Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հունվարի 30-ին Գեղարքունիքի մարզպետ Գնել Սանոսյանի մոտ հրավիրված հանդիպմանը քննության առնվեցին մարզում սպանդանոցների կառուցման եւ շահագործման գործընթացների եւ չափորոշիչների հետ կապված խնդիրներ: Քննարկմանը մասնակցում էին Գեղարքունիքի մարզպետի տեղակալ Նարեկ Գրիգորյանը, ՀՀ սննդամթերքի անվտանգության պետական մարմնի Գեղարքունիքի մարզային կառույցի ղեկավար Արշակ Էլիզբարյանը, Գեղարքունիքի մարզպետարանի գյուղատնտեսության եւ բնապահպանության վարչության ներկայացուցիչներ: Ինչպես հանդիպման սկզբում ներկայացվեց, մարզում սպանդանոցների կառուցման եւ շահագործման չափորոշիչներին ծանոթանալու նպատակով մարզպետարան ու տեսչական մարմին են դիմել երեսուն ֆիզիկական անձինք, որոնց օնլայն կամ փաստաթղթային կարգով տրամադրվել է համապատասխան տեղեկատվություն: Բացի այդ, սննդի անվտանգության տեսչական մարմնի եւ մարզպետարանի գյուղատնտեսության եւ բնապահպանության վարչության կողմից կատարվել է որոշակի ուսումնասիրություն՝ դիմող անձանց ունեցած համապատասխան միջոցների, հնարավորությունների, հավանական ներդրումների եւ այլ հարցերի շուրջ: Մարզպետ Գնել Սանոսյանը նշեց, որ այս հրատապ հարցի կարգավորումը պահանջում է կշռադատված մոտեցում, մանրակրկիտ եւ բազմակողմանի վերլուծություն
Գեղարքունիքի մարզպետարանը եւ Վ.Սարգսյանի անվան ռազմական համալսարանը կընդլայնեն համագործակցությունը 31.01.2020
Հունվարի 30-ին Գեղարքունիքի մարզպետ Գնել Սանոսյանն ընդունեց ՀՀ ՊՆ Վազգեն Սարգսյանի անվան ռազմական համալսարանի պետ, գնդապետ Խաչատուր Խաչատրյանին: Կողմերը քննարկեցին համագործակցության ընդլայնման հետ կապված հարցեր՝ ռազմահայրենասիրական դաստիարակությունը մարզի ուսումնական հաստատություններում ավելի խորացնելու նպատակով: «Մեր բանակին շատ են անհրաժեշտ բանիմաց, հարուստ գիտելիքներով զինված սպաներ: Մենք այսօր ունենք լավագույն պայմանները եւ դասախոսական կազմը՝ մեր ապագա սպաներին ու հրամանատարներին կրթելու մասնագիտորեն և ռազմահայրենասիրական ոգով: Մեր պետությունը զինվորականի մասնագիտությունն ընտրած հայրենիքի ապագա պաշտպաններին ապահովում է աշխատանքով, բնակարանով, տրամադրում արտոնյալ պայմաններ: Մենք համատեղ պետք է բացատրական աշխատանք տանենք աշակերտների, ուսուցիչների եւ ծնողների շրջանում, որպեսզի մեր վաղվա սպաները սիրով ու հաստատակամորեն ընտրեն իրենց մասնագիտությունը: Մենք պատրաստ ենք ռազմական համալսարանում ընդունել աշակերտների, որպեսզի նրանք տեղում ծանոթանան պայմաններին, ճիշտ որոշում կայացնեն մասնագիտություն ընտրելու հարցում: Մեզ մոտ սովորում ու մասնագիտանում են նաեւ աղջիկներ, որոնց ուսման համար եւս ապահովված են բոլոր պայմանները»
