Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Սևանա լճում երրորդ անգամ կանցկացվի «ՀՀ վարչապետի գավաթ» սիրողական լողի մրցաշարը 11.06.2024
Հանրապետությունում լողի մասսայականացման և առողջ ապրելակերպի քարոզման նպատակով օգոստոսին ՀՀ Գեղարքունիքի մարզի Ճամբարակ համայնքի Շողակաթ բնակավայրի (նախկին Շորժա) Սևանա լճի լողափնյա տարածքում երրորդ անգամ կանցկացվի «ՀՀ վարչապետի գավաթ» սիրողական լողի մրցաշարը: Փաստաթղթերն անհրաժեշտ է ներկայացնել ՀՀ լողի ֆեդերացիա՝ մինչև 2024 թվականի հուլիսի 30-ը ներառյալ (հասցե՝ Դավիթ Համբարձումյանի անվան ջրացատկի օլիմպիական հերթափոխի մասնագիտացված մանկապատանեկան մարզադպրոց, Մ. Խորենացի փ. 1/1, Էլ. հասցե` swimmingarm@mail.ru)։ Հայտը ներկայացնող անձը ՀՀ լողի ֆեդերացիայի կողմից ընտրված լողավազանում պետք է հանձնի նախնական ստուգարք՝ լողալու ունակության մակարդակը որոշելու համար:
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 10.06.2024
Հունիսի 10-ին Գեղարքունիքի մարզպետ Կարեն Սարգսյանը մարզպետի աշխատակազմի հետ անցկացրեց հերթական աշխատանքային խորհրդակցությունը, որի ընթացքում մարզպետի աշխատակազմի ստորաբաժանումների ղեկավարները զեկուցեցին նախորդ խորհրդակցությանը տրված հանձնարարականների կատարման արդյունքների մասին։ Քաղաքաշինության և կրթության ոլորտների պատասխանատուների հետ քննարկումներ ծավալվեցին ՀՀ կառավարության կողմից իրականացվող «300 դպրոց, 500 մանկապարտեզ» ծրագրի շրջանակներում Գեղարքունիքի մարզում հաստատված դպրոցների և կրթահամալիրների կառուցման ընթացակարգերի, ինչպես նաև՝ որոշ համայնքներում նորակառույց մանկապարտեզների և մշակույթի տների համար գույքի ձեռքբերման հետ կապված հարցերի շուրջ։․․․
ՏԵՂԵԿԱՑՈՒՄ 10.06.2024
Տեղեկացվում է Լեռնային Ղարաբաղից բռնի տեղահանված և Գեղարքունիքի մարզի Գավառ և Մարտունի խոշորացված համայնքներում վերաբնակություն հաստատած ընտանիքներին, որ 2024 թվականի հունիսի 12-ին ժամը 13։00-ին՝ Գավառի արվեստի դպրոցի դահլիճում, իսկ ժամը 16։00-ին՝ Մարտունու համայնքապետարանի դահլիճում տեղի կունենան հանդիպումներ, որի ընթացքում բանախոսները հանդիպման մասնակիցներին կիրազեկեն բնակարանային ապահովման պետական աջակցության ծրագրի մասին։ Բնակարանային ապահովման պետական աջակցության ծրագրից օգտվել ցանկացողները հանդիպման ընթացքում իրենց հետաքրքրող հարցերը կարող են ուղղել բանախոսներին և ստանալ պարզաբանումներ՝ ծրագրի բաղադրիչների, նրանից օգտվելու մանրամասների վերաբերյալ։
Տոնական ծրագիր՝ «Համընդհանուր ներառումը որպես հանրակրթության արդի մարտահրավեր» խորագրով 07.06.2024
Այս շաբաթ Գեղարքունիքի մարզի Զոլաքարի Ալվարդ Վարդանյանի անվան №2 միջնակարգ դպրոցում տեղի է ունեցել «Համընդհանուր ներառումը որպես հանրակրթության արդի մարտահրավեր» խորագրով հանդիպումը, որի շրջանակներում Գեղարքունիքի մարզ հյուրընկալվել և համերգային ծրագրով հանդես են եկել Խարբերդի մանկատան հատուկ խնամքի կարիքներ ունեցող երեխաներից կազմված «Ճախրուկներ» էթնո երգչախումբը, ղեկավարությամբ Մխիթարյան քույրերի։ Երգչախումբը հանդես է եկել հայկական ժողովրդական, ազգագրական, գուսանական և կոմիտասյան երգերի կատարմամբ: Միջոցառմանը ներկա են եղել և իրենց կատարումներով հանդես են եկել հայտնի դաշնակահար Վահագն Հայրապետյանը, երգիչ-երգահան Արթո Թունչբոյաջյանը և քանոնահար Անահիտ Արտյոմյանը: Համերգային ծրագրի ընթացքում պարային կատարումներով հանդես են եկել նաև Զոլաքար բնակավայրի պարային համութը և Գավառի «Արևների աշխարհ» մանկական կենտրոնի «Արևներ» պարային խումբը։
Ամեն տարի Երևանում Ռուսաստանի գիտության և մշակույթի կենտրոնի կողմից Հայաստանի տարածքում կազմակերպվում և անցկացվում է «Կենդանի դասականներ» միջազգային մրցույթը: Այս տարի փառատոնին մասնակցել են շուրջ 2,5 միլիոն երեխաներ՝ աշխարհի 60 երկրներից: 2024 թվականին փառատոնը մեկնարկել է փետրվար ամսից, որին ակտիվորեն մասնակցել են նաև Գեղարքունիքի մարզի դպրոցահասակ շնորհալի աշակերտները: «Կենդանի դասականներ» միջազգային փառատոնին մասնակցել և «Տեքստի լավագույն ընտրություն» անվանակարգում հաղթող է ճանաչվել Ձորագյուղի Հ. Ղազարյանի անվան հիմնական դպրոցի 5-րդ դասարանի սան Խրիստ Էլազյանը /դասատու՝ Քրիստինե Մուրադյան/։ Փառատոնի կազմկոմիտեի որոշմամբ մայիսի 4-25-ը Խրիստը հրավիրվել է ներկայացնելու Հայաստանի Հանրապետությունը միջազգային եզրափակիչ փուլում, որը տեղի է ունեցել «APTEK» միջազգային մանկական կենտրոնում։ Փառատոնի եզրափակիչ փուլում Խրիստ Էլազյանին շնորհվել է դիպլոմ և մեդալ։
ՀՀ Գեղարքունիքի մարզպետ Կարեն Սարգսյանի որոշմամբ ՀՀ ՆԳՆ ՓԾ Գեղարքունիքի մարզային փրկարարական վարչությունը մարզպետի աշխատակազմի հետ միասին հունիսի 7-ին աշխատակազմի վարչական շենքում անցկացրին «Տարածաշրջանին բնորոշ արտակարգ իրավիճակները, կանխարգելումը և քաղաքացիական պաշտպանության հիմնահարցերը» թեմայով զրույց-քննարկում, որին մասնակցեցին ՀՀ Գեղարքունիքի մարզպետ Կարեն Սարգսյանը, ՀՀ ՆԳՆ ՓԾ Գեղարքունիքի մարզային փրկարարական վարչության պետ Գևորգ Գալստյանը, Գեղարքունիքի մարզպետի աշխատակազմի ղեկավար կազմը, մարզպետի աշխատակազմի ստորաբաժանումների ղեկավարները, մարզային փրկարարական վարչության, Գավառի համայնքապետարանի պատասխանատու աշխատակիցները, Գավառ համայնքի կազմում ընդգրկված բնակավայրերի վարչական ղեկավարները, «Ամքոր-Հայաստան» բարեգործական հիմնադրամի ծրագրերի ղեկավար Անահիտ Գասպարյանը։ Բացելով հանդիպումը՝ Գեղարքունիքի մարզպետ Կարեն Սարգսյանը ողջունեց ներկաներին և առաջարկեց քննարկման ընթացքում ․․․
