Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետն անցկացրեց աշխատանքային հերթական խորհրդակցությունը 12.09.2022
Սեպտեմբերի 12-ին Գեղարքունիքի մարզպետ Կարեն Սարգսյանը մարզպետարանի ստորաբաժանումների ղեկավարների հետ անցկացրեց աշխատանքային հերթական խորհրդակցությունը, որին մասնակցում էին նաև մարզպետի տեղակալներ Ռուբիկ Նավոյանը, Վահան Զարոյանը, մարզպետարանի գլխավոր քարտուղար Սևակ Խլղաթյանը, գլխավոր քարտուղարի տեղակալ Ալբերտ Աղեկյանը, մարզպետի օգնականներ Մանանա Գալստյանը, Ջանիկ Բազեյանը, մարզպետի խորհրդական Սասուն Սահակյանը։ Մարզպետը խորհրդակցության մասնակիցներին ներկայացրեն նորանշանակ խորհրդականին, ապա քննարկվեցին նախորդ խորհրդակցության ընթացքում տրված հանձնարարականները։ Ստորաբաժանումների ղեկավարները զեկուցեցին մարզով անցնող միջպետական և հանրապետական նշանակության ավտոճանապարհների պաշտպանական գոտիներում քաղաքաշինական գործունեության և ճանապարհաշինության բնագավառում տիրող իրավիճակի վերաբերյալ կատարված աշխատանքների մասին, քննարկվեց մարզի հանքավայրերի շահագործման, տնտեսավարողների գործունեության...
Սեպտեմբերի 7-ին փոխվարչապետ Համբարձում Մաթևոսյանն այցելեց Գեղարքունիքի մարզ 09.09.2022
Կարեն Սարգսյան / Karen Sargsyan Սեպտեմբերի 7-ին փոխվարչապետ Համբարձում Մաթևոսյանն այցելեց Գեղարքունիքի մարզ Մարզային այցին մասնակցում էր նաև տարածքային կառավարման և ենթակառուցվածքների նախարար Գնել Սանոսյանը, «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը, Հայաստանի տարածքային զարգացման հիմնադրամի գործադիր տնօրեն Արթուր Սողոմոնյանը, պաշտոնատար այլ անձինք։ Փոխվարչապետը շրջայց կատարեց մի շարք համայնքներում, ծանոթացավ պետություն-համայնք համագործակցության շրջանակներում իրականացվող սուբվենցիոն ծրագրերի ընթացքին։ Կարճաղբյուր համայնքում այցելեցինք Սևանի իշխանի պաշարների վերականգնման և ձկնաբուծության զարգացման հիմնադրամի կազմում գործող «Սևանի Իշխան» ՓԲԸ, շրջայց կատարեցինք ընկերության ձկնարտադրության համալիրում, ծանոթացանք մանրաձկան արտադրության գործընթացին և գործարանի արտադրական հզորություններին: Նշեմ, որ․․․
ՀՀ կառավարության 2022 թվականի սեպտեմբերի 8-ի հերթական նիստում որոշում է կայացվել Հայաստանի Հանրապետության պետական բյուջեով արդեն իսկ նախատեսված սուբվենցիաներից բացի այլ սուբվենցիաներ տրամադրելու նպատակով՝ Գեղարքունիքի մարզպետարանին հատկացնել 70,709.9 հազար դրամ։ Նշված գումարից 38,895.4 հազար դրամը կտրամադրվի Ճամբարակ համայնքի Ճամբարակ քաղաքի Բաբաջանյան փողոցի և Նարեկացի փողոցի հետիոտնային ճանապարհի սալարկման աշխատանքների, 13,384.2 հազար դրամ՝ Շողակաթ համայնքի Շողակաթ բնակավայրի 7-րդ փողոցի կառուցման և 18,430.3 հազար դրամ՝ Շողակաթ համայնքի 6 բնակավայրերում փողոցների արտաքին լուսավորության ցանցի կառուցման աշխատանքների համար։
