Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետարանում տեղի ունեցավ քաղաքացիների ընդունելություն 10.11.2021
Նոյեմբերի 10-ին Գեղարքունիքի մարզպետարանում մարզպետ Կարեն Սարգսյանը կատարեց քաղաքացիների ընդունելություն, որին մասնակցում էին մարզպետարանի գլխավոր քարտուղարը և մարզպետի օգնականները: Ընդունելության եկած քաղաքացիները դիմեցին դրամական օգնություն ստանալու, սոցիալական նպաստից օգտվելու, վթարային վիճակում գտնվող բնակարանների վերանորոգման, բազմաբնակարան շենքի տանիքի թարմացման, բնակարանի սեփականության իրավունքի ապահովման, վառելիքի ձեռքբերման, աշխատանքի տեղավորման, կոմունալ-կենցաղային խնդիրների լուծման և այլ հարցերով: Քաղաքացիների կողմից բարձրացրած հարցերի մի մասին տեղում տրվեց բավարար պատասխան, իսկ լրացուցիչ ուսումնասիրություն պահանջող հարցերին պատասխան կտրվի օրենքով սահմանված կարգով:
Հայաստանի Հանրապետության ու Վերակառուցման և զարգացման եվրոպական բանկի միջև ստորագրված «Կոտայքի և Գեղարքունիքի մարզերի կոշտ կենցաղային թափոնների կառավարման ծրագրի» իրականացման համաձայնագրի շրջանակում Հրազդանի վարչական տարածքում կկառուցվի ԵՄ չափանիշներին համապատասխան սանիտարական աղբավայր՝ անհրաժեշտ բոլոր ենթակառուցվածքներով: Երկու մարզի բնակավայրերում կներդրվի աղբահանության արդյունավետ համակարգ, Կոտայքի մարզի Ակունք և Գեղարքունիքի մարզի Մարտունի համայնքներում կկառուցվեն աղբի փոխաբեռնման կայաններ։ Ծրագրի իրականացման նախապատրաստական աշխատանքները արդյունավետ կազմակերպելու նպատակով նախաձեռնող կողմի առաջարկով նոյեմբերի 8-ին Գեղարքունիքի մարզպետ Կարեն Սարգսյանն ընդունեց «Կոտայքի և Գեղարքունիքի մարզերի կոշտ կենցաղային թափոնների կառավարման ծրագրի» իրականացման աշխատանքներում ներգրավված «Sweco» միջազգային...
ՀՀ կառավարության աջակցությամբ սալիկապատման աշխատանքներ են իրականացվել Ակունք համայնքում 09.11.2021
ՀՀ կառավարության 2021 թվականի հուլիսի 22-ի N 1210 որոշմամբ՝ մարզում առաջնահերթ լուծում պահանջող հիմնախնդիրների լուծմանն ուղղված ֆինանսական միջոցներով սալիկապատվել են Գեղարքունիքի մարզի Ակունք համայնքի Բարեկամության փողոցի մայթեզրերը և ասֆալտապատվել է փողոցի այն հատվածը, որը անձրևային օրերին գտնվում էր անանցանելի վիճակում՝ ջրափոսերի գոյացման պատճառով:
Գեղարքունիքի մարզի Ծաղկաշեն համայնքում ձեռամբ Հայ Առաքելական եկեղեցու Գեղարքունյաց թեմի առաջնորդական տեղապահ Տեր Պարթեւ վարդապետ Բարսեղյանի եւ աջակցությամբ Գեղարքունյաց թեմի հոգեւոր դասի օրհնվեց Արցախյան 44-օրյա պատերազմում հերոսացած ծաղկաշենցիներ Գոռ Ներսիսյանի եւ Վասակ Գասպարյանի հիշատակին կանգնեցված խաչքար- հուշարձանը։ Խաչքար-հուշարձանի բացման եւ օրհնության արարողությանը մասնակցեցին Գեղարքունիքի մարզպետի տեղակալ Ռուբիկ Նավոյանը, Գեղարքունիքի մարզային զինկոմիսարիատի աշխատակիցներ, Արցախյան 44-օրյա պատերազմի մասնակից ծաղկաշենցիներ, զոհված հերոսների ծնողները եւ հարազատները, համայնքի բնակիչներ: Արցախյան 44-օրյա պատերազմում զոհված ծաղկաշենցիներին նվիրված խաչքար-հուշարձանը պատրաստվել է համայնքի ղեկավարի պաշտոնակատար Սեւակ Կարապետյանի նախաձեռնությամբ ու անձնական միջոցներով, Ստյոպա Գետչյանի քանդակագործությամբ։ Այն տեղադրվել է Ծաղկաշենի Սուրբ Աստվածածին եկեղեցու բակում։...
Պետական աջակցությամբ ասֆալտապատվել է Նորատուսի N1 միջնակարգ դպրոցի բակը 08.11.2021
Սույն թվականի հոկտեմբեր ամսին ՀՀ կառավարության 2021 թվականի հուլիսի 22-ի N 1210 որոշմամբ՝ մարզում առաջնահերթ լուծում պահանջող հիմնախնդիրների լուծմանն ուղղված ֆինանսական միջոցներով լուծվել է Նորատուսի N1 միջնակարգ դպրոցի բակի ալֆալտապատման խնդիրը: Ասֆալտապատվել է դպրոցի դարպասից մինչև մուտքը ընկած տարածությունը, որը տարիների ընթացքում քանդվել էր՝ անձրևային օրերին աշակերտների և ուսուցիչների համար դառնալով անանցանելի:
Նոյեմբերի 5-ին Գեղարքունիքի մարզպետարանում տեղի ունեցավ Սեւանի ջրավազանային կառավարման պլան»-ի նախագծի հանրային երրորդ քննարկումը, որը վարեց Գեղարքունիքի մարզպետի տեղակալ Ռուբիկ Նավոյանը։ Քննարկմանը մասնակցեցին «Ի ՍԻ Ի Քաուքազուս» ՍՊ ընկերության փորձագետներ, Գեղարքունիքի մարզպետարանի գյուղատնտեսության եւ բնապահպանության վարչության աշխատակիցներ, «Սեւան Ազգային պարկ»-ի եւ «Գեղարքունիք» ՋՕԸ ներկայացուցիչներ։ Սեւանի ջրավազանային կառավարման պլանի նախագծի՝ շրջակա միջավայրի վրա ազդեցության ռազմավարական գնահատման հաշվետվությունը ներկայացրին «Ի ՍԻ Ի Քաուքազուս» ՍՊ ընկերության փորձագետներ Ալեքսանդր Առաքելյանը եւ Մարինե Ոսկանյանը։ Ինչպես նշեցին բանախոսները, Սեւանի ջրավազանային կառավարման պլանի նախագիծը մշակվել է Եվրամիության կողմից ֆինանսավորվող «ԵՄ Ջրային նախաձեռնություն` պլյուս Արեւելյան գործընկերության երկրների համար» ծրագրի շրջանակներում։
