Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Գեղարքունիքի մարզպետի խոսքը ուղղված մարզի բնակչությանը 10.10.2020
Գեղարքունիքի մարզի սիրելի հայրենակիցներ, արդեն 14-րդ օրն է , ինչ հայ ժողովուրդը Արցախյան ճակատում հերոսամարտեր է մղում ադրբեջանաթուրքական բանակի դեմ՝ խափանելով նրա բոլոր գրոհները եւ ահաբեկչական ծրագրերը: Մեր բանակի մարտիկները հրաշքներ են գործում՝ անասելի սխրանքների գնով ջախջախելով թշնամու բանակային կազմավորումները: Նրանց շարքերում նաեւ մեր մարզի հերոս զավակներն են, որոնց անուններն արդեն փառքով են գրվել մեր պատմության մեջ: Անշուշտ, մեծ նվիրումով ու կազմակերպվածությամբ է գործում նաեւ թիկունքը, որտեղ ամեն քայլ կատարվում է հաշվարկված, արդյունավետ ու մի ընդհանուր նպատակի շուրջ համախմբված: Ձեր նվիրաբերումների շնորհիվ թիկունքից ռազմաճակատ են հասցվում պահանջվող քանակի սնունդ, հագուստ, կենցաղային անհրաժեշտ պարագաներ, տեխնիկական միջոցներ, որով ավելի է ամրապնդվում թե առաջնագիծը, թե կենաց-մահու պայքարի մեջ գտնվող արցախահության վճռականությունը հաղթանակի հանդեպ: Հայրենանվիրության ձեռնարկներ այս օրերին կատարում են ոչ միայն մեր մարզի բնակիչները, այլ նաեւ արտերկրում մեր մարզը...
ՀՀ առողջապահության նախարարությունը տեղեկացնում է 09.10.2020
Սիրելի' հայրենակիցներ, վերջին օրերին համայն հայության ողջ ուշադրությունը սևեռված է Ադրբեջանի կողմից սանձազերծված լայնածավալ պատերազմի հետևանքով ստեղծված իրավիճակին: Կենաց-մահու կռիվ է, և այս համատեքստում մյուս խնդիրները մղվում են հետին պլան: Սակայն պետք է ողջամիտ լինել և չթուլանալ: Այս օրհասկան պահին խիստ կարևոր է չկորցնել զգոնությունը, անտարբերության չմատնել դեռևս աշխարհում, այդ թվում` Հայաստանում COVID-19-ով պայմանավորված համաճարակային իրավիճակը: Օրեցօր ավելացող հիվանդացության դեպքերը փաստում են, որ այն ոչ մի կերպ չի նահանջել, ավելին` Հայաստանի ողջ տարածքում վերջին օրերին դիտվում է կորոնավիրուսային հիվանդության նկատելի աճ` պատերազմի պայմաններում ավելացնելով առողջապահական համակարգի ծանրաբեռնվածությունը և, ցավոք սրտի, խլում կյանքեր: Սիրելի' ժողովուրդ, անգամ այս լարվածության մեջ անհրաժեշտ է խստիվ պահպանել հակահամաճարակային կանոնները: Կրկին ու կրկին կոչ ենք անում լինել ավելի զգոն, շարունակել կրել դիմակ...
Ուշադրություն 08.10.2020
Հարգելի՛ քաղաքացիներ, ՀՀ արտակարգ իրավիճակների նախարարությունը տեղեկացնում է, որ տարբեր համայնքներում իրականացվում են ազդարարման էլեկտրաշչակների վերանորոգման և տեխնիկական զննման աշխատանքներ: Այդ ընթացքում հնարավոր են ձայնարձակումներ: Խնդրում ենք չանհանգստանալ և խուճապի չմատնվել: ՀՀ արտակարգ իրավիճակների նախարարություն
ՏԵՂԵԿԱՏՎՈւԹՅՈՒՆ 06.10.2020
Հայաստանի Հանրապետության Գեղարքունիքի մարզպետարանը տեղեկացնում է, որ Հայաստանի Հանրապետության Գեղարքունիքի մարզպետարանի գլխավոր քարտուղարի 2020 թվականի հոկտեմբերի 05-ի Ներքին մրցույթների անցկացումը կասեցնելու մասին N 1071-Ա հրամանով կասեցվել են հետևյալ ներքին մրցույթներին մասնակցելու համար դիմում ներկայացնելու գործընթացը և ներքին մրցույթների անցկացումը՝ 1. Առողջապահության և սոցիալական ապահովության վարչության պետ (ծածկագիր՝ 94-1.5-Ղ4-1). 2. Առողջապահության և սոցիալական ապահովության վարչության սոցիալական ապահովության բաժնի պետ (ծածկագիր՝ 94-1.5-Ղ5-3). 3. Տեղական ինքնակառավարման և հանրապետական գործադիր մարմինների հարցերով վարչության հանրապետական գործադիր մարմինների տարածքային ստորաբաժանումների գործունեության համակարգման բաժնի գլխավոր մասնագետ (ծածկագիր՝ 94-1.6-Մ2-5). 4. Տեղական ինքնակառավարման և հանրապետական գործադիր մարմինների հարցերով ...
Հայտարարություն 06.10.2020
Ի՞նչ անել, եթե մարզերից կենտրոնական հավաքակայան եք ուղևորվում և ունեք տեղափոխման խնդիր Վերջին մեկ տարվա ընթացքում բանակից զորացրված քաղաքացիները հավաքվում են իրենց մարզերի զինկոմիսարիատների մոտ։ Իրենց մեքենայով աջակցություն ցուցաբերելու պատրաստակամություն ունեցող քաղաքացիները նույնպես հավաքվում են մարզային զինկոմիսարիատի մոտ Եթե պահպանել եք զինվորական համազգեստը, կարող եք միանգամից ներկայանալ զինվորական հագուստով Մարզպետարանի պատասխանատուի աջակցությամբ կազմակերպվում է զինվորագրվող քաղաքացիների տեղափոխումը Երևանի կենտրոնական հավաքակայան Գործընթացը կլինի շուրջօրյա, կհամակարգվի մարզպետարանի/ համայնքապետարանի կողմից Գեղարքունիքի մարզում անհրաժեշտության դեպքում դիմել Գեղարքունիքի մարզպետարան, Տիգրան Հակոբյանին, հեռ․՝ (093) 70 03 01
ՏԵՂԵԿԱՏՎՈւԹՅՈՒՆ 06.10.2020
Հայաստանի Հանրապետության Գեղարքունիքի մարզպետարանը տեղեկացնում է, որ 2020 թվականի հոկտեմբերի 8-ին՝ ժամը 11:00-ին, Հայաստանի Հանրապետության Գեղարքունիքի մարզի Վարդենիսի պոլիկլինիկա պետական փակ բաժնետիրական ընկերության տնօրենի թափուր պաշտոնը զբաղեցնելու համար անցկացվող մրցույթը՝ Հայաստանի Հանրապետությունում ռազմական դրությամբ պայմանավորված, կասեցվել է մինչև ռազմական դրության ավարտը: Տեղեկացվում է նաև, որ Հայաստանի Հանրապետությունում ռազմական դրության ավարտից հետո Հայաստանի Հանրապետության Գեղարքունիքի մարզի Վարդենիսի պոլիկլինիկա պետական փակ բաժնետիրական ընկերության տնօրենի թափուր պաշտոնը զբաղեցնելու համար անցկացվող մրցույթը վերսկսելու վերաբերյալ տեղեկատվությունը կհրապարակվի: ՀՀ ԳԵՂԱՐՔՈՒՆԻՔԻ ՄԱՐԶՊԵՏԱՐԱՆ