Դիլիջանի քաղաքային զբոսայգում տեղի է ունեցել «Արվեստների և արհեստների» միջազգային 10-րդ հոբելյանական փառատոնը, որին ներկայացված են եղել բոլոր մարզերը, հանրապետության տարածքում ապրող ազգային և էթնիկ փոքրամասնությունների պատվիրակությունները։ Գեղարքունիքի մարզը ներկայացրել են Վարդենիս, Գավառ, Մարտունի խոշորացված համայնքները և Գավառի երկրագիտական թանգարանը: Թանգարանը ցուցադրության է ներկայացրել թանգարանային հնաոճ իրեր, կարպետներ, գորգեր, Մարտունու մանկական արվեստի դպրոցը, Գավառի ուսուցողական ու մանկապատանեկան ստեղծագործական կենտրոնները ցուցադրել են իրենց շնորհալի սաների ձեռքի աշխատանքները՝ գեղանկարչություն, գոբելեն, մաքրամե, ասեղնագործություն, բատիկա, ուլունքագործություն, իսկ շնորհալի երկու աշակերտ մոլբերտի վրա տեղում նկարել են դիլիջանյան գեղեցիկ բնապատկեր: Տիկնիկագործությունը ներկայացրել է Մարտունու համայնքի Երանոս բնակավայրի ներկայացուցիչ Աննա Հոխիկյանը, երաժշտական համարներով հանդես են եկել․․․
Գեղարքունիքի մարզպետարանում կատարվեց քաղաքացիների հերթական ընդունելությունը 07.09.2022
Սեպտեմբերի 7-ին Գեղարքունիքի մարզպետի տեղակալներ Ռուբիկ Նավոյանը, Վահան Զարոյանը, մարզպետի օգնական Ջանիկ Բազեյանը կատարեցին քաղաքացիների հերթական ընդունելությունը, որին մասնակցեց 26 քաղաքացի։ Սոցիալական տարբեր խնդիրների կարգավորման նպատակով 14 քաղաքացի դիմեց ֆինանսական աջակցություն ստանալու, 4 քաղաքացի՝ աշխատանքի տեղավորման, Գավառ և Սևան համայնքներից 4 քաղաքացի՝ բազմաբնակարան շենքերի վթարված բնակարանների դիմաց փոխհատուցում ստանալու, տանիքի վերանորոգման, գազի խողովակաշարի անցկացման, 1 քաղաքացի՝ Վեոլիա ջրի բաժանորդ դառնալու հարցում աջակցություն ստանալու, 1 քաղաքացի՝ սերմեր գործակալության մարզային կառույցի գործունեության, 2 քաղաքացի՝ անձնական բնույթի հարցերով։ Դիմումատուների մեծ մասի պահանջները տեղում բավարարվեցին, իսկ որոշ դիմումներ էլ վերցվեցին հաշվառման, որոնց պատասխանները կտրվեն ուսումնասիրություններից հետո, օրենքով սահմանված կարգով եւ ժամկետներում։
Գեղարքունիքի մարզպետն անցկացրեց աշխատանքային հերթական խորհրդակցությունը 06.09.2022
Սեպտեմբերի 5-ին Գեղարքունիքի մարզպետ Կարեն Սարգսյանը մարզպետարանի ստորաբաժանումների ղեկավարների հետ անցկացրեց աշխատանքային հերթական խորհրդակցությունը, որին մասնակցում էին նաև մարզպետի տեղակալներ Ռուբիկ Նավոյանը, Վահան Զարոյանը, մարզպետարանի գլխավոր քարտուղար Սևակ Խլղաթյանը, գլխավոր քարտուղարի տեղակալ Ալբերտ Աղեկյանը, մարզպետի օգնականներ Մանանա Գալստյանը և Ջանիկ Բազեյանը։ Խորհրդակցության ընթացքում մարզպետարանի ստորաբաժանումների ղեկավարները համաձայն նախորդ խորհրդակցության ընթացքում մարզպետի կողմից տրված հանձնարարականների՝ ներկայացրեցին տեղեկատվություն դրանց կատարման ընթացքի վերաբերյալ։ Զեկուցվեց, որ եթե նախորդ ամսին մարզի համայնքների բյուջեների սեփական եկամուտների հավաքագրման ցուցանիշը հասնում էր 70 տոկոսի, ապա սեպտեմբերի 1-ի դրությամբ այն կազմում է ավելի քան 72 տոկոս։
