Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գավառ քաղաքում 2023 թվականին սուբվենցիոն 4 ծրագիր է իրականացվել 21.05.2024
Գեղարքունիքի մարզկենտրոն Գավառ քաղաքում ՀՀ կառավարության կողմից 2022-2023 թվականներին իրականացվող սուբվենցիոն ծրագրերի շրջանակներում կառուցվել է արտաքին լուսավորության ցանց, մանկական 3 խաղահրապարակ, ավտոտրանսպորտային սպասարկման 2 կանգառ, ասֆալտապատմամբ հիմնանորոգվել Գրիգոր Նարեկացի և Կաբելագործների փողոցը, Դաշտոյան նրբանցքը։ Իրականացված սուբվենցիոն 4 ծրագրերի համար ներդրվել է 431 միլիոն 701 հազար 276 դրամ, որից 227 միլիոն 603 հազար 153 դրամը ՀՀ կառավարության, 204 միլիոն 98 հազար 123 դրամը Գավառի համայնքապետարանի մասնաբաժինն է։ Գավառ քաղաքի Գրիգոր Նարեկացի, Կաբելագործների փողոցների և Դաշտոյան նրբանցքի հիմնանորոգման ծրագրի պայմանագրային արժեքը կազմել է 239 միլիոն 671 հազար դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Գավառի համայնքապետարանը։ Շինարարական աշխատանքները մեկնարկել են 2023 թվականի մարտ ամսից և ավարտվել նույն տարվա դեկտեմբերին։ Ծրագրի իրականացման արդյունքում...
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 20.05.2024
Մայիսի 20-ին Գեղարքունիքի մարզպետ Կարեն Սարգսյանն անցկացրեց հերթական աշխատանքային խորհրդակցությունը։ Մարզպետի աշխատակազմի ստորաբաժանումների ղեկավարների կողմից նախորդ խորհրդակցության ընթացքում տրված հանձնարարականների կատարման ընթացքի մասին զեկուցումներից հետո Կարեն Սարգսյանը ոլորտային պատասխանատու ստորաբաժանումների հետ քննարկեց ԼՂՀ-ից բռնի տեղահանված ընտանիքների բնակարանային ապահովման պետական աջակցության ծրագրին առնչվող մի շարք հարցեր: Օրակարգային հարցերի շարքում էին նաև 2024 թվականին ՀՀ պետական միջոցներով իրականացվող ճանապարհաշինական աշխատանքների, միջպետական և հանրապետական ճանապարհների ամառայանին սպասարկման պատշաճ կազմակերպումը: Հանձնարարվեց նաև ուշադրության կենտրոնում պահել փուլերով ընթացող սուբվենցիոն ծրագրերի կատարման ընթացքի, ժամկետների և որակի պահպանումը՝ խախտումների դեպքում ձեռնարկել օրենքով սահմանված համարժեք քայլեր։ Խորհրդակցության ավարտին Կարեն Սարգսյանը հանձարարեց հետևողական լինել ճամբարներ հաճախող երեխաների, ինչպես նաև սպասարկող անձնակազմի պատվաստումների իրականացմանը: Գեղարքունիքի մարզպետի աշխատակազմի ստորաբաժանումների ղեկավարները ստացան այլ հանձնարարականներ։
Գեղարքունիքի մարզպետ Կարեն Սարգսյանն ընդունեց Գավառ քաղաքի Սամվել Քոչարյանցի անվան թիվ 1 հիմնական դպրոցի ավարտական դասարանի 24 աշակերտներին՝ նրանց շնորհելով Գավառի Սուրբ Աստվածածին եկեղեցում օրհնված խորհրդանշական զանգերը և հաջողություններ մաղթելով հետագա ուսումնառության մեջ։ Գեղարքունիքի մարզպետի կողմից հրավիրված ընդունելությանը նախորդել էր Գավառի Սուրբ Աստվածածին եկեղեցում կազմակերպված օրհության կարգը, որի ժամանակ աշակերտները հիմնական դպրոցն ավարտելու կապակցությամբ ստացել էին Հայ Առաքելական եկեղեցու Գեղարքունյաց թեմի հոգևոր դասի օրհնությունը։ Հանդիպման սկզբում իններորդ դասարանի դասղեկ Մարինե Հայթյանը և տարրական դասարանների դասվար Նաիրա Վարդանյանը ներկայացրին ավարտական դասարանի աշակերտների ուսումնական հաջողությունները և ձեռքբերումները, նշելով, որ դասարանն ունեցել է բարձր առաջադիմություն, իսկ շրջանավարտները որոշել են ուսումը շարունակել Գավառի ավագ դպրոցում կամ մարզի ու մայրաքաղաքի քոլեջներում՝ ամենատարբեր մասնագիտությունների գծով։ Ապա Կարեն Սարգսյանը զրուցեց շրջանավարտների հետ, հետաքրքրվեց նրանց ընտրած մասնագիտական կողմնորոշման մասին՝ հանդիպումն ավարտելով շնորհավորանքի ու բարեմաղթանքի խոսքերով։
Թանգարանների միջազգային օրը նշվել է նաև Գեղարքունիքի մարզի թանգարաններում 18.05.2024
Մայիսի 18-ին, Թանգարանների միջազգային օրվա և «Թանգարանների գիշեր» համաեվրոպական միջոցառման շրջանակում, Գավառ քաղաքում գործող Գեղարքունիքի Երկրագիտական թանգարանում կազմակերպվել է ցուցադրություն, որի ընթացքում այցելուները հնարավորություն են ունեցել ծանոթանալու թանգարանում գործող հնագիտության, ազգային- ազգագիտության, նոր և նորագույն պատմության, դրամագիտության բաժիններում ներկայացվող ցուցանմուշների վերաբերյալ ներկայացվող պատմությանը, բաժինների աշխատակիցների կողմից տեղեկատվություն են ստացել են իրենց հետաքրքրող հարցերի վերաբերյալ։ Օրվա առթիվ ցուցադրություններ են կազմակերպվել նաև մարզի մնացած թանգարաններում, որտեղ դպրոցականները մասնակցել են նաև Վարպետաց դասերի, հանդես եկել գրական-երաժշտական կատարումներով։
Վարդենիս համայնքում անցկացվել է «Առողջ ապրելակերպը սովորություն է» իրազեկման արշավ 17.05.2024
ՀՀ առողջապահության նախարարության նախաձեռնությամբ և ԿԳՄՍ նախարարության աջակցությամբ մայիսի 17-ին Գեղարքունիքի մարզի Վարդենիս համայնքում անցկացվել է «Առողջ ապրելակերպը սովորություն է» հանրային իրազեկման արշավը, որի նպատակն է զերծ մնալ վնասակար սովորություններից հանրության շրջանում բարձրացնել իրազեկվածությունը առողջ ապրելակերպի վերաբերյալ, խրախուսել առողջ սննդի պատրաստումը, ֆիզիկական ակտիվությունը, առողջ վարքագծի ձևավորումը։ Վարդենիսում միջոցառումը կազմակերպվել է ՀՀ առողջապահության և կրթության նախարարությունների, Գեղարքունիքի մարզպետի աշխատակազմի, Վարդենիսի համայնքապետարանի, համայնքի դպրոցների միջոցով։ Ներկաներին ողջունել է Գեղարքունիքի մարզպետի տեղակալ Վահան Զարոյանը, ընդգծել իրազեկման արշավի կարևորությունը ոչ միայն նման միջոցառումների կազմակերպմամբ այլ նաև առօրյա կյանքում։․․․
Հիմնանորոգման աշխատանքներ Նորակերտ - Փոքր Մասրիկ ավտոճանապարհի 2 կմ հատվածում 16.05.2024
Հիմնանորոգվում է Տ-4-78, /Տ-4-40/ - Նորակերտ - /Մ-14/ (Փոքր Մասրիկ) ավտոճանապարհի կմ5+200-կմ7+200 հատվածը։ Նորոգվող 2կմ երկարությամբ տեղական նշանակության ավտոճանապարհն անցնում է Գեղարքունիքի մարզով։ Մինչ նորոգումը ճանապարհը գտնվում էր խիստ անբարեկարգ վիճակում‚ տասնյակ տարիներ այն չէր հիմնանորոգվել։ Այս պահին կատարվում են հողային աշխատանքներ‚ տեղադրվում է ավազակոպճային շերտ‚ կառուցվում են մայթերը‚ իջատեղեր և մուտքեր‚ տեղադրվելու են ջրահեռացման վաքեր‚ ասֆալտբետոնե ծածկ‚ ճանապարհը կահավորվելու է անվտանգության տարրերով։ Նշենք, որ շինաշխատանքներում ներգրավված են նաև տարածաշրջանի բնակիչները։ Շինաշխատանքները կատարում է «Կապավոր» ՍՊԸ-ն‚ տեխնիկական հսկողությունը՝ «Սուֆետ» ՍՊԸ-ն։ Հիմնանորոգումը ֆինանսավորվում է ՀՀ պետական բյուջեի միջոցներով‚ շինաշխատանքների պայմանագրային արժեքը՝ 345 մլն դրամ։
