Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ակունքում սուբվենցիոն երկու ծրագիր է իրականացվում 16.08.2019
Գեղարքունիքի մարզի Ակունք գյուղում ՀՀ կառավարության կողմից իրականացվող սուբվենցիոն ծրագրերի հաշվին այժմ ընթանում են խմելու ջրատարի ներքին ցանցի կառուցման եւ դեպի մանկապարտեզ տանող ճանապարհի հիմնանորոգման աշխատանքները: Շինարարական աշխատանքները մեկնարկել են մոտ քսան օր առաջ եւ ավարտի կհասցվեն օգոստոս ամսվա վերջերին: Սուբվենցիոն առաջին ծրագրով ասֆալտապատվում է գյուղի կենտրոնական փողոցից դեպի մանկապարտեզ տանող ճանապարհը 367 գծամետր երկարությամբ եւ մոտ 1700 քառակուսի մետր մակերեսով: «Տեղական բյուջեի միջոցներով Շահումյան փողոցում մենք հիմնանորոգել ենք բոլոր կոմունիկացիոն ցանցերը, որպեսզի հետագայում ասֆալտբետոնյա շերտը քանդելու խնդիր չառաջանա: Ծրագրի ընդհանուր արժեքը կազմել է 22 միլիոն դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Ակունքի համայնքապետարանը: Վերջապես այսուհետ մեր երեխաները մանկապարտեզ կգնան միանգամայն բարեկարգ ու մաքուր փողոցով»,-նշեց համայնքի ղեկավար Նիկոլա Խաչատրյանը:Սուբվենցիոն երկրորդ ծրագրով մեկ կլիոմետր երկարությամբ ջրագծի ներքին ցանց է կառուցվում գյուղի նոր թաղամասի համար, որտեղ առկա էր անկանոն ջրամատակարարում:
Գավառի թիվ 5 հիմնական դպրոցում կատարվում են նորոգման աշխատանքներ 15.08.2019
Գավառի թիվ 5 հիմնական դպրոցում այս տարվա հուլիսի 1-ից մեկնարկել և ընթանում են նորոգման աշխատանքներ: Դպրոցի տնօրեն Արաքսյա Վարդանյանի տեղեկացմամբ՝ այս տարի իրականացվել են դպրոցի 3-րդ հարկի միջանցքի, մեկ դասասենյակի և առաջին դասարանցիների համար նախատեսված խաղասենյակի կոսմետիկ նորոգման, դպրոցի մուտքի և մուտքի տանիքի նորոգման աշխատանքները: «Այս աշխատանքների համար ծախսվել է դպրոցի տնտեսական հոդվածով նախատեսված գումարը և տնտեսված միջոցները: Քանի որ այդ միջոցները չեն բավարարի մեծածավալ աշխատանքներ իրականացնելուն, մենք հարկադրված ենք յուրաքանչյուր տարի մի հարկ նորոգել: Արդեն 2-րդ տարին է, ինչ նմանատիպ ծրագիր ենք իրականացնում դպրոցում: Նախորդ տարի նույն միջոցների հաշվին նորոգեցինք դպրոցի 2-րդ հարկ միջանցքը, մեկ դասասենյակ և հանդիսությունների դահլիճը: Անելիքներ շատ կան, և փորձում ենք աստիճանաբար դրանց լուծում տալ»,-տեղեկացրեց դպրոցի տնօրենը: Առաջիկա օրերի ընթացքում ներքին հարդարման աշխատանքներն ամբողջությամբ կավարտվեն, և դպրոցը համեմատաբար նորոգ վիճակով կդիմավորի նոր ուսումնական տարին:
Շողակաթում ընթանում են սուբվենցիոն ծրագրերի իրականացման աշխատանքները 15.08.2019
Գեղարքունիքի մարզի Շողակաթ Խոշորացված համայնքում արդեն երկու ամիս է, ինչ սկսվել եւ ընթանում են մեծածավալ շինարարական աշխատանքներ ՀՀ կառավարության կողմից հաստատված սուբվենցիոն ծրագրերի շրջանակներում: Գեղարքունիքի մարզպետարանի քաղաքաշինության վարչության տեղեկացմամբ, 12 ծրագրերից մի քանիսն արդեն գտնվում են ավարտական փուլում, մի քանիսն ընթացքի մեջ են, իսկ Դրախտիկի 2 թաղամասերի գազատարի ներքին ցանցի կառուցման ծրագիրն էլ կմեկնարկի առաջիկայում: «Սուբվենցիոն առաջին ծրագրով ոռոգման ջրատար է կառուցվել Ծափաթաղում: Ծրագրի ընդհանուր արժեքը կազմել է 9 միլիոն 588 հազար դրամ, որի 65 տոկոսը հատկացրել է ՀՀ կառավարությունը, 35 տոկոսը՝ Շողակաթի համայնքապետարանը: Ծրագիրը օգոստոսի 15-ի դրությամբ ավարտված է, ոռոգման համակարգը միացված է ընդհանուր ցանցին: Սուբվենցիոն երկրորդ ծրագրով արտաքին լուսավորության ցանց է կառուցվել համայնքի բոլոր վեց բնակավայրերում՝ Շողակաթում, Դրախտիկում, Արտանիշում, Ծափաթաղում, Աղբերքում եւ Ջիլում:
Դպրոցականներին դասագրքեր կտրամադրվեն մինչև նոր ուսումնական տարվա մեկնարկը 14.08.2019
Օգոստոսի 1-ից Գեղարքունիքի մարզում մեկնարկել է հրատարակչությունների կողմից ներկրվող 2019-2020 ուսումնական տարվա համար նախատեսված դասագրքերի ստացման և պահեստավորման գործընթացը: Մինչև օգոստոսի 20-ը ամբողջությամբ կավարտվի դասագրքերի ներկրումը, որից հետո մինչև օգոստոսի 31-ը հանրակրթական ուսումնական հաստատություններին կբաշխվի համապատասխան պահանջով ներկայացված քանակությունը՝ թե պետական բյուջեի միջոցներով տպագրվող և թե դասագրքերի, տեղեկատվական տեխնոլոգիաների շրջանառու հիմնադրամի միջոցներով: Գեղարքունիքի մարզպետարանի ԿՄՍ վարչության տեղեկացմամբ ի տարբերություն նախորդ տարիների այս տարի կան դասագրքեր, որոնք դպրոցականներին կտրամադրվեն 2 հատորով՝ ըստ առաջին և երկրորդ կիսամյակների, դրանով թեթևացնելով պայուսակների ծանրաբեռնվածությունը: « Նշեմ, որ այդ երկու հատորները համարվելու են 1 ամբողջական դասագիրք և դրանց վարձավճարները հավաքագրեվելու է միանգամից: Այս պահի դրությամբ արդեն ստացել ենք 65 անուն դասագիրք՝ 90 000 հատ, որը կազմում է ստացվելիք դասագրքերի մոտ 77 %-ը: ...
Գագիկ Գոզեյանը պատրաստվում է լողալով անցնել Սեւանը 14.08.2019
Գավառի 60 ամյա բնակիչ Գագիկ Գոզեյանը օգոստոսի 20-ին պատրաստվում է լողալով անցնել Սեւանը: Իր մտադրության մասին հայտնեց օգոստոսի 14-ին Գեղարքունիքի մարզպետ Գնել Սանոսյանի մոտ ունեցած հանդիպման ժամանակ: Չնայած իր պատկառելի տարիքի Գագիկ Գոզեյանը Սեւանի արեւլյան ափից արեւմտյան ափը պատրաստվում է լողալ 8-9 ժամում: Լողորդը նախկինում եւս նման փորձառություն գրանցել է, բայց այս անգամ հատուկ նպատակով է անցնելու: «Հույները, ի հիշատակ պատերազմում զոհված հերոսների, խաղեր էին կազմակերպում: Ես էլ այս քայլով իմ երախտիքն եմ ուզում հայտնել Ապրիլյան պատերազմում զոհված մեր 18-20 տարեկան հերոսներին, ցանկանում եմ իրենց հիշատակը եւս մեկ անգամ վառ պահել»,- իր մտադրությունը բացատրեց Գագիկ Գոզեյանը: Գեղարքունիքի մարզպետ Գնել Սանոսյանն իր աջակցությունը հայտնելով լողորդի մտադրությանը՝ առաջարկեց այն դարձնել մեծ միջոցառում: «Միջոցառման կազմակերպչական բոլոր հարցերով կզբաղվի մարզպետարանը: Կհոգանք ձեր անվտանգության, առողջության եւ այլ հարցերով: Կապահովենք ԱԻՆ փրկարարների ներկայությունը միջոցառման ողջ ընթացքում...
Գեղարքունիքի մարզպետը շնորհակալագրեր հանձնեց մարզի շինարարներին 13.08.2019
Հայաստանի Հանրապետության շինարարի օրվա առթիվ և շինարարության ոլորտում ունեցած ավանդի համար Գեղարքունիքի մարզպետ Գնել Սանոսյանը Հայաստանի Հանրապետության Գեղարքունիքի մարզպետի շնորհակալագրով խրախուսեց Գեղարքունիքի մարզպետարանի քաղաքաշինության վարչության պետ Արմեն Զոհրաբյանին, քաղաքաշինության վարչության տրանսպորտի և ճանապարհաշինության բաժնի վարիչ Գևորգ Խաչատրյանին, քաղաքաշինության վարչության ճարտարապետաշինարարական բաժնի գլխավոր մասնագետ Գուրգեն Մելքոնյանին, «Թիվ 28 ՇՄՇ» բաց բաժնետիրական ընկերությանը, «Շանթ-Սեյրան», «ԱԼ - ՄԱՍՔԱ», «Կապավոր», «Օկար», «Սամ Կար Շին», «Ծովագյուղի ՃՇՇ» սահմանափակ պատասխանատվությամբ ընկերություններին, «Էդիտա» և «Բագրատունի» արտադրական կոոպերատիվներին: « Ողջունում և շնորհավորում եմ բոլորիդ Շինարարի օրվա առթիվ: Շատ կարևոր ոլորտում եք աշխատում, և ձեր կատարած յուրաքանչյուր աշխատանք նպատակ է հետապնդում՝ կարգի բերել շատ ու շատ ոլորտներ, դրանք մեր ենթակառուցվածքներն են ...
