Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Կհիմնանորոգվեն Գեղարքունիքի մարզով անցնող միջպետական և հանրապետական նշանակության ավտոճանապարհներ 20.05.2022
Մ-10, Սևան-Մարտունի-Գետափ միջպետական նշանակության՝ կմ66+000-կմ80+000 /14կմ երկարությամբ/ հատվածը, որի նախահաշվային արժեքը կազմում է շուրջ 3,3 միլիարդ դրամ և Հ-39, /Մ-10/ - Գավառ - /Մ-10/ հանրապետական նշանակության՝ կմ4+300-կմ6+800 /3.4կմ երկարությամբ/ հատվածը, որի նախահաշվային արժեքը կազմում է շուրջ 1,55 միլիարդ դրամ։ Մրցույթի բացումը տեղի է ունեցել ս/թ մայիսի 13-ին։ Նշված օբյեկտների վերաբերյալ կայացած մրցույթները գտնվում են ամփոփման փուլում։ Գնման ընթացակարգի արդյունքում կընտրվեն կապալառու կազմակերպություններ, կկնքվեն կապալային աշխատանքների պայմանագրեր, որին կհետևի շինարարական աշխատանքների մեկնարկը:
Հայաստանի Հանրապետության կառավարության 2022 թվականի մայիսի 19-ի հերթական նիստի համապատասխան որոշմամբ ՀՀ պետական բյուջեից 84,251.9 հազար դրամ հատկացվեց Գեղարքունիքի մարզում 2021 թվականին սկսված և ավարտված երեք սուբվենցիոն երեք ծրագրերի համար։ Նշված ծրագրերն են՝ Մադինա համայնքի ոռոգման ջրագծի կառուցում, որի համար հատկացվել է 15,733.4 հազար դրամ, Վաղաշեն համայնքի վարչական շենքերի և մանկապարտեզի շենքի տանիքներին 127.8 կՎտ/ժ և 37,8 կՎտ/ժ դրվածքային հզորություններով արևային կայանների կառուցում՝ 34,315.5 հազար դրամ և Գեղամավան համայնքի ճանապարհների վերանորոգում՝ 34,203.0 հազար դրամ։
Հայաստանի Հանրապետության կառավարության 2022 թվականի ապրիլի 22-ի 541-Ն որոշմամբ 3 միլիոն 230 հազար դրամ է հատկացվել Գեղարքունիքի մարզպետարանին` 2021 թվականի հուլիսի 29-ի լույս 30-ի գիշերը ադրբեջանական անօդաչու թռչող սարքի հարվածից Գեղարքունիքի մարզի Նորակերտ բնակավայրի 31 բնակիչներին, բնակավայրի մանկապարտեզին և Ս․ Սարոյանի անվան միջնակարգ դպրոցին պատճառած վնասի փոխհատուցման համար։ Հատկացված 3 միլիոն 230 հազար դրամից 3 մլն 65 հազար դրամը տրամադրվել է Նորակերտի 31 բնակիչներին, 35 հազար դրամը՝ մանկապարտեզին, 130 հազար դրամը՝ Ս․ Սարոյանի անվան միջնակարգ դպրոցին։
ՀՀ Գեղարքունիքի մարզպետ Կարեն Սարգսյանի շնորհավորանքի խոսքը Թանգարանների միջազգային օրվա առթիվ 18.05.2022
Հարգելի հայրենակիցներ, այսօր աշխարհով մեկ նշվում է Թանգարանների միջազգային օրը։ Թանգարաններն անփոխարինելի հաստատություններ են, որոնցում պահվում են մարդկային հասարակության պատմության, արվեստի, մշակույթի, բնագիտության նմուշներ ու հավաքածուներ, որոնք գաղափար են տալիս պատմության դարաշրջանների, քաղաքակրթությունների, մարդկային մտքի փայլատակումների մասին։ Գեղարքունիքի մարզում գործող թանգարաններում եւս պահվում են քարե դարից մինչեւ նոր ու...
Նշվեց Գեղարքունիքի երկրագիտական թանգարանի հիմնադրման 70 տարին 18.05.2022
Գեղարքունիքի երկրագիտական թանգարանում հանդիսավոր արաողությամբ նշվեց հաստատության հիմնադրման 70-րդ տարեդարձը։ Միջոցառմանը մասնակցեցին Գավառ համայնքի ղեկավարի առաջին տեղակալ Գրիգոր Դաշտոյանը, հնագետ, թանգարանը հնագիտական բացառիկ ցուցանմուշներով հարստացրած հնագետ, Երեւանի Խ․ Աբովյանի անվան մանկավարժական համալսարանի պատմագիտության ամբիոնի վարիչ, պատմական գիտությունների դոկտոր-պրոֆեսոր Աշոտ Փիլիպոսյանը, Գեղարքունիքի մարզպետարանի եւ Գավառի համայնքապետարանի, կրթամշակութային հաստատությունների ներկայացուցիչներ, Գեղարքունիքի երկրագիտական թանգարանի նախկին ու ներկա աշխատակիցներ, հյուրեր եւ այցելուներ։ Թանգարանի գործունեության 70 տարիների պատմությունը ներկայացրեց գիտաշխատող Մանյա Չարվադարյանը։ Ինչպես նշվեց զեկուցման մեջ, Գեղարքունիքի երկրագիտական թանգարանը հիմնադրվել է 1952 թվականին՝ յոթանասուն տարիների ընթացքում գործելով տարբեր հասցեներում։․․․
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 17.05.2022
Գեղարքունիքի մարզպետ Կարեն Սարգսյանը խորհրդակցություն անցկացրեց մարզպետարանի ստորաբաժանումների ղեկավարների հետ, ովքեր զեկուցեցին նախորդ խորհրդակցության ժամանակ տրված հանձնարարականների կատարման ընթացքի մասին։ Զեկուցվող հարցերն առնչվում էին համայնքերի բյուջեների սեփական եկամուտների հավաքագրման ցուցանիշների բարելավման, շրջակա միջավայրի սանիտարական մաքրության ապահովման, միջպետական եւ հանրապետական նշանակության ճանապարհային պաշտպանիչ գոտիները շինարարական աղբից զերծ պահելու, գյուղացիական տնտեսություններին տրամադրվող պարարարտանյութերի մատակարարման գործընթացին օժանդակելու, մարզում վարձակալությամբ տրվող արոտների եւ խոտհարքերի նպատակային օգտագործման, կրթության հատուկ կարիք ունեցող երեխաների վկայագրման, համավարակի դեմ պատվաստումների, ապօրինի շինարարությունների կանխման, համայնքերի բնակավայրերում իրականացված ծառատունկի, ոռոգման շրջանի նախապատրաստման, ավտոբուսային կանոնավոր․․․
