Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Գնել Սանոսյանն անցկացրեց հերթական աշխատանքային խորհրդակցությունը 04.12.2020
Դեկտեմբերի 4-ին Գեղարքունիքի մարզպետ Գնել Սանոսյանը մարզպետարանի աշխատակազմի հետ անցկացրեց հերթական աշխատանքային խորհրդակցությունը՝ քննարկելով մի շարք կազմակերպչական եւ աշխատանքային հարցեր։ Գնել Սանոսյանը նախ մարզպետարանի աշխատակազմին ներկայացրեց Գեղարքունիքի մարզպետի նորանշանակ տեղակալ Հենրիկ Մուրադյանին։ «Ձեզ հայտնի է, որ Հայաստանի Հանրապետության Վարչապետի հոկտեմբերի 29-ի որոշմամբ Հենրիկ Մուրադյանը նշանակվել է ՀՀ Գեղարքունիքի մարզպետի տեղակալ: Պարզապես, ելնելով պատերազմական իրավիճակից, նրան՝ աշխատակազմին ենք ներկայացնում այսօր։ Պարոն Մուրադյանը Արցախյան ազատամարտի մասնակիցներից է, որոշակի ավանդ ունի մեր երկրի բանակաշինության գործում, երկար տարիներ աշխատել է ՀՀ Պաշտպանության նախարարության համակարգում, իսկ վերջին տարիներին վարել է ...
Ֆրանսիայի Իզերի դեպարտամենտը աջակցություն է տրամադրել Հայաստան համահայկական հիմնադրամին 04.12.2020
Ֆրանսիայի Հանրապետության Իզերի դեպարտամենտը 50 հազար եվրո դրամաշնորհ է տրամադրել Հայաստան համահայկական հիմնադրամին՝ Արցախից տեղահանված և Գեղարքունիքի մարզում ապաստանած բնակիչներին հրատապ օգնություն ցուցաբերելու նպատակով։ Ինչպես տեղեկացրեցին Գեղարքունիքի մարզպետարանի զարգացման ծրագրերի, զբոսաշրջության և վերլուծության բաժնից, այս մասին ՀՀ Գեղարքունիքի մարզպետին հատուկ նամակով ծանուցել է Իզերի դեպարտամենտալ խորհրդի նախագահ Ժան-Պիեռ Բարբիեն, միաժամանակ հավաստիացնելով, որ շարունակվելու են 2019 թվականին Գեղարքունիքի մարզպետարանի և Իզերի դեպարտամենտալ խորհրդի միջև վերահաստատված ծրագրերի իրագործումը՝ կրթության, առողջապահության եւ զբոսաշրջության ոլորտներում։ Պատասխան նամակով Գեղարքունիքի մարզպետ Գնել Սանոսյանը հայտնել է...
Աստղաձորում ավարտվել է Զորավար Անդրանիկ փողոցի ասֆալտապատումը 02.12.2020
Գեղարքունիքի մարզի Աստղաձոր գյուղում ՀՀ կառավարության կողմից իրականացվող սուբվենցիոն ծրագրերի շրջանակներում ավարտվել է Զորավար Անդրանիկ եւ 21-րդ փողոցների ասֆալտապատումը։ Գեղարքունիքի մարզպետարանի քաղաքաշինության վարչության տվյալներով, ծրագրի ընդհանուր արժեքը կազմել է 90 միլիոն 485 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Աստղաձորի համայնքապետարանը: Շինարարական աշխատանքները մեկնարկել են այս տարվա օգոստոսին եւ ավարտվել նոյեմբերի վերջերին։ Ասֆալտապատման աշխատանքներ են իրականացվել Զորավար Անդրանիկ եւ 21-րդ փողոցներում՝ շուրջ 1300 գծամետր երկարությամբ եւ 6500 քառակուսի մետր մակերեսով: Զորավար Անդրանիկ փողոցն ասֆալտապատվել է 700, 21-րդ փողոցը՝ 600 գծամետր երկարությամբ: Այս պահի դրությամբ Աստղաձորի Զորավար Անդրանիկ փողոցում սուբվենցիոն մեկ այլ ծրագրով ընթանում են լուսավորության ցանցի կառուցման աշխատանքներ։
Նոյեմբերին Գեղարքունիքի մարզի բուժհաստատություններում ծնվել է 197 երեխա 02.12.2020
2020 թվականի նոյեմբեր ամսին Գեղարքունիքի մարզի բուժհաստատություններում ծնվել է 197 երեխա՝ 107 տղա եւ 90 աղջիկ։ Ինչպես տեղեկացրեցին Գեղարքունիքի մարզպետարանի առողջապահության եւ սոցիալական ապահովության վարչությունից, 108 ծնունդ գրանցվել է Մարտունու ծննդատանը, 34-ը՝ Գավառի, 24-ը՝ Սեւանի բժշկական կենտրոններում, 23-ը՝ Վարդենիսի հիվանդանոցում, 8-ը՝ Ճամբարակի առողջության կենտրոնում։
Վարդենիս համայնքի Այրք բնակավայրում ավարտվել է խմելու ջրատարի արտաքին ցանցի կառուցումը 01.12.2020
Գեղարքունիքի մարզի Վարդենիս համայնքի Այրք բնակավայրում ՀՀ կառավարության կողմից իրականացվող սուբվենցիոն ծրագրերի շրջանակներում ավարտվել է 8 կիլոմետր երկարության խմելու ջրատարի արտաքին ցանցի կառուցումը: Ինչպես տեղեկացրեցին Գեղարքունիքի մարզպետարանի քաղաքաշինության վարչությունից, Այրք բնակավայրի խմելու ջրատարի արտաքին ցանցի կառուցման ծրագրի պայմանագրային արժեքը կազմել է 45 միլիոն 849 հազար դրամ, որի 70 տոկոսը կամ 32 միլիոն 94 հազար դրամը հատկացրել է ՀՀ կառավարությունը, 30 տոկոսը կամ 13 միլիոն 754 հազար դրամը՝ Վարդենիսի համայնքապետարանը: Այս ծրագրի իրականացմամբ Այրքում հիմնովին լուծում է ստացել խմելու ջրի շուրջօրյա մատակարարման խնդիրը։
ՅՈՒՆԻՍԵՖ-ն աջակցում է արցախցի դպրոցականներին 26.11.2020
ՅՈՒՆԻՍԵՖ-ն աջակցում է ՀՀ կառավարությանը՝ մշակել և իրագործել բարեփոխումներ, որոնք ուղղված են Հայաստանում երեխաների իրավունքների իրացման խոչընդոտների վերացմանը՝ հատուկ ուշադրություն դարձնելով ամենակարիքավոր և խոցելի երեխաներին: Մարտունի համայնքում Արցախի Հանրապետությունից ժամանած փախստական երեխաներին աջակցելու նպատակով ՅՈՒՆԻՍԵՖ-ի կողմից տրամադրվել են դպրոցական պայուսակներ և գրենական պիտույքներ: Մարտունու համայնքապետարանի վերահսկողությամբ նշված աջակցությունը բաժանվում է արցախցի դպրոցահասակ երեխաներին՝ խրախուսելով նրանց կյանքում կրթության կարևորությունը և դերը: Նաև, համայնքում կազմակերպվում և վերահսկվում է ԱՀ-ից ժամանած փախստական երեխաների կրթության իրավունքի իրացման գործընթացը:
