Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Կայացավ Գեղարքունիքի մարզի խորհրդի տարեվերջյան նիստը 30.12.2021
Դեկտեմբերի 30-ին մարզպետարանում կայացավ Գեղարքունիքի մարզի խորհրդի տարեվերջյան նիստը, որը վարեց մարզպետ, մարզի խորհրդի նախագահ Կարեն Սարգսյանը։ Նիստին մասնակցեցին մարզխորհրդի անդամները, ինչպես նաև Գեղարքունիքի մարզպետի տեղակալ Վահան Զարոյանը, մարզպետարանի գլխավոր քարտուղար Սևակ Խլղաթյանը և մարզպետարանի ստորաբաժանումների ղեկավարներ։ Օրակարգային առաջին հարցի՝ տեղական բյուջեների սեփական եկամուտների հավաքագրման արդյունքների մասին զեկուցեց մարզպետարանի ֆինանսական եւ սոցիալ-տնտեսական զարգացման վարչության պետ Յուրա Մուշեղյանը։ Նա նշեց, որ 2021 թվականի դեկտեմբերի 24-ի դրությամբ մարզի համայնքների բյուջեների սեփական եկամուտները հավաքագրվել են 93,9 տոկոսով, կամ հավաքագրված գումարը կազմել է 2 միլիարդ 137 միլիոն դրամ։ Նախորդ տարվա նույն ժամանակահատվածի համեմատ սեփական եկամուտների հավաքագրման ցուցանիշն աճել է 5 տոկոսով։
ՀՀ Գեղարքունիքի մարզպետ Կարեն Սարգսյանի շնորհավորական ուղերձը Ամանորի և Սուրբ Ծննդյան տոների առթիվ 30.12.2021
Սիրելի հայրենակիցներ, ավարտվեց ևս մեկ տարի՝ լի իրադարձություններով, և տնտեսական, և քաղաքական կյանքում: Առաջին ու կարևոր հանգամանքը բոլորիս համար, անշուշտ, մեր երկրի խաղաղությունն է, որի պայմաններում մենք աստիճանաբար ոտքի ենք կանգնեցնում մեր տնտեսությունը: ՈՒ այդ պատճառով, առաջինը, որ ցանկանում եմ մաղթել ձեզ, սիրելի հայրենակիցներ, հարատև խաղաղությունն է մեր երկրում ու բոլորիդ հարկի ներքո: Նոր տարին թող ձեզնից յուրաքանչյուրի համար դառնա նաև նոր հաջողությունների ու ձեռքբերումների սկիզբ: Համոզված եմ մեզ կհաջողվի լուծել մեր պետության առջև ծառացած խնդիրները և ամրապնդել մեր պետականությունը: Այդ պարագայում է միայն հնարավոր դիմագրավել արտաքին դժվարություններն ու վտագները: Բոլորիդ մաղթում եմ ...
2021 թվականի մայիս-հունիս ամիսների ընթացքում Գեղարքունիքի մարզում կայացել են ՀՀ ԱԺ գավաթի խաղարկության ներդպրոցական, տարածքային և մարզային փուլերը, որոնց մասնակցել են մարզի բոլոր հանրակրթական դպրոցների 1-6-րդ դասարաններում սովորող ավելի քան 4000 դպրոցականներ: Ներդպրոցական և տարածքային փուլերի մրցումներին մասնակցել են 1-6-րդ, իսկ մարզային և հանրապետական փուլերի մրցումներին՝ 4-6-րդ դասարանների աշակերտներից ձևավորված թիմերը: ՀՀ ԱԺ գավաթի խաղարկության մարզային փուլում հաղթող թիմերից ձևավորվել է Գեղարքունիքի մարզի հավաքական թիմը, որի կազմում ընդգրկվել են Մարտունու Մելիք-Շահումյանցի անվան թիվ 1 հիմնական, Գավառի Պ. Ղանդիլյանի անվան թիվ 2 միջնակարգ, Մարտունու Ս. Դարբինյանի անվան թիվ 2 հիմնական դպրոցների թիմերը:,...
Կայացավ զորակոչային հանձնաժողովի հերթական նիստը 28.12.2021
Դեկտեմբերի 27-ին Գեղարքունիքի մարզպետարանում անցկացվեց զորակոչային հանձնաժողովի հերթական նիստը: Այն վարեց ՀՀ Գեղարքունիքի մարզպետ, Գեղարքունիքի մարզի զորակոչային հանձնաժողովի նախագահ Կարեն Սարգսյանը: Նիստի ընթացքում հանձնաժողովը քննարկեց ուսումնական հաստատություններում սովորողներին մինչև ուսումնական տարվա ավարտը տարկետում տալու հարցը, որի վերաբերյալ հանձնաժողովը տվեց դրական եզրակացություն: Քննարկվեց նաև 2021-2022 թվականների ձմեռային զորակոչի ընթացքին վերաբերող հարցեր, նշվեց, որ այն ընթանում է զորակոչային պլանի համաձայն: Նիստի ընթացքում Գեղարքունիքի մարզպետ, մարզի զորակոչային հանձնաժողովի նախագահ Կարեն Սարգսյանն անդրադարձավ նաև զորակոչի աշխատանքներում ընդգրկված կազմակերպությունների միջև առկա համագործակցությանը:
Ամանորի ու Սուրբ Ծննդյան տոների կապակցությամբ նոր համակարգիչներ Գավառի մանկատանը 28.12.2021
Օրերս Գեղարքունիքի մարզպետ Կարեն Սարգսյանն այցելեց Գավառի մանկատուն, ծանոթացավ պայմաններին և երեխաների համար ստեղծված հնարավորություններին, ինչի արդյունքում էլ պարզ դարձավ, որ մանկատունը ունի համակարգիչների կարիք՝ սաներին անհրաժեշտ կրթություն տալու համար։ Դեկտեմբերի 27-ին մարզպետը հերթական անգամ այցելեց մանկատան երեխաներին, նրանց հետ զրուցեց ամանորյա ծրագրերի ու միջոցառումների մասին և Ամանորի ու Սուրբ Ծննդյան տոների կապակցությամբ մարզպետարանի կողմից մանկատանը նվիրեց երեք համակարգիչ: Կարեն Սարգսյանը տեղում տնօրինության հետ զրուցեց նաև մանկատան ջեռուցման համակարգի բարելավման մասին, նշելով, որ առաջիկայում, քայլեր կձեռնարկվեն, խնդրի կարգավորման ուղղությամբ:
Համատեղ իրականացնենք ձկնորսության արգելքին վերաբերող միջոցառումների ծրագիրը 28.12.2021
2021 թվականի դեկտեմբերի 20-ից մինչև 2022 թվականի հունվարի 15-ը Սևանա լճում և Հայաստանի ողջ տարածքում իրականացվում է Սևանա լճում սիգի ձվադրման ժամանակահատվածով պայմանավորված խիստ վերահսկողության համատեղ միջոցառումների ծրագիրը: Պետական կառավարման և վերահսկողական մարմիններից բացի, կարիքը կա նաև քաղաքացիական հասարակության և բնապահպանական հանրության լայն շրջանակների աջակցության։ Ուստի, մեր հայրենակիցներին հորդորում ենք դրսևորել բարձր քաղաքացիական գիտակցություն և Սևանա լճի էկոհամակարգի ու ձկնապաշարի վերականգնման կարևոր առաքելությունն իրականացնելիս կանգնել պետության կողքին։ Ավելին՝...
