖԵՍՏԻՎԱՌ» փառատոնի բոլոր մանրամասներին:
ՖեստիՎառ Գավառ 12.08.2023
Օրվա առաջին կեսին փոքր բեմում ֆեստիվառյան ռիթմերն ապահովեցին մարզի կատարողները, ինչպես նաև հյուր արտիստներն Երևանից:
