Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ժամկետային զինծառայողներին հետմահու պետական պարգևներ շնորհվեցին 16.07.2021
Արցախի Հանրապետության նախագահի հրամանագրով` Արցախյան44-օրյա պատերազմի ընթացքում ցուցաբերած խիզախության եւ արիության համար հետմահու «Մարտական ծառայություն» մեդալով է պարգեւատրվել ժամկետային զինծառայող, Մարտունի համայնքի բնակիչ Դերենիկ Արմենի Օհանյանը: ՀՀ նախագահի հրամանագրով՝ Արցախյան44-օրյա պատերազմի ընթացքում ցուցաբերած խիզախության եւ արիության համար հետմահու «Մարտական ծառայություն» մեդալով է պարգեւատրվել ժամկետային զինծառայող,Ծաղկաշեն համայնքի բնակիչ Վասակ Ատոմի Գասպարյանը: Հուլիսի 15-ին Գեղարքունիքի մարզպետարանի և Հ ՊՆ Զ և ԶՀԾ Գեղարքունիքի մարզային ստորաբաժանման Գավառի և Մարտունու բաժանմունքների պատասխանատուները պարգևները հանձնեցին հերոս զինծառայողների ծնողներին: Հիշատակի, սփոփանքի և մեծարման խոսքեր հնչեցրին Գեղարքունյաց թեմի հոգևոր դասի ներկայացուցիչները:
Գեղարքունիքի մարզպետն ընդունեց ՀՀ աշխատանքի և սոցիալական հարցերի նախարարության ներկայացուցիչներին 16.07.2021
Հուլիսի 16-ին Գեղարքունիքի մարզպետարանում կայացավ հանդիպում ՀՀ Գեղարքունիքի մարզպետ Գնել Սանոսյանի, ՀՀ աշխատանքի և սոցիալական հարցերի նախարարի պարտականությունները կատարող Նարեկ Մկրտչյանի, ՀՀ աշխատանքի և սոցիալական հարցերի նախարարի տեղակալներ Ռուբեն Սարգսյանի, Տաթևիկ Ստեփանյանի և Աննա Ժամակոչյանի միջև: Հանդիպման ընթացքում նախարարը և մարզպետը համատեղ քննարկեցին վերակազմավորման արդյունքում արդեն ձևավորված միասնական սոցիալական ծառայությունների գործունեության ոլորտին վերաբերող հարցեր, որոնք կնպաստեն ծառայությունների գործունեության արդյունավետությունը ապահովելու կարգին։ Քննարկումների ընթացքում պայմանավորվածություն ձեռք բերվեց` համագործակցված աշխատանք իրականացնել մարզպետարանի, մարզի համայնքների և միասնական սոցիալական տարածքային ծառայությունների միջև՝ համայնքներում ոլորտին վերաբերող հարցերին և խնդիրներին ավելի արդունավետ լուծում տալու համար: Հանդիպման ընթացքում կողմերը քննարկեցին նաեւ մարզպետարանի լիազորությունների շրջանակներում սոցիալական դեպքերի վարման, խնամակալության և հոգաբարձության...
Գեղարքունիքի մարզում կայացավ ամառային զորակոչի հերթական փուլը 15.07.2021
Հուլիսի 15-ին ՀՀ ՊՆ Զ և ԶՀԾ Գեղարքունիքի մարզային ստորաբաժանման Գավառի բաժանմունքում անցկացվեց 2021 թվականի ամառային զորակոչի հերթական փուլը, որի ընթացքում Հայոց բանակ ճանապարհվեցին տարածաշրջանում բժշկական վերջնական զննություն անցած զորակոչի ենթակա երիտասարդներ: Գավառի բաժանմունքի մարդաշատ բակում տիրում էր տոնական տրամադրություն, նորակոչիկների հրազատները, ընկերներն ու բարեկամները համախմբվել էին հայրենասիրության գաղափարի շուրջ. «Հայրենիքի պաշտպանությունը սրբազան պարտք է և այն պետք է կատարել մեծ նվիրումով ու պատասխանատվությամբ: Թող տղաները բարով գնան, խաղաղ ծառայեն ու փառքով վերադառնան իրենց հայրենի օջախները»,- հնչեցրին նորակոչիկների ծնողներն ու հարազատները: Զորակոչի արարողությանը ներկա էին Գեղարքունիքի մարզպետարանի, ՀՀ ՊՆ Զ և ԶՀԾ Գեղարքունիքի մարզային ստորաբաժանման Գավառի բաժանմունքի ներկայացուցիչներ: Նորակոչիկների օրհնության կարգ կատարեց Սարուխան համայնքի հոգեւոր հովիվ Տեր Ներսես քահանա Սահակյանը:
Երանոսում կասֆալտապատվեն մի շարք փողոցներ 15.07.2021
Գեղարքունիքի մարզի Երանոս համայնքում ՀՀ կառավարության կողմից իրականացվող սուբվենցիոն ծրագրերի շրջանակներում նախատեսվում է մի շարք փողոցների ասֆալտապատում՝ 700 գծամետր երկարությամբ եւ 3500 քառակուսի մետր մակերեսով։ Ծրագրի նախնական ընդհանուր արժեքը կազմում է 48 միլիոն 346 հազար դրամ, որի 45 տոկոսը կամ 21 միլիոն 755 հազար դրամը հատկացնում է ՀՀ կառավարությունը, 55 տոկոսը կամ 26 միլիոն 590 հազար դրամը՝ Երանոսի համայնքապետարանը։ Շինարարական աշխատանքների մրցույթը կհայտարարվի առաջիկայում։
Հուլիսի 15-ին Գեղարքունիքի մարզպետարանում հյուրընկալվեցին ֆրանսիական «Ալե Էգայան» պարային համույթի տնօրեն Բրունո Միաշուն , նույն համույթի գեղարվեստական ղեկավար Միշել Ալե Էգայան և Ֆրանս-ֆորմասիոն ինտերնասիոնալ կազմակերպության տնօրեն Լիլյա Շալունցը: Գեղարքունիքի մարզպետարանում նրանց ընդունեցին Գեղարքունիքի մարզպետի տեղակալներ Նարեկ Մանուկյանը, Ռուբիկ Նավոյանը, Գեղարքունիքի մարզպետարանի գլխավոր քարտուղար Սևակ Խլղաթյանը և մարզպետարանի զարգացման ծրագրերի, զբոսաշրջության և վերլուծության բաժնի պետ Վարդուհի Մնացականյանը: Հանդիպման ընթացքում ֆրանսիացի հյուրերը խոսեցին այն ծրագրի մասին, որը առաջիկա օրերի ընթացքում «Ալե Էգայան» պարային համույթի կողմից նախատեսվում է ներկայացնել հանդիսատեսին: « Գեղարքունիքի մարզ-Իզերի դեպարտամենտալ խորհուրդ ապակենտրոնացված համագործակցության շրջանակներում Իզերի դեպարտամենտի հրավերով «Ալե Էգայան» ընկերությունն աշխատել է «Մի ընձյուղ է դուրս գալու» ներկայացման ստեղծման վրա` Սենտ-Անտուան-լ’Աբբեիի թանգարանի ծրագրի շրջանակներում: Այն պատմում է արևելքի և արևմուտքի...
Տեղի ունեցավ Գեղարքունիքի մարզային միասնական առցանց հարթակի բացման արարողությունը 14.07.2021
Հուլիսի 13-ին Գեղարքունիքի մարզի Լ․ Քալանթարի անվան դրամատիկական թատրոնի դահլիճում տեղի ունեցավ Գեղարքունիքի մարզային միասնական առցանց հարթակի բացման արարողությունը։ Արարողությանը մասնակցում էին Գեղարքունիքի մարզպետարանի, մարզի կրթության, մշակույթի, առռղջապահության ոլորտների կազմակերպությունների, քաղաքացիական հասարակության, հոգևոր դասի և ԶԼՄ ներկայացուցիչներ։ Գեղարքունիքի մարզային միասնական հարթակի ստեղծման նախաձեռնությունը Գեղարքունիքի մարզպետարանինն է, որը կյանքի է կոչվել «Ֆրեդերիխ էբերտ» հիմնադրամի հայաստանյան մասնաճյուղի ֆինանսական աջակցությամբ և «Լուսին Մոբայլ» ընկերության մշակմամբ։ Բացման խոսքում Գեղարքունիքի մարզպետ Գնել Սանոսյանը շնորհակալություն հայտնեց հարթակի ստեղծման աշխատանքներն իրականացնող անձանց և կազմակերպություններին՝ նախաձեռնությունը հաջողությամբ կյանքի կոչելու համար: Մարզպետը կարևորեց նման հարթակի գործունեությունը մարզում՝ հույս հայտնելով, որ այն կնպաստի օգտատեր կազմակերպությունների միջև համագործակցությանը և մարզը բազմակողմանիորեն ճանաչելի կդարձնի:...
