Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Զորակոչիկների հերթական խումբը բանակ ճանապարհվեց Ճամբարակից 13.07.2020
Հուլիսի 13-ին Գեղարքունիքի մարզային զինվ որական կոմիսարիատի Ճամբարակի բաժանմունքից Հայոց բանակ մեկնեց նորակոչիկների հերթական խումբը։Նորակոչիկների բանակ ճանապարհելու արարողությանը մասնակցեցին Գեղարքունիքի մարզպետ Գնել Սանոսյանը, Ճամբարակ համայնքի ղեկավար Վազգեն Ադամյանը, Գեղարքունիքի մարզային զինկոմիսարիատի աշխատակիցներ, մարզի ուժային կառույցների ներկայացուցիչներ, նորակոչիկների ծնողները եւ հարազատները։ Նորակոչիկներին ողջույնի եւ բարեմաղթանքի խոսքեր հղեց մարզպետ Գնել Սանոսյանը։ «Մենք երկու երազանք ունենք. մեկ, որ դուք ծառայեք ողջ ու առողջ եւ երկրորդ,որ տուն վերադառնաք փառքով ու պատվով ։ Սիրելի նորակոչիկներ, դուք հասակ եք առել մի տարածաշրջանում, որտեղ լավ գիտեն, թե ինչ է նշանակում սահմանների պաշտպանությունը։ Մենք առավել քան համոզված ենք, որ դուք քաջաբար կպաշտպանեք հայրենի երկրի սահմանները, իրար նեցուկ կլինեք ծառայության ընթացքում, հեռու կմնաք միջանձնային հարաբերություններ պարզելու արատավոր սովորույթից։ Սիրելի ծնողներ, ուզում եմ բոլորիդ հավատացնել, որ օր օրի բարելավվում են զինծառայության.
Գեղարքունիքի մարզպետն այցելեց Աղբերք բնակավայրի ջրատարի շինարարական տեղամաս 13.07.2020
Հուլիսի 13-ին Գեղարքունիքի մարզպետ Գնել Սանոսյանն այցելեց Շողակաթ համայնքի Աղբերք բնակավայրում իրականացվող ջրատարի արտաքին ցանցի կառուցման շինարարական տեղամաս: Ինչպես տեղում ներկայացրեց Շողակաթ համայնքի ղեկավար Սուլիկո Շուշանյանը, Աղբերքի ջրատարի արտաքին ցանցը կառուցվում է ՀՀ կառավարության կողմից իրականացվող սուբվենցիոն ծրագրերի շրջանակներում: Այն ներառված է Շողակաթ համայնքի Դրախտիկ եւ Ջիլ բնակավայրերի ջրամատակարման համակարգերի կառուցման մեկ ընդհանուր փաթեթում: Ծրագրով երեք բնակավայրերում նախատեսվում է կառուցել խմելու ջրատարի արտաքին ու ներքին ցանցեր՝ 5500 գծամետր երկարությամբ: Ծրագրի պայմանագրային արժեքը կազմել է մոտ 40 միլիոն 983 հազար դրամ: Շինարակական աշխատանքների մեկնարկը տրվել է 2020 թվականի հունիսի 22-ին, Աղբերքից: Կառուցվող խմելու ջրատարի արտաքին ցանցն ունի 3200 գծամետր երկարություն եւ շուրջ 8 լիտր վայրկյան հզորություն: Ջիլում կառուցվող խմելու ջրատարի արտաքին ցանցն ունի 500 մետր երկարություն եւ շուրջ 10 լիտր վայրկյան հզորություն: Դրախտիկում խմելու ջրատարի ներքին ցանցը կառուցվելու է 1800 գծամետր երկարությամբ, երեք թաղամասերում: Այն սպասարկելու է շուրջ 60 տնտեսության: «Այս ծրագրի իրականացման արդյունքում երեք բնակավայրերում էլ հիմնովին կարգավորվում է ջրամատակարարման խնդիրը, որն առկա է եղել տասնամյակների ընթացքում: Այսօրվա դրությամբ Աղբերքում արդեն իրականացվել է շինարարական աշխատանքների մոտ 80 տոկոսը: Աղբերքում խմելու ջրի մատակարարման համակարգ չկա, մարդիկ ջուրը բերում էին մոտակա բնակավայրերից կամ աղբյուրներից: Նախորդ տարում այստեղ սուբվենցիոն ծրագրով կառուցվեց խմելու ջրատարի ներքին ցանց, իսկ այս ծրագրով հիմնովին լուծում է տրվում խմելու ջրի մատակարարման խնդրին: Աղբերքում շինարարությունն ավարտելուց հետո շինարարական աշխատանքներն իրականացնող «Շահարտ» կազմակերպությունը աշխատանքները կշարունակի Ջիլում, այնուհետ՝ Դրախտիկում: Շինարարությունը կավարտվի առաջիկա երեք ամիսների ընթացքում: Առհասարակ, վերջին երկու տարիների ընթացքում Աղբերքում սուբվենցիոն կամ պետական այլ ծրագրերով նկատելի շինարարական աշխատանքներ են իրականացվել ամենատարբեր ոլորտներում: ՀՀ էկոնոմիկայի նախարարության կողմից իրականացվող «Համայնքների գյուղատնտեսական ռեսուրսների կառավարման եւ մրցունակության ծրագրի» շրջանակներում Աղբերքի գյուղատնտեսական կոոպերատիվը ստացել է նորագույն գյուղտեխնիկա, ջրարբիացվել են արոտները հարյուրավոր հեկտարների վրա, նախատեսվում է կառուցել հովվի տնակ եւ մակաղատեղի: Սուբվենցիոն ծրագրերի շրջանակներում կառուցվել է լուսավորության ցանց, հանդիսությունների սրահ: Մարզպետարանի աջակցությամբ հիմնանորոգման աշխատանքներ են իրականացվել դպրոցում: Քայլ առ քայլ լուծում ենք տալիս համայնքում կուտակված բազմապիսի հիմնախնդիրներին»,-ներկայացրեց համայնքի ղեկավարը: Բարդ տեղանքում ծանոթանալով աշխատանքների ընթացքին՝ մարզպետ Գնել Սանոսյանը քաջալերեց շինարարներին՝ որակյալ եւ արագացված տեմպերով շինարարություն իրականացնելու համար: Մարզպետն անդրադարձավ նաեւ Աղբերքում իրականացված ծրագրերին եւ մյուս հիմնախնդիրների հետ կապված հետագա քայլերին: «Աղբերքում նախորդ տարվա մեր այցի ընթացքում բնակիչները բարձրացրեցին երեք առանցքային հարց, որոնցից առաջինը վերաբերում էր խմելու ջրի մատակարարմանը, երկրորդը՝ դպրոցի շենքի անբարեկարգ վիճակին եւ երրորդը՝ գյուղ մտնող ճանապարհի հիմնանորոգմանը: Այսօրվա դրությամբ բարձրացված խնդիրներից երկուսը լուծված են, մնում է գյուղ մտնող ճանապարհի խնդիրը: Բնական է, որ այս տարի ճանապարհը չենք հասցնի հիմնանորոգել, քանի որ այս պահին ընթանում է Շողակաթ-Վարդենիս միջպետական ճանապարհի հիմնանորոգման խոշոր ծրագիրը, որտեղ պետության կողմից ներդրվել է 1 միլիարդ 800 միլիոն դրամ: Այդ ճանապարհը կենսական նշանակություն ունի նաեւ Շողակաթ համայնքի բոլոր բնակավայրերի, այդ թվում՝ Աղբերքի բնակիչների համար: Այս տարի Աղբերք մտնող ճանապարհը գրունտային հարթեցման կենթարկվի Շողակաթ համայնքին պետության կողմից տրամադրված տեխնիկաների միջոցով, իսկ եկող տարվա կամ մոտակա ժամանակների ընթացքում կփորձենք միջոցներ գտնել ճանապարհի