Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գագարինում պետական աջակցությամբ իրականացվում են առաջնահերթ լուծում պահանջող ծրագրեր 27.10.2021
ՀՀ կառավարության 2021 թվականի հուլիսի 22-ի N 1210 որոշմամբ՝ մարզում առաջնահերթ լուծում պահանջող հիմնախնդիրների լուծմանն ուղղված ֆինանսական միջոցներով տանիքաշինության հերթական ծրագիրն իրականացվեց Սևան համայնքի Գագարին գյուղում, որը պետություն-համայնք-բնակիչ համագործակցության լավագույն օրինակներից մեկն է ` Գայի փողոց 2 շենքի տանիքի ծածկի ամբողջական վերանորոգման տեսքով: Ներդրումների իրենց չափաբաժինն են կատարել նաև շենքի բնակիչները և Սևանի համայնքապետարանը: Իրականացված աշխատնքների ընդհանուր բնութագիրը` - Ազբոհերձաքարից տանիքի ծածկույթի քանդում - 850-900քմ - Տանիքի ծածկույթի պատրաստում ցինկապատ պրոֆիլավոր թիթեղից առանց փայտե կավարամածի - 850-900քմ - Սև թիթեղից ջրհորդանների և ցվիքների ապամոնտաժում - 160-170մ - Ջրհորդանի և ցվիքի պատրաստում ցինկապատ հարթ թիթեղից` առանց փայտե տախտակամածի - 160-170մ - Ձեղնահարկի լուսամուտների քանդում և նորի պատրաստում - 4 հատ - Ջրատար խողովակների ապամոնտաժում և նորի տեղադրում - 14 հատ - Մետաղական ճաղաշարի ապամոնտաժում և նորի կառուցում
2021 թվականի գարնանը կատարված ուսումնասիրությունների արդյունքում պարզվել է, որ Մարտունի-Ներքին Գետաշեն և Մ10-Ներքին Գետաշեն-Վերին, Գետաշեն-Մադինա մարզային նշանակության ավտոճանապահների Ներքին Գետաշեն և Վերին Գետաշեն համայնքներով անցնող մի քանի հատվածներում (յուրաքանչյուր ճանապարհի վրա շուրջ 320 գծամետր) ասֆալտբետոնյա ծածկը ամբողջությամբ քայքայվել է և երթևեկության համար դարձել դժվարանցանելի: Սպասարկման շրջանակներում նախատեսված ֆինանսական միջոցներով հնարավոր չէր իրականացնել վերականգնման աշխատանքներ, ուստի՝ ՀՀ կառավարության 2021 թվականի հուլիսի 22-ի N 1210 որոշմամբ՝ մարզում առաջնահերթ լուծում պահանջող հիմնախնդիրների լուծմանն ուղղված ֆինանսական միջոցներով, համայնքապետարանների կողմից կազմվել են նախահաշվային փաստաթղթեր և հայտարարվել մրցույթներ, որոնց հիման վրա կապալառու կազմակերպությունների կողմից կատարվել են ասֆալտբետոնյա ծածկի վերականգնման աշխատանքները (Ներքին Գետաշենում 750քմ, Վերին Գետաշենում 760քմ):
Վահան Զարոյանը նշանակվել է ՀՀ Գեղարքունիքի մարզպետի տեղակալ 26.10.2021
Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 9-րդ մասով՝ Հայաստանի Հանրապետության վարչապետ Նիկոլ Փաշինյանի 2021 թվականի հոկտեմբերի 26-ի 1200 - Ա որոշմամբ Վահան Զարոյանը նշանակվել է Հայաստանի Հանրապետության Գեղարքունիքի մարզպետի տեղակալ:
Ծովինար համայնքում անցկացվեց «ԹոնրաՏոն» փառատոնը 25.10.2021
«Միհր Վոյաժը», «Կէան կրթամշակութային կենտրոնը» և «Հայ խոհարարական ավանդույթների պահպանման և զարգացման» ՀԿ-ն ՀՀ Գեղարքունիքի մարզպետարանի հետ համատեղ հոկտեմբերի 23-ին Գեղարքունիքի մարզի Ծովինար համայնքում առաջին անգամ անցկացրեցին «ԹոնրաՏոն» փառատոնը։ Միջոցառման նպատակն էր՝ վեր հանել ու ներկայացնել թոնիր-հազարաշեն ծիսական կապի ողջ համակարգը, տոնածիսական կերակուրները, ծանոթացնել հացի ծեսին, տվյալ ծեսերին վերաբերվող խոհանոցին, երգ ու պարերին, խաղերին: Փառատոնի մեկնարկը տրվեց Ծովինարի Սուրբ Աստվածածին եկեղեցու բակից, որտեղ օրհնության կարգ կատարեց Գեղարքունյաց թեմի Մարտունու տարածաշրջանի հոգևոր հովիվ Տեր Գևորգ քահանա Բարսեղյանը: «Միհր վոյաժ» զբոսաշրջային և մշակութային ընկերության համահիմնադիր, փառատոնի հեղինակ Կարինե Փանոսյանը բացման խոսքում նշեց, որ փառատոնի նպատակն է հանրահռչակել, պահպանել և փրկել վաղ բրոնզի դարից հայտնի հազարաշենները՝ գերանակապ շինությունները: Նա հույս հայտնեց, որ ՀՀ կառավարությունը իր հոգածությունը կցուցաբերի հազարաշեն...
Գեղարքունիքի մարզպետն անցկացրեց աշխատանքային հերթական խորհրդակցությունը 23.10.2021
Հոկտեմբերի 22-ին Գեղարքունիքի մարզպետ Կարեն Սարգսյանը մարզպետարանի ստորաբաժանումների ղեկավարների մասնակցությամբ անցկացրեց աշխատանքային հերթական խորհրդակցությունը, որի ընթացքում անդրադարձ կատարվեց նախորդ խորհրդակցության ընթացքում մարզպետի կողմից տրված հանձնարարականների կատարման արդյունքներին։ Քննարկվեցին համայնքներում իրականացվող սուբվենցիոն ծրագրերի կատարման ժամանակ ի հայտ եկած թերությունների շտկման հետ կապված խնդիրները։ Ինչպես զեկուցեց քաղաքաշինության վարչության պետ Արմեն Զոհրաբյանը՝ նկատված թերությունները շտկելու համար շինարարներին տրվել են համապատասխան հանձնարարականներ, որի համար սահմանվել են նաև հստակ ժամկետներ։ Քննարկվեցին նաև միջպետական, հանրապետական ու մարզային նշանակության ճանապարհները կենցաղային աղբից մաքրելու, համավարակի դեմ պայքարի միջոցառումների կատարման, սուբվենցիոն նոր ծրագրերի կազմման նպատակով համայնքապետարանների հետ համագործակցության, համայնքների խոշորացման քաղաքականության թեմայով հանրային քննարկումների կազմակերպման հետ կապված հարցեր։ Անդրադառնալով հոկտեմբերի 18-19-ին Երևանում կայացած Հայ-ռուսական միջտարածաշրջանային համաժողովում Գեղարքունիքի մարզպետարանի մասնակցության արդյունքներին
Հոկտեմբերի 21-ին Գեղարքունիքի մարզպետ Կարեն Սարգսյանը մարզպետարանում ընդունեց ՄԱԿ-ի պարենի համաշխարհային ծրագրի` սննդի արժեշղթաների ծրագրերի համակարգող, Վանաձորի ենթագրասենյակի ղեկավար Վահան Առաքելյանին: Հանդիպման սկզբում Վահան Առաքելյանը խոսեց այն ծրագրերի մասին, որոնք իրականացվում են հանրապետության տարբեր մարզերում և առաջիկայում կներդրվեն նաև Գեղարքունիքում: Անդրադառնալով այցի բուն նպատակին ՄԱԿ-ի ներկայացուցիչը հանգամանալից ներկայացրեց պարենի համաշխարհային ծրագրի կողմից իրականացվող «Վերականգնվող էներգիայի հասանելիություն Հայաստանի միկրոձեռնարկությունների համար» նոր նախագիծը, որի մեկնարկը Գեղարքունիքի մարզում նախատեսվում է տալ առաջիկա օրերի ընթացքում: «Ծրագիրը սննդի արտադրության ոլորտում գործող միկրոձեռնարկություններին հնարավորություն է տալու ստանալ 30% սուբսիդավորում՝ արևային կայաններ տեղադրելու համար: Արևային կայան ստացող միկրոձեռնարկությունը որպես կանխավճար պետք է վճարի արևային կայանի արժեքի ընդամենը 10%-ը: ...
