Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ կառավարության 2025 թվականի օգոստոսի 28-ի հերթական նիստում որոշում է կայացվել ՀՀ Գեղարքունիքի մարզին հատկացնել 340 միլիոն 996,1 հազար դրամ՝ շենքի և ճանապարհների հիմնանորոգման, ջրահավաք ավազանի և խորքային հորի կառուցման աշխատանքների իրականացման համար։ Այդ թվում․ 5 միլիոն 341,5 հազար դրամ՝ Ճամբարակ համայնքի թիվ 5 մանկապարտեզի 1-ին հարկի և ցանկապատի վերանորոգման ու 3-րդ մանկապարտեզի մասնաշենքի հիմնանորոգում /թիվ 3 մանկապարտեզ-լրացուցիչ/ ծրագրի համար․ 141 միլիոն 341,0 հազար դրամ՝ Գավառ համայնքի Գավառ քաղաքում, Նորատուս, Կարմիրգյուղ, Գանձակ, Սարուխան, Հայրավանք, Ծովազարդ, Լճափ, Գեղարքունիք բնակավայրերում ասֆալտապատման աշխատանքների իրականացում /Գավառ քաղաքում (Դեմիրճյան փողոց), Հացառատ և Արծվաքար թաղամասերում, Նորատուս, Կարմիրգյուղ, Գանձակ, Սարուխան (Անդրանիկի փողոց), Հայրավանք, Ծովազարդ և Լճափ բնակավայրերում / ծրագրի համար․․․․
ՀՀ աշխատանքի և սոցիալական հարցերի նախարարությունը տեղեկացնում է 28.08.2025
Սեպտեմբերի 1-ից կգործի Ժամանակավոր անաշխատունակության և մայրության նպաստների հաշվարկման, նշանակման և վճարման նոր համակարգ։ Նոր կարգավորումներով՝ թղթային անաշխատունակության թերթիկներ այլևս չեն լինելու։ Անաշխատունակության դեպքում (այդ թվում՝ հղիության և ծննդաբերության հիմքով բացված) անձը դիմելու է համապատասխան բժշկական կազմակերպություն, իր անվամբ ստեղծվելու է էլեկտրոնային անաշխատունակության թերթիկ, որը մշակվելու և հասանելի է լինելու գործընթացին մասնակից կողմերի համար՝ սեպտեմբերի 1-ից թողարկվող համակարգի միջոցով։ Ստացված տվյալների հիման վրա ինքնաշխատ եղանակով հաշվարկվելու է նպաստը, որից հետո ՀՀ պետական բյուջեից վճարման ենթակա գումարը փոխանցվելու է վճարման, իսկ գործատուի միջոցներից վճարման ենթակա գումարի վերաբերյալ տեղեկատվությունը ՊԵԿ-ի միջոցով փոխանցվելու է գործատուին․․․
Քաղաքացիների ընդունելություն Վարդենիսում 27.08.2025
Օգոստոսի 27-ին Գեղարքունիքի մարզպետ Կարեն Սարգսյանը քաղաքացիների ընդունելություն անցկացրեց Վարդենիսի համայնքապետարանում՝ համայնքի ղեկավար Ահարոն Խաչատրյանի հետ։ Հանդիպմանը մասնակցում էին նաև՝ մարզպետի աշխատակազմի առողջապահության և սոցիալական հարցերի վարչության պետ Լուսինե Վարդանյանը, ՏԻԿ և տարածքային հարցերի վարչության պետ Վանիկ Հարությունյանը, Վարդենիսի համայնքապետարանի մշակույթի, կրթության, սպորտի և սոցիալական հարցերի բաժնի պետ Աննա Վարդանյանը։ Քաղաքացիները դիմեցին տարբեր հարցերով՝ դրամական օգնություն, բնակարանային պայմանների բարելավում, խմելու ջրի մատակարարում, առողջության վերականգնում, աշխատանքի տեղավորում, հողամասի տրամադրում, սեփականության գրանցում և ինքնակամ կառույցների օրինականացում։ Բոլոր դիմումներն ընդունվել են հաշվառման և կստանան պատասխաններ՝ օրենքով սահմանված կարգով և ժամկետներում։
ՆԳՆ շրջիկ սպասարկման գրասենյակը ծառայություն կմատուցի Գեղարքունիքի մարզում 26.08.2025
ՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով և՛ միգրացիայի և քաղաքացիության ծառայության, և՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ օգոստոսի 28-ին ժամը 11։00-16:00 ծառայություն կմատուցվի Գեղարքունիքի մարզի Ճամբարակ համայնքում՝ համայնքապետարանի հարևանությամբ։ Շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, տեղեկանքներ, իսկ ԼՂ-ից տեղահանված անձինք ՀՀ քաղաքացիություն ստանալու համար կարող են տեղում դիմումներ ներկայացնել։ Վարորդական իրավունքի ու սեփականության վկայականների, հաշվառման վկայագրի փոխանակման կամ կորստի դեպքում քաղաքացիները մոտենալով շրջիկ գրասենյակ` կարող են նորը ստանալ, օգտվել նաև հաշվառման-քննական բաժինների կողմից մատուցվող այլ ծառայություններից։...
Քայլ առ քայլ դեպի մաքուր և բարեկարգ համայնքներ 25.08.2025
«Կոտայքի և Գեղարքունիքի ԿԿԹԿ» ՍՊԸ-ն շարունակում է իրականացնել նոր աղբամանների տեղադրման ծրագիրը։ Այս անգամ մեր կանգառը Գավառ խոշորացված համայնքն է։ Արդեն մի քանի օր է՝ համայնքի գյուղերում տեղադրվում են ժամանակակից և հարմարավետ աղբամաններ։ Ներկայումս գործընթացը շարունակվում է Գավառ քաղաքի տարբեր հատվածներում։ Մեր հիմնական նպատակն է ստեղծել մաքուր և առողջ միջավայր յուրաքանչյուր բնակչի համար։ Այս նախաձեռնությունը ևս մեկ կարևոր քայլ է դեպի կանոնավոր և արդյունավետ աղբահանություն։ Գավառից դեպի մյուս բնակավայրեր․ շարունակական աշխատանքներ՝ մաքուր ու առողջ ապագայի համար։ Կոտայք և Գեղարքունիք ԿԿԹ
Սևան համայնքի 2025 թվականի սուբվենցիոն ծրագրերի շրջանակներում Սևան համայնքի Ծովագյուղ բնակավայրում իրականացվում են խմելու ջրի ցանցի վերակառուցման և Ծովագյուղ բնակավայրի՝ 1-ին փողոցի 1-ին նրբ․, 1-ին փողոցի 2-րդ նրբ., 2-րդ փողոցի մի մաս, 4-րդ փողոցի 1-ին փկղ․, 11-րդ փողոցի, 17-րդ փողոցի, 18-րդ փողոցի 1-ին նրբ․, 20-րդ փողոցի 1-ին փկղ․, 24-րդ փողոցի 1-ին, 2-րդ, 3-րդ, 4-րդ նրբանցքներ, գերեզմանների հարակից տարածքի, Աստվածընկալի տարածքի և 1-ին թաղամասի ասֆալտապատման աշխատանքները։ Համաձայն նախագծի՝ նախատեսվում է Ծովագյուղի գործող ջրագծերի 3985գծմ երկարությամբ խողովակաշարը փոխարինել և իրականացնել 4 հատ աղբյուրակապի վերանորոգում: Խմելու ջրագծի արտաքին ցանցի վերակառուցվող հատվածի շահագործման համար ոչ պիտանի պողպատե խողովակները կփոխարինվեն պոլիէթիլենե խողովակներով: Ծրագրի պայմանագրային արժեքը 37 մլն, 770 հազար դրամ է՝ պետություն-համայնք 75%-25% ներդրմամբ: Աշխատանքներն իրականացվում են «Եդեմ Գրուպ» ՍՊԸ-ի կողմից: Ընթացքի մեջ են նաև Սևան համայնքի Գագարին բնակավայրի Գայի փողոցի,...
