Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզի 31 բնակավայրերում անցկացվեցին ուսումնական վարժանքներ 27.01.2021
2021 թվականի հունվարի 12-21-ը Գեղարքունիքի մարզի փրկարարական վարչության կողմից Գեղարքունիքի մարզի Կութ, Նորաբակ, Ջաղացաձոր, Վարդենիս, Գեղամաբակ, Ակունք, Խաչաղբյուր, Վանևան, Տորֆավան, Շատջրեք, Շատվան, Շողակաթ, Աղբերք, Արտանիշ, Ճամբարակ, Վահան, Այգուտ, Դպրաբակ, Ձորավանք, գ. Մարտունի, Գետիկ, Թթուջուր, Մարտունի քաղաք, Երանոս, Ծակքար, Վարդենիկ, Գավառ, Նորատուս, Լանջաղբյուր, Գեղարքունիք և Սևան բնակավայրերում անցկացվել է «Ազդարարում, տարահանում, պատսպարում» թեմայով վարժանքներ, որի ընթացքում փորձակվել են էլեկտրական շչակները: Վարժանքների ընթացքում իրականացվել է նաև բնակչության պատսպարում, մարզային ՓՎ-ի մասնագետների կողմից համայնքապետարանների աշխատակիցների շրջանում ցուցաբերվել է մեթոդական խորհրդատվություն: Հիշեցնենք, որ էլեկտրաշչակների փորձարկմանն ուղղված ուսումնական վարժանքների մասին բնակիչները նախապես իրազեկվել էին:
Հունվարի 27-ին Գեղարքունիքի մարզպետի տեղակալ Հենրիկ Մուրադյանը և ՀՀ ԱԻՆ փրկարարական ծառայության պետի տեղակալ Հովհաննես Եմիշյանը լսեցին 2020 թվականի ընթացքում ՀՀ Գեղարքունիքի մարզում ԱԻ և ՔՊ ոլորտներում իրականացված աշխատանքների վերաբերյալ հաշվետվությունը: Այն ներկայացրեց ՀՀ ԱԻՆ Գեղարքունիքի մարզային փրկարարական վարչության պետի տեղակալ Գարեգին Հակոբյանը: Հաշվետվությանը ներկա էին Գեղարքունիքի մարզի ուժային կառույցների, համայնքների, մարզպետարանի ստորաբաժանումների ղեկավարներ, մարզի փրկարար ծառայության աշխատակիցներ: Ներկաները մեկ րոպե լռությամբ հարգեցին Արցախյան պատերազմում զոհված քաջորդիների հիշատակը: Ըստ փրկարարական վարչության հաշվետվության՝ 2020 թվականի ընթացքում Գեղարքունիքի մարզում գրանցվել է 551 արտակարգ դեպք, որոնց հետևանքով զոհվել է 35 մարդ, մարմնական վնասվածքներ են ստացել 126 մարդ: Գրանցված դեպքերից 281-ը տեխնածին են, որոնց հետևանքով զոհվել է 30, վիրավորվել 107 մարդ: Գրանցված տեխնածին արտակարգ դեպքերից 172-ը հրդեհի դեպքերն են: Հրդեհների հետևանքով զոհեր և վիրավորներ չեն եղել: ...
Հունվարի 25-ին Գեղարքունիքի մարզպետարանում տեղի ունեցավ հանդիպում Գեղարքունիքի մարզպետ Գնել Սանոսյանի և մարզի տարբեր տարածքներում գործունեություն իրականացնող հասարակական կազմակերպությունների ղեկավարների միջև: Հանդիպման մասնակիցները մեկ րոպե լռությամբ հարգեցին Արցախյան պատերազմում իրենց կյանքը զոհած հայորդիների հիշատակը: Բացելով հանդիպումը՝ մարզպետ Գնել Սանոսյանը շնորհակալություն հայտնեց մարզի հասարակական կազմակերպությունների նախագահներին՝ Արցախյան պատերազմի ընթացքում պետությանը և Հայոց բանակին աջակցելու համար: «Արցախյան պատերազմի ընթացքում Գեղարքունիքի մարզը անհամեմատ մեծ աջակցություն է ցուցաբերել Արցախին և առաջնագծին, որից անմասն չեն մնացել նաև մեր մարզի հասարակական կազմակերպությունները, շատ դեպքերում՝ մարզպետարանի հետ համագործակցությամբ: Մարզը մեծածավալ թիկունքային աշխատանք է իրականացրել նաև համայնքների բնակիչների, առաձին բարերարների, արտերկրում բնակվող մեր հայրենակիցների շնորհիվ, որը, կարծում եմ, համընդհանուր առողջ մթնոլորտի, գիտակցված աշխատանքի, փոխադարձ հարգանքի արդյունք է:...
Հունվարի 22-ին Գեղարքունիքի մարզպետ Գնել Սանոսյանը խորհրդակցություն անցկացրեց մարզի հանրակրթական դպրոցների տնօրենների հետ, որի ընթացքում քննության առնվեցին կրթական համակարգի առաջնահերթ խնդիրները։ Խորհրդակցության սկզբում ներկաները մեկ րոպե լռությամբ հարգեցին Արցախյան վերջին պատերազմում զոհված հայորդիների հիշատակը։ Ապա մարզպետը Ամանորի եւ Սուրբ ծննդյան տոների կապակցությամբ շնորհավորեց տնօրեններին եւ կրթական համակարգի աշխատակիցներին: Մինչ օրակարգային հարցերի քննարկումը՝ Գնել Սանոսյանը խոսեց կրթական համակարգում առկա խնդիրների բարելավման մասին: «Իմ պատկերացմամբ Արցախյան պատերազմում մեր կրած պարտության հիմնական պատճառներից մեկն այն է, որ մենք շատ բաց ու թերի կողմեր ունենք մեր կրթական համակարգում ու բոլորս ընդհանուր ուժերով պետք է փորձենք հնարավորինս արագ շտկել իրավիճակը, նորովի մոտեցում ցուցաբերենք արդի աշխարհի կրթական պահանջներին։ Արագ զարգացող աշխարհում ...
Գեղարքունիքի մարզի ավտոճապարհներին իրականացվում են մաքրման աշխատանքներ 20.01.2021
Հունվարի 18-19-ին Գեղարքունիքի մարզում տեղացած ձյան պատճառով Գեղարքունիքի մարզի միջպետական, հանրապետական, մարզային ու համայնքային նշանակության ճանապարհներին դժվարանցանելի իրավիճակ է առաջացել, որը հաղթահարվում է ճանապարհները սպասարկող կազմակերպությունների կողմից իրականացվող մաքրման եւ մշակման աշխատանքների շնորհիվ։ Գեղարքունիքի մարզպետարանի քաղաքաշինության վարչության տրանսպորտի եւ ճանապարհաշինության բաժնից ստացված տեղեկատվության համաձայն, ձյան շերտը Գավառի, Սեւանի եւ Ճամբարակի տարածաշրջաններում կազմել է 15-20, Մարտունու եւ Վարդենիսի տարածաշրջաններում՝ 30-40, բարձրլեռնային բնակավայրերում՝ մինչեւ 50 սանտիմետր։ «Ճանապարհների մաքրման, աղով և ավազով մշակման աշխատանքները ...