Կայացավ զորակոչային հանձնաժողովի հերթական նիստը 30.01.2020
Հունվարի 29-ին Գեղարքունիքի մարզպետարանում տեղի ունեցավ Գեղարքունիքի մարզի զորակոչային հանձնաժողովի հերթական նիստը, որը վարեց Գեղարքունիքի մարզպետ, Գեղարքունիքի մարզի զորակոչային հանձնաժողովի նախագահ Գնել Սանոսյանը: Նիստին մասնակցում էին Գեղարքունիքի մարզի զորակոչային հանձնաժողովի անդամները և մարզպետի հրավերով՝ Գեղարքունիքի մարզպետարանի առողջապահության և սոցիալական ապահովության հարցերի վարչության պետը: Զորակոչային հանձնաժողովի նիստի օրակարգում ընդգրկված էին զորակոչի ավարտական փուլին, զորակոչային տարիքի երիտասարդներին կրթության հիմքով տարկետման թույլտվություն տրամադրելու, բժշկական հանձնաժողովների գործունեությանը վերաբերող հարցեր: Օրակարգի առաջին հարցի շուրջ զեկուցվեց, որ ձմեռային զորակոչը մարզում ընթանում է սահմանված կանոնակարգին ու ժամանակացույցին համապատասխան, գտնվում է ավարտական փուլում և արդյունքների մասին կզեկուցվի ամփոփումից հետո: Օրակարգի երկրորդ հարցը վերաբերում էր կրթության հիմքով տարկետման թույլտվություն տրամադրելուն: Զորակոչային հանձնաժովի քարտուղարի ներկայացմամբ՝ տարկետման իրավունք ստանալու համար Գեղարքունիքի մարզի զինկոմիսարիատից ստացվել են մի շարք զորակոչի ենթակա քաղաքացիների փաստաթղթեր, որոնց զգալի մասի խնդիրները կապված են հանրակրթական դպրոցներն
Անցկացվեց վոլեյբոլի մարզային առաջնություն 30.01.2020
Գավառ քաղաքի մարզադպրոցում անցկացվեց Գեղարքունիքի մարզի վոլեյբոլի 2020 թվականի մարզային առաջնությունը՝ նվիրված Հայոց բանակի ստեղծման 28-րդ տարեդարձին: Ինչպես տեղեկացրեցին Գեղարքունիքի մարզպետարանի կրթության, մշակույթի եւ սպորտի վարչությունից, վոլեյբոլի մարզային առաջնությանը մասնակցելու հայտ էին ներկայացրել Գավառ, Ճամբարակ, Գեղարքունիք եւ Նորատուս համայնքները: Մրցումների վերջնական արդյունքում առաջին տեղը գրավեց Գավառ համայնքի հավաքական թիմը, երկրորդ եւ երրորդ տեղերը համապատասխանաբար զբաղեցրեցին Գեղարքունիք եւ Նորատուս համայնքների հավաքականները: Մրցանակային տեղեր գրաված թիմերը պարգեւատրվեցին ՀՀ Գեղարքունիքի մարզպետի համապատասխան հավաստագրերով եւ հուշամեդալներով, իսկ Գավառ համայնքի հավաքական թիմը պարգեւատրվեց նաեւ գավաթով: Մրցումների ավարտից հետո ձեւավորվեց մարզի վոլեյբոլի հավաքական թիմը, որը կմասնակցի Հայաստանի Հանրապետության վոլեյբոլի տղամարդկանց 2020 թվականի առաջնությանը:
Մարտունու բժշկական կենտրոնում բացվեց հեմոդիալիզի բաժանմունք 29.01.2020
Մարտունի քաղաքի բժշկական կենտրոնում հանդիսավորությամբ բացվեց հեմոդիալիզի բաժանմունքը՝ ընդունելով առողջական համապատասխան խնդիրներով դիմած քաղաքացիներին: Բացման արարողությանը մասնակցեցին ՀՀ Առողջապահության նախարար Արսեն Թորոսյանը, Գեղարքունիքի մարզպետ Գնել Սանոսյանը, Մարտունու քաղաքապետ Արմեն Ավետիսյանը, ՀՀ ԱՆ «Ծրագրերի իրականացման գրասենյակ»-ի տնօրեն Հովակիմ Պողոսայանը, աշխատակազմի անդամներ, Մարտունու բժշկական կենտրոնի բուժաշխատողներ: Բաժանմունքի բացման պատիվը վերապահվեց Գեղարքունիքի մարզպետ Գնել Սանոսյանին եւ Մարտունու բժշկական կենտրոնի տնօրեն Անդրանիկ Հարությունյանին: Նախարարը եւ մարզպետը զրուցեցին նորաբաց բաժանմունքում այդ պահին սպասարկվող հիվանդների հետ: Վերջիններս, իրենց շնորհակալությունը հայտնելով ՀՀ կառավարությանը եւ Մարտունու բժշկական կենտրոնի տնօրինությանը, հավաստեցին, որ իրենց համար հույժ կարեւոր քայլ է արվել, քանի որ նկատելիորեն հեշտացել են բուժման պայմանները, եւ իրենք ստիպված չեն լինի հեմոդիալիզ ստանալու համար երկար ճանապարհ կտրել: Ինչպես նշեց նախարար Արսեն Թորոսյանը, բաժանմունքի ստեղծման ձեռնարկը սկսվել է մոտ մեկ տարի առաջ, ՀՀ Առողջապահության նախարարի՝ Գեղարքունիքի մարզպետի ներկայացված առաջարկությամբ եւ ՀՀ կառավարության համաձայնությամբ: «Այն ծրագրով նախատեսված էր այս բաժանմունքը ստեղծել
Մարտունու զինկոմիսարիատից բանակ ճանապարհվեց նորակոչիկների հերթական խումբը 29.01.2020
Մարտունի քաղաքում Գեղարքունիքի մարզային զինկոմիսարիատից նորակոչիկիների հերթական խմբին Հայոց բանակ ճանապարհեցին ՀՀ Առողջապահության նախարար Արսեն Թորոսյանը եւ Գեղարքունիքի մարզպետ Գնել Սանսոյանը: Նախարարը եւ մարզպետը զրուցեցին նորակոչիկների հետ, հետաքրքրվեցին նրանց հուզող խնդիրներով: Ինչպես տեղում ներկայացրեցին Գեղարքունիքի մարզային զինկոմ Գեւորգ Մխեյանը եւ Մարտունու քաղաքապետ Արմեն Ավետիսյանը, նորակոչիկները Հայոց բանակ են մեկնում բարձր տրամադրությամբ, հայրենիքի հանդեպ պարտքի ու նվիրումի գիտակցումով, հոգեպես ու ֆիզիկապես կոփված: «Ուրախ եմ, որ մեզանում արդեն Հայոց բանակ զորակոչվելը դարձել է տոն, միմյանց շնորհավորելու առիթ, որ նորակոչիկները բանակ են մեկնում տոնախմբությամբ ու բարձր տրամադրությամբ: Հայրենի կառավարությունն անում է հնարավորը, որպեսզի դուք ծառայեք խաղաղ ու անվտանգ պայմաններում, դաստիարակվեք որպես մեր հայրենիքին արժանի զինվորներ ու գիտակից քաղաքացիներ: Հաջողություն եմ մաղթում բոլորիդ, անփորձանք ծառայություն ու բարի վերադարձ: Միաժամանակ հորդորում եմ բոլորիդ՝ սիրել ու հարգել միմյանց՝ ամեն կերպ զերծ մնալով միջանձնային հարաբերություններ պարզելուց»,-նորակոչիկներին դիմեց մարզպետ Գնել Սանոսյանը: «Ընդունեք իմ ջերմ շնորհավորանքները Հայոց բանակ մեկնելու կապակցությամբ: Մենք անում ենք հնարավորը, որպեսզի
