Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզում ներկայացվեց «Մանր եղջերավոր կենդանիների համարակալման և հաշվառման ծրագիրը» 27.06.2024
Հունիսի 27-ին ՀՀ Էկոնոմիկայի նախարարության աշխատակազմի սննդի անվտանգության վարչության պետ Մելանյա Կարապետյանը և «Գյուղատնտեսական ծառայությունների կենտրոն» ՊՈԱԿ տնօրեն Գառնիկ Հովհաննիսյանը Գեղարքունիքի մարզպետի աշխատակազմի վարչական շենքում ներկայացրին ՀՀ կառավարության կողմից իրականացվող «Մանր եղջերավոր կենդանիների համարակալման և հաշվառման ծրագիրը» և ծրագրի միջոցառումների կատարման ժամանակացույցը։ Գեղարքունիքի մարզպետի աշխատակազմում հրավիրված հանդիպմանը մասնակցեցին բնակավայրերի վարչական ղեկավարներ, տնտեսավարողներ և անասնաբույժներ, Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության վարչության ներկայացուցիչներ, մարզի համայնքապետարանների աշխատակազմերի գյուղատնտեսության ոլորտի պատասխանատուներ։․․․
ՀՀ կառավարության 2024 թվականի հունիսի 27-ի հերթական նիստում որոշում է կայացվել 60 միլիոն դրամ հատկացնել Գեղարքունիքի մարզի Մարտունի համայնքի Մարտունի քաղաքի, Ծովինար, Ծակքար, Ձորագյուղ բնակավայրերի մշակույթի տների գույքի ձեռբերման համար։ Մարտունի համայնքի մշակույթի տունը վերանորոգվել է 2008 թվականին՝ Լինսի հիմնադրամի միջոցներով։ Փոխվել է շենքի տանիքը, կատարվել են ներքին հարդարման աշխատանքներ։ Ծովինար բնակավայրի մշակույթի տան կապիտալ վերանորոգման աշխատանքները մեկնարկել են 2020 թվականից։ Աշխատանքներն իրականացվում են սուբվենցիոն ծրագրերի շրջանակներում, որի համար 2020 թվականին հատկացվել է 10 միլիոն 534 հազար, 2021 թվականին՝ 12 միլիոն 295 400 հազար, 2022 թվականին՝ 19 միլիոն 980 հազար դրամ։․․․
Գավառ համայնքից Հայոց բանակ ճանապարհվեց նորակոչիկների հերթական խումբը 27.06.2024
Հունիսի 27-ին ՀՀ ՊՆ Զ և ԶՀԾ Գեղարքունիքի մարզային ստորաբաժանման Գավառի բաժանմունքից Հայոց բանակ ճանապարհվեց Գավառ համայնքի նորակոչիկների առաջին խումբը։ Զորակոչի արարողությանը մասնակցեցին Գեղարքունիքի մարզպետի տեղակալ Ջանիկ Բազեյանը, ՀՀ ՊՆ Զ և ԶՀԾ Գեղարքունիքի մարզային ստորաբաժանման Գավառի բաժանմունքի պետ Վանիկ Գոզեյանը, Գավառ համայնքի ղեկավարի տեղակալ Գրիգոր Բոշյանը, Գեղարքունիքի մարզպետի աշխատակազմի, Գավառի համայնքապետարանի, ուժային կառույցների ներկայացուցիչներ, նորակոչիկների ծնողներ և հարազատներ։ Հանդիպման ընթացքում Գեղարքունիքի մարզպետի տեղակալ Ջանիկ Բազեյանն օրվա առիթով շնորհավորեց նորակոչիկներին՝ նրանց մաղթելով խաղաղ և ապահով ծառայություն, միաժամանակ շեշտելով, որ հայ զինվորի համազգեստը կրելը մեծ պատիվ ու հպարտություն է, հայրենիքի պաշտպանությունը՝ սուրբ պարտականություն։․․․
Հայոց բանակ ճանապարհվեցին Սևան համայնքի նորակոչիկները 27.06.2024
ՀՀ ՊՆ զորակոչային և զորահավաքային համալրման ծառայության Գեղարքունիքի տարածքային ստորաբաժանման Սևանի բաժնմունքում հաշվառված նորակոչիկները Սևան քաղաքից և հարակից բնակավայրերից էին: Նորակոչիկներն անցան բժշկական զննություն, իրականացվեցին վերջին փաստաթղթային գործողություններ։ Զորակոչի արարողության մասնակցում էին Գեղարքունիքի մարզպետի աշխատակազմի տարածքային վարչության պետ Վանիկ Հարությունյանը, մարզպետի աշխատակազմի,Սևանի համայնքապետարանի, ՀՀ ՊՆ Զ և ԶՀԾ Սևանի տարածքային բաժանմունքի ներկայացուցիչներ, նորակոչիկներ ծնողներն ու հարազատները։ Վերջիններս օրվա առիթով շնորհավորեցին, խաղաղ և ապահով ծառայություն մաղթեցին նորակոչիկներին, հույս հայտնելով, որ նրանք բարեխղճորեն ու պարտաճանաչ կերպով կկատարեն իրենց առջև դրված պարտականությունները և բարձր կպահեն իրենց հայրենիքի ու հայ զինվորի պատիվը։․․․
ՀՀ կառավարության 2024 թվականի հունիսի 27-ի հերթական նիստում որոշում է կայացվել 140 միլիոն 847,6 հազար դրամ հատկացնել Տ-4-57, /Մ-11/ (Վարդենիս)-Այրք-Ներքին Շորժա և Տ-4-42, /Տ-4-57/-Վերին Շորժա մարզային նշանակության ավտոճանապարհների կոպճային ծածկով անցանելիության ապահովման աշխատանքների համար, որի արդյունքում կապահովվի 14 կիլոմետր ընդհանուր երկարության մարզային նշանակության ճանապարհի անցանելիությունը։ Նշված գումարից 138 միլիոն 1 հազար դրամը կհատկացվի շինարարական աշխատանքների, 1 միլիոն 900 հազար դրամը՝ տեխնիկական հսկողության և 830 հազար դրամը՝ հեղինակային հսկողության համար։ Ճանապարհաշինական աշխատանքները նախատեսվում է սկսել և ամբողջությամբ ավարտել ընթացիկ տարում։
ՀՀ կառավարության 2024 թվականի հունիսի 27-ի հերթական նիստում որոշում է կայացվել պետական բյուջեից 32 միլիոն 316,4 հազար դրամ հատկացրել Մարտունի համայնքի Ծովասար բնակավայրի և 43 միլիոն 134,9 հազար դրամ՝ Վարդենիկ բնակավայրի Բանավան թաղամասի թիվ 1 մանկապարտեզների շենքերը գույքով ապահովելու և մեկ մանկապարտեզի կառուցման համար։ Մարտունի համայնքի Ծովասար բնակավայրի մանկապատեզի կառուցման աշխատանքները մեկնարկել են 2019 թվականին։ Սուբվենցիոն ծրագրերի շրջանակներում մանկապարտեզի կառուցման համար ծախսվել է 202 միլիոն դրամ։ Շինարարական աշխատանքներն ավարտվել են նույն տարվա վերջին։ Մարտունի համայնքի Վարդենիկ բնակավայրի Բանավան թաղամասի թիվ 1 մանկապարտեզի հիմնանորոգման ծրագիրը մեկնարկել է
