Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Գնել Սանոսյանն անցկացրեց առաջին աշխատանքային խորհրդակցությունը 11.10.2018
Գեղարքունիքի մարզպետ Գնել Սանոսյանն առաջին աշխատանքային խորհրդակցությունն անցկացրեց Գեղարքունիքի մարզպետարանի աշխատակազմի հետ: Խորհրդակցության սկզբում նորանշանակ մարզպետը ծանոթացավ մարզպետարանի ղեկավար անձնակազմի եւ ստորաբաժանումների ղեկավարների հետ, ապա խոսեց աշխատանքային հարաբերությունների եւ առաջիկա անելիքների մասին: «Ես միշտ փորձում եմ նվիրվել ինձ վստահված աշխատանքներին, ուստի եւ հեշտությամբ չթողեցի ՀՀ բնապահպանության նախարարությունը, որտեղ ձեռնարկել էի բնապահպանական մի շարք կարեւոր ծրագրեր, որոնց իրականացման համար, սակայն, ավելի տեւական ժամանակ էր պահանջվում: Այստեղ էլ մեզ սպասվում է լարված ու դժվարին, բայց պատասխանատու աշխատանք, որը պետք է կատարենք համատեղ ուժերով: Կարծում եմ, որ յուրաքանչյուրի դերը շատ կարեւոր է այդ աշխատանքում, եւ եթե մեկը թերանալու է իր աշխատանքում, ապա դա անպայմանորեն կազդի ընդհանուրիս աշխատանքների վրա...
Ծաղկունքում բացվեց նախակրթարան 10.10.2018
Գեղարքունիքի մարզի Ծաղկունք համայնքի Բաց դպրոցում ՀՀ ԿԳ նախարարության ,,Կրթական ծրագրերի կենտրոն,, ԾԻԳ-ի միջոցներով եւ Ծաղկունքի համայնքապետարանի համաֆինանսավորմամբ բացվեց նախակրթարան, որտեղ այս տարվա հոկտեմբերի 1-ից արդեն հաճախում են 4-6 տարեկան 25 երեխա: Նախակրթարանի բացման արարողությանը մասնակցեցին ՀՀ ԿԳ նախարար Արայիկ Հարությունյանը, Գեղարքունիքի մարզպետի ժամանակավոր պաշտոնակատար Նարեկ Գրիգորյանը, Գեղարքունիքի մարզպետի տեղակալի ժամանակավոր պաշտոնակատար Անուշավան Ղազարյանը, Ծաղկունք համայնքի ղեկավար Պետիկ Աղաջանյանը, պաշտոնական այլ անձինք: Ծաղկունքի Բաց դպրոցի տնօրեն Անահիտ Հովհաննիսյանը բացման խոսքում կարեւորեց նախակրթարանի դերը համայնքի կյանքում, նշելով, որ նախադպրոցական տարիքի կրթության ապահովման համար ծնողները ստիպված իրենց երեխաներին տանում էին հարեւան համայքների կամ Սեւան քաղաքի մանկապարտեզներ կամ նախակրթարաններ....
Նախարար Սուրեն Պապիկյանը ներկայացրեց Գեղարքունիքի նորանշանակ մարզպետ Գնել Սանոսյանին 10.10.2018
Գեղարքունիքի մարզպետարանի նիստերի դահլիճում հրավիրված հանդիպման ընթացքում ՀՀ տարածքային կառավարման եւ զարգացման նախարար Սուրեն Պապիկյանը Գեղարքունիքի մարզպետարանի աշխատակազմին, մարզի ուժային կառույցների եւ համայնքների ղեկավարներին ներկայացրեց Գեղարքունիքի նորանշանակ մարզպետ Գնել Սանոսյանին: Բացելով հանդիպումը, Սուրեն Պապիկյանը տեղեկացրեց, որ ՀՀ կառավարության որոշմամբ Գեղարքունիքի մարզպետ է նշանակվել Գնել Սանոսյանը, ով մինչ այդ աշխատում էր ՀՀ բնապահպանության նախարարի տեղակալի պաշտոնում: ,,Նորանշանակ մարզպետին ներկայացնելուց առաջ ուզում եմ կառավարության անունից շնորհակալություն հայտնել Գեղարքունիքի նախկին մարզպետ Իշխան Սաղաթելյանին՝ պաշտոնավարման կարճ ժամանակահատվածում կատարած արդյունավետ աշխատանքի եւ որոշակի ձեռքբերումների գրանցման համար: Հաջողություն ենք մաղթում նրան հետագա հասարակական-քաղաքական գործունեության մեջ...
Հայաստանում առաջին մոբիլ մանկապարտեզը բացվեց Գեղարքունիքի մարզի Դրախտիկ գյուղում 09.10.2018
Հայաստանի Հանրապետությունում առաջին մոբիլ մանկապարտեզը բացվեց Գեղարքունիքի մարզի Շողակաթ համայնքի Դրախտիկ գյուղում:Մանկապարտեզի բացման պաշտոնական արարողությունը մասնակցեցին ՀՀ ԿԳ նախարար Արայիկ Հարությունյանը, STRONG CSOs ծրագրի ղեկավար Յարեկ Զարիխտան, Գեղարքունիքի մարզպետի տեղակալի պաշտոնակատար Անուշավան Ղազարյանը, Շողակաթ համայնքի ղեկավար Սուլիկո Շուշանյանը, միջազգային եւ տեղական հասարակական կազմակերպությունների ներկայացուցիչներ։ Ինչպես ներկայացրեց Կայուն զարգացման նախաձեռնությունների ,,Աստղացոլք,, ՀԿ նախագահ Իրինա Հովհաննիսյանը, ,,Մոբիլ մանկապարտեզները՝ որպես Հայաստանի գյուղական համայնքներում նախադպրոցական կրթության խնդրի լուծման նորարական ձեւ,, ծրագիրն իրականացվում է ԵՄ կողմից ֆինանսավորվող....
Հոկտեմբերի 5-ին աշխատանքային առաջին խորհրդակցությունն անցկացրեց Գեղարքունիքի մարզպետի ժամանակավոր պաշտոնակատար Նարեկ Գրիգորյանը: Բացելով խորհրդակցությունը՝ մարզպետարանի գլխավոր քարտուղար Սեւակ Խլղաթյանը տեղեկացրեց մարզպետարանի աշխատակազմի ստորաբաժանումների ղեկավարներին, որ ՀՀ Տարածքային կառավարման եւ զարգացման նախարարի համապատասխան հրամանով, ,,Կառավարչական իրավահարաբերությունների կարգավորման մասին,, Հայաստանի Հանրապետության օրենքի 16-րդ հոդվածի 12-րդ մասի և 19-րդ հոդվածի համաձայն, Գեղարքունիքի մարզպետի ժամանակավոր պաշտոնակատարի պարտականությունները դրվել են Գեղարքունիքի մարզպետի տեղակալի ժամանակավոր պաշտոնակատար Նարեկ Գրիգորյանի վրա....
ՀՀ Գեղարքունիքի մարզպետի պաշտոնակատար Նարեկ Գրիգորյանի ուղերձը Ուսուցչի օրվա կապակցությամբ 05.10.2018
Սիրելի ուսուցիչներ: Ձեր նվիրական ջանքերի շնորհիվ է շարունակվում հազարամյակների խորքից եկող Հայոց դպրությունը, որը մեզ ավանդել են մեծն Մեսրոպ Մաշտոցն ու նրա հանճարեղ հետեւորդները, մեր մտքի անվանի տիտանները: Դուք եք այսօր սերունդների մեջ սերմանում ազգային ու համամարդկային արժեքները, կրթում ու դաստիարակում նրանց՝ նոր ու գալիք Հայաստանին արժանի քաղաքացիներին:Վեհ ու բարձր է ձեր ստանձնած առաքելությունը, անգնահատելի՝ ձեր կատարած աշխատանքը, քանի որ դուք եք արդար սերմնացանները մեր մտքի, գիտության, արվեստի ու մշակույթի, ազգային ինքնության պահպանման: Ջերմորեն շնորհավորում եմ ձեզ մասնագիտական տոնի առթիվ, մաղթում խաղաղ երկինք, քաջ առողջություն, անսպառ հաջողություններ անձնական կյանքում եւ աշխատանքում, ամենայն բարիք, սեր ու նվիրում: Լավագույն ցանկություններով՝ Գեղարքունիքի մարզպետի պաշտոնակատար Նարեկ Գրիգորյան
