Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Դեկտեմբերի 9-ին Գեղարքունիքի մարզպետ Կարեն Սարգսյանն ընդունեց Գերմանիայի Դաշնային Հանրապետության Միջազգային Համագործակցության Ընկերության ծրագրերի ղեկավար Օլգա Վայգելին, տեխնիկական ինժեներ Կրիստիան Շտերցին, փորձագետ Ֆրանկ Սամոլին, «EU-4 Sevan» ծրագրի թիմի ղեկավար Ալեքսանդր Առաքելյանին, նույն ծրագրի խորհրդական Էդգար Փիրումյանին և Գեղարքունիքի մարզային համակարգող Վարազդատ Սարգսյանին։ Հանդիպման ընթացքում կողմերը քննարկեցին «EU-4 Sevan» ծրագրի իրականացման արդյունքների, Գեղարքունիքի մարզպետի աշխատակազմի և Գերմանիայի Միջազգային Համագործակցության Ընկերության միջև հաստատված համագործակցության ընթացքի ու շարունակման հետ կապված հարցեր։ Շնորհակալության հայտնելով ծրագրի թիմին ընդունելու և ծավալված համագործակցության համար՝ Օլգա Վայգելը նաև տեղեկացրեց, որ իրենց կողմից ներդրվելու է Գեղարքունիքի մարզում ջրային ռեսուրսների և կեղտաջրերի կառավարման ոլորտին ուղղված նոր ծրագիր, որը լինելու է «EU-4 Sevan» ծրագրի տրամաբանական շարունակությունը։․․․
ՀՀ ՏԿԵ նախարար Դավիթ Խուդաթյանը և Գեղարքունիքի մարզպետ Կարեն Սարգսյանը Ճամբարակ համայնքի ղեկավար Վազգեն Ադամյանի ուղեկցությամբ մշտադիտարկում իրականացրին համայնքի շինհրապարակներում։ Մշտադիտարկման առաջին կանգառը Ճամբարակ քաղաքի Գարեգին Նժդեհ փողոցի մուտքի շինհրապարակում էր, որտեղ ՀՀ կառավարության կողմից հատկացված 63 միլիոն 622 հազար դրամի հաշվին ընթանում են քաղաք մտնող մուտքի հենապատի հիմնանորոգման և վնասված կամրջի կառուցման աշխատանքները։ Նախարար Դավիթ Խուդաթյանը և մարզպետ Կարեն Սարգսյանը զրուցեցին շինարարարների հետ, համայնքի ղեկավարի հետ քննարկեցին Գարեգին Նժդեհ փողոցի ամբողջական հիմանորոգման ու այլ ծրագրերի իրականացման հետ կապված հարցեր։ Ճամբարակի Գարեգին Նժդեհ փողոցի հենապատը և կամուրջը վնասվել են այս տարվա հունիսի վերջին գրանցված հորդառատ տեղումների պատճառով։․․․
ՀՀ ՏԿԵ նախարար Դավիթ Խուդաթյանը և Գեղարքունիքի մարզպետ Կարեն Սարգսյանը նորակառույց 4 տների բանալիները հանձնեցին շահառուներին՝ Սոթք գյուղի բնակիչներ Հովակիմ Աբրահամյանին, Լյովա Բազոյանին, Ստանիսլավ Գալստյանին և Արաքսյա Առուստամյանին, որոնց տները հիմնովին քանդվել էին 2022 թվականի սեպտեմբերին՝ ադրբեջանական ռազմական ագրեսիայի արդյունքում։ Հրետակոծության արդյունքում քանդված 4 բնակարանները հիմքից կառուցվել ու բնակարանատերերին են հանձնվել ՀՀ պետբյուջեի կողմից տրամադրած միջոցների հաշվին։ Շինարարական աշխատանքների ընդհանուր արժեքը կազմում է 120 միլիոն 66 հազար 500 դրամ։ Աշխատանքները մեկնարկել են 2023 թվականի նոյեմբերից և ավարտվել 2024 թվականի նոյեմբերին։ Ողջույնի և շնորհավորանքի խոսքերով հանդես եկան ՀՀ ՏԿԵ նախարար Դավիթ Խուդաթյանը և Գեղարքունիքի մարզպետ Կարեն Սարգսյանը։,․․․
Հարգանքի տուրք՝ Սպիտակի ավերիչ երկրաշարժի անմեղ զոհերի հիշատակին 07.12.2024
Այսօր լրանում է Սպիտակի աղետալի երկրաշարժի 36-րդ տարելիցը։ 1988թ. դեկտեմբերի 7-ին` տեղական ժամանակով ժամը 11:41 րոպեին, Հայաստանը ցնցվեց Սպիտակի ավերիչ երկրաշարժից: Գեղարքունիքի մարզպետ Կարեն Սարգսյանը մարզպետի աշխատակազմի և Գավառի համայնքապետարանի ղեկավար կազմերի հետ ծաղկեդրմամբ հարգանքի տուրք մատուցեց Գավառի Սուրբ Աստվածածին եկեղեցու բակում տեղադրված՝ երկրաշարժի զոհերի հիշատակը հավերժացնող հուշաքարին, ապա Սուրբ Աստվածածին եկեղեցում մասնակցեց Գեղարքունյաց թեմի հոգևոր դասի կողմից մատուցված հոգեհանգստյան կարգին։ Այսօր մենք ոգեկոչում ենք արհավիրքին զոհ գնացած մեր եղբայների ու քույրերի հիշատակը, սփոփանքի ու քաջալերանքի խոսք ենք ուղղում բոլորին, ովքեր վերապրել են 1988 թվականի դեկտեմբերյան օրերը, ում հարազատների ու մերձավորների կյանքն է խլել սարսափելի աղետը:
Գեղարքունիքի մարզպետ Կարեն Սարգսյանը ՀՀ ՏԿԵ նախարարությունում մասնակցել է ՀՀ տարածքային կառավարման և ենթակառուցվածքների նախարարին կից Լեռնային Ղարաբաղից բռնի տեղահանվածների աջակցման հարցերով ձևավորված հասարակական խորհրդի հերթական նիստին, որը վարում էր ՏԿԵ նախարար Դավիթ Խուդաթյանը: ՏԿԵ նախարար, խորհրդի նախագահ Դավիթ Խուդաթյանը ողջունել է խորհրդի անդամներին և համոզմունք հայտնել, որ Խորհրդի անդամների ջանքերի համախմբումը կհանգեցնի տեսանելի արդյունքների, և կկարողանան ապահովել տեղահանված հայրենակիցների կյանքի որակի բարձրացում։ Նիստի օրակարգում ընդգրկված էր 2 հարց։ Զեկուցվող առաջին հարցը վերաբերվում էր զբաղվածության ապահովման պետական աջակցության ծրագրերին։ Հարցը ներկայացրել է ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանը։ Երկրորդ հարցը վերաբերվում էր ԼՂ-ից բռնի տեղահանված ընտանիքների բնակարանային ապահովման պետական աջակցության ծրագրի ընթացիկ իրավիճակին, որը զեկուցեց Աննա Ժամակոչյանը։․․․
Գեղարքունիքի մարզպետ Կարեն Սարգսյանը խորհրդակցություն անցկացրեց մարզի հիվանդանոցների տնօրենների հետ 05.12.2024
Դեկտեմբերի 4-ին Գեղարքունիքի մարզպետ Կարեն Սարգսյանը խորհրդակցություն անցկացրեց մարզում հիվանդանոցային ծառայություններ իրականացնող բուժհիմնարկների տնօրենների հետ։ Խորհրդակցության ընթացքում Կարեն Սարգսյանը Մարտունու, Գավառի, Սևանի, Վարդենիսի ԲԿ-ների և Ճամբարակի առողջության կենտրոնի տնօրենների հետ քննարկեց բուժհիմնարկներում գոյացած ազատ միջոցներով տեխնիկական նոր վերազինումների իրականացման խնդիրը։ Մարզպետը հանձնարարեց` սեղմ ժամկետներում գույքագրել տեխնիկական վերազինումների հետ կապված առաջնահերթություններն ու կարիքները, հիվանդանոցային ծառայությունների մատուցումից գոյացած ազատ միջոցները և հայտարարել համապատասխան մրցույթներ` նոր տեխնիկական վերազինումների համար, որոնց շնորհիվ բուժհիմնարկներում կստեղծվեն հավելյալ նոր եկամուտներ ունենալու հնարավորություն, որով և կապահովվի նրանց շարունակական զարգացումը։․․․
