Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզում կովերի անկման պատճառը կհստակեցվի միայն լաբորատոր ստուգումից հետո 08.07.2019
Գեղարքունիքի մարզի Կարճաղբյուր, Ծովինար, Կարմիրգյուղ ,Արտանիշ և Ծափաթաղ գյուղերում 2019 թվականի հուլիսի 5-7-ի ընթացքում գրանցվել են խոշոր եղջերավոր անասունների անկման դեպքեր, որոնց շուրջ բնակչության կողմից սոցիալական ցանցերում տրվում են տարատեսակ մեկնաբանություններ: Իրականության պարզաբանման համար զրուց է անցկացվել Գեղարքունիքի մարզպետարանի գյուղատնտեսության եւ բնապահպանության վարչության պետ Համբարձում Համբարձումյանի եւ ՀՀ սննդի անվտանգության տեսչական մարմնի Գեղարքունիքի մարզային կենտրոնի պետ Արշակ Էլիզբարյանի հետ: Համբարձում Համբարձումյանի հավաստմամբ՝ 10 խոշոր եղջերավոր անասունի անկում գրանցվել է Կարմիրգյուղում, 9-ը՝ Ծովինարում, 6-ը՝ Կարճաղբյուրում, 8-ը՝ Արտանիշում, 5-ը՝ Ծափաթաղում: «Կարելի է տարբեր հետեւություններ անել, մտածելով, որ անասունների անկումները կապ ունեն Սեւանա լճի ջրի թունավոր լինելու հետ կամ ընդհանրապես բացառել այդ վարկածը: Սակայն հարցի վերջնական պատասխանը կստանանք լաբորատոր ուսումնասիրության արդյունքների հրապարակումից հետո: Բոլոր կենդանիները ենթարկվել են...
Կարեւորվեց հղիության արհեստական ընդհատումների դեմ պայքարը 04.07.2019
Հուլիսի 4-ին Գեղարքունիքի մարզպետի տեղակալ Նարեկ Գրիգորյանն ընդունեց «Հանուն կյանքի, մայրության պաշտպանության» ՀԿ տնօրեն Քնարիկ Նալբանդյանին: Հանդիպման ընթացքում կողմերը քննարկեցին հղիության արհեստական ընդհատումները Գեղարքունիքի մարզում կանխարգելելու կամ նվազագույնի հասցնելու հետ կապված ծրագրերը, որոնք նախաձեռնել է«Հանուն կյանքի, մայրության պաշտպանության» ՀԿ-ն: «Մեր հիմնական նպատակն է՝ լինել քաղաքային կամ գյուղական բնակավայրերում, հանդիպումներ անցկացնել երիտասարդ տարիքի կանանց , ինչպես նաեւ շահառու առանձին խմբերի հետ, տանել լայն բացատրական աշխատանք, որպեսզի պտղի սեռով կամ այլ հանգամանքներով պայմանավորված հղիության արհեստական ընդհատումները կանխարգելվեն կամ հասցվեն նվազագույնի: Մենք պատրաստել ենք տեղեկատվական թերթիկներ, որոնցում ներկայացված են հղիության արհեստական ընդհատումների թողած ծանր հետեւանքները: Աստվածաշնչյան տաս պատվիրաններից մեկն ասում է ՝ Մի սպանիր: Հղիության արհեստական ընդհատումը հենց չծնված երեխայի սպանությունն է իր մոր որովայնում: Մեզ կուղեկցի մասնագիտությամբ գինեկոլոգ...
ՀՀ Գեղարքունիքի մարզպետ Գնել Սանոսյանի ուղերձը ՝ ՀՀ Սահմանադրության օրվա առթիվ 04.07.2019
Հարգելի հայրենակիցներ: Հայաստանի Հանրապետության Սահմանադրությունը ոչ միայն մեր երկրի մայր օրենքն է, այլ նաեւ այն հիմնաքարը, որի շնորհիվ մեր Հանրապետությունը դիմակայում է ներքին ու արտաքին քաղաքական ցնցումներին, ապահովում իր քաղաքացիների իրավունքների պաշտպանությունն ու իրացումը, զարգացման խաղաղ ու կայուն ընթացքը: Շնորհավորում եմ բոլորիս ՀՀ սահմանադրության օրվա առթիվ, մաղթում խաղաղ ու հզոր հայրենիք, արարչագործ ժամանակներ, նորանոր ձեռքբերումներ: Լավագույն ցանկություններով՝ ՀՀ Գեղարքունիքի մարզպետ Գնել Սանոսյան
Գեղարքունիքում մեկնարկեց ամառային զորակոչը 02.07.2019
Հուլիսի 2-ին Գեղարքունիքի մարզում մեկնարկեց ամառային զորակոչը: Ինչպես տեղեկացրեց Գեղարքունիքի մարզպետարանի զորահավաքային նախապատրաստության բաժնի վարիչ Տիգրան Հակոբյանը, այսօր նորակոչիկները բանակ ճանապարհվեցին Գավառ եւ Մարտունի քաղաքներից: Գեղարքունիքի մարզային զինկոմիսարիատի Գավառի բաժանմունքում նորակոչիկներին բանակ ճանապարհեցին Գեղարքունիքի մարզպետի տեղակալ Նարեկ Գրիգորյանը, ՀՀ ոստիկանության Գեղարքունիքի մարզային վարչության, Գեղարքունիքի մարզային զինկոմիսարիատի ներկայացուցիչներ, նորակոչիկների ծնողներն ու հարազատները: Բանակ մեկնելուց առաջ Գավառի տարածաշրջանի համայնքները ներկայացնող նորակոչիկները միասին շուրջպար բռնեցին զինկոմիսարիատի բաժանմունքի շենքի բակում՝ ոգեւորելով նաեւ ներկաներին: «Սիրելի ծնողներ, դուք հպարտ եք, որ ձեր երեխաները գնում են՝ Հայոց աշխարհը պաշտպանելու, ապահովելու նրա խաղաղությունը: Սիրելի նորակոչիկներ, դուք, որպես այս երկրի հպարտ քաղաքացիներ, գնում եք՝ ծառայելու Ազատ, Անկախ Հայաստանին,որպեսզի գիշերները հանգիստ քնեն ձեր ընտանիքի անդամները...
Հուլիսի 2-ին Գեղարքունիքի մարզպետարանում հրավիրվեց հաշմանդամություն ունեցող անձանց հարցերով զբաղվող մարզային հանձնաժողովի 2019 թվականի առաջին կիսամյակն ամփոփող նիստը, որը վարեց Գեղարքունիքի մարզպետի տեղակալ, հաշմանդամություն ունեցող անձանց հարցերով զբաղվող մարզային հանձնաժողովի նախագահ Նարեկ Գրիգորյանը: Նիստին մասնակցում էին հանձնաժողովի անդամները, հրավիրյալի կարգավիճակով՝ Գեղարքունիքի մարզի ՍԱՏԳ-ների պետերը: Հանձնաժողովի նիստի օրակարգային առաջին հարցի վերաբերյալ ելույթ ունեցավ Գավառի թիվ 1 հատուկ դպրոցի սոցիալական մանկավարժ Լուսինե Նաջարյանը: Նա ներկայացրեց Գավառի թիվ 1 հատուկ դպրոցի գործունեությունը, առանձնահատկությունները, տեխնիկական հագեցվածությունը, խոսեց կրթության առանձնահատուկ պայմանների կարիքներ ունեցող երեխաների հետ տարվող աշխատանքների մասին՝ ներկաների ուշադրությունը հրավիրելով հատուկ կարիքավոր երեխաների հայտնաբերման, նրանց հատուկ դպրոց ընդգրկելու հետ կապված խնդիրներին: Բազնախոսի ...
Մարտունու հանրային լողափում կայացավ ծանրամարտի հանրապետական առաջնություն 01.07.2019
Գեղարքունիքի մարզի Մարտունի քաղաքի հանրային լողափի տարածքում հունիսի 29-ին տեղի ունեցավ ծանրամարտի հանրապետական բացօթյա մրցաշար, որին մասնակցեցին Երեւանի, Մարտունու, Արցախի, Էջմիածնի, Արթիկի, Վանաձորի, Ղափանի, Եղեգնաձորի, Սիսիանի, Արտաշատի, Սեւանի, Գավառի, Գորիսի, Արարատի, Վեդիի մարզադպրոցները ներկայացնող շուրջ 100 ծանրորդներ: Ինչպես տեղեկացրեց Մարտունու մարզադպրոցի փոխտնօրեն Գեւորգ Սարգսյանը, մրցումներն անցկացվեցին հունիսի վերջին երկու օրերին, 12 քաշային կարգերում, տղաների եւ աղջիկների խմբերում: Մրցաշարը կազմակերպել էին Գեղարքունիքի մարզպետարանը եւ Մարտունու մարզադպրոցը: Մրցաշարի բացմանը մասնակցեցին եւ ծանրորդներին ողջունեցին Գեղարքունիքի մարզպետ Գնել Սանոսյանը եւ Մարտունու քաղաքապետ Արմեն Ավետիսյանը: Մրցաշարի ընթացքում Եվրոպայի երիտասարդական տարիքի ռեկորդ սահմանեց Մարտունու մարզադպրոցի սան Մոնթե Մխիթարյանը՝ 61 կիլոգրամ ...
