Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզի Մարտունի համայնքի Ներքին Գետաշեն գյուղում ընթացքի մեջ են թիվ 1 միջնակարգ դպրոցի նոր շենքի կառուցման աշխատանքները: Շինարարական աշխատանքների պատճառով նշված դպրոցի թվով 610 աշակերտների ուսումնական գործընթացը կազմակերպվում է գյուղի թիվ 2 միջնակարգ դպրոցում` երկրորդ հերթափոխով: 610 աշակերտներից շուրջ 125 աշակերտ դպրոց է հաճախում 3 կմ-ից ավել հեռավորությունից, որը լուրջ դժվարություն է առաջացնում նրանց համար` ժամանակին դպրոց և դպրոցից տուն հասնելու հարցում: Ելնելով ստեղծված իրավիճակից և հիմք ընդունելով Ներքին Գետաշեն գյուղի թիվ 1 միջնակարգ դպրոցի տնօրենի ներկայացրած դիմում-խնդրանքը, Գեղարքունիքի մարզպետ Կարեն Սարգսյանը համապատասխան գրությամբ դիմել է ՀՀ կրթության, գիտության, մշակույթի և սպորտի նախարարին և ստացել համաձայնություն` դպրոցի տնտեսված միջոցների հաշվին տրանսպորտային կազմակերպության հետ պայմանագիր կնքելու և աշակերտների տեղափոխումն իրականացնելու համար:
Սուբվենցիոն ծրագրերի իրականացումը՝ համայնքների արագ տեմպերով զարգացման երաշխիք 08.04.2022
Մարտունի համայնքի Արծվանիստ գյուղում ընթացքի մեջ են գտնվում 2021 թվականից մեկնարկած մանկապարտեզի հիմնանորոգման և նոր աղբյուրակապի կառուցման ծրագրերը, որոնց իրականացման համար ներդրվել է 37 միլիոն 717 հազար դրամ, որի 23 միլիոն 134 հազար 840 դրամը կազմում է ՀՀ կառավարության, 14 միլիոն 582 հազար 160 դրամը՝ Արծվանիստի համայնքապետարանի ներդրումը։ Իրականացվող աշխատանքների արդյունքում մանկապարտեզում կավարտվեն շենքի առաջին հարկի ներքին հարդարման, նոր դռների և պատուհանների տեղադրման, հատակի, սանհանգույցների, էներգամատակարարման համակարգի նորոգման աշխատանքները, իսկ նոր աղբյուրակապի կառուցման ծրագրի իրականացմամբ Արծվանիստի տնտեսություններին մատակարարվող ջրի քանակությունը կավելանա շուրջ 13 լիտր վայրկյան հզորությամբ, կբարեկլավի գյուղի ընդհանուր ջրամատակարումը։ Մարտի 30-ի դրությամբ այստեղ արդեն իրականացվել են աշխատանքների շուրջ 90 տոկոսը:
Գեղարքունիքի մարզի խորհրդի առաջին նիստում քննարկվեցին հրատապ ու առաջնահերթ նշանակության հարցեր 08.04.2022
Ապրիլի 8-ին Գեղարքունիքի մարզպետարանում կայացավ մարզի խորհրդի այս տարվա առաջին նիստը, որը վարեց Գեղարքունիքի մարզի խորհրդի նախագահ, մարզպետ Կարեն Սարգսյանը։ Նիստին հրավիրված էին ՀՀ ԱԻՆ փրկարար ծառայության Գեղարքունիքի մարզի փրկարարական վարչության պետը, «Գեղարքունիք» ՋՕԸ տնօրենը, մարզի համայնքների վարչական ղեկավարները։ «Գեղարքունիքի մարզի համայնքներում 2022 թվականի գարնան գյուղատնտեսական աշխատանքների նախապատրաստման մասին» հարցի շուրջ զեկուցեց գյուղատնտեսության և բնապահպանության վարչության պետ Մարտին Պետրոսյանը: Ըստ բանախոսի՝ մարզում հաջողվել է ապահովել ցանքի համար անհրաժեշտ սերմացուների պահանջարկը՝ օգտագործելով Հայաստանում սերմարտադրությամբ զբաղվող ընկերությունների հետ համագործակցության հնարավորությունները։ Մարզի համայնքներում արդեն գույքագվել է պետության կողմից սուբսիդավորված պարարտանյութերի հատկացման պահանջարկը։ «Ըստ համայնքներից ստացված հայտերի՝ մարզի տնտեսություններում գարնանացան աշխատանքներ իրականացնելու համար ներկայացվել է 4049․․․
Կանանց տոնի միամսյակին նվիրված հերթական միջոցառումը` Գավառի թատրոնում 07.04.2022
Գեղարքունիքի մարզպետ Կարեն Սարգսյանի նախաձեռնությամբ Կանանց տոնի միամսյակին նվիրված ցերեկույթների շարքը եզրափակվեց ապրիլի 6-ին` Գավառի Լևոն Քալանթարի անվան դրամատիկական թատրոնում կայացած հանդիպմամբ: Տոնական միջոցառմանը հրավիրված էին Գեղարքունիքի մարզային ենթակայության կրթամշակութային և առողջապահական հաստատությունների, Գավառի պետական համալսարանի, Գեղարքունիքի մարզպետարանի, մարզի համայնքապետարանների և նրանց ենթակայությամբ գործող հիմնարկների, մարզի ուժային կառույցների, Գեղարքունիքի ՋՕԸ կին աշխատակիցներ: Կանանց տոնի առթիվ ներկաներին ողջունեց և շնորհավորեց Գեղարքունիքի մարզպետ Կարեն Սարգսյանը: «Սիրելի կանայք, ջերմ զգացումներով շնորհավորում եմ ձեզ ապրիլի 7-ի՝ Մայրության և գեղեցկության տոնի կապակցությամբ։ Մեր ազգային նկարագիրը ձևավորող անկյունաքարերից մեկը եղել և միշտ կլինի հայ ընտանիքներում մոր հանդեպ տածած անսահման սերն ու նվիրվածությունը։ Հայ կինն իր առաքինի իմաստությամբ մշտապես անգնահատելի դեր է ունեցել ընտանիքում և․․․
12-ամյա Կարինա Սահակյանը «Սլավյանսկի բազար-2022» միջազգային փառատոնին կներկայացնի Հայաստանը 07.04.2022
ՀՀ կրթության, գիտության, մշակույթի և սպորտի նախարարության Երևանի Շառլ Ազնավուրի անվան մշակույթի և արվեսի պետական քոլեջի նախաձեռնությամբ մարտի 24-ին Երևանի՝ «Առնո Բաբաջանյան» համերգասրահում կայացավ «Սլավյանսկի բազար-2022» մանկական և երիտասարդ կատարողների ամենամյա երաժշտական մրցույթի Հայաստանյան ազգային նախընտրական եզրափակիչ փուլը, որին մասնակցեց նաև Գավառ համայնքի Կարմիրգյուղ բնակավայրի թիվ 1 միջնակարգ դպրոցի 7-րդ դասարանի աշակերտուհի, Գավառի արվեստի դպրոցի վոկալ բաժնի 2-րդ դասարանի սան Կարինա Սահակյանը։ Լավագույն կատարման համար Կարինան հաղթող ճանաչվեց և խրախուսվեց Երևանի Շառլ Ազնավուրի անվան մշակույթի և արվեստի պետական քոլեջի հավաստագրերով։ Երաժշտական փառատոնի ժյուրիի երաշխավորմամբ՝ փոքրերի խմբում Հայաստանը կներկայացնի 12-ամյա Կարինա Սահակյանը, ով 2022 թվականի հուլիսի 13-18-ը կմասնակցի Բելառուսի Հանրապետության Վիտեբսկ քաղաքում կայանալիք․․․
ՀՀ կառավարությունը 219 միլիոն դրամ հատկացրեց Գեղարքունիքի մարզի 18 սուբվենցիոն ծրագրերի համար 07.04.2022
Գեղարքունիքի մարզի համայնքներից ստացված տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրերի արդյունավետ իրականացման ապահովման անհրաժեշտությամբ պայմանավորված, 2022 թվականի ապրիլի 7-ի հերթական նիստում որոշում կայացվեց 2022 թվականի բյուջեից Գեղարքունիքի մարզպետարանին հատկացնել 219 միլիոն դրամ՝ 18 ծրագրեր իրականացրած շինարարական կազմակերպությունների նկատմամբ ֆինանսական պարտավորությունները կատարելու համար: Այդ ծրագրերն են․ Ներքին Գետաշեն համայնքի ներհամայնքային փողոցների ասֆալտապատում, Ծովակ համայնքի 1-ին փողոցի ասֆալտապատում, Սարուխան համայնքի Ա. Իսահակյան, Ս. Թեհլերյան փողոցների և Գ. Դարբինյան փակուղու ասֆալտապատում, Ճամբարակ համայնքի Բաբաջանյան փողոցի և Թթուջուր բնակավայրի ջրահեռացման աշխատանքներ, Սևան համայնքի թվով 7 բակային տարածքների ճանապարհների հիմնանորոգում, Մարտունի համայնքի 1-ին, 2-րդ, 3-րդ մանկապարտեզների տանիքներին ֆոտովոլտային կայանի տեղադրում, Ծովինար համայնքի մանկապարտեզի շենքի վերանորոգում-3-րդ փուլ,․․․
