Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Գնել Սանոսյանը Գեղարքունիքի մարզպետարանի նիստերի դահլիճում հանդիպում ունեցավ մարզի մի շարք բուժաշխատողների հետ` շնորհավորելով նրանց Բուժաշխատողի օրվա առթիվ: Մարզպետն իր ողջույնի խոսքում նշեց, որ արտակարգ դրության այս պայմաններում, ի դեմս ներկա գտնվող բուժաշխատողների, ուշադրության և խրախուսանքի են արժանի նաև մարզի մնացած բոլոր բուժաշխատողները, կամավորները, շտապօգնության վարորդներն ու տեխնիկական սպասարկում իրականացնող անձնակազմը, քանզի յուրաքանչյուրն իր իրավասությունների շրջանակներում անում է հնարավորը ստեղծված իրավիճակի մեղմման հարցում: «Բոլոր բուժաշխատողներին էլ կարիք կա՝ շնորհակալություն հայտնելու: Սակայն, հաշվի առնելով մի շարք հանգամանքներ, փորձեցինք ընտրել հատկապես այն բուժաշխատողներին, ովքեր ավելի շատ են ընդգրկված կորոնավիրուսի դեմ պայքարի միջոցառումների բուն աշխատանքներում: Այս բարդ ժամանակահատվածում դուք մեկ անգամ ևս ապացուցեցիք, թե որքան կարևոր է ձեր մասնագիտությունը և որքան պատվով եք դուք ձեր աշխատանքն իրականացնում: Այն օջախները...
Կհիմնանորոգվի Լճավանի մանկապարտեզի շենքը 23.06.2020
Գեղարքունիքի մարզի Լճավան համայնքում ՀՀ կառավարության կողմից իրականացվող սուբվենցիոն ծրագրերի շրջանակներում կհիմնանորոգվի մանկապարտեզի շենքը: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տվյալներով՝ Լճավանի մանկապարտեզի շենքի հիմնանորոգման նախնական ընդհանուր արժեքը կազմում է 12 միլիոն 700 հազար դրամ, որի որի 70 տոկոսը կամ 8 միլիոն 889 հազարը հատկացնում է ՀՀ կառավարությունը, 3 միլիոն 811 հազար դրամը՝ Լճավանի համայնքապետարանը: Լճավանի համայնքապետ Լյովա Գեւորգյանի հավաստմամբ՝ շինարարական աշխատանքների մրցույթն արդեն հայտարարված է: Մանկապարտեզի շենքում սույն ծրագրի շրջանակներում կիրականացվեն հիմնականում ներքին հարդարման, վերակառուցման, նոր դռների եւ պատուհանների տեղադրման, սանհանգույցների նորոգման եւ այլ կարգի աշխատանքներ: «Համայնքի մանկապարտեզը դադարել է գործել 1996 թվականից՝ շենքային անբարենպաստ պայմանների եւ տեղական բյուջեում համապատասխան գումարների անբավարարության պատճառով: Սակայն այժմ համայնքը մանկապարտեզի խիստ կարիք է զգում, ...
Կհիմնանորոգվի Արծվանիստ համայնքի մանկապարտեզի տանիքը 22.06.2020
Գեղարքունիքի մարզի Արծվանիստ համայնքում ՀՀ կառավարության կողմից իրականացվող սուբվենցիոն ծրագրերի շրջանակներում այս տարի կհիմնանորոգվի մանկապարտեզի շենքի տանիքը: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տվյալներով՝ ծրագրի նախնական ընդհանուր արժեքը կազմում է 16 միլիոն 50 հազար դրամ, որի 65 տոկոսը կամ 10 միլիոն 433 հազար դրամը հատկացնում է ՀՀ կառավարությունը, 35 տոկոսը կամ 5 միլիոն 617 հազար դրամը՝ Արծվանիստի համայնքապետարանը: Արծվանիստ համայնքի ղեկավար Սամվել Օհանյանի հավաստմամբ՝ շինարարական աշխատանքների մրցույթը հայտարարված է: «Արծվանիստի մանկապարտեզը, որը մինչեւ 2017 թվականի ամռանը գործում էր երկու խմբով, իր գործունեությունը ժամանակավորապես դադարեցրել է շենքային անբարենպաստ պայմանների պատճառով: Շենքի հիմնանորոգումը կընթանա մի քանի փուլերով, որից առաջինը սկսվում է տանիքի հիմնանորոգման աշխատանքներով:
Թարմացում 22.06.2020
Տեղեկատվություն 13-19.06.2020թ. ժամանակահատվածում ՀՀ Գեղարքունիքի մարզում ֆիզիկական և իրավաբանական անձանց կողմից կատարված նվիրատվությունների, ինչպես նաև դրանց բաշխման վերաբերյալ
Հաստատվել են մարզից ներկայացրած սուբվենցիոն հերթական ծրագրերը 22.06.2020
Սուբվենցիոն ծրագրերի հերթական խմբաքանակն է քննարկվել և հաստատվել միջգերատեսչական հանձնաժողովի հունիսի 5-ին կայացած հերթական նիստի ընթացքում: Ներքին Գետաշեն համայնքի «Ոռոգման ցանցի կառուցում» և «Ներհամայնքային ճանապարհների ասֆալտապատում», Վարդենիկ համայնքի «Փողոցների արտաքին լուսավորության ցանցի կառուցում և գոյություն ունեցող 3330 գծմ հատվածում էլ. լարերի և լուսատուների փոխարինում LED 60W, 5000k լուսատուներով», Նորատուս համայնքի «Ներհամայնքային ճանապարհների հիմնանորոգում», Աստղաձոր համայնքի «Զորավար Անդրանիկի փողոցի արտաքին լուսավորության ցանցի կառուցում», Լուսակունք համայնքի «Թիվ 1 գլխավոր փողոցի գիշերային լուսավորության անցկացում», Ճամբարակ համայնքի «Թթուջուր բնակավայրի մանկապարտեզի 2-րդ հարկի վերանորոգման և տարածքի բարեկարգման աշխատանքներ», Սեմյոնովկա համայնքի «Նախկին մշակույթի տան տանիքի վերանորոգում» ծրագրերը: Ծովակ համայնքի «1956 թվականին կառուցված խմելու ջրի ջրագծի վերանորոգում», Ծակքար համայնքի «Բնական կամուրջ -հուշարձանը տանող ճանապարհի ...
Ծովագյուղում կբարելավվի ջրամատակարարման համակարգը 22.06.2020
ՀՀ կառավարության կողմից իրականացվող սուբվենցիոն ծրագրերի շրջանակներում Գեղարքունիքի մարզի Ծովագյուղ համայնքում այս տարվա ընթացքում կիրականացվեն խմելու ջրի մատակարարման համակարգի բարելավման աշխատաքներ: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տեղեկացմամբ՝ ծրագրի ընդհանուր նախնական արժեքը կազմում է 132 միլիոն 429 հազար դրամ, որի 70 տոկոսը կամ 92 միլիոն 697 հազար դրամը հատկացնում է ՀՀ կառավարությունը, 30 տոկոսը կամ 39 միլիոն 724 հազար դրամը՝ Ծովագյուղի համայնքապետարանը: Ծովագյուղի համայնքապետարանի տրամադրած տեղեկատվության համաձայն՝ շինարարական աշխատանքների մրցույթն արդեն հայտարարված է: Ծրագրի իրականացման արդյունքում հիմնովին կբարելավվի համայնքի ջրամատակարարումը: «Ջրամատակարարաման հիմնախնդիրը համայնքում առկա է վաղուց, որը խոչընդոտում է բնակիչների կենսական խնդիրների լուծմանը: Խմելու ջրի ջրավազանները սնուցվում են Այծեմնասար եւ Բեթխեհեմ սարերից, սակայն չեն բավարարում բնակչությանը: Առկա խնդիրները լուծելու համար անհրաժեշտ է Բեթխեհեմ կոչվող սարից սնուցվող արտաքին վնասված եւ հին մետաղական 6կմ երկարության, 150մմ տրամագծով խողովակաշարը փոխարինել նոր մետաղապլաստե 6կմ երկարության 160 մմ խողովակաշարով, ինչը հնարավորություն կընձեռի՝ կարգավորիչ ջրավազան ջրամատակարարումը ավելացնել եւս 3-4 ժամ տևողությամբ, որի շնորհիվ հնարավոր կլինի Բեթխեհեմ սարից սնուցվող ջրագծից նոր կառուցվող ջրագծով միացում կատարել Այծեմնասարից օգտվող ջրավազանին, որի շնորհիվ էլ Այծեմնասարից օգտվող բնակիչների համար կապահովի 5-6 ժամ տեւողությամբ ջրամատակարարում: Բացի այդ, անհրաժեշտ է վերանորոգել Բեթխեհեմ կոչվող սարից սնուցվող 350 տոննա տարողությամբ անսարք ջրավազանը: Միաժամանակ անհրաժեշտ է կատարել Բեթխեհեմից սնուցվող ջրավազանից օգտվող բնակիչներին մատակարարվող ջրագծի ներքին ցանցի մետաղական խողովակների փոխարինում մետաղապլաստե խողովակներով` 4 կմ երկարությամբ, 75-40 մմ տրամագծով, քանի որ նախկին մետաղական խողովակները օգտագործման համար դարձել են ոչ պիտանի, իսկ ցանցում ահռելի են ջրի կորուստները: Ընդհանուր առմամբ, այս ծրագրով համայնքում կկառուցվի 10 կմ երկարության ջրատարի արտաքին ու ներքին ցանց: Ջրավազանների հարակից տարածքում անհրաժեշտ է կատարել ցանկապատի կառուցում: Ծրագրի շրջանակներում կկատարվի նաեւ ջրաչափիչ սարքերի տեղադրում: Շինարարական աշխատանքները կավարտվեն այս տարվա ընթացքում»,-ներկայացրեց Ծովագյուղ համայնքի ղեկավար Վահրամ Գեւորգյանը:
