Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գավառում ընթանում են վեց փողոցների լուսավորության ցանցի կառուցման աշխատանքներ 25.08.2020
Գավառ քաղաքի վեց փողոցներում այս տարվա հուլիսի կեսերից մեկնարկել եւ ընթանում են լուսավորության ցանցի կառուցման աշխատանքները: Ինչպես տեղեկացրին Գավառի քաղաքապետարանի աշխատակազմից, շինարարական աշխատանքներն ընթանում են ՀՀ կառավարության կողմից իրականացվող սուբվենցիոն ծրագրերի շրջանակներում: Լուսավորության ցանցը կառուցվում է Կարեյան, Բարեկամության, Պետրովի, Ղամարյան Եղբայրների, Կահիրեի, Գրիգոր Նարեկացու փողոցներում եւ Ազատության փողոց 2-րդ նրբանցքում: Ծրագրի պայմանագրային արժեքը կազմում է 19 միլիոն 300 հազար դրամ, որի 60 տոկոսը կամ 11միլիոն 580 հազար դրամը հատկացրել է ՀՀ կառավարությունը, 40 տոկոսը կամ 7 միլիոն 720 հազար դրամը՝ Գավառի համայնքապետարանը: Աշխատանքներն իրականացնում է «ԷՆՔԱՂՇԻՆ» ՍՊԸ-ն: « Այս փողոցների վրա են գտնվում համայնքային, պետական կազմակերպություններ եւ շուրջ 1300 առանձնատներ, որոնցում բնակվում են շուրջ 4500 մարդ...
Կայացավ Գեղարքունիքի մարզային զորակոչային հանձնաժողովի հերթական նիստը 25.08.2020
Գեղարքունիքի մարզային հանձնաժողովի հերթական նիստի օրակարգում քննության առնվեցին ամառային զորակոչի անցկացման փուլերի, տարկետումների, զորակոչի աշխատանքներին ներգրավված կազմակերպությունների համագործակցության արդյունավետության բարձրացման հետ կապված հարցեր: Նիստը վարեց Գեղարքունիքի մարզային հանձնաժողովի նախագահ, Գեղարքունիքի մարզպետ Գնել Սանոսյանը: Ինչպես ներկայացրեց ՀՀ ՊՆ Գեղարքունիքի մարզային զինկոմիսարիատի ներկայացուցիչը, օգոստոսի 25-ի դրությամբ արդեն գերակատարվել է զորակոչի պլանը, իսկ մինչեւ զորակոչի ավարտը այդ թիվը զգալիորեն կավելանա: ՀՀ ՊՆ զորակոչային եւ զորահավաքային ծառայության Գեղարքունիքի մարզային ստորաբաժանման կողմից նիստի քննարկմանը ներկայացվեց 22 գրություն: Զեկուցման համաձայն՝ ութ հոգի ընդգրկված են «Պատիվ ունեմ» ծրագրում, 9 հոգի տարկետում են խնդրել՝ կապված միջնակարգ դպրոցներն ավարտելու գործընթացի հետ: Ամառային զորակոչը Գեղարքունիքում կավարտվի օգոստոսի 31-ին:
Ընդլայնվել է անպտղության բուժման եւ արհեստական բեղմնավորման պետական ծրագրից օգտվող շահառուների ցանկը 24.08.2020
ՀՀ կառավարության որոշմամբ այսուհետ անպտղության բուժման եւ արհեստական բեղմնավորման պետական ծրագրից օգտվելու իրավունք ունեն նաև ՀՀ Գեղարքունիքի մարզի սահմանամերձ բնակավայրերի 2 տարի եւ ավելի անպտղություն ունեցող (բացարձակ ցուցումների դեպքում՝ առանց 2 տարվա սահմանափակման) անզավակ զույգերը: Շահառուները պետք է միաժամանակ բավարարեն հետևյալ լրացուցիչ պահանջներին` 1) ամուսինները կամ ամուսիններից մեկը հանդիսանում է ՀՀ քաղաքացի և ամուսնությունը գրանցված է ՀՀ օրենսդրությամբ սահմանված կարգով, 2) կինը պատկանում է 20-35 (ներառյալ) տարիքային խմբին։ Հիշեցնենք, որ Գեղարքունիքի մարզի սահմամերձ բնակավայրերն են՝ Ճամբարակ եւ Վարդենիս քաղաքները, Արծվաշեն, Վահան, Թթուջուր, Արտանիշ, Ջիլ, Կուտական, Վերին Շորժա, Ծափաթաղ, Փամբակ, Դարանակ, Գեղամասար, Ավազան, Արփունք, Նորաբակ, Կութ, Արեգունի, Կախակն, Տրետուք, Շատվան գյուղերը: Այս ծրագրից օգտվելու իրավունք ունեն նաև Գեղարքունիքի մարզի բոլոր բնակավայրերի զինծառայողները կամ զինծառայողներին հավասարեցված անձինք, հաշմանդամության կարգ ունեցողները, ընտանեկան նպաստ ստացող 30.01 և ավելի բարձր անապահովության միավոր ունեցող նպաստառուները: Ծրագրում ընդգրկվելու համար շահառուները պետք է դիմեն ՀՀ Գեղարքունիքի մարզպետարանի առողջապահության և սոցիալական ապահովության վարչություն՝ հեռ․ 060 65 06 23։
Հիմնանորոգվում է Գավառի մշակույթի տան շենքի մի հատվածը 21.08.2020
Արդեն երկու շաբաթ է, ինչ Գավառ քաղաքում ՀՀ Կառավարության կողմից հաստատված սուբվենցիոն ծրագրերի շրջանակներում հիմնանորոգման աշխատանքներ են ընթանում մշակույթի տան շենքի մի հատվածում: Ինչպես տեղեկացրին Գավառի քաղաքապետարանի աշխատակազմից, կատարվում է շենքի ձախակողմյան մասնաշենքի ամբողջական հիմնանորոգում, դահլիճի հանդերձարանների եւ սանհանգույցի հիմնանորոգում: Հիմնանորոգման ընթացքում իրականացվելու է նաեւ շենքի դիմային հատվածի ապակիների ամբողջական փոխարինում: Շինարարական աշխատանքներն իրականացնում է «Քյավառ Սերվիս» ՍՊԸ-ն: Աշխատանքների պայմանագրային արժեքը կազմում է 31 միլիոն 516 հազար 500 դրամ, որի 45 տոկոսը կամ 14 միլիոն 182 հազար դրամը հատկացրել է ՀՀ կառավարությունը, 55 տոկոսը կամ 17 միլիոն 334 հազար դրամը՝ Գավառի համայնքապետարանը: Շինարարական աշխատանքները կավարտվեն այս տարվա ընթացքում:
Մեկնարկել են Մ-11-Ծովակ-Լճավան-Մաքենիս-Ախպրաձոր ճանապարհի հիմնանորոգման աշխատանքները 20.08.2020
Օգոստոսի երկրորդ կեսից արդեն ընթանում են են Ծովակ-Լճավան-Մաքենիս-Ախպրաձոր մարզային նշանակության ավտոճանապարհի հիմնանորոգման աշխատանքները: Ինչպես տեղեկացրեց Գեղարքունիքի մարզպետարանի քաղաքաշինության վարչության տրանսպորտի եւ ճանապարհաշինության բաժնի պետ Գեւորգ Խաչատրյանը, ծրագիրն ընդգրկված է Հայաստանի Հանրապետության ու Վերակառուցման եւ զարգացման միջազգային բանկի միջեւ կնքված «Կենսական նշանակության ճանապարհային ցանցի բարելավման ծրագրի երկրորդ լրացուցիչ ֆինանսավորում» վարկային համաձայնագրի շրջանակներում: Հիմնանորոգվող ճանապարհի երկարությունը կազմում է 14,5 կլիոմետր, որից շուրջ 6 կիլոմետրը՝ բնակավայրերի ներսում: Ասֆալբետոնյա շերտի տեղադրման մակերեսն ընդգրկելու է շուրջ 68 հազար քառակուսի մետր: Ծրագրի պայմանագրային արժեքը կազմում է 1 միլիարդ 224 միլիոն 800 հազար դրամ: Շինարարական աշխատանքներն իրականացնում է «Կապավոր» ՍՊԸ-ն: «Նախատեսվում է իրականացնել ճանապարհի հիմքի տեղադրման, միաշերտ ասֆալտբետոնյա ծածկի, ջրահեռացման համակարգի,բնակավայրերում՝ մայթերի կառուցման, կահավորման եւ գծանշման աշխատան
Մեկնարկել է Սեւան-Գոմաձոր-Ցամաքաբերդ միջհամայնքային ճանապարհի շինարարությունը 20.08.2020
Սեւան քաղաքի համար մեկնարկում է ճանապարհաշինական ամենակարեւոր ծրագրերից մեկը, որին բնակիչները սպասել են տասնամյակների ընթացքում: Ինչպես տեղեկացրեցին Գեղարքունիքի մարզպետարանի քաղաքաշինության վարչությունից, ծրագիրն ընդգրկված է Հայաստանի Հանրապետության ու Վերակառուցման եւ զարգացման միջազգային բանկի միջեւ կնքված «Կենսական նշանակության ճանապարհային ցանցի բարելավման ծրագրի երկրորդ լրացուցիչ ֆինանսավորում» վարկային համաձայնագրի շրջանակներում: Ծրագրի շրջանակներում, ի թիվս Հանրապետության 12 ճանապարհների, վերականգնվելու է նաեւ Մ-4 Ցամաքաբերդ-Գոմաձոր 5,3 կիլոմետրանոց ճանապարհահատվածը։Շինարարական աշխատանքներն իրականացնում է «Ճանապարհ» ՍՊԸ-ն: Աշխատանքները ներառում են գոյություն ունեցող ենթահիմքի քանդում եւ նոր ենթահիմքի կառուցում, նոր խճային հիմքի կառուցում, հարթեցնող շերտի տեղադրում, ասֆալտբետոնե շերտի տեղադրում եւ այլ աշխատանքներ։ Ջրահեռացումն ապահովելու համար նախատեսված է նոր խողովակների տեղադրում, հների նորոգում, նախատեսված է նաեւ հենապատերի նորոգում: Հետիոտնի անվտանգությունն ապահովելու համար նախատեսվում են մայթեր եւ արհեստական խոչընդոտների կառուցում: Կտեղադրվեն արգելափակոցներ, կիրականացվեն գծանշումներ: Հիշյալ ճանապարհահատվածը, որն ունի կարեւորագույն նշանակություն, տասնամյակներ շարունակ եղել է համայնքային առաջնահերթություններից մեկը: Ծրագրի իրականացման պայմանագրային արժեքը կազմում է 801 միլիոն դրամ: Այժմ ընթանում են հողային աշխատանքներ: Շինարարական աշխատանքները նախատեսված է ավարտել 8 ամսվա ընթացքում: Ասֆալտապատվող շերտի մակերեսը կկազմի շուրջ 37 հազար քառակուսի մետր:
