Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գավառի մանկատունը ձյուն մաքրող տեխնիկա նվեր ստացավ 16.01.2018
Գավառ քաղաքի մանկատունը Գեղարքունիքի մարզի Գանձակ, Սարուխան, Կարմիրգյուղ եւ Լանջաղբյուր գյուղերի համայնքապետարանների աջակցությամբ ապահովվեց ձյուն մաքրող տեխնիկայով: Գավառի մանկատան տնօրեն Նիկոլայ Նալբանդյանի տեղեկացմամբ, ձյուն մարքրող տեխնիկան անչափ պահանջված էր հաստատության համար, քանի որ ձմռան ամիսներին տարածքում ձյան կուտակումները խանգարում էին անցուդարձին, իսկ ձյան մաքրման աշխատանքները կապված էին զանազան դժվարությունների հետ: ,,Վերջերս մանկատուն այցելեցին ՀՀ ԱԺ նախագահ Արա Բաբլոյանը եւ Գեղարքունիքի մարզպետի տեղակալ Կարեն Հակոբյանը: Մեր կողմից բարձրացված հիմնահարցերի մեջ առաջնահերթ խնդիր համարեցինք ձյուն մաքրող տեխնիկայի ձեռքբերումը՝ նկատի ունենալով նախորդ տարիների ձմռան ժամանակահատվածում առաջացած դժվարությունները: Շատ կարճ ժամանակ անց, արձագանքելով Գեղարքունիքի մարզպետի տեղակալ Կարեն Հակոբյանի հորդորին, Կարմիրգյուղի, Լանջաղբյուրի ...
Վաչե Չիլինգարյանի աճյունն ամփոփվեց հայրենի Շողակաթ գյուղում 10.01.2018
Գեղարքունիքի մարզի Շողակաթ համայնքում կսկիծով ու երախտագիտությամբ հավերժություն ճանապահեցին մարտական դիրքում հակառակորդի կրակոցից 2018 թվականի հունվարի 7-ին զոհված Հայոց բանակի կրտսեր սերժանտ Վաչե Նվերի Չիլինգարյանին: Արարողությանը ներկա էին պաշտպանության բանակի զորամասի հրամանատարությունը, մարտական ընկերները, ՀՀ Զու բարձրաստիճան պաշտոնյանյաներն ու զինվորականները, Գեղարքունիքի մարզի ղեկավար կազմը՝ մարզպետ Կարեն Բոթոյանի գլխավորությամբ, պետական կառավարման ու տեղական ինքնակառավարման մարմինների ներկայացուցիչներ, բազմաթիվ քաղաքացիներ: Հոգեհանգստյան կարգ կատարեց Գեղարքունյաց թեմի Ճամբարակի տարածքի հոգեւոր հովիվ Տեր-Պսակ քահանա Մկրտչյանը:ՙՎաչե Չիլինգարյանը, չնայած իր երիտասարդ ու ծաղկուն տարիքին, հասցրեց անմահանալ բոլորիս սրտերում իր անօրինակ սխրանքով, պարտաճանաչությամբ ու հայրենասիրությամբ: Այսուհետ նա կլինի երկնային փառքի բարձունքներում եւ հայ սերունդների հիշողության մեջ՚,-ոգեկոչման խոսք հնչեցրեց Տեր-Պսակ քահանան: Հերոսի աճյունը հողին հանձնվեց ...
Գեղարքունիքի մարզում մեկնարկեց ձմեռային զորակոչը 08.01.2018
Հունվարի 8-ին Գեղարքունիքի մարզում մեկնարկեց 2018 թվականի ձմեռային զորակոչը: Նորակոչիկների առաջին հավաքի մասնակիցները Հայոց բանակի շարքերը համալրելու են մեկնել Գավառի, Մարտունու և Վարդենիսի զինվորական կոմիսարիատներից: Վարդենիսի զինկոմիսարիատում նորակոչիկներին շնորհավորել եւ հաջողություններ է մաղթել Գեղարքունիքի մարզպետ Կարեն Բոթոյանը, Գավառի զինկոմիսարիատում՝ Գեղարքունիքի մարզպետի տեղակալ Կարեն Հակոբյանը, Մարտունու զինկոմիսարիատում՝ Գեղարքունիքի մարզպետարանի աշխատակազմի ղեկավար Սեւակ Խլղաթյանը: Զինկոմիսարիատներում, նորակոչիկների վերջին բուժզննությունից հետո, կազմակերպվել է զրույց՝ բանակային կյանքի վերաբերյալ: Ապա նրանք ծաղիկներ են խոնարհել հայրենի սահմանները պաշտպանելիս զոհված հայորդիների հիշատակը հավերժացնող հուշարձաններին, Գավառի, Մարտունու եւ Վարդենիսի Սուրբ Աստվածածին եկեղեցիներում մասնակցել նորակոչիկների օրհնության կարգին և ճանապարհվել Հայոց բանակ:,,Նորակոչիկներն այսօր կայցելեն Ծիծեռնակաբերդ, Հայաստանի պատմության պետական թանգարան եւ Մատենադարան, իսկ հունվարի 9-ին ...
Գավառի Սուրբ Աստվածածին եկեղեցում տեղի ունեցավ Սուրբ Ծննդյան տոնին նվիրված արարողություն 06.01.2018
Տեր Հիսուս Քրիստոսի Ծննդյան և Աստվածահայտնության տոնին նվիրված ծիսակատարությունը Գեղարքունյաց թեմի առաջնորդանիստ Գավառի Սուրբ Աստվածածին եկեղեցում մեկնարկեց հունվարի 5-ի երեկոյան, Սուրբ Ծննդյան Ճրագալույցի պատարագով, Գեղարքունյաց թեմի առաջնորդական տեղապահ Կիրակոս վարդապետ Դավթյանի հանդիսապետությամբ: Ճրագալույցի ավարտին բազմաթիվ հավատավորներ եկեղեցուց տուն տարան վառված ճրագներ, որպես Աստվածային լույս եւ Մայր եկեղեցու օրհնություն: Սուրբ Ծննդյան արարողությունը, Գավառի Սուրբ Աստվածածին եկեղեցում, շարունակվեց հունվարի 6-ին՝ Ջրօրհնեքի կարգով, որի ընթացքում Գեղարքունյաց թեմի առաջնորդական տեղապահը հավատավոր բազմության համար ընթերցեց Նորին Սուրբ Օծություն Տեր-Տեր Գարեգին Երկրորդի հայրապետական պատգամը՝ Հիսուս Քրիստոսի Ծննդյան առթիվ: Արարողությանը ներկա էին Գեղարքունիքի մարզպետ Կարեն Բոթոյանը, մարզպետարանի աշխատակազմի ստորաբաժանումների ղեկավարներ , մարզային և քաղաքային ենթակայության կրթամշակութային հաստատությունների, ուժային կառույցների ներկայացուցիչներ, հավատավորներ...
Հարգելի հայրենակիցներ: Մենք պատմության գիրկն ենք ճանապարհում հերթական տարին, որի ընթացքում մեր երկիրը, չնայած աշխարհաքաղաքական բարդ իրավիճակին, ապրեց խաղաղության ու ստեղծագործ աշխատանքի պայմաններում՝ հնարավորություններ ձեռք բերելով հետագա զարգացման և հզորացման համար: Արարչագործության ու խաղաղության տարի ապրեց նաև մեր մարզը՝ արձանագրելով մի շարք ձեռքբերումներ կենսագործունեության ամենատարբեր ոլորտներում:Ամենանշանակալի ձեռքբերումը, թերեւս, Վարդենիս-Մարտակերտ ռազմավարական նշանակության ճանապարհի շահագործումն էր, որով Գեղարքունիքի մարզը ճանապարհատրանսպորտային հաղորդակցության մեծ նշանակություն ձեռք բերեց Հայաստանի և Արցախի միջև, ինչպես նաև՝ տնտեսական կապերի ամրապնդման ու աշխուժացման մեծ հնարավորություններ: Լուրջ ձեռքբերում է համարվում նաև մարզում միջհամայնքային և միջպետական ճանապարհների հիմանորոգումը...
Գեղարքունիքի մարզպետ Կարեն Բոթոյանն Ամանորին ընդառաջ այցելեց բազմազավակ ընտանիքին 30.12.2017
Ամամանորի եւ Սուրբ Ծննդյան տոներին ընդառաջ Գեղարքունիքի մարզպետ Կարեն Բոթոյանը Գեղհովիտ գյուղում այցելեց Բոզոյանների բազմազավակ ընտանիքին՝ հանձնելով տոնական նվերներ եւ դրամական օժանդակություն: Կարեն Բոթոյանը շնորհավորեց ինը երեխա ծնած, սնած եւ դաստիարակած ծնողներին՝Խաչիկ Բոզոյանին եւ Հասմիկ Սահակյանին ու նրանց զավակներին՝ մաղթելով հաջող, խաղաղ ու առատ 2018 թվական:ՙԱյսքան երեխաներ ունենալը մեր ազգի ընդհանուր հարստությունն է: Նրանք են մեր վաղվա մայրերն ու զինվորները, որոնց այսօրվա ու վաղվա խնամքը, դաստիարակությունը բոլորիս է պարտավորեցնում: Այսօր ես հյուր եմ եկել ամանորյա նվերներով, որ Նոր տարին դիմավորեք ավելի ուրախ տրամադրությամբ, բայց ձեր դժվարությունները հաղթահարելու համար կփորձենք ցուցաբերել աջակցություն մեր հնարավորության սահմաններում: Շնորհավորում եմ բոլորիդ Նոր տարին, ցանկանում խաղաղ երկինք, ուրախ տրամադրություն, անհոգ կյանք՚,-ասաց մարզպետ Կարեն Բոթոյանը: ՙԲոլորովին անակնկալ այց էր մեզ համար, որը վերածվեց տոնի թե՜ մեր, թե՜ երեխաների համար...