հիմնանորոգման համար»,-նշեց մարզպետը: Գնել Սանոսյանը դիտարկեց նաեւ Սեւան-Շորժա-Վարդենիս միջպետական նշանակության ճանապարհի 20 կիլոմետրանոց հատվածում ընթացող շինարարական աշխատանքները: Ծրագրով նախատեսված է հիմքի եւ երկշերտ ասֆալտբետոնյա ծածկի, 5 կամրջի եւ 7 կամրջային անցումների կառուցում, 15 հազար 225 մետր երկարության մետաղական արգելապատնեշի տեղադրում, կահավորում, գծանշում: Միայն ասֆալտի երկրորդ շերտի տեղադրումը կընդգրկի 144 հազար քառակուսի մետր մակերես, որին կգումարվի եւս 4500 քառակուսի մետրը՝ մուտքերում եւ ուղիներում: Ինչպես ներկայացրեցին շինարարության պատասխանատուները՝ շինարարական աշխատանքները մեկնարկել են այս տարվա հունիսի կեսերից: Արդեն տեղադրվել է ասֆալտի ներքին շերտը 7 կիլոմետր երկարությամբ, ամրացվել են կամուրջները: Աշխատանքները հուլիսի 13-ի դրությամբ իրականացվել են մոտ 20 տոկոսով:
Գեղարքունիք համայնքի 12 փողոցներում կանցկացվի գիշերային լուսավորության համակարգ 10.07.2020
Գեղարքունիքի մարզի Գեղարքունիք գյուղում ՀՀ կառավարության կողմից իրականացվող սուբվենցիոն ծրագրերի շրջանակներում կկառուցվի լուսավորության ցանց՝ ավելի քան 4 կիլոմետր երկարությամբ: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տվյալներով՝ Գեղարքունիքի լուսավորության ցանցի կառուցման նախնական ընդհանուր արժեքը կազմում է 18 միլիոն 972 հազար դրամ, որի 65 տոկոսը կամ 12 միլիոն 322 հազար դրամը հատկացնում է ՀՀ կառավարությունը, 35 տոկոսը կամ 6 միլիոն 650 հազար դրամը՝ Գեղարքունիքի համայնքապետարանը: Գեղարքունիք համայնքի ղեկավար Արայիկ Աբրահամյանի հավաստմամբ՝ շինարարական աշխատանքների մրցույթը կհայտարարվի առաջիկայում: «Ծրագրի իրականացման արդյունքում տեղադրվելու է 134 լուսատու եւ հենսայուն: Լուսավորության ցանցը կառուցվում է համայնքի Կարեն Դեմիրճյան, Վազգեն Սարգսյան, Նժդեհ, Պ. Սեւակ, Ս. Գրիգորյան, Սարալանջի, Իսահակյան, Հ. Ավետիսյան, Վ. Ստեփանյան, Գետափի, Հ. Շիրազ եւ Զորավար Անդրանիկ փողոցներում եւ աշխատելու է ԼԵԴ համակարգով: Համայնքը սրանով ունենում է մոտ 80 տոկոսի չափով լուսավորություն»,-ներկայացրեց համայնքի ղեկավարը:
Գեղհովիտում կընդարձակվի լուսավորության ցանցը 10.07.2020
Գեղարքունիքի մարզի Գեղհովիտ համայնքում ՀՀ կառավարության կողմից իրականացվող սուբվենցիոն ծրագրերի շրջանակներում այս տարվա ընթացքում կկառուցվի լուսավորության ցանց՝ 5877 մետր ընդհանուր երկարությամբ: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տվյալներով՝ Գեղհովիտի լուսավորության ցանցի կառուցման նախնական ընդհանուր արժեքը կազմում է 29 միլիոն 300 հազար դրամ, որի 65 տոկոսը կամ 19 միլիոն 45 հազար դրամը հատկացնում է ՀՀ կառավարությունը, 35 տոոկսը կամ 10 միլիոն 255 հազար դրամը՝ Գեղհովիտի համայնքապետարանը: Գեղհովիտ համայնքի ղեկավար Վարդան Պողոսյանի հավաստմամբ՝ շինարարական աշխատանքների մրցույթը հայտարարված է եւ գտնվում է արդյունքների ամփոփման փուլում: «Լուսավորության ցանցը կառուցվում է համայնքի երկրորդական փողոցներում՝ թիվ 5 փողոցի մի քանի նրբանցքներում, թիվ 3 եւ 6 փողոցներում: Տեղադրվելու է 191 լուսատու: Այս ծրագրի իրականացման արդյունքում Գեղհովիտը լուսավորված կլինի կիսով չափ:Մնացած թաղամասերի լուսավորման խնդիրը կլուծենք փուլերով, առաջիկա տարիներին, նույն սուբվենցիոն ծրագրերի շրջանականերում»,-ներկայացրեց համայնքի ղեկավարը:
Գեղարքունիքի մարզի Մարտունի քաղաքում ՀՀ կառավարության կողմից իրականացվող սուբվենցիոն ծրագրերի շրջանակներում այս տարի 4 մանկապարտեզների շենքերում կիրականացվեն հիմնանորոգման եւ ջրատաքացուցիչների տեղադրման, համայնքապետարանի եւ ենթակա 4 հիմնարկների շենքերի կարիքների համար՝ արեւային ֆոտովոլտային կայանի կառուցման աշխատանքներ: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տվյալներով՝ Մարտունի քաղաքի 4 մանկապարտեզների շենքերի նորոգման եւ ջրատաքացուցիչների տեղադրման ծրագրի նախնական ընդհանուր արժեքը կազմում է շուրջ 18 միլիոն դրամ, որի 65 տոկոսը կամ 11 միլիոն 700 հազար դրամը հատկացնում է ՀՀ կառավարությունը, 35 տոկոսը կամ 6 միլիոն 300 հազար դրամը՝ Մարտունու համայնքապետարանը: Մարտունու համայնքապետարանի շենքի տանիքին արեւային ֆոտովոլտային կայանի տեղադրման ծրագրի նախնական ընդհանուր արժեքը կազմում է ,,,
Մեծ Մասրիկում կլուսավորվի 7 փողոց 09.07.2020
Գեղարքունիքի մարզի Մեծ Մասրիկ համայնքում ՀՀ կառավարության կողմից իրականացվող սուբվենցիոն ծրագրերի շրջանակներում այս տարի կլուսավորվի երկրորդական նշանակության 7 փողոց՝ 5,5 կլիոմետր ընդհանուր երկարությամբ: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տվյալներով՝ Մեծ Մասրիկի լուսավորության ցանցի կառուցման ծրագրի նախնական ընդհանուր արժեքը կազմում է շուրջ 23 միլիոն դրամ, որի 65 տոկոսը կամ 14 միլիոն 950 հազար դրամը հատկացնում է ՀՀ կառավարությունը, 35 տոկոսը կամ 8 միլիոն 50 հազար դրամը՝ Մեծ Մասրիկի համայնքապետարանը:Մեծ Մասրիկ համայնքի ղեկավար Արմեն Ասատրյանի հավաստմամբ՝ շինարարական աշխատանքների մրցույթն արդեն հայտարարված է: «Այս ծրագրի իրականացմամբ Մեծ Մասրիկը լուսավորված կլինի գրեթե իր բոլոր թաղամասերով: Լուսավորության ցանցը կառուցվելու է ԼԵԴ համակարգով: Համայնքում այժմ ընթանում է մեկ այլ կարեւոր սուբվենցիոն ծրագիր՝ մշակույթի տան նոր շենքի կառուցումը, որի մեկնարկը տրվել էր դեռ նախորդ տարվանից: Ծրագրի պայմանագրային արժեքը կազմում է 150 միլիոն դրամ: Այս պահի դրությամբ արդեն կառուցվում է շենքի տանիքը, իսկ մինչեւ տարեվերջ ծրագիրը կհասցվի ավարտի»,-նշեց համայնքի ղեկավարը:
