Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Վարչապետի հովանու ներքո կանցկացվեն «Դպրոցականների բասկետբոլի լիգա» մարզական խաղեր 18.02.2025
Հայաստանի Հանրապետության Վարչապետի հովանու ներքո 2025 թվականի մարտի 1-ից Գեղարքունիքի մարզում կմեկնարկեն «Դպրոցականների բասկետբոլի լիգա» մարզական խաղերը, որոնց նպատակն է խթանել դպրոցականների շրջանում բասկետբոլի զարգացմանը, տաղանդավոր, հեռանկար ունեցող մարզիկների հայտնաբերմանը՝ հետագայում Հայաստանի Հանրապետության առաջնություններին մասնակցող թիմերում ընդգրկելու նպատակով, դպրոցահասակ երեխաների առողջության ամրապնդմանը, առողջ ապրելակերպի ձևավորման գործում ֆիզիկական կուլտուրայի և սպորտի դերի բարձրացմանը, ֆիզիկապես առողջ և բարոյապես կայուն սերնդի ձևավորմանը։ Բասկետբոլի լիգան անցկացվելու է 4 փուլով, 2 տարիքային խմբով՝ 10-12 տարեկան (5-6-րդ դասարաններ) և 13-15 տարեկան (7- 9-րդ դասարաններ) դպրոցականնների թիմերի միջև։
Գիրք նվիրելու օրվա միջոցառումների շրջանակներում, փետրվարի 19-ին ժամը 12։00-ին Գեղարքունիքի մարզի Մարտունու պատկերասրահում տեղի կունենա «Մեծն Թումանյանը», թումանյանական ընթերցումներ խորագիրը կրող ցերեկույթ, իսկ նույն օրը և նույն ժամին Գեղարքունիքի Վարդգես Պետրոսյանի անվան մարզային գրադարանում տեղի կունենա «Հավերժության խորհուրդը․ Պահարեն և գրքի նվիրատվության օրը» խորագիրը կրող ցերեկույթ, որը կզուգորդվի գրքի նվիրատվության օրվան նվիրված միջոցառմանը և անվանի գրող, դերասան Հայկ Պետրոսյանի /Պահարե/ ծննդյան 130 ամյակի հուշ ցերեկույթի հետ։ Մեծն Բանաստեղծի ծննդյան և գիրք նվիրելու օրվան նվիրված թեմատիկ միջոցառումներ կանցկացվեն նաև Գեղարքունիքի մարզի կրթամշակութային տարբեր հաստատություններում՝ փետրվարի 17-21-ը:
Փետրվարի 17-ին Գեղարքունիքի մարզպետ Կարեն Սարգսյանն ընդունեց «ԵՄ-ն Հայաստանի համայնքներում էներգաարդյունավետության և վերականգնվող էներգիայի» և «Կայուն էներգիա հանուն Հայաստանում կլիմայակայուն համայնքային զարգացման» ծրագրերի թիմի ղեկավար Ալլա Բերբերյանին, «Կայուն էներգիա հանուն Հայաստանում կլիմայակայուն համայնքային զարգացման» ծրագրի Գեղարքունիքի մարզային համակարգող Սոնա Գրիգորյանին և «Սևանա լճի շրջակա միջավայրի պահպանություն» ծրագրի Գեղարքունիքի մարզի ծրագրերի համակարգող Վարազդատ Սարգսյանին։ «ԵՄ-ն հանուն Հայաստանի համայնքներում էներգաարդյունավետության և վերականգնվող էներգիայի» ծրագիրը Գերմանիայի Միջազգային Համագործակցության ընկերության կողմից իրականացվող ԷԿՈսերվ ծրագրի մաս է, որը մեկնարկել է 2023 թվականի հունվարին, ՀՀ Գեղարքունիքի, Լոռու, Տավուշի, Շիրակի և Սյունիքի մարզերում։ Գեղարքունիքի մարզում իրականացված ծրագրերի արդյունքում, ընդհանուր առմամբ, 28 համայնքապատկան շենքերում իրականացվել են էներգաարդյունավետության և վերականգնվող էներգետիկայի միջոցառումներ։․․․
Բարեփոխումներ՝ ԼՂ-ից բռնի տեղահանված ընտանիքներ բնակապահովման ծրագրում 14.02.2025
Հաշվի առնելով ԼՂ հայրենակիցների հետ ունեցած վերջին քննարկումները, նրանց կողմից ներկայացված առաջարկ-դիտարկումները՝ ԼՂ-ից բռնի տեղահանված ընտանիքների բնակարանային ապահովման պետական աջակցության ծրագրում իրականացվել են բարեփոխումներ՝ հիմնական պայմաններում կատարելով վերջնական փոփոխությունները, մասնավորապես` 1 անձի գծով տրվող աջակցության չափի և առանձին՝ ավելի բարձր աջակցությամբ բնակավայրերի ցանկերի մասով։ Ըստ այդմ՝
Ինչպես ստանալ սոցիալական ծախսի փոխհատուցումը 14.02.2025
Հարգելի քաղաքացիներ, եթե արդեն ներկայացրել եք եկամուտների հայտարարագիր և տարվա ընթացքում Ձեր կամ Ձեր ընտանիքի անդամների համար առողջապահության ու կրթության գծով կատարել եք սոցիալական ծախսեր, ունեք դրա դիմաց դուրս գրված հաշվարկային փաստաթուղթ, ապա կարող եք դիմել և հետ ստանալ սոցիալական ծախսի փոխհատուցման գումարները՝ հետևյալ քայլերով․
Դպրոցականների 2024-2025 ուսումնական տարվա առարկայական օլիմպիադաների մարզային փուլն անցկացվեց մաթեմատիկա, ֆիզիկա, քիմիա, կեսաբանություն, աստղագիտություն, ինֆորմատիկա, աշխարհագրություն, հայոց լեզու, հայ գրականություն, պատմություն, ռուսաց լեզու, անգլերեն, գերմաներեն, ֆրանսերեն, նախնական զինվորական պատրաստություն և ընթերցանություն առարկաներից։ Օլիմպիադաների մասնակցության հնարավորությունից ընդհանուր առմամբ օգտվեցին 9-12-րդ, միայն մաթեմատիկա առարկայի մասով՝ 5-12-րդ, իսկ ընթերցանություն առարկայի մասով՝ 5-6-րդ դասարանների աշակերտները։ Օլիմպիադայի մարզային փուլի արդյունքները համապատասխան հանձնաժողովների կողմից ամփոփվել և ներկայացվել է առարկայական օլիմպիադայի կազմկոմիտե, որտեղ էլ կորոշվի և կհաստատվի մարզային փուլի հաղթողների և հանրապետական փուլի մասնակիցների ցանկը։ Այս տարի առաջին անգամ մարզի հանրակրթական հաստատությունների 5-րդ և 6-րդ դասարանցիների շրջանում կազմակերպվեց ընթերցանության օլիմպիադա «Մայրենի» առարկայի շրջանակում՝ դպրոցական և մարզային փուլերով։
